盈圖

營業中

休息中

放假同屋企人去點心館飲茶食點心！呢個一口鮑魚燒賣必點！每粒燒賣上面都有粒鮑魚仔，造型可愛又好食。鮑魚有咬口，而且燒賣嘅肉都吾錯，唔會有好多肥豬肉，口感紮實，仲有鮑魚嘅鮑汁香味，一人一粒真係唔夠食！健康紅米脆網腸，同平時見到嘅腸粉顏色好唔同，呢度嘅師傅巧手用咗紅米整成，紅噹噹嘅外表睇落幾好吸引，入面食到有蝦肉，外面再包住煙韌有咬口嘅紅米腸粉皮，幾好食。夠薑雞包仔，未食已經聞到好重薑味，果然夠薑！一啖咬落去食到幾多雞肉，仲有冬菇同埋啲薑蔥。潮州蒸粉果，晶瑩剔透嘅外皮仲見到入面滿滿嘅餡料。入面有豬肉、蝦仁、韭菜等等，食落粉果皮唔會好厚身，餡料豐富。芝士鮮蝦腐皮卷，呢個係我至愛！！腐皮已經煎得脆卜卜，但係入面嘅蝦仁個好鮮嫩，餐廳仲落咗芝士喺入面，奶香味十足！

最近我升職，就打算約我姐妹出嚟食午餐慶祝一下。我哋每次都會去位於大角咀嘅盈圖食點心，因為呢度嘅點心真係我哋嘅Top 1。我哋今次點咗幾道平時都冇食嘅食物，打算發掘新美食！睇落好似普通嘅蛋白炒飯放咗肉碎同欖菜之後，味道瞬間變得非常惹味！呢度嘅炒飯粒粒分明，肉碎炒得特別鮮甜，加上蛋同欖菜帶出嘅香味，整碗飯食得特別開胃，一碗都唔夠我哋食！呢係我見過最大粒嘅小籠包😋而且仲俾咗4個，非常抵食！每一個小籠包都包住滿滿嘅肉料，鮮嫩多汁，仲可以飲到肉汁嘅精華，簡直係太絕啦！！ 加上小籠包熱辣辣，咬落去更加香甜，真係人間美味！仲有呢度嘅粉果都特別大粒！以前去其他餐館食嘅粉果都好細粒，味道都普通，但係而家食嘅粉果真係驚艷到我！入面嘅肉料非常滿，咬落去仲有汁，而且特別香，非常好味😋我哋仲點咗馬拉糕，非常蓬鬆，口感都好鬆軟，唔會太乾，幾乎唔需要咬，入口即化，真係非常好味！而且呢度嘅馬拉糕都唔會太甜，食多都唔會膩。食點心不可錯過嘅絕對係帶有芝士嘅蝦子腐皮卷！呢度嘅腐皮非常脆，蝦子大隻又新鮮，味道甜甜嘅，同芝士獨特嘅味道完美結合，而且份量仲好足👍我哋食到特別爽！仲想多點一盤！今次又探索到咗新美食！呢度嘅食物真係冇

今日放工得早，又係星期五，就打算同朋友一齊去食晚餐Happy Hour。朋友話之前佢去嘅係一家中菜館，點心嘅味道非常唔錯，就推薦我哋可以去嗰邊食晚餐。啱啱好我都未食過，就決定去試下。咕嚕肉：呢度嘅咕嚕肉非常特別，係冰鎮嘅。我第一次嘗試，味道真係唔錯。食起嚟特別清爽，冰爽酸甜，令人胃口大開。而且凍凍地，唔會太膩，我非常中意！帶子與西蘭花：以前就聽同事講過，西蘭花同帶子一齊食係完美搭配😍啱啱好呢度有呢道菜，就打算點嚟試下。同事真係冇呃我，西蘭花嘅清甜配上軟嫩嘅帶子，食到唔同嘅口感同唔同嘅味道，非常正！而且呢度嘅食物特別新鮮，食起嚟更加好味😋欖角醬燒骨：燒骨燒得特別香，唔會太甜，與欖角醬獨特嘅味道完美融合，非常好味。而且仲可以食到骨油嘅香氣，非常正！脆皮燒雞：半隻燒雞都唔夠我哋食！因為雞肉燒得啱啱好，唔會有燒焦味，而且仲特別香。燒雞嘅肉質也非常滑嫩，外皮酥脆，口感和味道簡直係一流！我同朋友都食得非常飽。呢度嘅食物份量好足，又好好食，下次再嚟！

