石磨樂豆 (啟德零售館1)

營業中

休息中

第一次嚟啟德體育園，行完商場見攰，行咗入food court食Jollibean兼抖下腳仔🤝🏻坐咗半個鐘見輪流轉不停有客幫襯，受歡迎👏🏻佢地間唔時會有甜品/飲品加購優惠，間中會出啲季節限定款，好似今期就有開心果豆乳、脆豬包同牛角酥；吐司可以免費升級做脆豬，轉牛角酥就加$5。三個人叫咗兩杯豆乳，一份豆乳布甸，再加一個牛角酥。牛油果碎蛋牛角酥幾有驚喜，酥皮鬆化，入面嘅牛油果同蛋夾得幾好，食落去啱啱好唔heavy。香芋豆乳凍口感滑，有淡淡芋香，又唔會死甜😋茉莉花茶豆乳飲落清香黑白芝麻奶蓋就芝麻味突出飲落順口👍🏻

呢間主打豆乳嘅新加波過江龍位於啟德零售館1 號美食廣場內，各分店不時會有甜品或飲品加購優惠，而間中亦會推出季節或期間限定單品。小店最近推出開心果豆乳，堅果味出，甜度適中，唔會蓋過豆乳香氣，入口順滑，令人忍唔住一啖接一啖，鍾意開心果同豆漿嘅千祈唔好錯過啦～夏日限定有多款冰樂，9 °濃豆豆味濃郁，冰涼解渴，打成冰沙口感，層次感豐富。除此之外佢哋都有鹹食供應。所有吐司可免費升級香脆豬仔包，加$5仲可以轉牛角酥！私心推介11AM-4PM嘅優惠套餐，可自行選擇吐司味道搭配微甜豆乳，作為早餐或下午茶就最合適不過了。咖央香甜可口，吐司內軟熟，豬仔包外酥，兩款都值得一試。甜品則有奶凍，糖水等，性價比高之選有香芋豆乳凍，份量十足，Q彈，帶香芋味，同朋友仔Share啱啱好。

天氣咁熱，梗係要搵啲好嘢嚟消暑解膩啦！石磨樂豆特飲每款都有獨特風味，真係款款都咁吸引！士多啤梨豆乳豆冰樂 $39 呢杯真係夏日救星！濃郁豆乳做基底，加埋清新士多啤梨果香，甜度啱啱好唔會膩，層次豐富到每啖都有驚喜！炎炎夏日飲一杯，瞬間降溫又解渴～芋泥西米露 $35 芋頭控必飲！綿密細緻嘅芋泥配埋濃郁椰香，再加埋彈牙西米露，口感層次豐富，每啖都係滿滿嘅幸福感！茉莉花茶豆乳 $33 清香派首選！茉莉花茶嘅淡雅茶香同豆乳嘅香美融合，清爽解膩又唔會太甜，飲完成個人都精神晒！黑白芝麻奶蓋（凍）$39 視覺同味覺雙重享受！黑芝麻嘅獨特香氣搭配豆乳嘅細膩口感，頂層絲滑奶蓋更加係錦上添花

喺啟德體育園區見到主打豆乳飲品嘅Jollibean！ 今期季節限定款,係我嘅最愛開心果豆乳 Let me try try🤭三色芋圓布甸 $32布甸豆味香濃，食落去口感滑溜，三種芋圓質感各有特色，口感軟糯。開心果豆乳有粒粒開心果碎碎，帶開心果仁香，豆乳濃稠醇厚，不過略甜。濃豆乳豆冰樂有500/700ml 的份量選擇，好清新，口感滑順，大豆味道濃郁，跟冰粒打成沙冰，甜度固定，冰沙質感輕盈，適合炎熱天氣除咗唔同口味嘅豆乳飲品,仲有賣豬仔包同牛角酥，所有吐司都免費升級香脆豬仔包, 加$5可以轉7吋牛角酥，各分店不時會有甜品/飲品加購優惠"

本人昨晚到訪該店點了一個三色芋圓西米露正值人潮時間因為隔壁體藝館有賽事進行但那杯芋圓嘅質素非常差三色芋圓極少西米露恍如開水，似在飲西米露水一啲甜味也沒有，本人明白當時正值巔峰時間，但是都不能夠用這麼低劣食品來敷衍食客

啟德零售館而家都有Jollibean 石磨樂豆啦😋新加坡過江龍豆乳品牌，愈開愈多分店，食物飲品偏向輕食、健康，近期都幾喜歡間中仲有期間限定，最近有開心果豆乳、豬仔包、牛角酥；吐司仲可以免費升級成香脆豬仔包，幾吸引，或者加$5可以轉7吋牛角酥😍🥑🥐牛油果碎蛋牛角酥 $54好正超鍾意呢個，牛角包新鮮熱辣，同碎蛋、牛油果超夾，三樣都係我好鍾意嘅嘢食🖤椰乳仙草西米露 $37椰香十足，西米超多，仙草細小嫩滑，好夾好好食🤤🤍9 °濃豆冰樂 500ml $23好少見豆乳都有沙冰，更有口感，夏天好啱飲，味道更濃😋🤍茉莉花茶豆乳700ml $35本身鍾意豆乳，加咗茉莉花茶有陣陣香氣，更加清新😌分店不時會有甜品、飲品加購優惠，記得留意👀🚩石磨樂豆 (啟德零售館1) (九龍城) @jollibean.hk 📍九龍城啟德承啟道38-39號啟德體育園啟德零售館12樓美食廣場11號舖 @kaitaksportsparkhk

