真‧章魚無雙 (已搬遷) 新店位置

真。章魚無雙嘅章魚小丸子喺葵廣已經好多年，平時行過都會見到排晒長龍。今日沿路行去都見到有唔少人拎住黎食，果然好受歡迎，真係葵廣人氣之選😋雖然係星期日下午時間，成個商場都好多人行街，但只係等咗5分鐘左右就有得食啦😍 呢度嘅章魚小丸子有好多種口味，數一數有13種咁多！第一次幫襯，所以揀咗原味（大阪風章魚燒）試下先。🐙每粒章魚小丸子裏面都有大約三舊章魚鬚粒粒，絕對係真材實料！面頭有沙律醬、大阪燒汁、紫菜碎，仲好中意上面舖滿木魚，令到口感更豐富😍 下次經過再試下其他味先😆

去葵廣掃街，其中一間就係想食佢🤤見佢間店好多年，都冇幫襯過，但點知原來咁好味驚喜！🔅原味+ 櫻花蝦🔅出乎意料之外既好味！因為佢個皮係✨脆架！✨好少見章魚燒可以燒到咁脆卜卜🥹❣️內涵章魚都夠大粒、又唔會糊。漿汁好夠味（偏濃）但都係正既！食到我地大讚特讚！下次一定會再想再食！😍今次見佢寫住因為返貨問題得粒粒章魚冇左原粒章魚。但心諗而家咁都好好味，原粒章魚仲不得了

葵港出名多嘢食，今次就叫咗個蟹膏章魚燒，另外我仲叫咗多醬，見到啲木魚飄下飄下真係好自愈，佢啲蟹膏都落得好多，咬落粒小丸子嗰度脆卜卜，入面仲要有好大粒章魚，食幾粒已經好飽肚。

每一次經過呢間章魚燒都見到有人排隊，今日就試一試la. 睇睇餐牌，估唔到章魚燒都有咁多款口味可以㨂，而個價格定位都配合返葵涌廣場，適合街坊、同學同普通打工仔買嚟醫肚，最平$29有6粒原味，想豐富少少，可以俾多幾蚊就有8粒，亦可以食其他味道。係排隊的時候，聽到有好多人叫明太子。而我就鐘情原味，真大阪風章魚燒。每粒都有章魚粒，仲要大大粒❤️味道方面，係原味，沙律醬、木魚、燒汁同紫菜粉都有落足，一d都唔會就住就住，呢個價錢可以話係誠意之選。另外，佢淨係收現金，想食就記得帶錢。

講到黎葵廣掃街，梗係要支持真‧章魚無雙 💛🔹蟹膏+ 蜜糖芥末章魚燒 ($33) 呢間其實已經係其他分店食過幾次，今次又口痕想食🤣試吓未食過嘅口味雙拼➡️"蜜糖芥末"+"蟹膏"章魚小丸子嘅餡料唔知點解覺得旺店分店好似多D豐富D🤔不過都一樣咁好味，外皮香脆，唔會成粒麵粉漿，咬開仲有完整嘅章魚幾彈牙👍🏻👍🏻👦🏻👦🏻就比較鍾意食傳統味道嘅"蜜糖芥末章魚燒"，👧🏻👧🏻比較鍾意食"蟹膏章魚燒", 蟹膏落得好多, 好似唔洗錢咁😂🤤🤤下次又試下其他味道先😍

今次又黎度葵廣搵野食，每次嚟都少不免要食章魚小丸子🧆依家亦都係我嘅最愛😍🌈黑松露章魚燒6粒 $35兩款都係大約等咗5分鐘就有啦！一拎上手仲係熱辣辣，除咗用黑松露沙律醬之外，每粒章魚燒上面都有一pat黑松露醬，可以話黑松露味超級濃郁！小丸子裏面有一大粒章魚，但就好似冇落椰菜，口感爭少少🤏有埋就Perfect啦！而且佢加咗大量嘅木魚碎，一齊食真係好似去咗日本咁😌🌈明太子章魚燒6粒 $32呢款明太子亦都係我嘅最愛，面頭加咗大量嘅明太子沙律醬，有少少咁多辣，十分惹味！不過同樣地可以落返啲椰菜，增加成個味道嘅層次～

每次黎葵廣都會食呢到既蟹膏小丸子蟹膏醬有鮮味 小丸子本身外脆內軟💕用唔洗$30 六粒 既價錢食到高質數既美食（始中一分錢一分貨 cp值已經超出預期所想）小丸子無論柴魚片定章魚都好足料 食完好滿足💕店員由落單到送出食物都好有禮貌 唔會因為人龍 工作量多而忽略顧客需要 都會提醒客人大概等候時間 耐心等候 🤤小丸子即叫即整 入口前記得吹凍 唔係辣口😵‍💫店內都有好多唔同口味小丸子可以嘗試 都睇得出店主敢於創新迎合客人口味 抵讚😘😘唯一美中不足係經常出現人龍 等候需時之外 都無咩缺點

