祥興記上海生煎包 (譚臣道)

營業中

休息中

店名: 祥興記上海生煎包地址: 灣仔譚臣道76號地舖灣仔站A3出口，行1分鐘環境: 4/5價錢:4/5味道: 4.5/5呢間生煎包係唔同地去都有，今次lunch time有少少餓，但又去到可以食得落一個餐，就叫左黎食😗招牌生煎包4隻 $346隻 $50佢雖然有堂食，但其實都係企位，大家堂食就要辛苦少少了😕🤨佢生煎包食落口仲係熱嘅，入面有好多肉汁，完全feel到個口比肉汁包住左嘅感覺🤩🤩大家可以選擇先咬開少少，飲左少少入面嘅肉汁先咁樣之後食就無咁熱了🤣🙈佢旁邊有醋同其他調味料可以加，大家可以按翻自己喜好，我自己就覺得原味已經好好食~😍

之前都幫襯過幾次，佢啲生煎包係幾好味，不過有時唔想食咁多肉，中午唔係好肚餓，就會想落嚟買碗湯粉絲。見佢有一款老上海雙檔粉絲湯，其實睇個名根本唔知佢係乜，試過就覺得都幾好味，啲粉絲算係幼滑，不過份量真係唔夠食午餐，可以加錢配埋生煎包。所謂雙檔，上網睇叫做百頁包和有肉餡嘅麵筋，其實我覺得幾好味，同埋唔係成日見到有得食。見大家都批評佢哋嘅服務態度，我未比佢哋鬧過，不過又真係從來冇見過啲員工有笑容。同埋呢間好似只收現金。

幫襯咗好耐, 以前好好食最出名嘅生煎包, 近期水準有下降嘅趨勢, 皮硬, 汁冇以前咁juicy, 另外灣仔譚臣道呢間啲“前線”職員服務上有極大改善空間, 對生意上會有幫助, 需要注意。

今日好想食上海生煎包, 走左去譚巨道食祥興記大食妹食過全部口味, 依然至愛最傳統嘅鮮肉生煎包<招牌鮮肉生煎包>鮮肉生煎包一份四粒, 唔算好大粒熱度都一般, 入口暖暖地生煎包皮好薄身, 上面嘅白芝麻幾香, 咬一啖鮮肉汁就噴出黎, 豬肉口感亦唔錯路過食份, 開心仔

呢間生煎包有好多分店，三十幾蚊就有四粒爆汁上海生煎包，超級抵食！！！生煎包外脆內軟，非常足料，豬肉無偷工減料，湯汁更加係滿到就瀉，飲完汁再咬都係爆汁！大力推薦招牌生煎包！

因為少許肚餓想食兩個生煎包頂吓肚，但最少要買4個，諗住唯有堂食兩個後拎走兩個。收銀問拎走定喺度食，咁自然便答拎走。打開盒子攞了枱面的醋落了少許，都未食，入面有個包緊生煎包嘅店員好緊張走出來話：「你地話拎走又喺度食？我地俾咗醬汁你，你又用我地嗰啲！」跟住居然伸手入我的袋中攞返兩包醬汁！我話我地食少少之後拎走，佢好惡咁掉返俾我，一路鬧一路行返廚房。我一怒之下掉返兩包醬汁俾佢，真的不稀罕你的醬汁呀！需要那麼mean嗎？ 永遠也不會再幫襯這店！再說，環境衛生真麻麻，檯面有汁都沒有人抹！那位店員咁得閒掌管醬汁去向，不如清潔一下鋪面吧。

之前食過呢間嘅生煎包， 回味無窮。 今日點左一碗酸辣湯粉絲+$20兩個生煎包， 送左支水。 10分鐘回家路程，一番到屋企好開心咁打開晒黎食。 咬第一啖， 生煎包少少䁔，雖然個皮韌左少少， 但都係依舊咁多汁， 心諗：keep 到水準喎！咬第二啖， 怪怪地嘅？ 有野咬唔開嘅？！ 嘩！生豬肉？！豬肉唔可以生食喎！點算呀？！ 仲有一粒喎... 心諗：本來諗住買4粒， 好彩冇。然後， 食第二粒好似解剖咁...個酸辣湯粉絲味道ok 嘅， 係啲筍多左啲同老左啲， 有渣。 不過， 就算好食都俾生豬肉陰影蓋過晒

生煎包小店，曾經拎過米芝蓮既獎項，所以啲價錢都貴啲。叫左一份4隻，蝦肉同原味。蝦肉生煎包冇原味咁好食，原味比較多汁，食落去juicy好多，所以下次再嚟食都係食原味就夠啦。同埋值得一題就係呢度嘅環境比較差，好似好污糟，職員又冇乜動力返工咁。

