相馬日式火鍋 荔枝角

營業中

休息中

1. 服務態度-入到店裏櫃檯，服務員大大聲有冇訂位，我話有，貴姓？ 你自己去搵位，鍾意坐邊度就坐邊度啦，有冇餐廳咁樣帶位😓2. 客人質數-好似街市，坐一分鍾馬上頭痛，叫服務員轉位，佢話每個位都係咁嘈個喎😮3. 衛生問題- 每一個角落都不可接受，一步一驚心，腳踩落地節節聲，我諗開張到而家都未洗過地，坐位破爛，走又唔糸唔走又唔系🤣4. 垃圾食物- 第一道菜，上了個雞煲，雞咬唔斷，豆腐卜縮臭味，海鮮又係臭嘅，即刻叫服務員攞走，然後第二道菜蒸海鮮，惡夢又开始，蜆仔成口沙，全部有異味😭又拎走，之後打邊爐，牛肉嗰隻味我不懂形容，食咗一嚿即吐出嚟🤮天呀人生未試過呀😪 講到大閘蟹放題，主要係想嚟食大閘蟹，咁就由令我好失望，鉸剪手拎都掹唔甩黐住對手，可想言之，唔使我講🥱熟食炸物油唔知用咗幾耐，油膱味超重🤮5. 重点糸大家千萬千萬唔好睇廣告，大家唔知有冇喺Facebook睇過呢個廣告，全部嘢都好精緻好乾淨，就留咗睇食評，咁就衰咗，540幾蚊一位，五星酒店都唔使都可以食到，人生又上了一課

(沒有用餐優惠)上個星期同屋企人去咗荔枝角嘅相馬日式火鍋食晚餐，呢間餐廳真係令我哋印象深刻，CP值真係好高，款式多，而且味道都唔錯。我哋嗌咗個套餐，頭盤就係大閘蟹🦀，啲蟹膏同蟹肉真係好鮮甜，蟹味濃郁但唔會覺得膩。之後上咗極上豪華蒸海鮮，有帶子、廣島蠔、海蝦同埋扇貝，賣相靚，蒸得啱啱好，啲海鮮真係鮮甜，而且口感好嫩滑，特別係嗰隻帶子，鮮味十足。炸物方面，我哋試咗啲單骨雞翼，外脆內嫩，味道啱啱好。日式串燒炸物方面，牛肉、豚肉、燒蝦同埋燒金茹肥牛卷都表現唔錯，特別係金茹肥牛卷，好香，入口鮮甜。至於火鍋部分，海鮮包括鮑魚、帶子、廣島蠔、海蝦同埋扇貝，鮮味完全唔失，煮完之後啲海鮮仲係咁嫩，尤其係鮑魚，咬落去好爽。而美國牛板腱🥩，真係嫩滑無比，配埋特製嘅酱料，好有層次感，好滿足。呢次晚餐真係食到好開心，CP值超高，食材夠新鮮，價錢合理，環境又舒服🌟。下次一定會再嚟㗎！

今日去咗荔枝角一間叫「相馬日式火鍋」嘅餐廳食放題晚餐，最吸引嘅係連而家當造嘅大閘蟹都可以放題任食，每人$498無限時任食大閘蟹、雞煲、海鮮、火鍋配料、雞翼、炸物同串燒，一個價錢滿足晒所有慾望，真係好抵食，食物選擇嘅款式好多，總有一款你啱食。而且無限時嘅放題真係好吸引，可以慢慢食慢慢嘆，唔使食都趕頭趕命，又可以有時間同朋友傾偈。🍊大閘蟹蟹嘅尺寸唔會太細，起碼都有四両或以上，可以揀公或者乸，雖然要拆蟹穀有d麻煩，但每一隻都有濃厚嘅蟹膏，食落非常滿足，蟹肉亦都好甜，而且食大閘蟹放題餐仲可以無限任飲喜力啤酒添🍊海鮮款式種類好多，包括鮑魚、大蝦、貴妃蚌、帶子、廣島蠔、扇貝等等，全部都味道鮮甜，食材新鮮，海鮮嘅精華透過蒸架滴落下面嘅湯底，令到個湯好鮮甜🍊雞翼放題有好多款唔同煮法嘅雞翼，我覺得最好食嘅係蜜糖雞翼、水牛城雞翼同蒜蓉牛油雞翼，全部都整得好入味，雞皮充滿唔同口味，雞肉仍然保持嫩滑多汁📍荔枝角長義街10號昌隆工業大廈1樓B-C號位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊

