祥囍煲仔小廚

營業中

休息中

I finally get to do a Claypot Rice do-over😄Not only the Claypot Rice was great, their other dishes are equally satisfying😋This restaurant has always been my go-to for Claypot Rice. Their quality is pretty solid and it’s so close to where I live☺️Aside from their Claypot Rice, Crispy Chicken and Golden Squid Cakes are also their signature. I reckon their Crispy Chicken is one of the best I had in town. Given that it’s deep fried but it’s not overly greasy and love the thin crispiness of the chicke

某日同男朋友去左北角個新海旁到行下之後諗去邊到食飯，突然諗起呢間煲仔飯我地就決定好早過嚟，希望唔洗排隊。我地大概5.30pm左右到左，真係唔洗排隊但下層已經坐左一半人有多阿姐叫我地2個人上上層坐，原來2F仲有位。我地叫左份雙併椒鹽鮮魷併白飯魚$168+$30想講勁大碟，呢到d炸粉醬就偏薄岩岩炸好係好脆好好食，但2F冷氣勁大😅吹到d野食好快凍晒，d炸野都冧左但味道係好食的。叫左份炒蜆$98呢到調味都幾足料，碟炒蜆勁夠味冇沙，野味，多肉，同大碟。叫左個雙併煲仔飯鱔加滑雞$98+$20佢地有白鱔同黃鱔但我地2個都唔識揀，就隨便叫左白鱔煲仔飯🤣🤣鱔都幾多件，但雞大概得3-4件d飯面層勉強夠乾身飯焦唔算好燶，可能再燒耐dd 個飯應該更正但成個煲仔飯我覺得都正既。本來初初有考慮過叫多碟小食但我地見碟碟上抬都咁大份就唔考慮加單了今次呢間煲仔飯同小炒整體都十分唔錯可以encore

（1）收銀胖胖女職員唔會回應客人、黑口黑面、唔想做、唔想答、掉個餐牌俾你。（2）四眼男人：「我知你留左餸、咁你加咩呀、講啦」又晦氣、態度又差、仲以為我欠左佢。（3） 樓面金毛短頭髮中年呀姐、最不知所謂、扮好態度咁講野、再西口西面執碟、d碟再大大力掉落個桶、真係不知所謂。依間餐廳完全搞壞香港飲食業、只係食左一個鐘、真係好受氣、終於明白點解香港人要返大陸食嘢、就係因為哩d餐廳搞衰香港飲食業、大家可以去嘗吃一肚氣。另外成間餐廳煙霧離漫、食完成身煙味。食物完全無特別、就係一間大排檔菜式。

今晚叫咗兩個煲仔飯三個小菜，等咗1個半小時，不值等待，首先 椒鹽鮮魷得啲炸粉漿魷魚又細， 蠔餅冇味， 煲仔飯一般， 冇驚喜， 黃金墨魚餅啲黃金少到不得了， 鹹蛋真是 變咗做黃金 好貴咩， 最後奉勸各位食家要等位就唔好食喇， 嘥時間又揼心

秋風起，三蛇肥，食臘味😂 今次先嚟個煲仔飯開個靚頭先！白鱔飯我來了！豉油王鵝腸 - 就咁食會比較淡（係咪估唔到呢，豉油王喎），不過佢哋附加咗個 wasabi + 豉油碟，點完wasabi 係起到個提鮮嘅作用，幾特別炸蝦乾 - 見幾特別就叫嚟試吓。蝦乾炸得過火咗，係好脆但食落有啲苦苦哋椒鹽雙拼 （鮮魷拼九肚魚）- 炸衣唔算好厚，個鮮魷正正常常，反而個九肚魚啲硬骨勁多隨時隊到個口好危險白鱔飯 - 白鱔唔錯夠油香，但最失望嘅係個飯偏濕而且食曬成煲都唔多覺有飯焦，作為一間主打 “香港傳統道地煲仔飯，由工作多年大師傅坐鎮主理，繼續堅持沿用炭火烹煮” 嘅餐廳嚟講覺得係唔合格無曬菜乾豬肺湯，哭哭~唯有飲胡椒豬肚湯啦~料多但胡椒味唔夠黃金墨魚餅 呢個好味道，墨魚餅夠彈牙加埋鹹香嘅起沙鹹蛋黃，配搭得好好p.s. 社恐人士表示可以用whtaspp 訂位唔使打電話好爽

