科記咖啡餐室

餐廳有最低消費，大家留意返，係每個人最低$45。而唔係每人平均消費$45。想share 食嘢/食量細既朋友要小心！我哋一行兩人嗌$9x。一個餐（$6x）再加一個麵（$3x），店員話唔得，一係點多一杯野飲，一係將套餐杯嘢飲拆開散叫。因為當時身體不適，不是價錢問題，只是不想飲/食太多，最後無食到就走左。真係賺錢賺到盡🤷🏻‍♀️ 今時今日仲要咁樣做生意……..呢篇係我第一次寫既食評，估唔到就係一個差評。…查看更多

慕名而來，隱蔽小店，工作日中午去到要排隊，但都好快排到。豬扒味道其實還不錯，但可能因為配搭了時菜，成份飯好濕，也掩蓋了煎豬扒同煎蛋的香味。可能叫洋蔥豬扒飯會好些。…查看更多

以前真係做得幾好，豬扒醃得好入味，甜甜地，仲有些少燒酒味。而且煎得好香，又唔會太乾，仲係食到有肉汁嘅。最近兩三次去食，真係越嚟越差，本來以為偶然水準下降，堅持幫襯多兩三次，不過我估唔會再有下次。價錢雖偏高，但係我接受，不過而家，真係頂唔順。豬扒越嚟越冇味道，屋村或者中學附近嘅快餐店都好過佢，豬扒冇哩味道，而且好似冇煎過咁，唔似得以前咁香口 。今次同朋友去食，一個豬扒飯加蛋，另一個番茄豬扒飯。豬扒飯加蛋，我夠膽講，以前隻雞蛋真係好好食，撈飯一流，而家隻蛋都唔係流心嘅，基本上係生嘅。兩個人連埋飲品，170幾蚊，但係食物質素，真係仲衰過屋村茶餐廳。不過食開有感情，仍然期待各位提供新食評，假如將來有改善的話，我仲係會返嚟幫襯嘅…查看更多

呢間招牌係猪扒饭，每塊豬扒都煎得焦香脆嫩😍，散發出陣陣誘人嘅油香，豬扒肉質鮮嫩多汁，每一口都充滿住肉香。仲搭配咗靈魂溏心蛋🥚，蛋液淋上特製嘅醬汁，均勻鋪係豬扒同白飯上面。用匙羹一齊送入口中，蛋液嘅滑溜、醬汁濃郁同埋豬扒香嫩完美融合，真係好食到犯規😭🆘除咗豬扒飯，我哋仲點咗沙爹洋蔥鮮牛肉多士🥪。呢個多士真係好驚喜，一上檯就聞到陣陣沙爹嘅獨特香味，入面嘅牛肉分量爆多，而且啱啱好咬落去充滿肉汁。洋蔥嘅甜味同沙爹醬嘅香辣味為牛肉豐富咗口感。多士嘅外皮烤得脆脆嘅真係香到痹🤤🤤如果係兩個人去食，而且胃口唔係好大嘅話，一份豬扒飯加一份沙爹洋蔥鮮牛肉多士就已經好夠啦，包食到肚圓圓😜…查看更多

當日唔算太多人，諗住試下係咪傳聞中咁好食。買外賣。可能唔係大單得一個豬扒包同埋一杯凍奶茶。足足等左40分鐘😳堂食嘅人入坐食完走得都幾枱都未到我嘅外賣😡問吓又話係咁架要等㗎！個姐姐態度好好，好到我想退返錢去食新波記。終於40分鐘後有喇！好嘢！終於有喇！妖！塊豬扒唔熱嘅暖都唔可以講！油淋淋！味道超級普通！仲話馳名？杯奶茶仲衰過隔離興記嗰杯！想點啊？ 係我唔識食定係過譽呢？可能曾經係好好食。或者⋯應該係我唔識嘢因為日日行過都見到好q多人排隊！ …查看更多

