真‧章魚無雙 (已搬遷) 新店位置

本身由細到大都麻麻地章魚燒但之從食過一次呢間就愛上了💓每次去葵廣都想食🤣個人就比較鐘意葵廣店多啲🥰🔸真•黑松露雙拼明太子章魚燒(8粒)🐙$43 黑松露味小丸子上面淋上黑松露沙律醬再加點黑松露,黑松露味超夠🤩而明太子相對比較鹹,明太子醬加沙律醬💫個人覺得明太子醬可以再濃少少😙章魚燒個皮好脆,粉都唔會厚💦章魚嘅份量都好足🫶🏻大家一定要試吓❤️‍🔥提提大家雙拼要加兩蚊~~🔸真•芝士章魚燒(6粒)🧀$33一黎度已經聞到好香,芝士係用火槍燒過仲可以拉燒🤤芝士夾埋小丸子食好正🤭而章魚燒同樣外皮好脆,章魚量好足🫦但葵廣嘅芝士就比旺角多😳

真。明太子 x 真。激蔥風 章魚燒 雙併 ($40)今次係夜晚七點幾去買🫣排隊條龍長到後面兩三間舖，由排隊落單到整好食到好似都要等左20mins左右。即叫即製真係好正！！！一拎上手熱到辣手！一定要喺現場即刻食！每一粒章魚燒都係外皮脆脆的，入面有滿滿的章魚粒🥹再淋上勁多醬😍食落去真係滿滿嘅幸福感🫶🏻次次黎買都想食好多個味🥹但明太子真係必嗌🤎蔥真係爆多都好正❣️食過幾次其他無雙分店但都係始終鐘意食葵廣分店🫣！

真.好好味章魚燒！知道有日要去葵廣，特登帶定食物盒去買外賣，自備外賣盒可以減一蚊，既環保，又慳錢，雙贏！平日大概六點幾去到，落咗單即刻就有得拎。呢度仲有好多款唔同嘅味道，買幾款同朋友share就最好啦！真.明太子章魚燒(6粒)$32- 章魚燒大大粒，粉漿有口感唔會太軟。店員大方地淋上明太子醬汁同埋灑上木魚碎。每一啖章魚燒都食到明太子卜卜脆嘅口感，而且味道鹹香，食完一粒會想繼續食落去，一啲都唔覺得油膩，大力推介！

知道今日會去葵涌廣場，一早上網book mark定一啲必食推薦，依間除咗評價不錯，連屋企人都有食過話好食😋 十分期待第一次食 一於試吓大阪風先醬汁分量剛剛好，唔會太咸，上面鋪滿木魚絲😋 而且每一粒小丸子都燒到入邊都熟埋，唔怕入口成Pat粉。可惜因為舖頭貼咗告示，供應唔到原隻章魚，改為用章魚粒代替，失去左一啲佢嘅特色😟 但係章魚粒嘅份量一啲都唔小氣，粗略估計每一粒小丸子入邊都有三粒章魚粒🐙 期待下一次章魚供應穩定嘅時候再試其他口味🥹

小店位於葵廣其中一條巷中間, 門口長期都有超過20人排隊落order同等拎嘢食. 離遠都可以睇到長長嘅人龍, 完全感受到佢幾高人氣成個menu有十幾款, 有選擇困難症嘅我就揀咗明太子配蟹子嘅雙拼口味😋小丸子外表大大粒脹卜卜, 明太子醬同蟹子多到幾乎滿瀉. 一食落去除咗感受到滿滿嘅醬汁同木魚碎, 亦都食到內裏非常大粒又彈牙嘅章魚粒. 坊間好多章魚燒店為咗慳錢, 都係象徵式咁放一小粒章魚就算, 呢度就反其道而行, 好似唔使錢咁塞爆粒小丸子😂兩隻味道都好出色, 不過個人私心鍾意明太子多啲, 下次嚟又試下其他味先

章魚無雙真明太子章魚燒 32$葵廣掃街沒理由唔試一試章魚燒，32$有6粒（38$有8粒，其實抵啲）但因為掃街，所以選擇了六粒既份量。真明太子章魚燒，章魚燒表面有一層明太子醬，帶有香濃明太子味道，章魚燒內有很多章魚粒粒，平均每粒章魚燒 有4-5粒，粒粒都大大粒，章魚粒口感非常彈牙，比一般章魚燒食落豐富飽滿。章魚燒即叫即整，大約等左五分鐘左右，章魚燒粒粒都夠熱，木魚碎有動感，另外，面粉漿不會過厚，正正常常，以32$有6粒黎講，相當抵食。下次要再試試其他味道

慕名而去試既明太子章魚燒-$32(6粒)omg，勁好食！平時啲章魚燒得一粒章魚，佢唔止，入面有滿滿既章魚🐙明太子醬好夠味，好好食。全部即叫即整，熱辣辣😋😋😋好明白佢點解長期有人排隊，一定有下次❤️

小食最愛章魚燒❤️ 但唔係間間都整得好食 不過呢間就一定好食啦👍🏻​全部章魚燒都係即叫即製，製作時間大概20分鐘 超新鮮! 熱辣辣!  🐙蟹膏章魚燒$34 (6粒) 比得勁足料🤩 好多蟹膏 醬料同木魚花 都比得好多章魚燒梗係要一口一個啦 食落去好creamy d料差d爆曬出黎外脆内軟 仲有粒大大粒章魚 好咬口🤤🐙蜜糖芥末章魚燒$30 (6粒)一樣咁好味 醬料甜甜辣辣咁 同章魚燒好夾小食必食 章魚燒  又抵又好味👍🏻

