稻香 (青衣城1)

營業中

休息中

昨夜同爸媽，細佬，還有我們一家食飯。由於近外家，媽媽鍾愛稻香，我們又去飯堂食飯。可能是平日夜晚關係，人流不算多，各方面都有改進。先講食物方面，$198 半隻雞加羊腩煲，幾抵！切雞和羊腩算新鮮，味道不錯。惟羊腩炆不夠耐，很韌！最好味是 BB豬，沒有肥肉，很脆，加上配料醬汁，青瓜包皮，很想 Encore！另一驚喜是海鮮什菜煲，用料足，鮮味，味精不多。服務又是另一亮點，服務我們的侍應很殷勤，笑容可掬，還送我們糖水！這一餐性價比很高，是我意料之外！

今日除左係3.8婦女節外,亦係我同老公拍拖👫16週年。  咁岩我放假，所以等埋老公放工係屋企附近青衣城食飯。原本訂左一間餐廳鋸扒🍽🥩🍷🍸慶祝🎊🎉。不過去到聞到附近稻香酒樓醉雞香味，再加上天氣突然咁凍，所以決定去食醉雞鍋🐔🍲😆。 雖然唔係任食，但係都叫咗好多我想食嘅火鍋配料，好滿足的一餐😋😘.

健仔今日放假，揾我同我honey飲吓茶。好，不過新年飲茶，貴好多過噃，健仔話挽廠味油温T,多多包起，乜咁客氣呀，健仔，些些先健仔帶我地嚟喱間青衣城稻香，都巧多人喎，等左一輪，终於有位喇新春期間，d點心係貴左少少。民以食為天，即刻落單。每人先嚟個瑤柱灌湯餃，嘩，巧熱巧多料呀，d料都巧新鮮，巧巧味，攪到我連湯都飲哂。跟住嚟個鷄絲粉皮，麻醬香，粉皮滑，加埋少少青瓜絲，絕對係開胃到極。煎釀四寶嚟啦，紅綠黄啡，賣相真係無得頂，煎得好夠火喉，咬落好有口感，香茜义燒腸，where is the香茜？見唔倒喎，漏左加香茜？不過都幾好食嘅，算喇。山竹牛肉，合格喇。鴛鴦炒飯，又叫做發財有道，好意頭喎。超大碟，三條友，食唔哂，要帶走做燒夜。炒得好有水準，飯軟硬度適中，料多且新鲜，味道適中唔太酸，讚三條友飲茶四舊水，平唔平？唔算平。貴唔貴？對於健仔呢類高薪專業人士，直頭係好cheap添喇，但d食物又真係幾有水準嘅。

今日做完gym同我honey去稻香食番個下午茶。閒日嚟食抵好多，比起星期六、日，真係又多選擇又平。稻香d下午茶配搭經常有d新意，我地都好耐冇嚟食，等我睇吓有乜野食先。下午茶美點百搭，新野嚟喎我honey好鍾意食鲜竹卷，佢揀左蠔皇鲜竹卷搭三色腸粉。我揀左紅燒乳鴿湯米線加埋排骨蒸陳村粉。好快鲜竹卷同三色腸粉嚟喇，鮮竹卷都夠水準嘅，幾好味。至於三色腸粉，我地起初以為係齋腸粉加三種唔同色嘅醬添，但原來唔係，係三條唔同料嘅腸粉，包括蝦腸、牛腸同埋食完唔記得嘅乜腸，我真係foolish。張餐單上嘅三色腸粉係咪寫錯左呢？三式腸粉至啱唔係三色喎。口感唔錯，料都新鲜，幾好食。今次集中評吓個乳鴿米線同埋陳村粉。個米線算彈牙又大碗，調味唔錯。呢半隻屬迷你乳鴿，但皮脆肉香，好食重加幾條豆角，健康d又靚d。十六個八，真係巧巧巧…………………………平呀呢個陳村粉係蒸嘅，所以最後至攞倒嚟。配料有蒜蓉、豆豉同埋葱花，當然重有主角嘅排骨啦。排骨算幾滑而且唔靱，d粉梗唔係乾炒牛河嗰d河粉啦，係粗d同厚d嘅粉，彈牙煙靭有口感，用蒸嘅方法泡制，好味又健康過炒牛河好多，我like兩條noun jack四樣野啱啱好，埋單一百蚊多