個日同姐妹行完街 揀咗大角咀一間點心餐廳——盈圖食晚餐🥣呢間餐廳雖然主打點心🥧但主食選擇都好豐富 非常適合晚餐時光🌟我哋點咗唔少嘢食 試咗餐廳多款特色菜👅首先 秘製欖角醬燒骨味道幾好👍🏻特製醬料同豬骨鮮甜味道結合得幾好😌跟住係豉油王焗排骨 排骨喺豉油中焗制 味道融合 好滿意🍖酥炸生蠔外皮炸得脆卜卜 好有口感🦪欖菜肉碎蛋白炒飯係一個亮點✨配料包括欖菜, 肉碎同蛋白 炒得粒粒分明🍚香芒炒蝦球嘅芒果酸甜🥭同鮮蝦甜美搭配得唔錯 好開胃🦐招牌燒鵝皇係餐廳經典菜品 好多人叫 值得一試🦢整體嚟講 呢餐飯非常滿足 有機會嘅話 一定再嚟試下更多美味菜式😋

前排，因為爸爸媽媽冇空帶妹妹返學校，叫我幫手帶，順便帶佢去食午餐。載佢嗰陣，問佢想食咩，佢話想食點心，於是就帶佢嚟呢間點心店，我嘅朋友之前都話呢度唔錯，所以就嚟試吓。 一入到店，妹妹就畀店裡嘅裝飾驚艷到，佢哋布置得好靚。我妹妹話佢好鍾意呢盞燈，好高級。其他嘅裝飾都好靚。 妹妹見到呢個流沙包好特別所以點咗。一粒黑溜溜嘅，上面帶住金黃色嘅“盈”字。一口咬落去，流出濃郁嘅漿料，香甜可口。 佢仲點咗一道可愛嘅雞仔造型嘅鹹水角。呢個鹹水角唔單止可愛，仲非常好食，香脆脆嘅，味道都好唔錯。 之後我又幫佢點咗三道，蝦餃、馬拉糕同埋叉燒包。蝦餃嘅外皮黏牙，入面嘅蝦鮮嫩彈牙，夾埋一齊食真係超美味。睇落蓬鬆嘅馬拉糕都唔錯，食落有豐富嘅層次感，好香甜。最後就係嗰個叉燒包，叉燒醃得非常入味，太好食啦！叉燒肥瘦混合，軟硬剛好。 食飽之後就帶住一臉滿足嘅妹妹返屋企。佢話下次仲想再嚟食。

強烈推薦大家去食呢個黑金流沙包!圓轆轆嘅流沙包上面印著金黃色嘅”盈”字，望落已經好酷好高級，超級適合打卡拍照😎 流沙包入口就聞到軟軟糯嘅麵包香氣，之後就係甜甜嘅香濃奶黃係嘴裡邊爆汁🤤 要小心燙口！小籠包平時都食唔少，金湯我都係第一次食😋鮮橙色嘅小巧外形望到已經好有食慾，薄薄嘅外皮包裹著豐富特製嘅湯汁，加上豬肉餡秘方，感受到濃稠嘅高湯非常可口～有無發現我點了好多流心嘅點心🙈 因為我真係好鍾意爆汁嘅過程，好過癮😆 而呢一道都唔例外 — 紫薯流心球，小巧嘅外形好方便一啖食晒。可以一次過食到酥脆外皮同埋紫薯嘅香氣流心口感。除左經典點心，我另一道心頭好係銀湖百花釀魚肚，單從名字就可以感受到師傅用心製作。魚肚非常彈牙爽口，鮮甜味濃濃～ 而且香港真係好少地方有得食。

