福岡漢堡扒

營業中

休息中

🥩福岡漢堡扒 Fukuoka Hambageu🥩韓牛漢堡扒（細） $115 芝士蛋韓牛漢堡扒 （細） $124脆脆紫菜生卵飯+$16漢堡扒的面層被煎至半熟用鏟子切開一部分生肉平鋪在石上可自行加熱至喜歡的熟度桌上有吸氣管 所以燒個陣無咩油煙味不過燒個陣容易被油彈到有胡麻醬椰菜絲做沙律前菜普通嘅麵豉湯 少量泡菜同燒肉汁底層嘅金針菇可以放在石上燒熟漢堡扒肉汁滿滿 配上蛋同芝士一齊食 翻倍好食🤤脆脆紫菜生卵飯珍珠米加紫菜芝麻飯素同日本生雞蛋🌄環境店鋪細 座位少 得3枱2人位 4枱4人位晚市好快就坐滿 需係門口排隊🛎️服務店員會主動幫忙換黐底的碳石服務還不錯👍🏻

嘢食冇問題 中規中矩 漢堡扒幾入味 汁幾好服務員態度就一流喇 勁過澳牛 一入去就西口西面 成枱人對佢唔該前唔該後 但佢都係繼續西口西面 講嘢冇尾音 呀 佢有笑架 佢對住同事對住電話嗰陣咪有反應 本身對住我地講嘢又細聲又晦氣 對住同事就咁有中氣有講有笑已經冇無理要求 落柯打都自己用 QR code落 都可以受你地員工嘅氣你地一定對員工好差喇 唔該審視一下你地對員工係咪好差 所以要對客出氣 要西啲客—————呢一句嘢係為咗夠數字而要打嘅句子

大鄉里未行過V walk, 同另一半去拜訪一下，我地大概兩點左右來到餐廳食個lunch，呢個時間可能無乜人，不用排隊，職員仲非常好，見我地拎住一袋二袋，所以安排四人座位俾我地。芝士蛋韓牛漢堡扒套餐（大）- 來到呢度當然要叫個漢堡扒啦！套餐會有沙律菜、麵豉湯、白飯，職員見到我哋好似唔知從何入手，主動埋黎問我地之前試過未，之後十分詳細同我地講可以點煎漢堡扒，三秒就要反一反，仲提我地圓鐵板十分熱，十分貼心。估唔到漢堡扒肉汁鮮嫩，我哋仲意將芝士煎得微微香口，十分好食，連平時好少食漢堡扒嘅我，都停唔到口😋。東武里牛丼飯（套餐） - 至於牛丼飯就較普通，雖然牛肉份量沒想像的多，幸好肉質尚可，一點也不靭，不過不失。

平時都唔會特登寫食評，但係呢間嘢個服務態度差都算，啲嘢仲要唔好食。我去澳牛嗰啲態度都冇咁差。叫咗個炸雞完全冇味。唔怪得成間商場得呢間嘢有位。第一次食飯全家人都唔滿意。

早兩日去咗呢間新開冇耐嘅“福岡漢堡扒”分店，呢度特別之處係俾塊漢堡扒你自己逐少放上舊熱石度煎，又好玩又可以打卡。我同朋友試咗佢哋嘅二人套餐，份量啱啱好，幾抵食！⭐芝士蛋蒜韓牛漢堡扒漢堡扒比想像中大，面頭加咗啲芝士同炸蒜片，令牛味更加香濃。漢堡扒肉質都好嫩，唔會太乾。配埋蛋一齊食，感覺冇咁油膩⭐墨西哥辣椒韓牛漢堡扒呢個組合幾特別，漢堡扒上面加咗墨西哥辣椒，帶有辣辣地嘅味道，同時又充滿香濃韓牛味，兩者混合起嚟，味道好有層次⭐和牛乒乒乓拌飯呢碗係和牛肉碎拌飯，肉質淋，味道濃，配上一隻太陽蛋、新鮮蔬菜同韓式辣醬，撈埋一齊食好惹味⭐樂天忌廉梳打整體而言，呢度嘅野食幾唔錯，值得我再去，而且餐廳環境舒適，服務都好好，職員會主動幫客人換熱石，值得一讚！

《福岡漢堡扒》來自韓國的自助石燒漢堡扒店主打自助石燒的漢堡扒店當天點了二人套餐set3，分別有兩份芝士蛋蒜韓牛漢堡扒漢堡扒圓碌碌，用小剷子把肉放上熱石，瞬間發出“滋滋聲”，香味撲鼻而黎把漢堡扒煎至微微焦香，配上芝士蛋蒜更美味套餐有一份韓式豬頸肉丼飯，豬頸肉份量好多，肉質爽口彈牙，醬汁微辣，非常惹味另外加錢點了兩杯特飲，清爽又解渴