平安夜無訂枱食昂貴聖誕大餐，家常便飯一頓更窩心平時亦有到青衣稻香晚膳，小菜打邊爐都不錯。唔知係咪平安夜關係，人流少左二人點左龍躉兩味 （炒蜜糖豆及燜茄子）及燒鵝（例），白飯一個。龍躉球炒蜜糖豆啖啖肉頭腩燜茄子很惹味，不過嫌太油膩燒鵝不太肥，太耐無食所以喇不停口二人晚餐簡單便好。

食過依間稻香嘅火鍋好幾次，每次質素都有保證。今次同屋企人慶祝生日，都係叫醉雞湯底，貪佢包埋碟雞，可以叫少碟。🤣🤣店員介紹咗海鮮拼盤。本身諗住份量都係少少，但黎到發現都好大碟，好足料！仲有碟蔬菜拼盤，最後都食唔晒🙈 一邊食嘢一邊傾計，咁就坐左兩個幾鐘！😁😁

第二餐中秋團圓飯，今次都係親友訂枱，又咁啱都係稻香，不過係第二間分店，諗起前幾日一間分店嘅混亂情況有啲怕怕。不過今次呢間比前幾日好好多，客人無咁多，職員人手亦足夠，態度亦比較好。我哋一行8人加個Bb，職員主動拎bb櫈。食物方面我哋揀嘅係自選套餐，部份份量比較小，味道可以，不過最緊要大家開開心心。燒味拼盤麻麻，叉燒同燒肉肉質唔鬆軟，雞同燒鴨都無咩肉。蒜茸蒸貴妃蚌幾好，新鮮大大隻，蒜茸味唔突出，粉絲份量亦唔少。上湯波士頓龍蝦伊麵有兩隻龍蝦，肉質彈牙，汁亦夠多，唔錯。白灼海中蝦都新鮮㗎，都幾大隻。翡翠鮮鮑魚，吸收咗果皮香味，唔會太細隻又唔韌。勝瓜雪菜浸黃花魚，味道唔難食，但係魚肉真係幾鞋。西蘭花炒元貝，元貝大大粒，西蘭花翠綠，可惜份量較少。食埋壽桃包，完結。

今天中午12:30左右，與老師同學一起訂枱食晏，以為可以快啲。点知好多顧客，服務生也沒什麼心思理我們，讓我們等了一会(其實沒什麼)，但服務生在叫我們自己進去找大枱座時，態度一般般所以服務:3食物不算很特色，也沒什麼特別好吃的。在眾多普通茶楼也見到点心，之中只有炸魷魚鬚、奶黃包、乾炒牛河比较好吃。炸魷魚鬚好在粘的炸粉算多，所以炸完之後只有薄薄的一層，咬的時候很酥脆。奶黃包的外香，內的奶黃也不会过份油膩。乾炒牛河就偏油，但鍋气十足，很香，材料也很足，每人一点点刚刚好填飽肚子，又好吃因此味道：4環境：4除了門口接待處位置堆滿了人店舖內有太少空間走動，連走廊都是擁擠的不過裝修得還是很漂亮的,很有藝術的感覺、實用性也算較高。在我们所坐的位置、所上的菜，是符合卫生条件的，我不觉得有差的地方卫生：5抵食：3綜合上述所說，我相信青衣有更加多好吃的店鋪，不一定要來稻香（尤其是午餐）。

週六去到青衣城睇戲，因為好耐冇飲過茶，所以都試下等位。12點零鐘，等位嘅人都幾多，叫位就以細枱、搭枱為主，最終我地等左半個鐘左右。因為喺門外已經畫定點心紙，入座就即時遞紙，點心唔會話要等好耐。畢竟都係連鎖茶樓，其實點心嘅質素應該都差唔多，不過唔知係肚餓定點，是日嘅點心冇平時嘅稻香咁差，大部分都可以接受。點左珍珠雞，裡面有一大舊肥豬膏，怕太肥膩所以就夾開冇食。燒賣油份較重，不過大蝦都幾爽口。牛肉球4大粒唔貴，奶黃卷鬆軟，曾經都買過佢地嘅現成包、卷番屋企自己蒸，平平地幾好食。蝦餃皮都唔會好厚，蝦肉爽口。腸粉曳啲，一夾就散哂，叉燒質素一般。菠蘿包都合格，酥脆包皮，因為加熱左，食落唔硬。去酒樓唔少得要點幾款炸物，炸魷魚鬚雖然貴少少，但起碼係即炸，都幾脆。鹹水角都係正正常常。第一次飲呢度嘅稻香，又係週六，又坐左房入面，唔係好多呀姐招呼，傳菜姐姐唔收碟收籠，明白，咁總得有個人去做，張枱已經唔係大，放幾個點心，都逼爆。by the way，枱布唔知咩問題，好大布碎粒，我地著黑色衫嘅朋友都瀨哂野，hi到件衫一粒粒白色點。

