祥興記上海生煎包 (譚臣道)

營業中

休息中

行經門前多次，終於係餓肚時間，仲要冇人排隊喎。一次過試三款：招牌，松露，蝦仁包。招牌生煎包，有汁，有肉味。黑松露生煎包有松露味（呢句有點老土。。。）鮮蝦生煎包，建議食蝦餃。唔知什麼為正宗生煎包。但比好多出名食店好味多了。有爆汁，有脆底（燶左少少），份量唔太多，當快餐少食，正。

生煎包點先好食？我的口味要三分皮，七分餡，皮不能像小籠包咁薄，底部要夠脆，肉餡要半肥瘦，不能太肥，餡是有味而不油，一咬要有湯汁流下。講起我最喜愛的生煎包，非祥興記莫屬，由米芝蓮前的荃灣店，到倒閉後年後捲土重來，水準仍舊，行過都會想回味一下。生煎包($28)即叫即煎，保證熱辣辣！底部煎得焦香，加上芝麻和蔥花，添口感同香味。睇睇個底，果然是焦香脆皮，一咬肉汁四流，味道濃郁，加上脆口的煎包，層次豐富，郁香味道同脆皮口感相互配合，很出色！有人說米芝蓮的光環是小店的「惡魔之吻」，商人會因此加租而迫使小店的結束，如果是這樣，不如取消掉街頭小食的提名，免得小店受害，反正貴價舌頭怎懂得太多坊間真正的平民美食

某日純粹經過灣仔，見到呢間立食店嘅生煎包 店，人潮不絕，排咗三兩分鐘就order到招牌生煎包。佢有幾款，有蝦，有淨豬肉，同埋有呢個黑松露加豬肉。因為係for lunch，所以我就order咗一set生煎包，黑松露嘅會較貴，30蚊兩隻，其餘的就30蚊四隻，仲可以混合兩款味。另外佢都有三兩款粉麵， 因為驚唔飽，所以我叫多咗一個上海排骨湯麵，40蚊。我建議大家可以只去買生煎包試下， 因為碗湯麵味道比較普通 。不過食嘅時候要超級小心，我第一次食呢間生煎包，開頭以為佢話多汁都係講下，食嘅時候，嘗試咬開一半，點知啲汁就好似水槍咁樣 射咗半米，真係冇誇張~所以食第二個包嘅時候，就成個放咗入口， 不過大家要小心燙口!!

剛剛做完運動，肚子空空🤣聽說祥興的生煎包拿過米芝蓮獎，所以決定來嘗鮮😋店舖外面玻璃窗張貼餐牌，選妥便入內點餐，貪心的我點了兩隻招牌及鮮蝦😎這時我才留意到店內供站吃及外帶，看見站吃檯面有醋沾，所以臨時改單為站吃😂（雖然外帶亦附上醋，但想想仍是立刻起鍋吃才正😋）打開是四隻細小的生煎包，可愛又的骰🤣然後悲劇發生😭我夾得太大力，生煎包—爆—開—了😭肉汁開始漏下來...淚奔～～夾起便看見生煎包底下煎得金黃色👍🏻入口吃到芝麻香，皮很薄👍🏻肉餡鮮甜，底皮香脆，多層次口感😋加醋後令整隻生煎包提鮮不少😍鮮蝦是肉餡上加原隻蝦🦐蝦肉彈牙爽口👍🏻沒有雪藏味失敗乃成功之母😂之後那三隻我都是小咬一口，然後吸肉汁，再加醋入生煎包肉餡裡❤️完美😍我始終覺得招牌是最好吃😋下次再來吃，我會很專一地只點招牌🤣

名副其實米芝蓮生煎包有幾多人試過呢？今日係灣仔買祥興記生煎包同排骨上海麵做Lunch，唔好以為米之連食肆就要排哂長龍，但祥興記製作過程都好快，所以都唔洗花太多時間排隊。佢地嘅生煎包一試難忘，有幾款，有鮮蝦同黑松露，當然價錢都唔一樣啦。我今次買左招牌生煎包，$30 四隻，係豬肉餡，生煎包要趁熱食，食時仲會爆汁，好Juicy，大家有機會食時一定要注意啊！除左出名生煎包外，我仲試左佢個排骨上海麵，大約$40左右，份量岩岩好，睇落湯底似清湯，但食落都好似生煎包個汁禁嘅味，都幾match嫁。建議番大家，買外賣會好d，因為堂食就無咩位，同埋要企係到食嫁。所以要享受美食，緊係外賣然後搵個舒服嘅地方慢慢食啦！

今日公司無乜嘢做，落街行下，行到灣仔地鐵位想起祥興記新開三個月去試下，入到去發覺一間新開三個月舖點解會攪成禁，員工無禮貌，地下，牆身鏡，門口玻璃好drity，枱面D豆板醬樽又drity，比客人食哂又唔加返，廚房地下，攪拌機，廚房牆身又多麵粉，廚房地下又濕，煮食環境十分差，最重要是超難食。我叫咗四個招牌生煎包，要三十蚊貴咗，我食過依家三次，第一次是係荃灣第一間食，評語是可以一試，第二次是上年尖沙咀食評語是比多一次機會，今次是垃圾級別———完

平時返工都會經過這間店，總會望望師傅在店煎包的樣子，非常吸引😊今次終於可以試下啦，叫左了招牌生煎包（$30/4個）同排骨麵（$40/碗）。全場不設坐位，但食客都好自動自覺清理枱面，值得一讚，店舖很貼心提示食客進食生煎包時，注意肉汁，免得燙傷口部。招牌生煎包，熱騰騰的，一咬開，肉汁超多，肉質很鮮味，令人一食再食，下次要試試他們另外的款式，想必會有驚喜排骨麵，麵條較幼身，唯麵份量較少，男士們可能會覺得不夠食，整體不錯！