之前食過呢間幾次覺得幾好，諗住同朋友慶祝生日搵間穩穩陣陣食店，點知去到已發現人面全非，一去到同個男伙計講雪起生日蛋糕已串串貢，擺明唔歡迎我地來慶祝生日。點了兩個出名的煲仔飯，白鱔煲仔飯及臘腸排骨煲仔飯，已發現大不如前，飯有點生。後來未夠9點，大部份食客已走，剩下我地一枱，我地再加餸及叫啤酒，員工落單時黑口黑面，之後個老女人員工問個生日蛋糕係度食定係拿走切，擺明趕客。總結食物一般，員工態度超差，唔會再有下次。

1月中跟食友嚟筲箕灣食晚飯，作為一個新界人，好少係港島食飯。近年轉左去港島中區工作，多咗好多係呢邊食飯嘅機會。我哋有8個人，餐廳好多人了，雖然當時只係7點鐘。我哋被安排坐樓上閣樓，叫咗菜乾豬肺湯，味道可以，多大份量。椒鹽鮮魷，墨魚餅好惹味，又唔韌，值得食，炸子雞大隻，新鮮，皮炸得脆，都係推介。煲仔飯有飯焦，我哋叫了白鱔煲仔飯同理臘味蝦乾飯，都係唔錯，尤其是啲蝦乾好大隻，份量亦唔細。食了大約一小時，見餐廳門口已經有好多人等位。我哋就食完就走，讓番張枱比下一枱。呢度比較適合快食，以食好味菜色為重點。

8點在筲箕灣工作完，男友開車載我所以在openrice上找了間在附近的餐廳就見到呢間，是在巷子裹面，走到盡頭就看見，很多人在等位置。店舖不大，位置很少，所以等了差不多一個小時，才到我們🙈價錢偏貴，我和男吃不多，所以每人只叫煲仔飯🍚畢竟它們以煲仔飯出名男友叫臘味飯 $88一打就熱氣騰騰，好吸引🤤（可能因為太餓了）加上它們甜醬油，很好吃，很香😍臘味中有兩款臘腸，分別是潤腸、普通臘腸，和臘肉，臘肉咬下出會在嘴中爆油鱔魚飯 $88鱔魚整體魚塊很小，但味道清甜，煲仔飯的飯焦不硬，剛剛好。個人很喜歡❤️個人覺得在附近可以去試下，不用專門去😂

比朋友帶咗去食煲仔小菜，位於筲箕灣愛民街祥囍煲仔小廚，佢哋嘅煲仔飯聞名，自制醬汁有少少結結地，好似茶餐廳甜豉油咁，佢哋嘅煲仔飯飯焦唔會黐牙，時間火候掌握得好好，鴛鴦腸嘅油脂分佈喺飯度，D飯超好味非常出色。椒鹽白飯魚比平時嘅椒鹽九肚魚濃味，可能係因為細細條嘅原因，魚肉冇九肚魚咁滑，但係九肚魚脆，非常特別。佢哋嘅冰鎮梅子骨，酸酸甜甜非常開胃，梅子醬嘅酸甜好香，口味比平時咕嚕肉更高級。筲箕灣愛民街6-28號新利大廈4A-5A舖

有個短頭髮的中年男店員點菜的時候聽到我們說普通話，就話我們不能把手機放在桌子上，我問為什麼他說，香港空間那麼小，都是共產黨害的，聰明的人都去國外了，蠢的人還留在中國這個人給我們拿餐具的時候，嘴裡罵罵咧咧的自己不會說普通話，也不懂為什麼我們要來這裡吃以上句句屬實

呢間餐廳主打以瓦煲同炭爐炮製嘅煲仔飯，全部即叫即煲，亦有多款鑊氣小炒🔥💗鴛鴦腸煲仔飯 ($108)煲仔飯先煮到乾身後落配料，再放係炭爐烤焗，飯粒粒粒分明，而且好有米香，能夠起出一大塊焦香脆卜卜嘅飯焦，淋埋甜豉油撈埋一齊食🍚選用本地臘腸同潤腸、臘味嘅油香滲哂入飯到🤤💗黃鱔臘味煲仔飯 ($108)飯面舖上大量黃鱔，肉嫩魚味重，最緊要係無骨無腥味🪱再加埋臘肉、潤腸、臘腸嘅油香令成煲飯更惹味😋💗菜乾豬肺湯 ($148/ 鍋)菜乾豬肺湯用上白菜乾、矮腳大白菜、豬肺、雞腳、瘦肉、杏仁、豬骨煲成，湯頭呈奶白色，飲落偏清淡，感覺火候未夠，不過好足料，尤其豬肺洗得好乾淨🍲💗黃金墨魚餅 ($128/ 細)黃金墨魚餅厚身大塊，食落非常彈牙，仲有一粒粒墨魚，外表掛滿鹹蛋黃醬，甘香濃郁，口感起沙🐙