收藏多年的一间上环老店，多次路过都是休息状态，一直没吃上。澳门茶餐厅好吃的猪扒倒是很多，香港名气大的猪扒就这么一家，慕名来尝尝。🪴环境:上环百姓庙附近，马路对面是干净的磅巷公厕。门头简洁大方，店面不大，几张小桌，就餐高峰需要跟人拼桌。店员多是中老年，工作积极。下午两点到店，错峰就餐，不需要等位，直接落座。🍛时菜猪扒饭➕流心蛋：现点现做，等待了一小会儿。净猪扒饭上加菜心，再加流心蛋，非常有锅气。猪扒带骨，厚实有韧劲，肥瘦均沾，香甜入味，汁水丰盈。近骨部位，也没有丝毫肉腥味，口感非常好，吃着也完全不腻。菜心给得非常足，爽脆甘甜。流心蛋的蛋液拌着米饭，配着浓度刚好的豉油。简单美味，纯粹好吃。冻柠茶，茶汤红亮，清新解腻，正常水准。食物是好吃的，价格小贵，只有净猪扒饭配饮料算一个餐，其余餐食点饮品，按饮品原价算，不太划算。一份扒饭加一杯饮品，一人消费近百元，算是香港消费最高的茶记之一了。🛎️服务：只收现金，下单之前有特意询问是否携带现金。店里有位年轻的小姐姐态度最好，几位中老年人服务态度整体还可以。📍香港特别行政区中西区上环荷李活道200号F&G.…查看更多

招牌豬扒飯：成個飯嚟講唔算太多，我哋另外加多左一隻煎蛋，加埋一杯嘢飲$70！豬扒飯的確係幾好食，而且佢嘅豬扒醃得幾好，整體上唔會話好鹹，所以亦都係呢一間餐廳出名豬扒飯嘅其中一個原因，加埋佢秘製嘅豉油汁同埋雞蛋，其實非常好食，餐廳都非常多人，我哋最後排咗15分鐘先入到去，不過有啲驚喜嘅係店員非常客氣，先幫我哋落咗單，可以省卻一啲等候時間！另外叫咗一份沙嗲牛肉洋蔥多士，係餐廳另一個主力嘅招牌菜，佢幫我哋飛咗邊，咬落去嘅時候非常脆。再加埋洋蔥同埋牛肉嘅配搭，其實口感唔錯，不過略嫌價錢有少少貴，$55，冇嘢飲，如果依一份多士嘅價格嚟講都唔算平，勝在味道一流！…查看更多

今日嚟到上環荷李活道食豬扒飯，本身我住附，經常見到大排長龍，有世界各地嘅遊客過嚟食，今日午餐時間見到又係大排長龍🤣所以最後叫咗外賣豬扒飯😝豬扒份量好多，係甜甜地嘅豬扒，肉質唔會嚡，係幾好食嘅，而且佢個飯都落咗一個特製嘅汁，不過略嫌啲飯質地太軟😝 以$62包嘢飲嘅價錢嚟講都算係上環區正常嘅價錢😆如果唔使排隊嚟講就值得一試🤣奶茶個味道都唔錯，飲得出係絲襪奶茶，不過而家呢啲小店越嚟越少，都值得支持一下😎…查看更多

这家店充满恶意和怨气，歧视大陆人，无论你会不会广东话一律歧视，那个阿姨以为我不会广东话，跟其他店员悄悄说我们坏话[汗颜R]然后一碗面40块，份量极少，成本应该是几块钱的公仔面和几片牛肉吧，而且还设有低消，所有的饮品都是粉冲的，上菜速度极慢，我们那一次等了半个小时。可能是我们提前付了钱，他们就笃定我不会离开，就慢慢给我们做。以上就是我的真实经历，我愿意为此付法律责任。因为这是第一家我去吃饭还要被侮辱的店…查看更多