朋友話呢間好好食，想去試吓見到個彩虹三文治即刻買咗份嚟試，但係一打開啲芝士又少顏色又恐怖份量又少味道唔好食完全唔知食咗啲乜，最慘肉又冇麵包又好細，但係仲要$43，太離譜了。另外個布丁話係新出，但係食落去完全唔似布丁又有水口感奇怪食囉牛奶果凍咁樣，啲芋圓咬落去口感又奇怪又暖又冇味道，太失望了。最慘係本桃膠啲紅棗都望落去好似嘔吐物咁，賣相差到極致最慘係碗嘢甜得好緊要，以後唔會再嚟試呢間嘢好似抄緊豆乳狂人，但又抄唔晒

市面上有不少輕食都已煎炸方式，產生了一些垃圾食物。已「石磨樂豆」將輕食改變為健康食品，讓客人除了可以醫肚外，更令食物可口美味及提升營養。😋是日選擇：1️⃣爆餡芋泥肉鬆吐司🍽吐司的外皮香脆，芋泥細膩，甜味恰到好處，帶來了香甜的味道。而加入了肉鬆增添了鹹香味，想不到肉鬆與芋泥的搭配很不錯。
2️⃣椰乳仙草西米露🍽椰乳散發濃郁的香氣，仙草微微苦，配上粒粒西米，夏日消暑的最佳甜品。3️⃣桃膠芋泥小丸子🍽色香味俱全的甜品，芋泥綿密，帶有自然甜味，桃膠增添了嚼勁，Q彈的小丸子，是值得推薦的甜品。4️⃣奶蓋芋泥小丸子🍽奶蓋的醇厚，芋泥的香甜，豆乳的香滑，柔和，讓人心情愉悅。

現今社會大家都追求健康，食野已經唔只為咗醫肚咁簡單，更會講究營養同味道，【Jollibean 石磨樂豆】呢間新加坡30年老字號品牌就正合大家所需。店舖款式選擇多，仲會有期間限定款，所以成為熱門健康之選。「蝶豆花茉莉豆乳凍」蛋白質豐富嘅蝶豆花混合係香滑豆乳凍中散發出淡淡茉莉清香，清香怡人，食完有種心曠神怡嘅感覺。「黑白芝麻豆腐花」份量真係好足呀👍🏻開心share兩個人食都無問題。濃濃豆乳味，豆腐花加埋黑白芝麻更加順滑。入口滑嫩層次感豐富，非常滿足😌「奶蓋芋泥小丸子」厚厚奶蓋＋濃濃芋泥混合香滑豆乳，同埋煙靭有口感嘅小丸子，解渴又好味。「抹茶紅豆小丸子豆乳」濃郁抹茶香味、大豆香甜紅豆 、香濃順滑豆乳、煙靭小丸子，真係非常之夾，口感豐富回味無窮抹茶控必愛❤️

住啟德繼續係零售館搵野食，豆乳感覺好健康就試下，飲完都冇負擔，真係唔錯！等食物時見到店內寫，用A級加拿大黃豆，每晚浸豆同每朝煮豆，味道同營養都100分！Download APP仲有優惠，生日有野送，我都download左啦😆😆仲有好多分店🥤抹茶紅豆小丸子豆乳 700ml $49最推介！豆乳有淡淡抹茶，配紅豆甜甜地好飲！仲有煙韌小丸子，大大杯好飲！🥤奶蓋芋泥小丸子 500ml $39綿密芋泥配煙韌小丸子，加埋豆乳好夾🥣黑白芝麻豆腐花 $28超大碗！豆腐花好滑，淡淡黑芝麻香，甜度低好健康🥪爆餡芋泥吐司 $39芋泥份量好多，配肉鬆甜甜地，吐司烘得好脆好味！仲有好多款口味簡

Jollibean 是來自新加坡的30年老字號品牌，主打健康豆乳飲品。🥤黑白芝麻豆腐花招牌豆腐花，使用巨型容器承裝，看上去就很飽。芝麻的香氣濃郁，而甜度非常低，豆腐花很滑順爽口，吃盡食材原味。🥤樽裝木瓜雪耳雪梨豆乳喜歡喝飲料的朋友不妨試試豆乳產品，黃豆的味道濃郁新鮮，甜度低很清新。底下木瓜等食材更添豆乳風味。🥤抹茶紅豆小丸子豆乳豆乳加上抹茶，兩著結合十分完美。微苦的抹茶搭配紅豆的甜與豆乳的滑順口感，整體表現得恰到好處。底下的丸子超有黏性與彈性，很有飽足感。

