盛記盆菜&盛記麵家

營業中

休息中

沙田瀝源邨《盛記麵家》一直都唔知有咁個正既地方，d裝飾勁有特色！（有時間就睇返我個直播睇下d裝飾啦）朋友一早講左又平又抵食，d湯底選擇好特別😍，我地叫左個蘋果雪耳豬骨湯！好潤🤗🤗🤗牛肉勁有牛味！ 仲唔知點解甜甜地，可能因為個湯底啦！🐮🐮好味！響鈴我都有食，（我平時係唔食響鈴），盛記個響鈴一點都唔油！真好食❤️最surprise係個冰豆腐男朋我就推介左碟丸🤗🤗一定會返兜 、下次同朋友去沙田都一定會再食！

個人比較懶打字, 所有很久沒有寫食評了... 很久很久以前, 在附近讀中學時便已幫襯到而家...以前吹風扇食粉麵; 而家涼冷氣打邊爐...當中有很多的回味! 鍾意在這裡打邊爐的原因, 很簡單: 環境ok, 冷氣夠, 不會太嘈, 坐得舒服, 最重要食物質素有保証...唯一一樣想改善既係d牛瘦了點...呵呵, 牛控嘛!推介: 蠔仔餃, 自家製既炸枝竹, 同酸梅湯

其中一位朋友以前住沙田，但已搬走好幾年，佢話想返兒時住所附近打邊爐，有間特別餐廳介紹，我地就一於奉陪如果唔係朋友帶路，真係唔識去呀～去到個得裝修好特別，懷舊味濃，有一排排書架，又有好多林林種種既decorations，感覺好似入左時光隧道咁🤓🤓🤓講返野食先，我地每人嗌左三樣野🤤落完單 侍應姨姨拎個調味架比我地調唔夠五分鐘湯底就到～好快手呀等齊野食上枱 我地玩左輪自拍添侍應姨姨見到我地掛住影都笑我地😂影完開動～～～牛肉好有牛味 脆脘件唔腥我地點既野食都好新鮮 好正間唔中侍應姨姨們都會主動加茶 加湯又會同我地傾幾句 服務都幾好係一間有人情味既餐廳 唯一唔好就係 餐廳無自己廁所要行出去用公廁

下次唔會去囉， 價錢貴，食物又唔係好好！ 安格斯牛肉，不是食開嗰隻囉，有啲韌。環境不是太舒適，枱與枱之間都好狹窄，啲蝦又細隻又 又霉，嗰盒調味料，又趕住趕住攞去畀第二台用， 又要另付款給湯底， 有啲失望囉！

盛記一直最享負盛名的是它的火鍋，但其實它的午餐客飯同樣不錯的。假日下午的盛記沒有了晚市時段的喧鬧，相對輕鬆寧靜。客飯餐有別一般的茶餐廳，款式的選擇不多。$41 的客飯餐很足料，一碟送都夠兩個人吃了。土魷蒸肉餅我真心推介，豬肉中混了適量的肥肉，食肉餅更嫩滑。另外，蒸排骨大大碟很豐富，排骨啖啖肉，調味適中不會太咸。加了豆豉和蒜蓉蒸，味道很香。

同朋友仔慶祝生日，香港人最鍾意打邊爐，發現依間隱世小店，好食到不得了！係想帶哂親戚朋友黎食個隻！首先黎到覺得個裝修好特別，第一次嚟瀝源村覺得有少少舊，但依間小店入邊嘅裝修還可以，帶點文青感覺 好似文青餐廳 crossover 大排檔嘅感覺，但係職員嘅服務態度係一流！安排座位，落單，上菜，快靚正，面帶微笑，唔似大排檔。啲嘢食大大碟又新鮮又好食，特別要講下依個桶蠔煮熟左都大隻到咁，啖啖肉！！鮮！帶咗隻豬軟骨湯底，好多蘿蔔好甜，你啲豬軟骨煮到好腍好入味，估唔到連個湯底啲湯料都可以咁好食！第一次食有芝士爆漿嘅墨魚丸，好有新鮮感！最正係依間餐廳冇切餅費，我哋食生日蛋糕，佢哋仲會幫你清晒張枱整乾淨之後再上蛋糕，咁嘅服務邊度搵？總括黎講！好食到不得了，又抵食，服務態度又好，正！

31號晚上第一枱到火锅已冇牛腩，叫醉鸡又冰到硬一硬，蠔仔餃冇蠔，手切肥牛得六小條手切，搭其他一眼睇出係机切，唔肥，机切纸咁薄，生菜一份得兩棵，脆鯇腩用鱼骨頂起，做飲食業冇良心，唔會有下次，超伏，剩興而来，敗興而返。

這間美食聽同事講話好平,很久沒有見過的穩世小店所以就去試下去到係下午時候,好多人等了一陣,輪到我點野食大大碗上枱 湯底夠熱而且有咖喱腩汁聞到少少油香味！勁多配料真係不敢相信只需要$50！配菜多,有咖喱豬皮 牛腩 軟滑牛根 而且都好入味,要比個Like佢幼麵係雲吞麵的彈牙麵 份量好足真係價廉物美的餐廳!