平時睇ig story都間唔中見到去葵廣既朋友仔都會去依間「真·章魚無雙」買小丸子食，今日心血來潮黎到葵廣又想食小丸子，就決定試下點解咁多人食。Menu所見到既口味都幾多元化，有平時食到既口味之餘，仲有好多幾特別既款式，係咁多款小丸子當中，今次揀左「真·蟹膏章魚燒」（$35/6粒），等左10分鐘到就有得食，見到個章魚燒已經覺得好吸引，中意食蟹膏既朋友仔更加唔可以錯過，因為蟹膏係舖滿係章魚燒上面，蟹膏唔會太腥。另一個賣點就係章魚係用左原隻既章魚仔，所以食落好有滿足感，但唯獨是麵團有啲淋得滯，燒完唔夠脆口，依個位扣左分。

次次過來葵涌廣場必買的小吃之一😋店主很捨得落料 餡料十足👍這次叫左👉🏻真·大阪燒風章魚燒🐙$37 八粒 每次過來必要排隊～不過現在疫情期間 ⏳只等左十分鐘左右都好快😁🐙章魚燒粒粒飽滿 口感好豐富 不會覺得成粒很多麵粉（以前吃過太多間舖 都是麵粉多過材料）而這間🐙章魚燒裡面的章魚好大粒 好Q彈🔥外皮烤又得岩岩好 好脆加埋上面滿滿的紫菜 沙律醬 木魚碎一口吃曬 真係有夠滿足😋😋聽講觀塘都開左新舖🎉下次可以近近地買外賣啦👏👏👏

葵廣簡直係小美食天堂❤️❤️你想食咩都有呢間小店推各式樣嘅章魚燒真蟹籽章魚燒 可以話係我心目中小店嘅top1❤️每次嚟親通常都會叫佢章魚大大粒 外脆內軟再加上面頭有一層蟹子口感更加有層次🥳特別係章魚燒入面嘅章魚係完整十分有驚喜🤤🤤

葵廣多野食應該唔使多講但疫情唔允許除口罩當街食嘢 只好買外賣真。章魚無雙有好多分店 要無限回頭不停食真係有好多款 但每次都想食返原味真。大阪風章魚燒8粒 $35即叫即製所以都要等大概10-15分鐘粒粒都好大粒 咬落去個皮唔厚漿 仲有大大粒八爪魚🐙紫菜 沙律醬 木魚碎 落得唔手軟 有好多

呢間應該係我係香港最愛既章魚燒店之一 而且仲要係良人小店 絕對值得支持😍😍呢間小店主打各式新式口味既章魚燒 呢日我地叫咗蟹子味同埋原味 章魚燒外脆內軟 而且章魚大大粒 非常足料有咬口🥰不過我最愛既口味一定係蟹膏味 超級夾 必試！

作為顧客嘅問多一兩句都要俾佢西面，態度咁差、咁滿意咪做啦！一開頭已經嘴藐藐…佢自己唔問清楚就幫人落咗單，仲好意思叫人哋下次小心啲！啲食物品質有幾好都冇用！！！！！

去到 #葵廣 #掃街是常識吧 今次一於 #懲罰 #章魚燒 各位要留意返💁🏻‍♀️葵廣有好多間 呢間係位於2️⃣樓 即有行人天橋通往新都會廣場同葵涌運動場嘅樓層 唔好去錯呀！有點可惜嘅係 #8cm大大粒章魚燒 暫停咗#真大板風章魚燒 $29 （6粒）可能咁啱好多人買緊 所以好快就有啦～不過要小心好熱😮‍💨記得吹多兩吓先擺入口有半粒嘅外皮係脆 雖然唔算好大粒 不過堅係粒粒有章魚 有餡唔係成粒粉團👍🏻醬汁好多 再配埋木魚 夠哂惹味😋😋絕對值得 推🙌🏼推🙌🏼推🙌🏼若果成粒嘅外皮都脆 就仲正🤤#真黑松露章魚燒 $35（6粒）真。章魚燒 淋上黑松露醬汁 不過講真 個醬唔算好出味 所以最後佢係每粒再加上 #黑松露 先係重點 政治所在入口黑松露味出哂👍🏻同本身個章魚燒汁好夾 掂s推🙌🏼推🙌🏼推🙌🏼雖然佢地每款另有8粒可選擇 不過冇講笑 食一盒6粒都夠哂飽 好似食咗餐正餐咁😅

每一次嚟葵廣掃街，小丸子都係我必食嘅其中一樣食物，而呢一間小丸子已經食左好多好多次🤣雖然間唔中都有試下其他間既章魚燒，不過都係最後會幫襯返呢間😍真.大阪風章魚燒之前都有食過明太子味既，都好食！但我最鍾意食嘅味都係大阪風嘅章魚燒🤤每次食都係熱辣辣，木魚碎嘅份量都好多，每一粒嘅粉漿都差唔多，而且唔會話太多粉，入邊嘅章魚又大大粒🤤配合埋大阪醬既汁，真係好好食。每次食完都好滿足，而且食極都唔會厭🤤🤤