真‧章魚無雙 (已搬遷) 新店位置

每一次經過呢間章魚燒都見到有人排隊，今日就試一試la. 睇睇餐牌，估唔到章魚燒都有咁多款口味可以㨂，而個價格定位都配合返葵涌廣場，適合街坊、同學同普通打工仔買嚟醫肚，最平$29有6粒原味，想豐富少少，可以俾多幾蚊就有8粒，亦可以食其他味道。係排隊的時候，聽到有好多人叫明太子。而我就鐘情原味，真大阪風章魚燒。每粒都有章魚粒，仲要大大粒❤️味道方面，係原味，沙律醬、木魚、燒汁同紫菜粉都有落足，一d都唔會就住就住，呢個價錢可以話係誠意之選。另外，佢淨係收現金，想食就記得帶錢。