上個週末，我又去咗心目中首選嘅點心餐廳——盈圖，呢間餐廳喺大角咀。自從第一次嚟呢度食過之後，它就成為咗我嘅最愛。呢度嘅點心味道真係好正👍🏻😋今次我點咗幾樣點心：鳳爪排骨飯、黑金流沙包、金湯小籠包同埋銀湖百花釀魚肚。每道菜都好有自己嘅特别。先講鳳爪排骨飯，鳳爪同排骨經過腌制之後，同米飯一齊蒸煮。米飯吸收咗鳳爪同排骨嘅味道，香氣好足，食起嚟特別香~黑金流沙包嘅外皮好綿軟，咬開之後流沙餡會流出嚟，口感好順滑，味道啱啱好，不會太甜。金湯小籠包嘅外皮好薄，湯汁濃郁，內餡嘅味道都唔錯，配搭得啱啱好。銀湖百花釀魚肚結合咗魚肚同蝦膠，味道比較咸香，口感滑溜，有少少Q彈，整體感覺唔錯👍。呢間餐廳嘅環境同服務都好好，價錢都合理。如果你鍾意食點心，推薦你嚟試下，相信你都會鍾意呢度嘅味道!

琴日我同幾個同事放咗工走嚟大角咀買嘢，然後就見到呢個粵菜館「盈圖」。我哋其實係比佢嘅裝修吸引咗，佢個裝修真係好靚。因為我哋去到個陣係晚餐比較早個時間，所以入到去服務人員就好快我哋入位。然後我哋走揀咗呢幾度佢哋介紹嘅菜。 其中幾道菜最令我有特別印象嘅係呢道「招牌燒鵝皇」同埋「冰鎮咕嚕肉」。 尤其佢哋嘅冰鎮咕嚕肉唔會因為用冰鎮令到嘅肉濕濕軟軟咁，反而因為冰鎮令到嘅咕嚕肉更脆，外冷內熱，更有口感，酸甜度都啱啱好嘅。烧鹅皮薄脆，表皮有类似格状皮纹，皮下有少少嘅肥油，肉質好嫩，好多汁，整個口感食落口一流！我哋其中一個同事唔食鵝，所以另外點咗半隻脆皮吊燒雞。燒雞嘅表面好有光澤，口感方面都係皮脆內嫩，但唔會比鵝肉嫩，沾D甜辣醬更好食！仲有【南乳粉絲粗齋煲】同埋【西蘭花炒帶子】，味道好香，份量好多，師傅落手沒客氣嘅。我唔系一個好鐘意食菜嘅人，但我都覺得呢两道都唔错，我都食左唔少。 我哋食得好满足，環境都好舒服，有機會一定會再食！

今日同朋友嚟呢間環境優雅嘅茶樓食晏，侍應態度親切，我哋叫咗幾樣招牌菜，每一樣都令人印象深刻。.豉油王焗海蝦甫上枱就吸引咗我哋嘅目光。碟入面放住幾隻體型碩大嘅海蝦，每一隻金黃色澤都好誘人。剝開蝦殼有一股濃郁嘅豉油嘅香味，蝦肉飽滿緊實，粉白色咁，睇落去鮮嫩多汁，口感彈牙而不失柔軟。.蝦腸晶瑩剔透，隱約可見入面粉嫩嘅蝦肉，好柔韌，好彈牙，一D都唔油膩，輕咬一啖，蝦腸嘅爽脆口。調味保留咗蝦子嘅鮮味，但又不失一絲絲嘅提味，成道菜嘅口感好豐富而不膩口。蒸煮嘅火候拿捏精準，保持咗最佳嘅口感，既唔會過於軟爛，又唔會生硬難嚼。.芝士鮮蝦腐皮卷亦都係令人驚喜。香脆嘅腐皮包裹住鮮嫩嘅蝦肉同濃郁嘅芝士。腐皮嘅酥脆既唔會過於硬脆，又唔會軟塌，蝦肉嘅彈嫩同芝士嘅醇厚，賣相精緻，味道亦非常出眾。.壓軸出場嘅係鳳爪排骨飯，色澤誘人嘅排骨整齊噉排列喺飯上面，可以闻到陣陣香氣。排骨經過長時間嘅燉煮，肉質酥軟，骨肉相連，輕輕一夾就甩骨。鳳爪亦都係軟糯入味，同排骨同米飯搭配，好正。呢道菜份量十足，絕對物超所值。