慶祝家人食生日飯，咁岩踩正母親節正日。之前已經book左位，但都叫左人去拎位先。佢地有位坐住先，之後我地都到。諗住入去，但一入門口就比知客同侍應截住叫我地等位，我地答佢已有人已拎位坐左入去，佢地答唔可以入去，我地就唔明，同佢地理論，佢地點都唔肯比我地入，最後我地冇理佢就入左去坐低。我地真係好唔明，明明有人已拎位都唔比我地入，真係唔知佢地當時諗緊咩！！之後我地獨自叫左食物～D野食都好食同新鮮。食淨左帶埋返屋企再食～幸好家人都尚算滿意，如果唔係真係激死～食物OK，但服務真係好唔掂～

今日係星期日，我們一家六大五小(二至六歲)出街食反。我一早訂左位，但衣然要係門口等一陣，约十零分鐘。星期日新蝦做特價，我叫左三份，大约叫左十八樣菜左右，重點食海鮮。我們叫左龍蝦，鲍魚，蟹，帶子······其實海鲜只要新鲜，一般做法都吾會太難食，我們要既係原味，也沒有要求太多變化。但是去到乳鴿時，咸到發温，但我食果陣，已經去到差吾多最後果塊，發現太遲，我D小朋友食左好多塩落肚里樣最吾好仲有明明無壽包，都同我們講有，最後來到係奶皇包，因我媽媽生日，意頭來嫁，欺騙我感情

糟糕的一餐晚飯男友在青衣城上班, 我們要試完全青衣城的食肆為止. 昨晚在　 稻香吃. 可能近母親節關係, 什麼特價小菜都沒有.點了沙薑雞, 不夠味. 例湯粉葛豬骨湯, 味道不錯, 赤小豆和粉葛味很重亦濃. 最後是蒜茸蕃薯苗, 味道很好, 亦不油, 菜很嫩, 可吃了不久, 發現有一條體毛, 算吧, 沒理會, 可再夾一下…又是另外一條.馬上找侍應….對方馬上把出事的蕃薯苗收走, 並送糖水兩個. 整頓飯變得完全失色及失望.

1. 侍應態度差劣2. 侍應放食物上枱時, 手指插咗落食物上3. 杯碗筷子黐立立唔乾淨食物差劣1. 沙薑雞腳 - 烚得唔夠時間雞腳好硬, 冇沙薑味同細隻2. 點心 - 緊可暖, 唔夠熱3. 鳳爪 - 非常之鹹4. 粉果 - 蒸到爛哂5. 鹹水角 - 漏哂d餡料出嚟, 侍應話係正常6. 糯米雞 - 入面中間係凍架7. 鮮竹卷 - 完全係一pat pat8. 福建炒飯 - 飯應該放左喺雪櫃好多日, 搞到d飯又乾又硬好似生米咁, 雪氣味好重同炒得好燶, 搞到成碟飯都有怪味

因為有親戚由英國回港渡假，2星期前預先訂位，職員前2天致電告知不是即時入座並需要等侯，奈何等候時間比預期長。由於訂位當天曾致電同場的其他酒家已滿座或有婚宴，只好耐心等候。眼見有很多食客都不滿等候時間過長，登記櫃台的職員忙著一邊登記一邊解釋咭機出現問題，由19:15等到20:15入座，迅速點了6個菜，幸好親戚們都覺得食物味道不錯及價錢合理。遇上大時大節，飲食業的一員的確辛苦！半隻燒鵝蒜蓉時蔬咕嚕肉上湯龍蝦伊麵蝦仁炒蛋炒蜆

中秋節小孩不用返學，同家人去飲早茶！一向對此不抱有服務的希望，有人開茶入單就算，但今日入座後就冇人理，冇餐具，冇茶至少五分鐘，自己行去問茶攞餐具，揀好食物入單，個得一個侍應，忙就等吓啦，五分鐘後再望，又同一人一張枱冇離開過，同茶客傾談，咁應該唔忙就示意入單啦，視而不見，門口知客帶枱又唔見，十多分鐘廿分鐘冇人理是否走得或不用茶芥加一之類，要自己去入單?對之間稻香仝人說聲辛苦啦節日要返工！揾人入單到收銀處見到經理先生，才有五六個侍應之後出來工作！辛苦各位了！