呢次同朋友嚟到荔枝角嘅相馬日式火鍋再聚，之前喺另一間分店食過一次，已經覺得非常滿意，所以今次決定試下呢度。呢間店嘅環境感覺更加寬敞，裝修係典型嘅日式風格，好有格調，燈光柔和，氛圍舒適，啱晒朋友聚會慢慢食慢慢傾。呢次我哋點咗大闸蟹海鮮火鍋放題套餐，最大嘅吸引點係可以無限追加海鮮！大闸蟹呢個季節限定嘅食材係必食嘅，蟹膏滿滿，蟹肉好鮮甜，食落口係啖啖肉，配埋湯底煮更加惹味。另外，我哋仲試咗佢哋嘅極上豪華蒸海鮮，呢個蒸盤上面有蝦、帶子、螃蟹等多款海鮮，蒸嘅做法完全保留咗海鮮嘅鮮味，每一口都係天然嘅鮮甜感，唔需要任何調味料都已經好好味。新鮮出爐嘅即炸乳鴿真係冇得輸，外皮香脆，肉質鮮嫩多汁，炸得啱啱好，完全唔會過火，食落去感覺非常香口，口感豐富，係炸物愛好者一定要試嘅菜式。日式串燒炸物系列都非常推薦，尤其係串燒牛肉、串燒豚肉同燒蝦，每一串都燒得香噴噴，尤其係烧虾烤至表面微焦，外壳烤得香脆而唔会过火，虾肉保持咗嫩滑嘅口感，入面仲鎖住咗鮮甜嘅肉汁，每一口都係充滿大海嘅味道。最後講下美洲產優質豚肉，呢個豚肉真係肥瘦適中，煮喺火鍋入面肉質好嫩滑，每一口都係好有豬肉嘅香味，食落好滿足！整體嚟講，呢次食嘅出品

前排去咗火炭嗰間食，今次約朋友嚟荔枝角gathering，因為呢度嘅大閘蟹放題，真係好抵食！大閘蟹，仲可以同時任食雞煲、海鮮蒸鍋、炸物，勁多款揀。而且我鍾意食海鮮，有鮑魚、貴妃蚌、廣島蠔同埋扇貝，嗰隻款都有抵過屋企食🤣🤣連雞翼放題都有，特別係蜜糖雞翼，真係好好味！水牛城雞翼同蒜蓉牛油雞翼我都試左少少都唔錯。仲有任飲啤酒，真係飽晒😋最重要嘅係，呢間餐廳係無限時，慢慢坐慢慢嘆，完全唔急。即使同行朋友唔係好鍾意大閘蟹，佢哋都可以食蒸海鮮或者惹味雞煲，根本係一個gathering熱點。總括來講，呢個大閘蟹放題真係好推介，適合各種食客，無論你係海鮮控定係鍾意雞翼，保證你會食得開心！

想一大班朋友一齊擦餐勁，當然要搵間無限時放題啦！最近大閘蟹當做，我哋就揀大家嘅中心點喺荔枝角食大閘蟹無限時放題啦！除咗有無限食嘅大閘蟹之外，還有任食雞煲，蒸海鮮鍋，火鍋放題，雞翼放題，仲有好多炸物同串燒添，飲品都是任飲㗎 ！蒸海鮮有啲咩海鮮呢，有鮑魚、大蝦、貴妃蚌、帶子、廣島蠔同扇貝，一路等蒸海鮮一路仲可以食大閘蟹添，食完之後再叫都可以。雞翼放題呢就有蜜糖雞翼、水牛城雞翼，蒜蓉牛油雞翼還有芝士雞翼，真係好好味㗎！呢個放題除咗有汽水飲品之外，還有其他嘢飲仲包括有啤酒飲添！呢度啲啤酒全部都係喜力嚟㗎。一個價錢就可以滿足咗大家海陸空嘅慾望，滿足晒所有人嘅慾望啊！餐廳而家做緊$498無限時任飲任食，仲要呢個價係有大閘蟹食添，真係可以慢慢坐慢慢嘆同同班朋友一齊gathering啊！如果同行有朋友唔鍾意食大閘蟹嘅話都唔緊要㗎 ！都可以同台一齊食蒸海鮮食雞煲！