今日整完回鄉證之後，無意間發現咗一間好有特色嘅住家菜。盛記麵家嘅環境好靚，無論係室內定係室內都別具特色，裝修有復古風味，好適合打卡 。講返食物味道，食物以健康為主，有菜有肉，亦都唔會有好多味精，食完佢哋嘅餸，唔會覺得口乾。而且價錢非常便宜，$40左右就有一個餐，學生仲有嘢飲優惠，非常抵食。

聽講沙田有間隱世名店隱藏於停車場入面就係盛記啦先講環境雖然鋪位比較隱蔽但內閣超大會安排一個寛闊位置比你安安心心打邊爐今次我同朋友就叫左個麻辣火鍋唔係講笑 湯底真係超惹味亦都有大量豬肚豬皮芽菜豬血淨湯底都已經超足料更加唔講既係盛記用料不嬲上盛仲要超大碟就算係一個個大男人都相信可以食到飽肚每碟火鍋配料既擺設同怖局都花左一番心機有幸入沙田新城市既朋友不妨行過少少去瀝源不過記住鋪位係停車場樓層進入不愧係沙田名店

今晚，有朋自遠方來，順便同朋友慶生，由朋友訂枱，訂食物。第一次嚟，唔識路，自己蠢，真係揾唔到，要朋友帶路。晌屋邨街市裡面，真係估佢唔到，好似世外桃園，好有文青藝術feel,所有，裝飾擺設，都係環保啦，古董啦！好似去咗台灣咁，真係意料之外。好彩友人係…沙田友，識得一早訂好食乜食乜！佢哋話，唔訂定，唔會有，因為要新鮮。我哋13個人，兩個鴛鴦煲，四個唔同湯底，有棘有唔棘，各有特色，好足料，好味。酸梅湯，用樽裝，每樽入面加咗一粒華梅，好正！埋單……每人平均$200.-服務員態度好好，下次一定會再嚟！

依間隱世食餐廳簡直抵食又好味，除咗食物好味，環境亦值得一讚，內部應該被店主精心裝飾，好有味道，外部亦好似泰國啲戶外擺設一樣，坐位舒適，周邊環境的舒暢，令在外邊的食客連食煙的衝動也減低😙，唔好意思破壞整體舒適度。👍🏻最後講翻食物，雖然收$48午餐，但有原條䱽魚、菜心及大杯凍飲已經值回票價💪🏻，加上烹調的用心，從細節上已經感受到，因為一般在其他餐廳食魚，內臟實有少許殘留在魚身上，但係依間餐廳居然乾乾淨淨😋，毫無殘留內臟，雪白的魚肉，加上醬汁的配合簡直難以形容，下次再嚟一定要試黃花（今天賣晒）。😏

約一年前認識「盛記」是參與義工工作。沒想像到麵店晚上有火鍋吃。 一年後，終於有機會試一試。 店內主要場地的擺設很有特色，我們坐的地方（偏房）就一般，坐位是舒適的，因為坐滿客人，有點嘈。 店員很忙但十分盡力。.叫了兩個湯底：胡椒豬軟骨 和 栗米蕃茄牛腩。 朋友們都稱讚用袋入起 胡椒粒 是一個好好的做法，不讓胡椒粒滿佈湯內。 蕃茄是用了很多新鮮蕃茄，真材實料。 .所有食物的份量都 很大 和 新鮮，手切鮮肥牛 的牛肉味道濃厚，一流。 象拔蚌 一隻也足夠九人享用。 菠菜 鮮甜美味，我們叫了兩份。 手打鮮牛丸 和 墨魚滑 的味道濃厚，軟硬適中。 尾聲大家都猶豫「出前一丁」的價錢！ $35 會有幾多個麵？ 太貴了但最後也叫了。 .薯粉放進湯內吸收了湯的精華，本人推介，必吃。

没有華麗裝修，擺満鄰校學生的手工藝品，老闆充满爱心，每月撥半天免费派送300多碗麵给當區老人家。火锅材料新鲜，菜鱼肉全部精挑细选，湯底足料無添加味精，超正自制酸梅湯加粒話梅真一绝，埋單覺物有所值，一定继续幫襯。

今日經過瀝源附近，一定要去幫襯呢間以前成日都有幫襯既盛記。盛記位於屋村內既一間地鋪，唔算易搵，餐廳裝修非常有特色，收藏左好多懷舊物件，有舊書舊擺設，似一個少少既博物館。 因為覺得真係好好食所以諗住幫佢寫返篇食評。 晏晝食飯超級多人好熱鬧，店員幾好禮貌。豉油雞飯只係46蚊 ，啲雞好入味，仲有成隻雞髀添! 平時雞髀點都要加幾蚊啦 。豉油雞味道帶少少甜，好啱我口味 。 仲有半隻鹹蛋可以送飯 ，鹹蛋黃都幾香 ~除咗雞仲有油菜跟埋添， 抵食都未朋