我未試過寫食評，但呢餐既經驗，真係灰到去迫我終於要寫第一篇。。。早餐時段，叫左碗鮮茄牛肉麵，凍奶茶少甜排隊等左陣好快入得凍奶茶少甜，好飲，唔太甜得黎，好夠味$20杯講起個鮮茄牛肉麵加隻煎蛋，就火滾首先等好耐，好喇等到黎喇嘩，普通到唔普通，牛肉切到勁細塊，食完好似無食過咁，蕃茄完全融唔到落湯，飲落根本普通公仔麵味精包開既湯，可能怪自己蠢，齋鮮茄，唔suppose 個湯底係蕃茄蓉咁。咁樣個麵$51，加煎蛋$6得罪講句成碗麵收呢個價根本垃圾好心門口無掛住大大隻字 科記牛肉麵啦諗起成個早餐收77蚊，以為有幾驚艷，出到黎咁既普通野，收得平過佢既好食過佢既牛肉麵大有人在，真心愈諗愈嬲…查看更多

The famous pork chop over rice! It’s good taste, very greasyI think because there are a lot of pork fat juice simmering in the rice! So it’s tasty! 成日行過呢間舖頭，但係成日都排緊隊，今日見冇乜人，所以就試吓，都係叫返最出名嘅金牌豬扒飯。排隊必須要遵從侍應嘅指示！同埋佢會安排邊個位你座！好食豬扒飯，係真係幾好食，豬扒好冧，但係都係偏肥，因為夠多油，D豬油撈飯真係正！雖然係$62一個餐，但係呢同其他嘅好普通茶餐廳比，普通茶餐廳都要$53一個晏晝，咁呢度好食啲，多幾蚊得閒食吓都OK啦！…查看更多

一個午飯，食蝶豬扒炒飯加一個凍檸茶盛惠124蚊！你覺得貴但係我覺得值呢個價錢。就算你去到三星米豬蓮既中菜館都炒唔到呢個水平。點解我咁講？食過你就知！炒出黎個飯火侯剛剛好，每粒飯粒粒分明，夠乾身。裡面既豬扒粒外面焦香，內裡仲有肉汁，蛋仲有一點焦邊。芽菜同洋蔥充當左一個平衡既角色，令到個炒飯口感豐富又不至於太膩。一定每日都炒飯，炒左幾十年先有咁既功力。越簡單既菜越睇到廚師既功力。一百蚊既蝶頭飯，係值回票價既。…查看更多

The pork chop rice is the best here, i heard its bit Macao style. But the sauce is great and chili sauce is even better if added. All the dishes based on the pork chop, like sandwiches, noodles and different styles of rice. The location is bit far away but the best pork chop restaurant in hk.呢度嘅豬扒飯係最好嘅，聽話係有啲澳門風味。不過醬汁好正，如果再加埋辣椒醬就更出色。所有嘅菜式都以豬扒為基礎，例如三文治、麵食同埋唔同款式嘅飯食。呢個地方嘅位置有啲遠，但係係香港最好嘅豬扒餐廳。…查看更多

The Macanese-style pork chub rice is incredibly delicious as well as all dishes with pork chub. The rich sauce is amazing and has a appealing taste. When i add the very spicy chili sauce on top, it becomes the perfect combination. Although the place is a bit far from central or even train station, it's truly a happy place after enjoying a meal there.澳門式豬肉飯碗真的很好吃。豬肉上的濃郁醬汁不油膩，味道深受大家歡迎。如果再加上辣椒醬，就成為絕佳的搭配。儘管這個地方有些遠，但吃完飯後真的是一個令人快樂的地方。…查看更多

今日跟食伴來到中環，他最喜歡這種老香港味道排了10來分鐘店舖細細，都是人，所以沒有拍環境照片現場很多遊客，本地人跟遊客一半一半吧大部分都要搭臺，尤其我們只有2個人有大大小小的告示說他們不是快餐店，所以要等30分鐘以上是常態我們叫了番茄牛肉麵和豬扒麵，全部加了蛋真的等了差不多30分鐘我原本以為食的是情壞，會好難食，但味道還可以肉類處理得很出色，不會化學味蕃茄湯底也有一點番茄味，並不是完全味精湯每臺也有提供辣椒醬，吃得出來是自己製作的，可以一試未必會山長水遠去中環食，但如果再經過或在附近，可以再食…查看更多