講到食大閘蟹，梗係要嚟相馬日式火鍋食。呢度嘅放題唔單止可以無限任食大閘蟹，仲有其他好食嘅海鮮同肉類。呢度嘅【大閘蟹】肥、大、腥、鮮、甜，有別於一般螃蟹，肉質特別鮮嫩，擁有飽滿嘅蟹膏，食落去香味馥郁。【極上豪華蒸海鮮】各種海鮮都非常新鮮，每種海鮮都保持住原汁原味嘅鮮味，食落去非常鮮非常甜。呢度仲有好多款唔同嘅【單骨雞翼】。有啲味道酸酸甜甜，有啲味道鹹香味十足，有啲酥脆可口，食咗絕對會停唔到口。其他嘅火鍋海鮮包括咗【鮑魚】，【日本帶子】，【廣島蠔】等等。鮑魚肉好有彈性，鮮嫩爽脆。日本帶子嘅口感新鮮甜美，廣島蠔肉質豐滿，口感滑嫩，仲帶有淡淡嘅鹹味。唔止海鮮好食，呢度嘅【美國牛板腱】都係一流。口感軟 Q 韌性適中，肉香醇厚，略帶嚼勁，細嫩多汁，爽滑口感無法忘懷。

今日去咗荔枝角行街，朋友想食海鮮火鍋，經過見到呢間相馬日式火鍋，食完有驚喜！餐廳嘅室內佈置又靚又大又舒適，配合柔和嘅燈光，令人感覺好舒服，實在係食火鍋、聚餐嘅理想地方。首推係呢款芝士龍蝦湯茶碗蒸，真係燒得剛剛好！鮮甜嘅龍蝦肉搭上香滑芝士，口感層次分明，既有海鮮鮮味，又有芝士濃郁香，真係一流👍🏽另外，任食惹味龍蝦雞煲亦唔可錯過！火候控制得宜，新鮮龍蝦同雞肉煮得岩岩好，湯底夠香濃，大大煲，惹味得令人食到停唔到口！真正重頭戲就係極尚龍蝦蒸海鮮！拼盤應有盡有，包括鮮龍蝦、鮑魚、魚、貴妃蚌、扇貝同蝦等各式海鮮，新鮮爽脆，口感彈牙，同朋友食得好開心👍🏽👍🏽👍🏽火鍋湯底我選擇咗甜豉油湯，湯頭鮮甜，搭配優質牛肉同雞腿肉，實在無得頂🔥肉質滑潤，散發出濃濃嘅肉香，食完一舊又一舊，根本停唔到口😁總括來講，相馬日式火鍋真係一個非常舒適嘅地方，無論係環境定係食物質素都好出眾，特別適合同朋友聚會，大家可以一齊享受美食，分享快樂，絕對值得一試！

靚女同事👩‍💼鍾意食大閘蟹，又鐘意打邊爐🦀🍲，佢上網搵到呢間做緊放題，一take過有齊大閘蟹、海鮮火鍋🍲。即刻約埋我放工一齊嚟。餐廳位置夠晒方便，喺荔枝角地鐵站一出，行1分鐘就到。一踏入餐廳，已經聞到濃郁嘅海鮮及大閘蟹嘅香味。我哋一邊吹水一邊食，真係乜嘢工作壓力都冇晒～🌿除咗大閘蟹放題，真係食齊海、陸、空哈😋，有雞煲🐥、海鮮蒸鍋、火鍋🍲、雞翼放題、炸物同串燒，啱晒心多多嘅我。海鮮都有不少選擇，有大蝦🦐、貴妃蚌、帶子、廣島蠔🦪及扇貝等等。一路打邊爐，一路食大閘蟹，真係好爽🌿🤭，呢餐真係大滿足。

又到大閘蟹季節，最後梗係約埋老友一齊拆蟹，朋友提議食晚市放題我幾經打聽了位於荔枝角相馬日式火鍋食放題好處是一個價錢包底，吾使擔心over budget 放題主要有時令大閘蟹外仲可同時任食雞煲、海鮮蒸鍋、火鍋放題、雞翼放題、炸物和串燒等都得任食，一個咁抵嘅價錢食咁多會唔會太過份。海鮮種類超多有鮑魚、大蝦、貴妃蚌、帶子、廣島蠔、扇貝等，大家都等吾切一邊蒸海鮮，一邊拆大閘蟹，各式各樣的海鮮也十分新鮮，大閘蟹雖然細細隻但都爆膏，very good!海鮮未夠仲有雞翼放題，小朋友們至愛蜜糖雞翼，仲有大人口味水牛城雞翼同蒜蓉牛油雞翼，重口味之選。如果想啤啤佢，大閘蟹放題餐仲可以無限任飲喜力啤酒，爽爆。最後梗係要講下一個價錢五大放題$498無限時任食，真正以本傷人，我地淨係食海鮮都回本了。