之前喺尖沙咀食過已經覺得幾好玩又好食🤣原來VWalk開左新嘅分店，對我嚟講仲方便左😎我地點左兩人套餐Set 4 $366 套餐包泡菜、沙律、麵豉湯、菠蘿煙肉和牛漢堡扒(中）、芝士蛋蒜和牛漢堡扒(中）、韓式湯烏冬與燒肉，基本包兩罐罐裝飲品，加$18就可以升級做特飲😋叫左金橘檸檬特飲同百香果特飲！建議一定要加特飲，因為超級大杯勁抵，要兩隻手先拎得穩😂職員預先會教我哋點燒，亦都有指示牌教你程序，所以手殘都識燒😌芝士蛋蒜韓牛漢堡扒芝士控一定要叫呢個因為超級多芝士😂同埋芝士同漢堡扒必定夾！加埋蒜香更加出色，再加埋蛋一齊食，成個口感相當豐富！菠蘿煙肉韓牛漢堡扒另外呢一個相對就冇咁膩，菠蘿既加入令到漢堡多一份酸甜，同煙肉嘅鹹香互相融合，令到漢堡更加Juicy，增添層次～韓式湯烏冬，鰹魚湯清甜，烏冬煙韌彈牙，中和咗食漢堡嘅膩感，配上燒肉，份量多，燒前已可以食住燒肉，滿足食肉獸嘅慾望，相當貼心😋

又有得玩又有得食！呢間餐廳主打手打牛肉漢堡。叫左份兩人套餐$359，包括有芝士蛋蒜韓牛漢堡扒兩份、一份韓式豬頸肉丼飯；再加左$18/杯的特飲：巨峰提子特飲同百香果特飲。牛肉漢堡係圓形肉球狀，最好玩既係可以自己DIY煮熟啲牛，放心唔會周身油煙，因有個圓柱體咁嘅物體吸走油煙，牛肉上有蒜片，底有鐵板雞蛋。二人餐有前菜泡菜食，飲品+18係勁巨型嘅巨峰提子soda，超好飲又鄧消滯。@福岡漢堡扒 （深水埗）#福岡漢堡扒 #牛肉漢堡 #抵食

次次經過都未試過，某日收工又肚餓就入黎試一試，叫左個韓式烏冬餐，有泡菜，牛肉，面豉湯，味道不過不失啦，就係平時食開韓餐既烏冬，冇話特別好食，味道正常充滿韓國風味，不加加埋一，一碗烏冬差唔多成80幾90蚊埋單就係貴左d😂試過就可以了。

其實你唔係貪vwalk無野食可以唔係食小弟3個人食，首先係貴，一個丼唔似丼嘅丼飯賣你80幾，無野飲得泡菜同味噌湯。白飯加個蛋黃，d肉就真係麻麻，豬頸肉冰鮮都正路，個醬就real不倫不類，似凍肉舖30蚊一大支個隻，仲要around得4、5塊。frd就叫左個牛飯，試左都認真麻麻，仲要得幾嚿（收100+），last 買單398（佢仲要收加一），可以話係極之失望，食物同價錢完全係唔成正比，又唔咪sell vibe，播d韓文歌，台面張餐紙的字打晒格仔咁，加油啦究竟vwalk仲有無jeng野食

由佢係尖沙咀第一間店就中意佢，皆因自己即煎漢堡扒真係幾過癮又好食，而且哩間鋪既店員服務到位，見你塊熱石一凍就會主動幫手換，等你煎得盡興👍🏻而家開到黎V Walk, 又多個地方可以食到👐🏻哩間店既環境風格仲好唔同，大左好多又有卡位，坐得舒服👍🏻兩個人直接揀二人餐，都有好幾款選擇。🧀芝士蛋蒜韓牛漢堡扒🌶️墨西哥辣椒韓牛漢堡扒🍚韓牛乒乒乓拌飯墨西哥辣椒隻酸酸地既香辣好正，另外一個係好多芝士加上脆口既蒜片，勁惹味😋加埋蛋真係一流。漢堡扒texture軟熟多汁，唔知係咪一路煎一路聞到好香，所以食得特別滋味。韓牛肉碎加隻太陽蛋，輕鬆撈哂成碗飯😋仲有佢地d特飲超大杯好抵飲👍🏻

