稻香 (青衣城1)

營業中

休息中

剛從深圳轉車返港至青衣城，見有時間就走去稻香飲茶，好彩避開午飯及早茶時間唔洗等位，約11:40！一坐低就狂點點心，要了個點心拼盤，廿蚊唔洗就可以試到六件點心，個蒸籠沙煲咁大個，六件點心就細件兼普通。田園鮮蝦腸，賣相唔錯，腸粉夠滑，夾有翠肉瓜及南瓜，可惜上枱即食都只係微暖…。沙薑雞腳，好細隻，有好香嘅沙薑味，食咗—啖就無食，因為淡而無味，其中更有兩隻連腳甲都未剪，倒胃！！蒸釀節瓜甫，算係最熱嘅，味道最淸，略淡！叫部長冲茶，重惨過爭佢錢未還，面黑黑的！成餐茶就影响整日嘅心情，差！

依度飲茶都唔平,飲下午茶抵d~~^__^不過d點心都好正~!至愛蝦餃皇~~皮薄蝦新鮮大粒好好味~好正~!環境乾淨~ 一隻船仔似的商場內露天酒樓好設計~是飲茶的好選擇!

青衣城內本有數間酒樓，適逢聯邦有喜宴包咗場，東海裝修，稻香變成獨市酒樓。人多了，等位的時間亦相應提昇，等了大半個鐘才有位。店內人手亦唔多夠，服務比較慢。冬瓜盅：不是原個冬瓜製作，只是湯盅內有一環冬瓜。配料頗少，幸好湯水味道尚算清甜。貴妃雞：$1雞，點計都抵食。雞肉雖未算很滑，但仍能吃出雞的味道，OKOK。黑椒葱爆牛柳條：醬汁無想像中般香口惹味。和貴妃雞相反，牛柳條滑得來無乜牛肉鮮味。花膠雜菜煲：花膠很奀瘦，是預期中的下價貨式。雜菜煲出品燙嘴熱辣，雜菜選材合付預期。芝麻糊：煲得幾香幾滑，濃淡甜度適中，不俗。用餐途中，有一大蒼蠅飛過，衛生項目需扣分！

近日好懶...無做食評.的食評封塵啦!!上OR就係睇我放左頂的祝福語,得來不易,我對人好.對方係有回應,只係當年我無領情...而新年第一個食評...祝大家新年快樂!!記得珍惜對自己好的人...如果有朋友毫無目的.要感恩..我記得..食呢一餐之前..係去圓方睇戲.完場後坐車出青衣.由於聖誕....1個半小時交枱....其實稻香旗下的食店很多,我個人覺得最有水準都係叫返稻香的食店...哈哈!!服務生比較主動.足夠人手.食物水準都高....而且叫稻香每間水準分別不大....嚮螺燉雞湯加鵝掌花膠時蔬:168元......嚮螺燉雞湯:限量供應.叫呢個湯有原因,我大個女好多事都考慮清楚先做的...我覺得呢個湯屋企做唔到.要時間去煲..煲出來..好清....清到見底.而材料除左肉.有點硬..我咬唔到....雞煲到骨肉分離.仍保持住嫩滑..甜的肉味...而湯有回甘的味道..係我全晚最滿意的菜....鵝掌花膠時蔬:係最後出場..全靠紹菜同個汁先帶出味道...老實講.花膠有益.不過唔係我杯茶.....店員推介的椒監瀨尿蝦....48元一隻........放上手隻瀨尿蝦勁大隻...有時食呢個菜..調味..的

