盛記盆菜&盛記麵家

營業中

休息中

天氣轉涼，即刻book枱同朋友嚟盛記打邊爐。已經食過好多次，但係搵路嘅時候都有啲困難未嚟過嘅朋友記得睇清楚地圖盛記雖然係街市附近啲餐廳，但係環境好乾淨，都坐得好舒服，同隔離枱有好遠嘅距離。每張枱隔離都會有張枱仔俾你擺餸，唔會食得好辛苦 其實大部份嘅嘢都好好味，但係如果要揀最出色嘅餸，我一定會揀佢自家製嘅響鈴就算明知響鈴好肥好熱氣，都係必嗌嘅嘢之一！因為係同朋友慶祝生日，自己帶咗蛋糕，但係都冇附加費餐廳員工都好好人好友善，希望下次快啲再嚟打邊爐

屹立了沙田超過六十年的人情味老店–盛記麵家🌈呢間良心小店經常免費贈予湯麵給公公婆婆❤️餐廳面積不算大，但每一個角落都充滿著驚喜到處都有好多環保嘅藝術展品…像是一間民間藝術館🌻價錢十分平民40幾蚊就已經有個蒸魚套餐Lunch Time 時段上嚟食飯嘅朋友最好係中午12:15之前到，如果唔係就要喺出邊排隊等位叫咗個牛腩雲吞麵雙拼面勁足料，勁多餸店家話雲吞牛腩都是自加制雲吞爽口彈牙，牛腩肉淋入味👍👍👍20幾蚊既油菜又係勁大碟支持良心💛小店

已經第二年一直order盛記盆菜，有咩節係咩日子，都會叫佢哋嘅盆菜。今年中秋，都係繼續叫佢哋嘅迷你盆菜。份量充夠4人食迷你盆菜嘅份量真係好足夠。講吓盆菜入邊嘅食材，蝦肉新鮮大隻彈牙，肉類多有好多選擇，雞鴨都有齊，豬手煮得好淋，自己最鍾意佢冇其他所謂嘅福袋但今年嘅味道好像略嫌淡了一點。每種不同的食材味道也比較淡。希望味道能夠更加改善。但入味的話，蓮藕，蘿蔔同埋芋頭亦都煲得入味。但總括來講仍然係水平之上

《盛記盆菜及盛記麵家》沙田瀝源最近好少喺沙田食野，今日就岩時間，可以喺＜盛記＞開餐😝雖然比平時晏左，但都仲有機會叫到＜無骨豉油雞＞佢地真係從來都無失水準，次次都咁好食😋＜無骨豉油雞＞🐔 $48豉油雞其實係固定左既午餐，但成日好快就賣哂，我試過12點半去已經售罄🥲幸好今日仲有😆無骨可以啖啖肉，佢用既雞脂肪比例較少，而且肉質滑到不得了☺仲配有酸酸既紅蘿蔔、白蘿蔔💛配飯真係一流🥰記得加埋佢杯凍奶茶

媽呀～ 我終於都黎盛記朝聖啦！呢個組合約左好耐，終於約得成來盛記朝聖。三個女人叫到成枱係食物，最後都無乜剩，我地好叻呀！個牛超新鮮，真係好好食！望見都知新鮮啦！特別推介個酸梅湯，自家製好好飲！👍🏻菜、午餐肉、響鈴，打邊爐唔少得肥鵝腸堅肥，但唔敢食甘多，真係好滑架！啲蠔隻隻都手掌甘大隻，想點先！🤪老闆仲行埋黎問啱唔啱食，同埋原來佢剛剛入左醫院做完手術🙈🙈唔洗講甘多！我會多啲幫襯嘅！甘好食，encore是常識吧！💪🏻

沙田港式打邊爐必去✨位於屋邨極具特色的港式火鍋店🍲首先，環境會令你感到置身於真正香港打爐爐的飯店👍🏻👍🏻👍🏻👍🏻雖然是有懷舊的感覺，但有冷氣的！😆😆✨👍🏻湯底方面，是本地火鍋店必有的湯底，更有潮州湯底，而且有25種的選擇，很誇張！😆另外還有5款醉湯底選擇，真的太豐富！🍲🍲🍲 這次選擇了芫茜皮蛋豆腐，味道也好好味！✨食物方面：本地手切鮮肥牛必叫$248👍🏻真正有牛味的本地牛，味道鮮甜，軟淋淋，會令你吃不停口😋😋😋脆肉鯇魚腩$75，大大件，啖啖肉，鮮甜好味！很抵吃！👍🏻👍🏻👍🏻必叫！其他火鍋料每種都大大份，真的很抵吃！店內還有即炸的自家製響鈴，十分好吃！😋😋😋😋必叫！💕💕即是盛記炸腐皮卷！

跟着沙田嘅朋友去搵食，唔係有人帶路都唔知有呢間隱世小店，屋村嘅停車場。 當然冇高級餐廳有華麗嘅裝修，但係勝在料靚，夠新鮮，份量多。推介來打邊爐。 極度推介手切牛肉， 好重牛肉味， 絕對唔會韌。 鍾意食牛嘅一定要試。 佢嘅海鮮都好新鮮，仲要大大份，真係好抵食。湯底亦都好足料，芫茜皮蛋湯底$98，除咗芫茜皮蛋之外，仲有粟米、紅棗、桂圓等。非常養生。因為朋友帶我去食嘅，原來要打電話訂位，眼見好多walk-in都畀人 decline咗。

