稻香 (青衣城1)

營業中

休息中

稻香早茶半價吸引好多茶客已是不爭的事實，因此，呢一日20幾人嘅讚美操兄弟姊姐茶叙亦揀咗呢間，正正常常叫咗蝦餃，燒買，腸粉，粥，飯……突然間一道餸或者係一碟點心吸引了所有人的眼光擺盤似足西式湯品，一問，原來係叫做龍蝦湯鮮竹卷，試落又有D龍蝦味嘅，而鮮竹卷吸收了龍蝦湯，不會太幹，更加好味，記住喇

周日系一家團聚既時刻，例牌活動就系中午飲茶今日一家人去左青衣城稻香，事關呢度等位既時間系零！相比另外兩間酒樓等緊二十張臺，我估呢度必有其過人之處。酒樓必食既排骨尚算新鮮，可惜肥膏油脂多，滯左成個下晝至於櫻花蝦炒蘿蔔糕既鹹蝦鮮味配搭蘿蔔糕就值得一贊其他點心例如鴨腳紮同叉燒包只是一般，整體食物都幾油膩味濃。食物同現今既有營系列背道而馳，難怪佢地無咁受歡迎。雖則唔“營“,不過我個仔就食得津津有味仲食得多過我，似乎小朋友都系鐘意重口味。

奶皇包就common la ,但炸奶皇包就第一次食，外皮炸得微脆。而奶皇餡雖然唔係流心，但都好好味。呢個山竹牛肉球就唔似傳統茶樓得三粒，佢平均細粒啲但有四粒。腐竹吸哂精華好好味，牛肉球啖啖肉，只是個人口味唔鐘意啲綠色嗰啲調味香草。鳳爪好咸，但味道ok ，煮得幾腍幾滑。

今早起身，有D肚餓，諗住朋友介紹稻香有個早茶優惠超級抵吃，於是就來到青衣城稻香。南乳豬手，軟硬適中，口感佳。鮮炸鯪魚球，好彈牙。鹹水角也是一個不錯的選擇，好满足。最重要的是9點買單即可享半價優惠。

有親戚舉行生日飯宴 今次去左青衣稻香酒家 我地訂左幾圍 歡欣全包宴套餐 夜晚舉行 入到去酒樓環境寬敞 有間房頭盤有乳豬 比較多肥肉 同脆皮之後上花姿蘭花蚌 黃金海鮮卷 都正常主菜到了 龍蝦伊麵 龍蝦已預先碎殼 而且肉厚 可惜伊面太少 唔夠分十二人用之後到石斑魚 夠熟夠大條 有魚鮮味鵝拳鮑魚 鮑魚大小適中 一般酒店會用鮑片代替 今次選用全隻鮑魚 之後有紅燒雞翅同足料燉湯 糯米飯最後生日飯 當然有蓮蓉壽包 大小適中 整體ok 價錢份量都足料 包埋酒水 都抵食

落機去青衣城稻香飲下午茶,去到無咩人,叫侍應下單好耐無人理,比完2張單,落完一張後回頭話另一張單今日無,咁比我哋做咩？腸粉上來只微暖,有心都叮返熱比客人啦！糯米卷拼馬拉卷兩樣都唔掂有酸味，叫待應試吓味先,佢哋無試攞走咗，仲話我哋食過,無得取消!!吓！碟食物有問題呀喎！之後那待應攞走再問其他同事,轉頭才話已經取消,仲對我講下次有問題唔好食!!用腦啦！唔食點知有酸呀？服務差,食品差,連上點心的亞姐都大力放點心落枱比客人，呢啲叫咩服務??如果是趕客服務???佢哋全部做得好好!!不想受氣又唔好食,永不再來的一間酒樓!