媽咪話30/9 食飯, 我晨早27/9就訂好9月30號7點半5位了~都預左去到要等一陣~媽咪準時7點半到,我未到, 知客同媽媽講話有人黎左啦, 就帶我媽咪去張檯, 點知見到d人一個都唔識既~ 原來酒樓方面竟然"唔小心"將我張檯俾左其他人~ 之後酒樓冇優處理我張檯, 寫左張"王小姐5位"既紙叫我媽咪o係出面等位. 我一黎到聽到就去問做乜我訂左位你將張檯俾左人, 仲要我o係度等位, 佢先話下張檯俾我, 再o係自己將紙寫低"黃小姐5位". 結果過左半個鐘有位, 佢叫黃小姐5位, 我就將我張紙俾佢啦, 佢睇一眼就話唔係你, 之後將張紙塞返落我隻手. 我咪火起即刻鬧佢, 指住佢寫既"黃小姐5位" 話, 你而家叫既咪呢個囉, 呢個咪係我囉, 之後丟返張紙俾佢. 你頭先話架嘛~佢先係咁道歉, 話攪錯左. 入到去同經理講, 經理一味只答係係係同陪笑. 呢d咁既態度令我好懷疑我係咪應該再來. 至少, 短期內我唔會幫襯.講返野食, 食左以下既野1) 准山燉雞湯 - 好飲~有鮮味同冇味精.(2) 貴妃雞半隻 - so-so, 雞有d "鞋"(3) 翠瓜炒鴛鴦蚌 - 普通家常小菜(4) 柚子蜜肉排 - 柚子蜜

假日四處也要等位.. 這裡搭臺的話便可以節省了不少等候的時間!環境是好的.. 像在船上進餐.. 人是多的.. 皆因這區沒有太多的大型鏈鎖酒樓.. 食物方便算是不錯.. 但水準每次不一!蝦腸內的蝦細小.. 還吃不到有韭黃.. 怎稱它為韭黃鮮蝦腸粉?蝦餃比較像樣.. 皮薄餡靚.. 牛肉球和粉果也不錯.. 兩款不同的燒賣不是太好.. 口感比較(林)而有肥豬肉..煎蘿蔔糕差.. 沒有蘿蔔味之餘麵粉太多..春卷香脆.. 兩種不同煮法的鳳爪亦很入味!整體來說是一般.. 如果點心可以熱一點便更好了!

用埋張$50 coupon先~京都骨其實同咕嚕肉一樣, 不過d排骨冇左層脆漿, 冇炸過, 個人覺得健康d,排骨冇咁肥同大舊d, 但配料只有洋蔥同菠蘿, 冇左青紅椒, anyway個汁酸酸咪咪好開胃啫啫通菜煲用煲上, 上菜時炸炸聱, d通菜好大條, 比較老, d味道亦咸左d, 但份量好大碟清蒸多寶魚 佢扁撻撻但算幾多肉, 蒸既時間掌握得好所以好滑我唔係咁鍾意d staff 成日promote d貴野比食客…….eg 大斑兩味, 清蒸鮑魚仔

與親朋好友進餐最重要吃的開心 吃的健康就算美食當前服務質素差或態度惡劣嚐到的往往都是一肚子氣更別提食物都沒有熟的餐廳衛生給1分都嫌高青衣城的稻香平日都已經是座無虛席到了節假日更是人山人海沒有等上一個鐘連進場點菜的機會都沒有但是這樣的癡癡等待餐廳的廚師們有給饕客應有的尊重嗎?今天晚上得到的答案應該是否定的而負責外場的人員呢?給10%的服務費可以說是掏錢買罪受今晚的五道菜其中穗香雞下單後一個鐘還沒上菜幾次回覆都都說還在烹煮好不容易等到上桌卻發現半隻雞裡煮熟的可能不到一塊該是白皙的雞肉卻透明依舊趕緊喚阿姐過來看煮了一個鐘還沒有熟的雞長的甚麼樣子但阿姐就一句"給你熱過"連聲"SORRY"都吝於說更別提想表達我們想退菜心意同時派菜的另一桌顯然也有同樣問題眼看著兩道菜送入廚房幾分鐘後重新端出上到餐桌這會應該熟了吧沒想到 還是沒熟!不知道今日廚師是臨時冒充的還是稻香嫌客人太多集團認為讓客人吃太好吃不出病是罪過?只好認賠買單拿給櫃檯一看也是敷衍一句"再給你熱過?"真的是連句道歉都懶得說然後轉頭就忙著應付別的服務人員當然 我也知道這樣大的集團 一蚊雞的始祖會因為一篇文章而提高對於食物烹調標準的機會是微乎