【葵廣掃街必食小丸子🐙真·章魚無雙】-黎葵廣除咗行街買衫🛍又點少得掃街呢?🤩今日要介紹葵廣掃街必食嘅章魚燒🔥🐙章魚無雙🐙🔥-章魚無雙係葵芳廣場二樓🏢係「李圓圓」同「我想和你無所事事」附近佢係旺中、觀塘同西灣河都有分店架🥰-佢有1️⃣3️⃣款口味，可以嗌6粒或8粒💁🏻‍♀️雙併加兩蚊（芝士及牛油粟米無法雙併）自備器血減$1哦😙🐙真•大阪風章魚燒🇯🇵🐙真•激蔥風章魚燒🧅🐙真•日式咖哩章魚燒🥘🐙真•蜜糖芥末章魚燒🍯🐙真•沙律蛋章魚燒🍳🐙真•明太子章魚燒🔴🐙真•蒜香牛油粟米章魚燒🌽🐙真•柚子章魚燒😝🐙真•蟹子章魚燒🦀🐙真•櫻花蝦章魚燒🌸🐙真•芝士章魚燒🧀🐙真•黑松露章魚燒🕶🐙真•蟹膏章魚燒🦀-😋真•明太子章魚燒（6粒）$32即叫即整😉平時都要等十幾分鐘先有不過今日好好彩唔洗等😝拎上手仲係熱辣辣架🔥章魚燒面頭淋滿曬明太子同沙律醬 仲灑咗啲紫菜同木魚🥰章魚燒食落皮酥餡軟嫩（⚠️要小心熱）明太子味道濃厚😍入面嘅章魚粒爽口個人鍾意成粒放入口食🤩超滿足！不過如果加埋高麗菜增加口感就更好味😋好味指數：🌕🌕🌕🌕🌗-📍 真‧章魚無雙 葵芳：葵芳葵富路7號葵涌廣場2樓C07B號舖旺角：旺角彌敦道688號旺角中心1期2樓SB

🐙 <明太子章魚燒> $ 32/6粒 上個月久違地去咗一次葵廣，第一次試呢間人氣小店，超級多人排隊等候，證明一定好味道!!!落單到野食到手都差不多要20分鐘!留意店鋪主要收現金❤️章魚燒有多款口味，即叫即製，一拎到手熱辣辣，抵讚😆👍🏻明太子醬好惹味❤️鹹味中又帶有明太子既鮮味😍雖然章魚燒本身係偏淋，但明太子醬完全喺點睛之筆，濃香味十足🥳下次想order黑松露口味，睇落都好似人氣之選⭐️

去葵廣掃街，呢間會係我嘅top3之一，佢哋醬嘅款色好多，可以因應你當日喜好去選擇。今次揀左真.激蔥風 x 明太子章魚丸。章魚丸：今次有少少失手，因為成粒都好腍，外皮做唔到脆既效果，應該係煮嘅時間同個漿控制得唔好。佢地有時會做到外脆內軟，下次依然會再碰碰運氣！不過，章魚🐙依然大粒，爽口嘅。醬：🫴🏻真.激蔥風：好有驚喜，蔥非常香、爽口、清新，再加上咸咸地既醬汁，好夾！👏🏻🫴🏻明太子：中規中舉，用左明太子味唔太出，不過個醬都算幾好味！😜

今日心血來潮想去行下葵廣同買野食食完飯之後就同老公，女女岀發行完一陣，就去依間章魚無雙買盒小丸子每次都有人喺到等買/攞我哋就買左6粒原味返屋企嘆好足料，大大粒章魚粒，醬汁又夠味即叫即做，而且個皮又唔會好粉，好食！

去葵廣掃街第一次試章魚無雙😬，本身都鐘意明太子嘅關係所以都係試左呢個口味。雖然無雙喺葵廣都幾有名，不過都等得唔算耐，沿路都見人拎住一盒盒，可見都唔會中伏。🤣🤣明太子本身都係咸香味重啲，如果食唔慣嘅人可能會覺得咸。明太子味章魚燒，章魚好大粒，不過略嫌有點細粒。（$38，8粒）

有次行行吓街經過，見到有咁多新奇味道嘅章魚小丸子就好想試吓！一打開，超級無敵足料，啲蟹膏多到滿瀉，入面真材實料，大大粒章魚喺入面！仲有好多其他味道嘅章魚小丸子，一定要試曬咁多隻味，絕對唔會伏，款款都咁誘人

佢全部醬都好岩送飯食 😹🤣😂 。 因為全部都好咸同埋 d 醬好多 。佢每款都有柴魚響上面既 。🤐🤐咁所以個醬又咸個柴魚又好咸咁既 。衣個係真.蟹膏章魚燒🦀 。$44/8粒 。 佢應該係韓國之前好 hit 一罐罐果 D 罐頭蟹膏黎既 。 唔腥既 。衣個係真.🧀芝士章魚燒 $41/8粒 。 衣個反而麻麻地 。 芝士味唔係話好濃 。 😵😵得個咸字 。 不過又未去到難食既 。衣個係真.🍄黑松露章魚燒 $44/8粒 。 聞落好香 🤤 。 食完要飲好多水 。衣個係真.激蔥章魚燒 。 $38/8粒。 d蔥成本兩三蚊 , 佢就好似唔洗錢咁比勁多 😂🤣😹 。 中意食蔥既可以食下 。 個草青味同沙律醬幾夾 。