週末，原本諗住約朋友一齊出嚟聚一聚，飲飲茶。結果全部都話忙，唔得閒出嚟。冇辦法就取消咗今次嘅聚會，睇下改日有冇空。下一秒就見到朋友哋拍照成雙成對各自出嚟約會，搞到我呢個單身狗氣到跳腳，自己跑出嚟食我最鍾意嘅點心店，安慰下自己。當時一時嘴饞叫咗幾道菜，點咗個流沙包。外觀睇落好特別，黑色嘅，上面有金色嘅盈字。咬落去嘅口感更正，仲爆漿，舌頭唔小心畀燙咗一下。後來服務員送嚟咗叉燒包同小籠包。叉燒包入面叉燒鮮嫩多汁，肥瘦均勻，口感棒極咗，搞到我食咗一粒接一粒。食完叉燒包後，睇住仲熱乎乎、冒煙嘅小籠包，搞到我情不自禁咁攞起湯匙同筷子，迅速咁夹咗一粒小籠包嚟試吓。經過咗流沙包燙嘴嘅教訓，我把小籠包皮咬咗個小洞，畀湯汁滲出嚟，吹咗吹先放入口，避免再次畀燙傷。嗰小籠包嘅味道真係好鮮甜美味。最後上嘅另兩道係我最鍾意嘅蝦餃同埋魚肚。蝦餃一入口就感覺非常香滑，口感豐富。嗰美味嘅味道真係贊唔絕口，幾下就把成盤蝦餃食晒。魚肚呢都好唔錯，鮮美，軟滑。唔會好乾，仲有啲汁喺周圍，食落去，美味多汁，味道非常豐富。太好食咗，越食越上癮，一唔小心點太多，食到好飽，但係非常滿足。

各式各樣嘅美食遍布天下，我唯獨鐘意廣式點心！🤤 我身邊嘅朋友都知道，只有點心我可以百食不厭，一個月可以連續食好多次，哈哈哈~呢一間喺大角咀海庭道嘅盈圖就深得我心，佢嘅環境唔單止高級舒適，主要係點心都係純手工精緻而成嘅~ 我一個人就可以點好幾樣，呢幾款係我嘅必點推介：🥢潮州蒸粉果經典嘅廣式點心，晶瑩剔透嘅皮包裹住爽脆嘅豆角沙葛，食落非常清爽可口。🥢盈圖蝦餃皇必點嘅招牌蝦餃皇，呢道菜完美代表佢嘅口感，渾圓多汁嘅蝦球包裹喺Q彈嘅外皮入面，咬落去時仲會噴汁，冇過多嘅調料，喺你嘴入面盛開嘅都係新鮮嘅鮮甜蝦味~🥢芝士鮮蝦腐皮卷酥脆嘅外皮搭配濃芝士同鮮甜蝦特製而成，唔需要蘸醬，單獨食已經好美味嘅一道點心。🥢雞仔咸水角雞仔🐥可愛嘅外形超級加分，仲可以影相打卡，佢嘅鹹度非常適中，甜甜嘅外層搭配豐富嘅內餡，食起黎有綿綿嘅口感。🥢黑金流沙包又係一道顏值高嘅點心，3粒肥嘟嘟嘅小黑金流沙包，麵包鬆軟，入口即爆！推介大家嚟歎點心，一齊打卡啦！

呢間餐廳真係冇令我哋失望，每一道菜都好味，份量又夠，性價比好高。最緊要係同啲姊妹食飯，分享美食同歡笑，呢啲簡單嘅幸福，就係生活入面最珍貴嘅時光。北京片皮鴨睇落已經令人垂涎三尺。鴨皮燒到金黃香脆，鴨肉都好嫩，配埋啲薄薄嘅餅皮、蔥絲同醬料，捲起嚟就塞落口，一啖食落去成口都係香氣，鹹鹹哋又帶點甜，味道特別豐富，食起上嚟真係好過癮，令人忍唔住想一啖接一啖。跟住上枱嘅係西花炒帶子，淨係睇呢碟綠油油嘅西蘭花就知好新鮮。西蘭花炒得啱啱好，唔會太老，食落去仲係脆脆哋。帶子都係呢碟菜嘅亮點，每一粒都超級新鮮，一咬就知係啱啱撈上嚟，彈牙得好緊要，鮮味十足。西蘭花嘅清甜同帶子嘅鮮味撈埋一齊，食落去清爽又唔會滯。呢碟菜睇落普普通通，但味道卻意外咁好。豉油王焗海蝦淨係睇個色都知味道唔會差。海蝦好大隻，處理得好乾淨，焗得啱啱好，蝦肉好嫩，豉油嘅香味同蝦嘅鮮味食落去鹹香適口，令人回味無窮。成個用餐過程都好愉快，我哋邊食邊傾偈，分享最近嘅趣事，氣氛好歡樂。餐廳嘅環境都唔錯，裝修好有格調，侍應都好友善，令人感覺好舒服。✅評分：味道 ： ⭐️⭐️⭐️⭐️⭐️【5】環境：⭐️⭐️⭐️⭐️⭐️【5】服務：⭐️⭐️⭐️⭐️⭐️【5】衛生：⭐️⭐️⭐️⭐️【4】抵食