今年提早食團年飯，伯娘請去稻香食。佢叫了皇席宴，十二人份。環境好迫，枱貼枱。1. 燒味拼盤都係例牌嗰d野啦。海蜇、叉燒、油雞、乳豬。不過不失啦。2. 碧綠炒雙蚌份量足，大大碟。脆肉瓜炒珊蝴蚌同貴妃蚌。脆肉瓜爽口，珊蝴蚌爽口，貴妃蚌都唔錯，唔會韌。3. 沙拉淡水龍蝦球幾新穎嘅煮法。將龍蝦肉拆出黎，無需剝榖，方便易食。啖啖肉，肉質爽口彈牙。沙拉醬包住每粒龍蝦。如果鍾意食沙律醬嘅人就會鍾意食。4. 杏香花枝丸花枝丸不是太彈牙。外層用杏仁片包住，再去炸。炸得比較乾身，外層有點韌。5. 紅燒雞絲翅呢個真係杰到好似bb糊仔咁！生粉下得太多，以致質地大杰。料又不多，有d肉絲同碎翅。但杰度實在令人吃驚。6. 清蒸大海斑火候掌握得宜，海斑剛熟。肉質仍保持嫩滑，多肉，味鮮。7. 海參扣厚菇：我無試8. 脆皮雞雞肉嫩滑，皮很脆。但隻雞size細咗少少，如果大d就更加好。9. 糯米飯炒得好乾身。米飯粒粒分明，但d飯仲好硬。炒得幾香口，臘味份量適中，亦不會太肥膩。10. 壽包大大個，麵粉很白。餡料很多，一摵開，即見大量蓮蓉。蓮蓉雖多，但味道都不會太甜。整體味道不錯，菜式帶點創意。唯環境太逼。

屋企人同我預早慶祝生日, 所以就近近地揀屋企附近既稻香$580 半席既皇帝宴, 免茶芥, 免加一, 確實幾抵, 五人食六人宴都幾飽下乳豬大拼盤, 乳豬件極少, 油雞叉燒數件, 大量海蜇, 味道一般醬皇炒螺片珊瑚, xo 醬辣椒炒, 幾惹味下, 有幾舊因為多醬, 辣得幾過癮酥炸野菌蝦丸, 醬爆炸蝦丸, 味道一般玉環瑤柱甫, 節瓜元貝, 味道一般紅燒龍皇翅, 蟹/蝦肉翅, 味道唔錯, 分到八碗鮑魚菇扒翡翠, 玩食字, 味道一般清蒸大海斑, 極大條, 不過魚都係一斤左右好食, 有 d "鞋", 中間唔夠熟, 麻麻稻香沙薑雞, 嫩滑, 略帶少少咸味, 幾肥下, 味道幾好臘味糯米炒飯, 屋企人話味道 ok, 不過有 d 炒到一舊舊滋味蟠桃, 屋企人話幾好生果拼盤, 雖然都係糖水西瓜, 不過起沙, 幾好一支啤酒改做一 jar 菜蜜, 有 d 似竹庶水四枝汽水如果你入到去係唔會發現呢個宴, 你問佢拎 / 上網先見到不過都唔係第一次知道, 好野平野通常收埋

星期日(6 Dec)是我女友的媽媽生日，是第一次呀。諗住一早到稻香食晚飯，可以慢慢食。仲買咗個Breadtalk蛋糕。於是6:15pm攞飛，當時只要等9張枱就可以有得入去，點知reception一味叫火煱入去，一等就等咗個半鐘頭。7:45pm先有位。入到去就叫咗個龍蝦高湯伊麵併燒味、乳鴿2隻(賣哂)、羊腩煱、竹笙扒豆腐、粟米班腩。個龍蝦高湯伊麵真係好唔掂一啲新鮮味都無，只有雪藏味。至於羊腩煱，個煱就夠哂大，但啲料只有一層，又唔足料，又唔入味。竹笙扒豆腐、粟米班腩都係一樣，只有雪藏味。唔通稻香只可以去食火煱???最後，吩咐仕應攞個蛋糕去來，搵咗十幾分鐘先搵到。叫佢俾個火機，又搵咗十幾分鐘都搵唔到，我哋火都嚟埋。以後食小菜晚飯都唔會來稻香