今日第一次試，叫咗個排骨湯麵外賣。講明唔要葱(我問咗三次確認因為我有敏感)，張單都打咗走沖，但返到公司一打開全部都係葱，重要已經攪咗入去啲湯我想拿走都唔得。超差勁服務，以後都唔會再去！其實會加葱嘅上海菜已經知道唔正宗。我外婆家是上海人，由細到大每年都去上海好多次，正宗嘅上海排骨麵係一定唔會落葱！

做為一個在上海長大的上海人對於生煎包有一種天生的溺愛，這個溺愛可以包容各種level的做法和味道。但是，這家打著上海生煎包的招牌的店讓我無法包容。1. 底座不是脆的，而是硬的老的。2. 皮不是甜的，而是像無聊的pizza dough。3. 豬肉沒有鮮味，調味也不對。4. 醋完全不酸，導致最後的補救措施都失效。總體而言，期待的沒有嚐到，一重重的失望在每一口中散發。等待未來有湯汁的靈魂和肉與面皮的和諧！

第一次食祥興記嘅生煎包，已經係喺荃灣嘅時候， 還記得荃灣店子小小但有位坐，亦有下午茶餐。 荃灣店執咗之後都未食過啦~ 係咪因為米芝蓮效應所以加租 冇做呢 ？~ 來到灣仔見到祥興記，的確要來一客 😄😄生煎包多咗鮮蝦未及松露味， 但係都係情有獨鐘原味 ( $28/4pc )。先咬一口，然後把湯汁啜去， 湯汁味濃香甜， 點少許辣醬鮮味更加突出， 生煎包底部脆脆的， 仍能維持高水準 😍 如果有個位坐下咁就perfect喇 😉😉 飢point : 8/10#hungermarch #非飢詩 #飢詩

某日放工經過先知原來開左呢間店，岩岩上個月係上海返黎有D掛住生京煎包，見佢即煎就買黎試下。店內無坐位，係立食，地方算光猛乾淨。主打生煎，九成都係生煎包為主，有幾款係湯，湯面得一款。暫時生煎得三款，唔知遲Ｄ會唔會有新味道呢？想配杯豆漿都無，差少少完整度咁。對於我呢Ｄ大食之人，齋食生煎係唔夠架，起碼要加個豬扒面la~哈哈味道幾好，夠哂熱，唯一不足係除左生煎包無咩主食，難以當正餐，吸引唔到lunch 客源，驚佢維持唔到。其實上海仲有好多美食，　不如加埋湯面等等

今天中午落去買午餐食時, 經過這間新開的生煎包店, 見門口亦都寫是米之蓮推介, 忍不住走了進去看了看, 裡面的食品種類就唔算多, 主打生煎包, 亦都有幾種麵條選擇, 不過我眼見他們煮得都幾香,最後都忍不住都買了4個來試一試. 食落去都ok既, , 同之前在君戶食的有少少唔同, 比較細小, 不過皮薄多汁, 同時都幾香口, 但是就是比較多油了一點, 整體來說都不差, 值得一試. 

建议没试过的先试试2+2混搭款。生煎包薄皮大馅，肉馅多汁鲜美，煎处脆而不腻。虾仁款虽然能吃到虾仁，但貌似虾味对本来味道的改变不是很大，不过原味的基准就已经很高了。如果附送饮料（尤其是豆浆）有温热的就好了。上菜速度非常快，交了钱就叫到我的号，可是食物还是温热新鲜的。这边没有椅子，但位置很宽敞，店铺也很干净明亮。整体来说好评！

放工後獨自一人，由跑馬地坐電車到灣仔，正想走向巴士站時突然想先吃完晚飯才回家，望望四周見到後街有一光亮的招牌，玻璃窗後的師傅正在把包子一個一個整齊排放到平底鍋裡，店內傳出一把聲音:「入嚟食吖，哩邊叫嘢食!」我的腳便踏進店了。生煎4隻又份量不足成一頓晚餐，便多點了上海薺菜鮮肉雲吞。付款後先給我招牌生煎包，賣相不錯。牆身不少提示要在頂先咬一少口，小心包內湯汁熱燙。咬開一少口湯的香氣滲出，包內的湯都是滿滿的，湯汁清甜鮮味，肉質滑而不膩，包有煙靭的口，包底煎得香香脆脆。吃第三隻是才記起可加點醋，加數滴醋後湯汁變得更清香。上海薺菜鮮肉雲吞沒有太大驚喜，雲吞皮較厚身，入口爽滑彈牙。招牌生煎包值得一吃再吃。

一向都麻麻哋食飯但好鍾意食餃子、鍋貼同生煎包，最近留意到灣仔有新開嘅生煎包專門店就一於去試試！店舖位於譚臣道，近灣仔地鐵站A3出口。店舖不大，無坐位只有大概12-15個企位，大部分食客都係買外賣或者quick lunch就走。因為早餐食多左所以lunch唔係太肚餓，叫左個雙色生煎B餐加豆漿，有生煎包同黑松露生煎包各2隻（平時如果肚餓應該要叫2份先夠飽😂）計返條數其實生煎包要$7隻，黑松露生煎包要$15隻，價錢稍微高。味道方面都幾好食，本人覺得個皮可以薄啲，個包夠晒juicy，一咬開啲湯爆出黎。生煎包夠晒新鮮，係即包即煎嘅，見到用晒啲材料店員會係凍櫃入面再攞料再包。店舖雖然唔大但都有5-6個員工負責包、煎生煎包、煮麵等，有一位負責收錢，務必要quick service😂👍🏻店員都好nice。