港式情懷老店 呢度專食粉麵,老闆係每日新鮮炒同煮牛腩,呢度牛腩真係非常出色雲吞都係新鮮包 有蝦肉同肥豬肉 入口皮滑餡飽滿 蝦肉鮮甜 肥豬肉夠油香湯底係大地魚湯,夠清香甜枉侯牛腩真係每日花功夫炒,限量賣,食完就無牛腩牛筋炆煮到好入味又香濃 牛腩口感軟淋又有肉味一大碗都係40蚊左右消費$40沙田瀝源熟食中心5號舖

終於有機會試下盛記啦位置真係有啲難搵，位處於地面一個吾當眼既入口，要行到最入先會見到盛記麵家個大牌面門口比較暗同埋有好多特別裝飾所以吾好以為係賣古董既鋪頭牙我地太晏到達，所以想食既午市套飯賣哂啦雲吞河粉湯底吾太鹹，河粉好滑，雲吞有成五粒真係食得好滿足雲吞牛丸麵牛丸彈牙，雲吞都有三粒雲吞魚皮餃米粉雲吞有四粒燈飾好靚好有心思既特色牆粉麵份量真係超級多知道老闆成日都會幫助呢區居民有良心已經好值得去幫襯仲要真係好味又抵食下次要試下夜晚打邊爐

地道屋村食堂可以過去買少見少有咁高質素嘅就更加難得🥂🙏🏻先來三樣象拔蚌新鮮又好味 厚切脆肉鯇魚貢丸菇味夠濃😋😋😋😋😋😋😋當然還有主角雪花肥牛肉 什麼入口即溶什麼好友牛肉味什麼新先至正不能夠再形容只能夠講 好好味呀~ 既大聲又不是做戲😎加上老闆斯文有禮 街坊的感情盡在於此👍🏻👍🏻再來雞子 想問有邊個志同道合嘅人呢❤️還有 一碟午餐肉 我打邊爐一定要食午餐肉😌好想快點到冬天 再來再來☺️🍺

今日去朝聖#瀝源盛記真係隱世小店搵勁來都搵唔到😑落到去難聽啲講句好似鬼屋咁😅但係原來入邊燈火通明 💡💡鍋底來講麻辣湯唔係正宗麻辣❌但入邊嘅鴨血同埋豬肚有驚喜牛肉點左豉油都仲係好重牛肉味👍🏾👍🏾水魷爽口厚身又大塊🤤牛胸爽好少何切到咁大塊超滿足象拔蚌刺身鮮甜無比 切得厚唔會博切切整體來講大件夾抵食 第一次嚟朝聖真係非常滿意會有下次🥰🥰🥰

餐廳由五六個舖位打通而成，地方闊落，冷氣充足❄️。店內有好多書比你免費任睇，打書釘之餘仲可以漂書，另有大量裝置藝術，充滿藝術氣息。店主會定期為長者送上免費熱飯，又試過為眾新聞籌款💵，店內仲有擺放🍎蘋果特刊，有幾黃就自己分啦～呢度節日期間會制作盤菜，平日晚市就有得打邊爐，喺得民居附近相信價格會比較親民，有機會黎試下先～🌗生炒骨飯 $46生炒骨其實都幾脆，唔會比醬汁浸到淋曬；醬汁甜甜酸酸，醒胃得黎唔算太刺激；不過好多醬汁去左個飯度就唔係咁啱我胃口，分開上會好啲；份量都幾大，夠曬飽。🌗豉汁蒸馬頭魚 $43平時去飲會係眾人面前食魚頭魚尾，咁你就知我有幾鍾意食魚😆😆。屋企餐餐都有魚食，但成日出街嘅我已經好耐無啖新鮮魚落肚，難得有得食蒸魚就梗係叫黎食啦～不過那馬頭魚嘅魚肉比較散，好似都係煎比較適合。

幫襯過盛記好多次 食物嘅質素都維持得幾好 每次嚟到沙田想打邊爐就會嚟呢度 中意環境同枱夠大坐得舒服吾會逼食物質素👍🏻👍🏻👍🏻👍🏻👍🏻比較推薦佢哋嘅本地手切牛肉 🌟🌟🌟🌟🌟海鮮刺身新鮮爽口值得一試🌟🌟🌟🌟每次嚟到都唔會失望店嘅職員好有人情味 服務態度好適合一班朋友一齊嚟打邊爐 可惜今次人數唔多 下次多啲朋友一齊嚟可以試多幾樣菜式 下次會再幫襯 每次埋單都係合理價錢 性價比超高👍🏻👍🏻👍🏻

同事介紹來食一餐weekday平價lunch。揀咗無骨豉油雞，未想到如此好味。雞好滑好嫩，調味也剛剛好，是最近食到最好的雞。48蚊的lunch set還跟一碟油菜，豉油雞附送的小酸菜蘿蔔不知是什麼醃製方法，食落有股酒味。同事的餐也都份量好足好靚，可以再來幫襯。

再一次黎盛記打邊爐 食物保持到質素 好新鮮 今次叫左象拔蚌刺身 👍🏻👍🏻👍🏻👍🏻十分推介 好鮮甜而且鋪頭既員工都好有人情味 主動幫我哋打包食吾哂既食物 😊推介