媽媽生日，想簡簡單單食餐海鮮！要推介就係佢個{{超值海鮮剔剔套餐}}$1188 for 6位！有好多款海鮮選擇，龍蝦都有得揀！{{上湯龍蝦伊麵}}好入味， 龍蝦炸過再燴伊麵，好索汁！龍蝦肉質彈牙，推介！{{清蒸海老虎班}}條魚估唔到都大條，啖啖肉，而且蒸得好滑，推介！{{蒜茸蒸大聖子}}好爽唔un， 蒜茸粉絲蒸海鮮係最夾既！一定好食，而且真正大聖子，有成隻手掌咁長！{{古法炆羊腩煲}}另一推介，熱辣辣有個爐滾住上，羊腩好淋好入味，啖啖肉，枝竹豆腐索哂d汁，冬天必食！

今晚約朋友在青衣城晚飯，我早到負責揾餐廳。我先落左去地下層已有四間餐廳可選，左望右望最後都係決定稻香，入座前問帶位姐姐，今晚有咩優惠，她一指那poster, 我只看見一款名為"魚湯浸石班", 另有有乳豬，栗子雞煲… 全部都很吸引😍其中一位都到，我地就先叫碟口水雞食住先。口水雞本身熱，配麻辣汁加上面頭花生碎好味乳豬夠脆，配薄皮加三絲，仲有四色醬，有驚喜栗子雞煲，份量足，味道好豆苗炒得不錯，好味道，份量足呢個魚湯浸石班$68，可以說是超值除左個侍應態度差啲之外，簡直無械可擊

鍾意飲茶嘅我係唔會錯過周圍去試酒樓嘅機會，今次經過青衣城，原本諗住試商場內另一間酒樓，但無奈實在等太多人，本身好肚餓，所以就揀咗無乜人排隊嘅稻香。每次喺青衣城行街，都會俯瞰一下稻香嘅環境。呢間稻香位於青衣城地下，無天花遮蓋，環境算大，以船身設計，好似置身於船內。入到去好快就有位，由於飲早茶嘅關係，所以要搭枱。原來坐入黎之後，環境都算逼夾，我仲要坐喺放污糟碟車旁，而枱布亦有污跡，有點不太衞生嘅感覺🙈🔹鬆軟叉燒包包質軟熟，熱辣辣奉上，略嫌叉燒餡料唔夠多。🔹潮州粉果一籠三件，特別在於佢加咗芫茜，唔食芫茜嘅男朋友一啖就食到出黎😂 味道我覺得一般。🔹鳳爪排骨飯醬汁濃味適中，肉質嫩滑不錯。🔹煉奶炸饅頭外表金黃色，望落幾吸引，本身滿心期待，但失望了。因為炸饅頭唔香脆😭唔脆嘅炸饅頭再蘸煉奶就無咗個精髓！🔹水東芥菜略嫌太硬，宜煮耐多少少會好啲。🔹香煎蘿蔔糕呢個都有失望，成件糕好粉，得幾粒臘味，不太好食。$179 兩位📍稻香 青衣青敬路33號青衣城地下G04號舖．．環境分數：6/10食物分數：6/10Encore分數：5/10

稻香都算由細食到大, 集團式經營質素起碼都有保証, 青衣城依間係商場最底層以船身設計, 位置方便不難找到一家人點了好幾個小菜, 都是家常便菜.. (大部分菜都感到微鹹, 廚師調味有點重)先來個玉米羹, 這算是清一點, 不錯喔鮮果京都骨略嫌炸得不夠脆有點粉醬, 味道可以菜炒得新鮮, 用料十足 👍🏻最期待的蛋白炒飯, 炒得粒粒乾身, 好快清哂甜品有杏仁糊, 紅豆沙同芝麻糊三款但都偏甜, 老人家飲一啖覺太甜不想飲了, 整體而言坐得舒服又有服務, 一家大細家常便飯都係好選擇