经过时，店应该刚开门不久，反正好久都吃生煎包了，可以试试他们的得奖食品他们已经连续几年是不是米芝莲推介，估计水准不会太差。餐单很简单，都是不同款式和配搭的生煎包，口味只有三种。除此之外，他们还有面食供应。可惜店内没有座位，只能在靠墙的吧枱旁站着吃，本来有意再买一碗汤粉丝，但实在吃得不太自在，最后只点了生煎包。生煎包的皮不厚，除了馅料，还盛着不少汤汁。由于肚子饿，大口咬下去，汁液从包内喷出，溅在墙上和枱面。说实话，包内的肉和汤汁是很鲜甜，下次不要浪费。

我曾經幫襯三次，每次都只係純粹因為食物質素而再次幫襯，但店員永遠以不友善嘅態度招待顧客，若果食物質素及店員服務質素有同樣標準，我相信此店必定更好，真心希望店員能改善服務態度

灣仔美食之多可謂數之不盡，但令小妹我最印象深刻和難忘的美食，一定是祥興記的生煎包。 細小的生煎包，外脆內軟，而且超多湯汁，輕輕一咬， 慢慢把湯汁吸入口中， 熱辣辣的湯汁吸收了肉質的精華，簡直令人再三回味，絕不容小覷，而將它的香脆美味比起小籠包簡直有過之而無不及。說起生煎包， 其實它源於1920年的上海，一般店門口立著由柏油桶改制的爐子，上面置一口鑄鐵平底鍋， 裡面是一張長條形的台板，這就成為了典型的生煎包店鋪。很多人未必知道生煎包分了混水生煎和清水生煎。 混水生煎即以新鮮豬肉和皮凍為主，皮凍是指將新鮮豬皮切絲，加入適量的適味料（例如：蝦乾，花生碎等），用清水長時間熬煮，將其中的膠原蛋白熬煮出來，之後冷卻，湯汁即凝固成皮凍。至於清水生煎即在餡料不添加皮凍。個人認為混水生煎比較常見，亦美味得多。生煎包一般配以辣椒醬或鎮江醋來吃， 但祥興記的生煎包，個人覺得不需要配醬料已十分夠味。除了生煎包外，小妹我亦點了蔥油拌麵，大量的蔥絲配以上海粗麵和醬油來吃， 炸過的香蔥與沾滿醬油的粗麵，香味濃郁，令人食指大動。至於價錢方面，招牌生煎包和蔥油拌麵價錢相宜，而其他食物，價錢合理，但味道則不及這兩款，所以

今日路經灣仔地鐵站附近，記得有人介紹橫街有一間米芝連的生煎包，一眼就揾到，今日午餐就靠佢啦！店內是立食的裝修，沒有椅子，只有一列列的小枱子，想坐低慢慢食嘅朋友就唔啱了。好彩人少少，都算食得舒服每份生煎包是4個，仲有其他麵的選擇，但我怕吃不完，所以只叫了一份生煎包($38)同一支豆漿，下次有機會再試麵吧！完全唔使等就有得食，生煎包的湯汁燙咀的，好熱好熱皮薄，但底皮好脆！加少少豆瓣醬同醋好好味呀！下次食夠兩份至得

呢間嘢有點細，容納唔到好多人，但系因為幾好食，所以經常好多人排隊。基本上系自助式，自己去買，自己穩位，有點乜嘢都可以自己去穩，因為店面就咁大，需要用噶嘢基本上都系比較顯眼噶地方，所以基本系唔會有侍應過來招呼噶，大家都好隨性。生煎包噶汁又多又濃，一啖咬落去，滴汁就流嗮入口，超級滿足。

lunch唔算好肚餓, 一心想搵d輕食, 即刻諗到呢度😆😆😆係灣仔搵左1年幾都仲未黎呢度食, 其中一個原因係 - 冇 位 坐店鋪採用立食模式經營, 又有幾多打工仔願意係lunch企係度食呢？原味生煎包 $48今日終於試到佢了, 8蚊一隻價錢唔算太貴皮薄餡靚又多汁, 一咬落去d汁都多到漏晒出黎, 湯汁都幾香而入面果舊豬肉碎唔會煎得過火, 口感味道各樣都恰到好處底部整得香口, 就算唔使加調味料食都唔錯未知係咪因爲唔太肚餓, 缺少左果份好好味既驚喜🙈未至於唔好食, 不過如果可以有位坐就更加好了

在電視看到這家米之蓮生煎包店後，一直都很想試，今天趁著路過便叫一客來吃吃是否真的如此美味。店鋪面積不算大，所以是立食的。沒有甚麼招待，在counter買完後，自己拿著找張枱，牆上貼上自己清理枱面的温馨提示，自己垃圾自己掉。今天我點了套餐，豬肉、黑松露各兩雙，共$46，點餐後不一會便可以取。生煎包皮脆，也多肉汁，黑松露第一口很香，但之後的就沒有甚麼特別，所以下次會點原味四隻，才$32，抵食很多。雖然味道不錯，亦多湯汁，但卻不覺得是米芝蓮級數，而且不夠熱，即取即吃也只是暖，絕對不是即叫即煎的那種。行經的話可以試，專程來就不必了。