福岡漢堡扒

營業中

休息中

今日中午我嚟到位於V walk的福岡漢堡扒，一邊座位不多但今天很好彩還有座位，我和朋友很快坐下開始用qr code點餐，午市係有套餐的所以我點了韓牛漢堡扒套餐。大約五分鐘左右便送到上枱，除了套餐的韓牛外還有泡菜，味噌湯。好快我開始把牛肉夾起放在熱石上面，熱石溫度很高，牛肉很快熟如果放耐一點牛肉便會燶，牛味很濃而且很好味，不用點醬汁也非常之好味，配菜還有金菇菜，味噌湯比較鹹一點，整體來說都非常不錯下次可以再來。

.以前尖沙嘴嘅一間人氣食店，終於係南昌v walk都開左全新分店喇!!🎉💐以前要去到旺角/尖沙嘴先食到，而家屋企附近都有喇😆今次又係第x次食，可以玩又好食嘅福岡漢堡扒🧡 ..今次我地又係叫左二人餐🤣每一次都食到好飽，好豐富好抵食😆當日都唔小人會自己一個去食，果然等唔切朋友急不及待自私食🤭..二人餐包括湯、飲品及飯，仲有2份石煎漢堡扒，石煎漢堡扒芝士味好香濃，好有蛋香，另一款口味帶小小辣，個人比較中意芝士口味的🤭..店員會不時幫我地換熱石，好細心，餐廳排氣都不錯，食完都唔會成身都係油煙味🤭黎呢度嘅好處就係唔會淨係食野咁悶，同朋都石以有d互動🙆🏻‍♀️..地址：福岡漢堡扒 (深水埗)深水埗深旺道28號V Walk 2樓L2-17號舖..

味道：⭐️⭐️⭐️⭐️福岡漢堡扒主打DIY石燒和牛漢堡扒🐮宜家係南昌既V.walk都開左新分店啦📍🔺兩人套餐（Ver.4） $366🔺❶菠蘿煙肉和牛漢堡扒❷芝士蛋蒜和牛漢堡扒漢堡扒分左3️⃣個size二人套餐入邊包咗嘅漢堡扒都係M size份量其實一啲都唔細👻漢堡扒係選用100%澳洲和牛🐄店員主動向我哋示範食法👨🏻‍🍳用剷子將和牛放係熱辣辣嘅熱石燒上🔥等３-5秒後 再反另一邊燒一燒 重複2-3次 就食得🤟🏻呢兩個漢堡扒嘅分別就係佢哋嘅配菜🫶🏻❶加咗菠蘿同埋煙肉喺旁邊🍍而❷就加咗芝士同埋蒜🧀個人幾鍾意❷ 芝士有拉絲嘅效果😸將芝士同蒜混合埋一齊食 成件事好夾✌🏻另外每款漢堡扒旁邊仲有芝士蛋🥚味道就好飲韓燒既圍邊蛋漿咁🐣連埋漢堡扒一齊食又幾好味😋❸韓式湯烏冬烏冬口感煙煙韌韌🦷湯底有啲似平時喺日本餐廳食到嘅鰹魚湯🇯🇵除咗烏冬之外 仲會有一碟肥牛🐮牛肉肥瘦分明 係咩特別😂❹樂天忌廉梳打 x2結合咗奶油嘅滑順同濃香🥤同埋汽水嘅氣泡感 飲落超清爽☀️

韓國過江龍福岡漢堡扒之前食過旺角嗰間今次就試吓南昌V Walk新開呢間分店二人套餐包咗兩份石燒鐵板漢堡扒，一個丼飯，兩杯飲品，仲附送沙律，泡菜同麵豉湯！夠晒豐富！我哋今次選擇咗二人餐setC $359和牛蛋蒜漢堡扒兩份和牛漢堡油脂豐富，煎蛋喺鐵板上面，灑上蒜片，每位客人張枱上面都會有特製嘅煙囪，可以即場將和牛放上去熱辣辣嘅石塊上面，跟隨自己喜好，控制生熟程度，入口有濃濃嘅牛味，肉汁豐富，唔會太韌！仲可以點上燒汁享用。值得一讚嘅係店員會過一排就會嚟同我哋更換石塊，確保熱辣辣，所以可以慢慢食唔使急！韓式豬頸肉丼飯一份配上生蛋黃，滿滿嘅豬頸肉片淋上韓式燒汁，飯嘅份量好多，足夠兩個人分！我哋今次加咗$18配特飲巨峰提子特飲柚子特飲超級大杯，而且好冰涼爽快，味道唔算好甜，而且加咗兩塊檸檬片可以消滯！