唔起眼，楼梯上一樓，食店門口走廊喑，食店環境衛生差差差，侍應唔願做，order 燒物要追幾次，燒波蘿只見在燒爐上冇人理會，我地落單都算唔追，雪糕不是原杯，打開雪糕柜已唔敢食，無限時，星期六$528/位，未計加一，離開時見其中一部冷氣不停漏水，（水舞間），環境比大排檔差好多。

前排老闆請食飯就帶我嚟呢度食buffet，我覺得呢度好正，環境又幾好，就帶咗屋企人嚟呢度食 buffet呢度嘅大閘蟹真係頂呱呱，冇得彈，非常新鮮，蟹肉嘅味道非常鮮美，食咗仲想再食，肉質非常滑 ，入口即化，鮮香無比。仲有豬肉，油脂同瘦肉特別均勻，下鍋煮香氣十足，口感好好，唔會好老，肉質仲帶有少少彈性， 仲有微微嘅豬油味，食住特別香。我哋仲要咗佢哋嘅火鍋海鮮，攞咗好多料，特別鍾意青口同貴妃蚌，味道特別鮮香，肉質仲好有彈 性，阿爸就好鍾意食螺，佢話覺得非常新鮮，香氣十足。海鮮蒸鍋亦都唔同凡響，蒸嘅煮法可以大程度保留海鮮嘅鮮味，唔會損壞海鮮本質，因為食材都 好新鮮，口感同味道都係一流。當然仲要嚟一堆油炸同串燒食品，我自己特別鍾意佢哋嘅串燒牛肉同燒蝦，串燒牛肉仲保留住牛 肉嘅香氣，唔會燒過頭，肉質仲算滑嫩，燒蝦味道好正，調料非常適中，唔會過鹹。我同屋企人喺呢度食得好開心，呢度係一個食火鍋放題嘅好地方!

😄今晚我同朋友就嚟咗「相馬日式火鍋」喺荔枝角，間鋪超舒適，食物更加喺任食放題，一定咬肚餓嘅時候嚟呢度食火鍋！首先，「芝士龍蝦湯茶碗蒸」，聽落去就已經令人好期待，食落去芝士味重，龍蝦又鮮甜，好有營養嘅感覺🤤。再嚟就係極尚龍蝦蒸海鮮，一眼見到有好多種海鮮，蒸熟可以直接食到海鮮有幾新鮮，😍，食完再配上「中華辣湯」，熱辣又有味，配上牛肉同豚肉，香軟無比，食落去真係爽口至極！另外，仲有呢個「任食惹味龍蝦雞煲」，一食開始香氣四溢，調味剛好，味道一流，裡邊个肉充分吸收個汁，食到好嫩。 為咗呢次飯局，我哋大家都放開肚皮嚟食火鍋，尤其係我，專門穿左寬鬆嘅褲嚟食。喺呢度食完之後真係令人滿足到唔得！咁好嘅環境，咁多嘅選擇，好食又抵食，絕對要再嚟！😉

今晚我同同事一齊去相馬日式火鍋食海鮮火鍋放題，呢度裝修精緻，有超級濃厚嘅日本風情，氣氛好舒適✨。呢間餐廳嘅招牌就係芝士龍蝦湯茶碗蒸，超吸引！芝士味好香，龍蝦肉好鮮甜，值得一試💯。同事都驚嘆居然可以食到咁好嘅芝士龍蝦湯蛋！❤️令一個招牌就係任食惹味龍蝦雞煲，份量超足，好大份。雞肉Q彈同埋龍蝦肉鮮甜，兩個搭配真係好夾💚。我最期待嘅係呢個極尚龍蝦蒸海鮮，嗰個龍蝦，鮑魚，魚，貴妃蚌，扇貝，蝦，一個頭蝦，正常大，見到已經大心心眼😍。而且份量豐富，可以食到海鮮原汁原味嘅鮮味搭配少少蒜味，正！🤞🏻火鍋湯底嘅選擇好多，仲有一款甜豉油湯：睇着好清，但味道好够🔥 。我最爱嘅火锅料牛肩胛都唔错，肉質嫩滑，口感豐富，滿足了我個人的喜好。總結嚟講，呢間火鍋店從菜式到環境都唔错，我同我同事都好滿意，一定會再嚟的💖

今日先知道原來打邊爐都可以覺得難食🙂‍↔️餐廳衛生環境欠佳，地板超級跣…食物又唔新鮮，選擇少…熟食炸物硬過石頭，勁難食唔理解點解咁既餐廳可以有4間分店🙂‍↔️