今日兒子一歲生日就一家人出來吃吃飯慶祝一下沒有預先訂菜就只訂了一張台齊人之後 很快就上菜首先一大盤燒鵝 真的好誇張 好好味然後還有大大隻的長腳蟹非常新鮮 而且每隻腳都是飽滿芒果牛肉粒好好味 好軟 好MATCH生炒骨 排骨好多肉蛋白炒飯 粒粒好均勻西芹炒蝦仁 好大粒兒子自己一個人吃了2個條斑魚真係好甜好多肉而且蒸得時間啱啱好十分完美最尾還有糖水送有黑芝麻 紅豆沙 杏仁糊紅豆沙好好味 裡面加了陳皮吃下去 簡直很補身總體黎講 青衣稻香環境乾淨坐得舒服 一點也不嘈

星期日1點多見唔使點等位，唸住入去，入到檯等左好耐都沒有人來開位，叫左好耐才有人來，要壽眉，等要好耐，櫻花蝦薄餐，沒有蝦，價錢照收，投訴沒有理，士應個個賴賴理。一間不知所謂酒樓，唔怪得Lunch 唔爆。

放假陪屋企人飲茶，等位混亂，帶位職員也應該管理一下吧，叫號亂，帶位也亂，場面人多叫人心煩！好不容易有位坐低，等極冇人上茶，侍應態度麻麻地。我地點左酥皮叉燒包，賣相尚好，都夠新鮮。但一撕開一半就見到入面嘅叉燒餡份量極之少。糯米卷，同超市買返來自家蒸，冇任何分別。蒸得不夠透，硬左d。潮洲粉粿，都系普通質素，無咩特別，不過還好陷飽滿，花生米新鮮。蜜汁叉燒腸，皮晤夠滑，整體來講ok。叉燒不夠熱，如果再蒸耐d會好少少。

一年一度一蚊鷄又番嚟喇，約埋兩個老友去試吓先。坐低至知今年d一蚊鷄唔同以前嗰d喎。兩樣野唔同，第一就係白切鷄變燒鷄，第二以前係無限任叫，今年係每兩人一隻。我地三人行就唔抵囉，都係只可以叫一隻，隻半就公平d囉好，睇埋d菜單就落order囉。個湯好快就到，熱度夠，料都足嘅，係咪好特別，咁又唔係喎，俾70分喇。嘩主角嚟喇，一個籃加一隻燒鷄加幾塊蝦片，俾埋膠手套同較剪你自己剪。我honey一擰上手準備剪，大叫隻鷄巧熱呀。睇吓我honey剪得隻鷄幾pro，擺鷄都有板有眼。味道又點呢，即刻試吓先。三個人一齊試吓味，齊齊都話隻鷄巧。味道好，肉嫩滑，夠熱，好食過以前d白切鷄好多。跟住試吓個海味什菜煲先。份量足，料夠，調味好，我like。再試埋個蝦醬通菜鮮鱿先。蝦醬咸香，通菜幼嫩無渣，鲜鱿入味有口感，俾個讚你Last食甜品，先試吓個杏仁茶，杏仁味都足嘅，甜味適中，ok嘅。再試埋個芝麻糊，熱度夠，芝麻味濃，甜度恰到好處，唔錯。整體水準唔錯，食得過，我推薦

復活節長假期，到處都咁多人，搵食都唔例外！六點去到青衣城稻香拎定位，為左唔洗等咁耐...叫左個套餐 包五罐飲品 比較驚喜係其中有一罐係somersby apple cider👍🏻上湯焗龍蝦伊面——2隻龍蝦仔好新鮮 伊面都幾多 唔錯燒味拼盤 有燒鴨，油雞，叉燒，燒肉 味道普通 所以相都無影到羊仔腩煲——羊肉比較韌 唔淋 有改善空間海蔘魚香茄子——都幾多海蔘 而且煮得岩岩好 好爽口 茄子又好入味 正蒜蓉粉絲蒸蟶子皇——有5隻大蟶子 但係...粉絲蒸過龍好乾身 主角隻蟶子有好多沙 食落口十十聲 極失望最後仲有壽包但係已經太飽 食唔落 打包返去做宵夜埋單$800再加一 d餸係幾大碟幾抵食 希望下次個蟶子做得好d ！