今日我同朋友去親手製作美味鐵板漢堡嘅餐廳！真係好正啊！我哋叫咗二人套餐，裡面有兩款漢堡扒同一份思樂冰烏冬。首先，我地一人一份咁燒！我揀咗菠蘿煙肉同牛漢堡扒，真係一流！漢堡扒夠厚又新鮮！煙肉嘅煙燻味同菠蘿嘅酸甜味配合得好好，令人回味無窮！而芝士蛋蒜同牛漢堡扒亦都好惹味，每一口都有芝士嘅香濃味道，再加上蛋蒜嘅獨特風味，令味蕾感到十分滿足！不過最特別嘅係餐廳嘅思樂冰烏冬。我真係第一次試到咁特別嘅組合！佢將冰烏冬同美味嘅湯混合在一起，味道真係驚喜。冰烏冬爽滑嘅口感同思樂嘅甜味互相融合，冰涼嘅感覺令人耳目一新。至於飲品，我哋叫咗金橘檸檬特飲同巨峰提子特飲。金橘檸檬特飲係非常清新嘅飲品，酸酸甜甜嘅味道好開胃。而巨峰提子特飲則帶有濃郁嘅提子味，非常香甜可口！整體而言，呢間餐廳嘅鐵板漢堡真係好正！食物份量足夠，味道亦都非常美味。服務員嘅態度都好親切，和風設計環境亦都好舒適！

之前去過旺角店，原來南昌站上蓋V Walk都開咗分店，今日得閒，諗住食完午餐就去南昌上年新開的圖書館，真係好方便💗水準依然好好，仲多咗不同的菜式，今日揀咗二人套餐，有兩個和牛漢堡，前菜有味噌湯同泡菜，仲有一個沙律✨🌟#芝士蛋和牛漢堡扒 & #雞蛋和牛漢堡扒兩款和牛漢堡的造型都非常漂亮，係一個球體狀，和牛球上灑滿芝士，下面是一大塊蛋液，非常明亮鮮艷，令人食慾大增💗使用煎肉工具，剷一小塊和牛漢堡放在石頭燒上，開始時要不停按壓反覆煎香，好快就熟，配上白飯，肉香非常突出，真係又好食又好玩💗💗見到隔籬枱小朋友都識得自己煎，仲話自己親手煎出嚟的食物，特別好味🤣🌟#忌廉芝士沙律沙律的外觀非常誘人，沙律菜非常新鮮，散發出檸檬的清香✨ 味道非常平衡，檸檬汁的酸度恰到好處，既提供了清新的口感，又不會顯得太酸，而且食完唔會覺得Heavy💗忌廉芝士的豐潤口感和微微的甜味，與檸檬的酸度非常搭配👍🏻🌟#百香果特飲 & #金橘檸檬特飲食煎肉唔可以少得冰涼的飲品，這裏的特飲值得推介，非常大杯，而且味道清新✨今次揀咗百香果和金橘檸檬，兩款都非常生津解渴🫶🏻

V Walk新店環境乾淨簡潔😙 經過見到，忍唔住要回味下一人石燒和牛漢堡扒的滋味… ✨兩人套餐 ▪️芝士蛋蒜和牛漢堡扒（中）x2 $366我最鍾意呢款口味🤭和牛漢堡肉如拳頭般大細用剷子取漢堡肉放於高溫熱石上煎至2面焦香的小漢堡扒配搭煎香的芝士蛋蒜油香滿滿送飯一流😁▪️韓式豬頸肉丼飯金黃蛋香超誘人🤤韓式豬頸肉香辣爽脆好惹味！▪️罐裝飲品跟餐送汽水🥤一人一罐～～套餐還配有麵豉湯、配菜、沙拉，幾抵食😉

約咗朋友嚟 V Walk 睇戲，入場前先食個午餐。朋友係食肉獸，上網搵到呢間嚟自韓國嘅人氣石燒漢堡扒專門店。餐廳主打熱石 DIY 石燒和牛漢堡扒，選用 100% 來自澳洲和牛，打成肉碎後再加入多種香料調味，即叫即搓成球狀。我哋點咗個兩人餐 ver.3 ($359)，套餐包泡菜、沙律、麵豉湯、芝士蛋蒜和牛漢堡扒 2 客、韓式豬頸肉丼飯同飲品。漢堡扒賣相好吸引，外形圓碌碌，頂頭鋪滿芝士、炸蒜和蔥花。店員教路，先用金屬鏟將一小糰漢堡放於高溫熱石上，每邊煎幾秒即可享用。馬上動手，和牛漢堡扒超級多油花，一路煎一路有油脂溢出。食落果然十分美味，肉味超濃郁，入口熟度剛好，而且相當 juicy，吃時更可配上芝士蛋，風味甚佳。另外呢客韓式豬頸肉丼飯味道亦唔錯，豬頸肉唔會燒到好乾，保留肉汁，入口爽脆甘香，配料有洋蔥、蔥花和生雞蛋。將蛋黃戳破，跟珍珠米飯和配料撈拌一起吃，入口散發著濃郁米香和蛋香，非常惹味。跟餐點咗杯檸檬可樂 (+$8) 同 蜂蜜生薑茶 (+$13)，前者冰涼解渴、生薑茶飲起來很潤喉，味道亦不俗。