今日黎到筲箕灣，試左朋友推薦嘅祥囍煲仔小廚。呢間家餐廳的位置稍微有啲難找搵，喺巷仔嘅中間。但唔好以為位置咁偏僻冇人食，咁就錯喇，黎到個陣已經大排長龍，記得要提前預約。黎到梗係要食招牌嘅煲仔飯，點左雙鱔煲仔飯。這道菜以新鮮嘅白鱔黃鱔和香噴噴的米飯為主，搭配了豐富嘅蔬菜和香料。煲仔飯經過炭火慢慢煮熟，米飯底部有一層金黃酥脆嘅飯焦，唔會太燶，啱啱好！另外，我仲點左咸菜胡椒豬肚湯。這道湯以嫩滑嘅豬肚和咸菜為主要材料，加入了豐富嘅胡椒和香料。湯的口感濃郁，豬肚嘅質地軟嫩，咸菜唔太咸，非常開胃又暖肚。

第一次來的時候沒有訂位，店員說已經full了，第二次來早一天訂位，吃最早的17:30, 限時90分鐘，要坐外面。一邊吃一邊有很多食客walk in都沒有位置。一心來到是吃煲仔飯，等了15分鐘，上枱時熱辣辣，臘腸很香，飯焦超香，醬汁有少少甜，超正🤭黃金墨魚餅好足料，咸蛋黃味同墨魚餅好夾，送酒一流🤗冰鎮梅子骨味道酸酸甜甜，但以冰鎮來講外皮需要脆一點。講一講服務，這裡服務挺差的，會對食客不太友善，大家來到的時候忍耐一下喔～

{雙冬羊腩煲 - $238}好嘢，天氣咁凍，就食返啲暖暖嘅雙冬羊腩煲啦！祥囍煲仔小廚係一個好正嘅選擇㗎。佢哋嘅羊腩煲好出名，啲羊腩煮得好軟好多汁，好入味。加埋啲冬菇，湯汁香濃，每食一口都好滋味。唔止食物好食，佢哋嘅服務都好好㗎。員工好友善，環境都好舒服，令人放鬆。不論同屋企人食飯，定係同朋友嚟，呢度都係個好地方。總括而言，如果你想食個暖心又美味嘅冬日餐，就嚟祥囍煲仔小廚試下佢哋嘅雙冬羊腩煲啦！一定會過一個暖意滿溢嘅冬至！美味程度：😋😋😋😋環境指數：🎇🎇🎇番食機會：🦍🦍🦍🦍📍 #祥囍煲仔小廚 (筲箕灣)筲箕灣愛民街6-28號新利大廈地下5A號舖

{臘味蝦乾煲仔飯 x 椒鹽九肚魚 - $240}天氣開始有少少凍，是時候食 #臘味 ! 講到 #臘味蝦乾煲仔飯 #祥囍 真係不二之選！每一煲都係用心慢火去煲，無論叫咩 #煲仔飯 上台果刻都有超正嘅飯焦香味！我最愛嘅臘味就更為爆發性！每一啖飯都爆出滿滿幸福感！祥囍唔會咁易放過你，再來一個 #椒鹽九肚魚 又脆又薄嘅外皮，令你感應到炸物嘅戀愛呼喚！佢地炸皮比較淡口，但剛剛好引發 #九肚魚 本身嘅鮮味！試問有幾多間餐廳可以食椒鹽九肚魚食到鮮味丫！好似寫得太誇張😂雖然愈來愈貴，不過我真心覺得正！美味程度：😋😋😋😋😋環境指數：🎇🎇🎇番食機會：🦍🦍🦍🦍🦍📍 #祥囍煲仔小廚 (筲箕灣)筲箕灣愛民街6-28號新利大廈地下5A號舖