盈圖位於大角咀 🥟 有多款傳統及創意點心選擇 🥢🍗 北菇蒸雞飯雞肉鮮嫩多汁 加上北菇 香氣濃郁肥厚有彈性 米飯粒粒分明🗞️ 紅米脆網腸外皮用紅米製成的 顏色鮮紅帶有一點點煙韌的口感 內層則是酥脆的油炸鬼夾雜著彈牙的蝦肉 有層次感🥟 金湯小籠包外皮不太厚有韌性肉餡多汁 濃郁鮮甜🍠 流心紫薯球外皮酥脆 內餡紫薯泥 綿密軟糯 帶有自然的甜味咬開時會有濃郁的奶黃流心流出 增添層次🐚燒賣有兩粒 外皮薄而有韌性 內餡鮮嫩肉汁上面放了鮑魚 提升風味

邊個話飲茶淨係可以喺朝早，晏晝突然好想食小籠包，就即刻喺social media搵到呢間最近我Office嘅點心館🤩 試過之後都覺得唔錯，特別係金湯小籠包真係令我念念不忘🤤「金湯小籠包」隻隻都好多湯汁又好鮮甜！我一個人可以食晒兩籠🤤 滿滿一兜湯但係夾起嚟又唔會穿，咬落去喺口入面爆汁嘅感覺正到震🥰「潮州蒸粉果」蒸到半透明嘅外皮仲可以見到脹卜卜嘅餡料！外皮咬落爽滑煙韌而且仲好有彈性🥰 皮薄又富有彈性，入面嘅肉餡就好新鮮，一啖咬落去超滿足！💯 呢款粉果味道比較清淡，啱晒唔鍾意食重口味嘅朋友～「紫薯流心球」炸到金黃酥脆嘅外殼，睇落就好吸引😍 紫薯嘅甜味喺咬開外殼後喺口入面散開，滿滿嘅流心，口感香甜可口而且入面仲係軟糯嘅，真係令人回味無窮🤩「銀湖百花釀魚肚」魚肚浸滿湯汁，鮮香味十足👍🏼 上面仲鋪住一層蝦滑同蝦子，口感超豐富～ 魚肚煙韌有彈性，蝦滑食落好有咬口🥰 成個好清爽鮮甜，好好食🤤

💟金湯小籠包,皮薄得恰到好處地，內含豐富嘅湯汁同豬肉餡。感受到豐滿嘅湯汁在口腔四溢。豬肉餡又肥又瘦，咬落去味道扎實又唔肥膩👌。💟蒜香蒸排骨. 排骨採用上等豬排，鮮嫩彈牙。用數種香料和大蒜醃漬，味道令人回味無窮😋💟鮮竹牛肉球. 牛肉粒就像小小的味蕾炸彈，剛剛好，肉汁充足。加上香口嘅鮮竹，非常討喜🥰💟古法馬拉糕. 軟綿綿嘅質感，加上甜得剛剛好嘅糖漿，每一口都充滿了傳統嘅香氣，完美結束飯局😚👌。⚖️ 環境：9/10⚖️食物質素：9/10⚖️服務：8.5/10⚖️整體評分:9/10盈圖呢間餐廳，可以用一個字形容，咩就係'靚'！內部整體裝修好優雅，感覺就係好舒暢，好適合帶全家大小或者情侶一齊黎食飯，俾人一種好輕鬆嘅感覺😌。