【深水埗•福岡漢堡扒】ππππππππππππππππππππππππππππππ南昌vwalk幾好玩又鍾意食牛唔錯既漢堡扒餐廳二人套餐 359$芝士蛋蒜和牛漢堡扒(M) x2芝士蛋蒜和牛漢堡扒看起來相當美味。芝士的濃郁香味搭配牛肉的香濃口感一定很過癮。蛋蒜則為整體帶來了豐富的風味，讓味道更加豐富。這款漢堡扒應該可以滿足肉食愛好者的胃口，是一道不錯的主菜選擇。韓式豬頸肉丼飯韓式豬頸肉丼飯主要是一道韓國料理，以煎熟的豬頸肉片和蔬菜作為配料，放在一碗白飯上。淋上甜鹹的醬汁，料理風味獨特，酸甜可口，口感多變，非常受到喜愛。巨峰提子特飲 18$值得一讚大大杯嘢飲十分解渴蜂蜜紅棗茶(凍) 13$養生之選餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 429（加一）✨✨✨✨✨✨✨✨✨✨✨✨✨福岡漢堡扒深水埗深旺道28號V Walk 2樓L2-17號舖

一直以為餐廳係黎自福岡，原來係韓國過江龍。餐廳最出名係石燒和牛，我地order左個2人餐試兩種口味。呢間比之前嘅分店坐得舒服👫🏻二人套餐 $366🍍菠蘿煙肉和牛漢堡扒和牛漢堡扒有分大中小size,自己可以用小鏟子將小量漢堡扒放係石上，由於石板好熱，不斷兩邊反會冇咁易燶。石板夠熱嘅時候燒出黎焦香嘅牛肉超香口和牛juicy油脂滿滿，自己燒可以好好控制自己喜歡嘅熟度。菠蘿同煙肉都可以係石板上燒，菠蘿鮮甜解膩一流🧀芝士蛋蒜和牛漢堡扒芝士輕輕一燒至半溶，香脆嘅蒜片夾埋和牛漢堡超惹味。底層煎蛋比較油。熱石係可以更換 熱石夠熱會燒得好食d 所以唔好怕醜叫staff換熱石🍲韓式湯烏冬由於漢堡扒比較油膩，湯烏冬係非常好嘅配搭，鰹魚湯底清甜，有淡淡醬油味。烏冬爽口彈牙。日式牛肉份量不少，食落唔乾柴🥤罐裝飲品套餐包兩罐罐裝飲品，餐廳仲有好多款特飲可以加購。

福岡漢堡扒，地址 ～ 深水埗深旺道28號V Walk 2樓L2-17號舖。 餐廳是一間韓國過江龍石燒漢堡扒專門店， 之前食過尖沙咀分店， 深水埗分店就第一次來。 主打石燒漢堡扒🍴，點了兩人套餐Set 4 $366 📌～ 菠蘿煙肉和牛漢堡扒(中）、芝士蛋蒜和牛漢堡扒(中）、韓式湯烏冬、金橘檸檬特飲$18、百香果特飲$18。 🔹菠蘿煙肉和牛漢堡扒 ～ 套餐已包括有沙律、泡菜和麵豉湯，搓成球狀的和牛漢堡扒，客人可以在波波漢堡扒上取出一小團放在迷你熱石醬燒，按自己喜愛的生熟度😊， 和牛漢堡肉味濃郁， 配上酸酸甜甜的菠蘿和煙肉，味道更豐富。 🔹芝士蛋蒜和牛漢堡扒 ～ 和牛漢堡扒配上蒜頭片， 令到味道更加提升， 除了生熟程度可以按自己喜好，厚薄亦是一樣，和牛漢堡肉質腍嫩，好味啊！ 🔹韓式湯烏冬 ～ 套餐跟韓式湯烏冬，烏冬煙韌彈牙，配上燒肉，份量多。 🔹金橘檸檬特飲 ～ 金橘配檸檬，味道清香。 🔹百香果特飲 ～ 味道香甜， 甜度適中。 石燒漢堡扒味道不錯， 價錢合理， 推介喜歡吃和牛漢堡的朋友🙌🏻。🏷️溫馨提示～ 整個用餐體驗均屬個人分享意見， 只作參考😊。