下午茶想食啲輕食，但係又想食得健康啲，唔想食煎炸油膩嘅垃圾食物，呢間豆乳食品小食店就啱晒。我哋喺會員app預訂，有啲獨家優惠，跟住去到即刻有得拎，好方便。咖喱雞肉吐司咖喱味幾香濃，配上雞肉碎，小吐司作為下午茶小食好唔錯。三色芋圓豆腐花可以揀熱食或者凍食，我就揀咗熱食，豆腐花好滑好濃味，配上紅糖好滋味。三色芋圓有芋頭、番薯同埋紫薯，我就最鍾意芋頭，食到真係有芋頭蓉香味。奶蓋黑白豆乳茶奶蓋香滑，奶茶就飲得多，豆乳加上茶真係第一次飲，又幾好飲，配上滑滑豆腐花同埋爽滑仙草，口感豐富。奶蓋芋泥小丸子我係芋泥空，見到有芋泥嘅嘢都忍唔住要叫，呢個奶蓋芋泥小丸子之前都食過，今次再食都一樣有香濃芋頭味，又唔會好甜，好正。

啟德周邊新開了大型商場同埋設施, 亦進駐唔少食肆, 令港人又多一個吃喝玩樂好去處。今晚同家人食完飯之後, 係附近兜個圈, 先知原來啟德零售館1樓上有個Food court, 其中仲見到呢間新加坡30年老字號「Jollibean」甜品店, 順路嘆返個甜品。呢間品牌老店嘅原材料選自A級加拿大黃豆, 堅持每晚浸豆、每朝煮豆、石磨鮮製而成。食物方面提供吐司輕食、豆乳飲品、甜品, 款式選擇多。沙嗲免治牛肉吐司:吐司烘得金黃微脆, 沙嗲味輕盈不是重口味, 有些少牛肉碎, 幾有層次。奶蓋芋泥小丸子-500ml 豆乳味濃郁順滑, 芋泥微甜, 小丸子軟糯熟透, 整體不是太甜。三色芋圓西米露:西米份量多, 芋圓軟糯熟透, 啖啖層次豐富。黑糖珍珠豆腐花:豆腐花熱辣辣, 口感好滑, 珍珠微微煙韌, 加咗少少黑糖漿, 另有黃砂糖可因應自己喜歡嘅甜度再加。

呢間係新加坡30年老字號嘅豆花品牌，原材料用上A級加拿大黃豆，每日新鮮石磨製作，有品質保證。佢哋偶爾會推出季節或限定款式，例如鹹蛋黃碎蛋多士、蝶豆花茉莉豆奶凍、同埋川貝枇杷膏豆腐花。今次就試吓期間限定嘅「蝶豆花茉莉豆奶凍」😍，漸層色好打卡able！💜蝶豆花茉莉豆乳凍 $24融合蝶豆花嘅自然藍色同茉莉嘅清香，搭配濃厚嘅豆乳凍，入口超爽口！🥥椰乳仙草西米露 $37呢款唔算太甜，帶有淡淡椰乳味。裏面嘅仙草係粒狀，咬落去好有彈牙感，加埋豐富份量嘅西米，食完都飽肚滿足！☕️凍即磨咖啡豆乳 700ml $39咖啡香氣濃郁，仲有濃郁嘅豆乳味！咖啡嘅苦甜同豆乳嘅濃滑口感完美融合，入口順滑，味道平衡。🥛奶蓋芋泥小丸子 500ml $39裏面有芋泥同豆乳，再加埋芋泥奶蓋。飲落去，奶味香濃，口感綿密，有啲微鹹甜嘅餘韻。加埋Q彈嘅小丸子，同芋泥嘅軟糯形成對比，味道層次豐富！🥤仲有三款熱飲可供選擇，有好立克豆奶、即磨咖啡豆奶、同埋9度微甜濃豆奶（適合秋冬季節飲用）。

嚟到體育園的food court，見到有豆乳製品，即刻買咗幾樣嚟試，豆乳產品冇得輸🙌🏻🌟#咖喱雞肉吐司香濃的咖喱醬搭配雞肉碎，吐司外脆內軟，吸收咖喱的香氣，一份輕食選擇👍🏻🌟#香芋豆乳凍香芋豆乳凍清新可口🤤滑順的口感與香濃的香芋結合，淡淡的甜味，令人心情開朗🫶🏻🌟#抹茶紅豆小丸子豆乳 抹茶紅豆小丸子豆乳結合濃郁抹茶與甜美紅豆，口感香滑，層次分明👍🏻小丸子Q彈，豆乳滑順，不僅美味，更富有營養💗🌟#奶蓋芋泥小丸子 奶蓋香滑濃郁，香芋甜香，小丸子Q彈可口，每一樣都非常搭配🫶🏻另外餐廳有期間限定款🤩鹹蛋黃碎蛋吐司，蝶豆花茉莉豆乳凍 ，川貝枇杷膏豆腐花等等🙌🏻熱飲都有：好立克豆乳 ，即磨咖啡豆乳 ，9 °微甜濃豆乳 👍🏻