稻香---菠蘿叉燒包+菜苗蝦春卷+鮑翅灌湯餃+時蔬牛肉球日期：2009-10-06 在"稻香"(青衣城分店)買了八款點心，分別是菠蘿叉燒包、菜苗蝦春卷、鮑翅灌湯餃、時蔬牛肉球、原蝦燒賣皇、陳皮牛肉腸、北菇棉花雞和流沙奶皇包(共$102.4)，這篇介紹頭四款。 1.菠蘿叉燒包---其實是叉燒餡的菠蘿包。麵包外脆內鬆軟，菠蘿脆皮香甜，碎叉燒餡份量較少，醬汁味道濃郁，鹹甜味適中。2.菜苗蝦春卷---炸春卷內餡是蝦仁和菠菜。春卷皮厚薄適中，十分香脆。餡料份量足夠，蝦仁爽口，菠菜味偏淡，鹹味適中。3.鮑翅灌湯餃---這灌湯餃不是依正宗製法來製作。餃內餡料有雞肉、鮑魚片、魚翅、帶子、竹笙和草菇。雞湯味道濃郁，不過鹹味太重。鮑魚片煙韌彈牙，鮑魚味淡。竹笙爽口，帶子軟腍鮮甜。4.時蔬牛肉球---牛肉球軟腍嫩滑，肉味香濃，醬油味適中。蘸上少許附設的Worcestershire Sauce(喼汁)，酸香惹味。

稻香---原蝦燒賣皇+陳皮牛肉腸+北菇棉花雞+流沙奶皇包日期：2009-10-06 在"稻香"(青衣城分店)買了八款點心，分別是菠蘿叉燒包、菜苗蝦春卷、鮑翅灌湯餃、時蔬牛肉球、原蝦燒賣皇、陳皮牛肉腸、北菇棉花雞和流沙奶皇包(共$102.4)，這篇介紹尾四款。 1.原蝦燒賣皇---燒賣皮包著蝦肉粒、豬肉和冬菇，頂部有一隻蝦仁和少許假蟹籽。蝦肉爽口鮮味，豬肉肥瘦比例剛好，調味不錯，鹹味適中。2.陳皮牛肉腸---腸粉厚薄適中，口感滑溜。內餡是陳皮牛肉和黃豆，牛肉份量不多，陳皮味淡，鹹味適中，沾上豉油後鹹味剛好。3.北菇棉花雞---內有雞肉、魚肚和冬菇。雞肉軟腍，魚肚綿滑，冬菇厚身。整體調味不錯，鹹味適中。4.流沙奶皇包---包身鬆軟，奶皇餡份量足夠，可惜流沙度不足。蛋奶味及牛油味濃郁，帶點椰香，甜度剛好。

今日早上上完堂，真係唔知去邊度食好啦。我地一行十人就去左呢度飲茶，因為好以吹下水之餘，又可以食到好飽。呢個真係重點，而且十個人仲有七折。由放太多野食，所以只係講印象深既點心啦。燒雞米線有一窩米線同半隻燒雞，食得出係有雪味既。不過隻雞算幾大隻，米線份量又幾多，可以啦。燒賣都幾足料既，蝦好新鮮，又幾好味。牛肉球呢個都幾好，好有牛肉味，又夠大粒。仲想點呀。奶皇包依舊好食既，好香滑同好重奶皇味。十年如一日。楊枝甘露好唔得，感覺係稀如水，下次都係唔好叫。記得既都係咁多。都算唔錯既，十個人除開都係三十幾蚊，真係好抵。

八個人, 同朋友食生日飯, 問佢有冇特價菜, 佢話套餐特價, 我地叫左個六至八人餐, 第一碟送放低個份量超少, 頂多係四至六人餐既份量, 真係骨碟都載得起!! 一見到咁少我地即刻要加送加飯, 叫左白飯又唔來, 等到d送食晒(一人得一件), 再追先黎返d白飯, 真係一肚火.份量之後講下服務, 叫無人應, 應左又唔做, 碟野已經細碟架喇, 都未食清又問收唔收得, 趕客下話, 我地都無嗌走就收筷子話上生果, 我頂丫我地個餐仲有壽包, 唔記得追佢就無得食架喇.好喇埋單, 八人餐加兩份扇貝5個白飯, 位位$125, 份量唔夠, 味唔好食, 賣相唔靚, 服務唔好!!一句講晒, !! 永不再去!!