今次我地去咗南昌Vwalk食呢間新開無耐既福岡漢堡扒，見佢叫福岡以為係一間日本餐廳其實佢係一間韓式餐廳嚟架，見佢門口，店內，餐牌都寫韓文反而唔係日文😮今次我哋嗌咗個二人套餐 Set 2 ($355)包兩份漢堡一個特色飯同埋兩杯飲品介紹嘢食之前要講下佢嘅食法先！唔知大家有冇去過福岡旅行？佢個食法就係參考博多一間叫極味既餐廳🤪 個漢堡會連埋熱石頭一齊上枱，而你就需要用個鏟仔將個漢堡分成細份，然後將啲肉分批放上熱石上面煎熟佢，好考大家既功夫架！芝士蛋蒜和牛漢堡呢個都算係呢間餐廳嘅招牌食物！漢堡用既係和牛，啲肉肥瘦均勻口感十分之好，牛味亦都好突出！芝士好容易拉到絲出嚟而啲蒜片亦都好香脆，一啖漢堡一啖蛋，咁樣食法零舍有滋味🧀墨西哥辣椒和牛漢堡墨西哥辣椒唔算太辣但個辣度好刺激到個食慾！將辣椒撈埋漢堡同埋蛋一齊食，成個墨西哥風味走晒出曬嚟，鍾意食辣嘅朋友就一定唔可以錯過🌶️和牛乒乒乓拌飯上面嘅和牛粒炒得十分之香口，加上拌飯嘅靈魂韓式拌飯醬撈埋其他配料一齊食，成個飯都韓氣逼人，十分之開胃😋西柚特飲套餐就包普通罐裝飲品，我地想飲特飲加$18就ok，仲要好大杯，上枱個陣都比佢個size嚇一嚇！呢杯西柚特飲唔

買完野想搵間野食就唔好食呢間啦。本身買完野拎住兩大袋想搵間野擺下食下野，見呢間野新開又話好食咪試下。野食係好食既， 但體驗真係好差1） 8點幾9點去食，明明有張四人枱，我地係有兩個人， 但格硬要我地坐埋四人格既一邊，我地D 野係冇位擺，想問下可唔可以坐晒成張四人枱就話有客會坐唔方便， 格硬搭枱兩班人勁尷尬2）識叫D客坐埋一邊話有第二D客要食叫人體諒， 9點打後冇客又唔會問下D客想唔想坐舒服少少平心而論係好食既，對得住個價錢,但我相信呢個價位係值得更舒服既體驗，唔係澳牛式趕頭趕命，本身亦限時用餐 ：）

今日午餐見有位就坐，點套餐：日式鐵板牛肉飯。簡直係災難級，鐵板唔熱、飯硬、牛肉韌如橡筋，唔問侍應都忘記係套餐，包沙律和湯。其實用料已經好普通，加沒用心做，點收人咁嘅價錢呀！真係好希望，唔會有第二次。

韓國菜🇰🇷或者日本菜🇯🇵都食得多，但係混合晒兩款嘅fusion菜又有冇試過呢👅？今次我哋嚟過呢間韓國菜熱石燒🔥，既有韓式定食🍱，亦都有日本福岡嘅菜式🇯🇵。一次過食晒日式嘅漢堡扒🐄，同埋韓國菜式🥢。我哋嗌咗🔴兩人套餐set3 ($359)。.🐮芝士蛋蒜和牛漢堡扒(中)店員會定期換熱石🔥，再將漢堡肉放上去🥩，油花四濺真係好吸引😍！和牛嘅油脂感好夠💦，食落口超級香💥，配埋甜甜香香韓式燒烤醬🇰🇷，好好食。加埋蒜片好香🧄，而且蛋漿會一路凝固🍳，可以一路食漢堡扒🐮，一路食煎蛋🤤，好滿足。.🐷韓式豬頸肉丼飯豬頸肉好有口感🫦，而且油花嘅感覺好香💦，配埋偏向甜味嘅燒烤調味醬😋，好香口。丼飯亦都有融合日式嘅感覺🇯🇵，撈埋流心蛋黃🍳，真係好夾醬汁💕，好正。.🍹飲品本身已經包咗兩罐罐裝飲品🥫，不過我哋就揀咗兩款特飲🍹。特飲嘅賣相好可愛💕，而且好大杯😍，好正。🟣巨峰提子特飲($39)嘅果香味🍇，好夾油脂感重嘅嘢食。🟡百香果特飲($39)酸酸甜甜💦好開胃，好啱feel。