食後感其實一般般，可能期望高。菠蘿煙肉和牛漢堡扒 - L和牛漢堡除左比較油膩之外，我本身期望係牛味重，香口既，但係食完就一般，感覺只係一件比較油膩既漢堡扒，味道上冇驚喜，放係熱石上面煎，一上枱唔可以煎太耐，因為舊石仲好熱（好易燶，入面唔夠熟），煎左3次左右，熱度下降會易煎d，鐵板上既蛋汁同菠蘿會好快乾，唔好食，睇相係岩岩上枱即刻影，已經開始焦邊，所以等多陣就會比較硬，店員見到石頭唔夠熱，會主動幫你換。試過之後我寧願去食個貴價少少/同等值既漢堡包來得滿足。呢個餐唔包飲品。午餐就包一罐飲品，另外椰菜絲配芝麻沙律汁及麵豉湯亦普普通通。炸雞我揀左有汁既，個汁好甜，件雞就大大舊，正常味，食肉獸大滿足。埋單$212（純粹係大食＋想試埋炸雞），呢個價錢係商場食lunch應該好多選擇。

好鐘意一邊食一邊自己整既餐廳，有得食又有得玩好開心，上網見呢間漢堡扒好正，仲要坐得好舒服，抽風超好完全唔會有油煙味！我地叫左個二人套餐，除左有漢堡扒仲有丼飯同飲品，但下次再黎食會叫漢堡扒同小食，見格離食小食都好正咁！🤤二人套餐 $359🍗芝士蛋蒜和牛漢堡扒 (2份)和牛漢堡扒好鬆軟！唔似平時食漢堡扒既口感，配埋芝士同蒜勁惹味好食，每次拎小量漢堡扒再推平，煎幾秒再反轉，熱石非常熱可以煎到外面超香脆，如果配白飯食都幾正呀🐷韓式豬頸肉丼飯丼飯比較普通，韓式醬汁好味偏濃，有幾塊肉唔夠淋有D可惜🍹西柚特飲 套餐加$18🍹巨峰特飲 套餐加$18超大杯特飲，甜度適中又有氣，超夾食漢堡扒飲，推介西柚味酸酸甜甜仲好味呀

以往間中會去厚福街的福岡漢堡扒，最近發覺原來已經沒經營，在網上看到原來她們在V Walk開了新店，地點比以往更方便，當然要和太太來光顧😆✏️位置（9.5/10）：西鐵上蓋商場，地點相當便利✏️環境（8/10）：商場內小舖，比尖沙咀店明亮✏️服務（8/10）：掃碼下單，上菜快，熱石比以往更熱✏️食物（8/10）：水準依然，二人套餐性價比高🌟兩人套餐（Ver.3） - $359點了這款二人套餐，包括兩份芝士蛋蒜和牛漢堡扒、一份韓式豬頸肉丼飯及兩杯飲品🎉🍴芝士蛋蒜和牛漢堡扒（M）一大個圓球型的和牛肉的中份漢堡扒，鋪上芝士及蒜片，看上去已非常吸引，然後鐵板上放入雞液，鐵板的熱力令其變成很香的煎蛋，而主角的漢堡扒，需要自行放上熱石上自助燒熱，想要多熟也可以，口感香滑，芝士也令和牛更加美味🥰🍴韓式豬頸肉丼飯套餐包了一大碗飯，所以不用額外配白飯，豬頸肉夠多夠煙韌，韓式辣醬小辣惹味，配上燒過的漢堡扒食十分豐盛😁🍴百香果特飲/金橘檸檬特飲加$18可以把套餐飲品轉成特飲，我們點了百香果和金橘檸檬口味，大大杯，兩者都算開胃😉🏠福岡漢堡扒(深水埗)📬地址：深水埗深旺道28號V Walk 2樓L2-17號舖

福岡漢堡扒開咗新店喺南昌V walk，對於住喺附近嘅我真係一大喜訊🥹一直好鍾意呢度嘅石燒漢堡。新店裝修明亮，而且抽氣系統都係做得好好👍🏻今次我哋就order咗二人餐，有兩份石燒漢堡，一款丼飯或烏冬，再加埋前菜，湯同飲品🥤好豐富啊！先講石燒漢堡，一份菠蘿煙肉和牛漢堡扒同一份芝士蛋蒜和牛漢堡扒🧀漢堡上枱時係生嘅，自己動手喺熱石上燒，即燒即食熱辣辣，燒嘅時候已經聞到好香，食落去牛味濃郁，正🔥菠蘿煙肉嗰份，因為有菠蘿嘅調劑，感覺清新啲，而芝士蛋蒜就絕對惹味，香噴噴，芝士仲有拉絲添🤤每份漢堡都會有埋蛋，食落去好似韓燒嘅爐邊蛋咁🥰主食我哋揀咗湯烏冬，偏向日式感覺，湯底清甜，油豆腐係烏冬好朋友，絕配🍜仲配咗一碟牛肉片添🐂套餐仲包埋沙律，泡菜同飲品，除咗汽水之外，仲有茶同其他特飲，杯巨峰提子特飲超大杯，食漢堡扒飲真係啱晒！