皇室甜品 (已結業)

第一次上open rice打食評，未試過去食野會嬲咁希望各位諗清楚先決定去唔去食，真係好伏首先我地係團購既 一行四人個嬸嬸侍應比左張表格我地填，但最搞笑係個表有8樣野比我揀，竟然有10個格比我填數量第一round就係因為個表唔清唔楚而黎左第2樣野食，算數係我錯咁我照食啦第二round個嬸嬸又比番同一張紙我地填啦，我發現個表同餐牌係有出入 (但係團購有包，百香果茶)咁我唯有自己手寫上去啦但係佢上完個茶之後就無黎其他甜品，追問下先知道佢漏曬單，只係睇左一版，但係我地已經等左半個鐘有多 但係我得1.5小時食，變相少左食ge時間等到佢上甜品喇，又比錯我喎(雜果變士多啤梨沙冰)但係個時已經10點喇，我之後又約左人，淨係食左第一round 2樣甜品唔夠飽，又唔知佢幾時換到比我就照食啦d士多啤梨好似未洗過，成口都係沙 沙冰就好似落多左糖水咁，甜到好難入口，總而言之就係伏啦諗住放底唔食ge時候，個嬸嬸話食唔曬要比附加小費個刻我真係忍唔住講：但係你比錯左我地喎嬸：咩野呀，你唔係要呢個咩我：你拎張紙黎嬸：(拎張紙黎睇先發現落錯)er...你係要呢個...我：算啦，而家都咁夜喇，唔洗黎喇過左大約5分鐘，個嬸

三個人的晚餐 前一餐太飽了，八點先決定食糖水代替晚餐，每人叫了一客：1）童趣－ 可自選兩球雪糕推介綠茶味，生果有芒果、士多啤梨丶奇異果、西瓜丶蜜瓜等等，以芒果最為新鮮甜美2）意味濃情－可自選一球雪糕，涼粉條條好滑，個底係椰子布甸連大粒紅豆3）傾城之戀－懷念佢濃濃嘅朱古力味布甸唔太甜，加上一球朱古力雪糕有朱古力碎在內，伴上香蕉是晚好滿足

今日帶媽媽去食任食放題原先都食得開開心心 但叫到第二輪既時候 waiter去左廁所咁岩位清潔嬸嬸出左黎 我話 吾該 我想落單。位嬸嬸拎完我張紙 望左一陣 佢話你食吾晒要收錢嫁喎！？你食得晒咩？你知吾知食吾晒要收錢！？足足講左三次 係全部客人面前。阿大嬸 我只係叫第二輪 二個人total 4個甜品你做得放題 仲孤孤寒 寒寒酸酸當我 想再叫多1個甜品既時候，個阿嬸大叫 無得打包嫁！咁既服務態度 又吾特別好食 我都吾會叫其他朋友再去！

如果單純的walk in食甜品buffet可能會有點貴，但團購的78一位是十分抵食!!!雖然每輪每人只可下兩樣甜品，但味道很好，1個半小時都可下單3次，即一人6碗，可算是十分抵!!!平均一款甜品才十多元!但要注意不要浪費食物，有剩是會加錢的。

我和5位朋友在晚上7:00到了皇室甜品，一開始先嚐了各種凍的甜品，包括:雪糕紅豆冰、白雪皇金卷、宇治金時、榴槤pancake、傾城之戀、芒芒冰冰、香蕉船、天使之戀、心太軟，最後再來兩客熱的北海道3.6牛奶燉蛋白。全部甜品都不錯，而當中最值得推介的為天使之戀，他的外層又香又脆，表面更淋上了煉奶，使人齒頰留香，而內裏則夾著芒果和忌廉，整個配搭十分和諧！正！！！！

今日經過見到間甜品...一行8人都試下等了又等。入面有一半都空都吾叫人入去又吾拍桌。最後等吾到坐出面。叫左d野食又吾問邊個就咁放係度。但速度都叫快。我叫左個酒花小丸子。味道都叫濃味道吾錯。桂花味重如果少於6人等位會方便d.....因為6人為一桌

兩個人的甜品自助餐晚餐這家甜品店都光顧了無數次，每次都差唔多叫返相同嘅甜品，今次終於可以試更多的款式，晚上七點前自助餐每位108。試完這個甜品自助餐之後就可以知道下次應該再食邊一款啦。當中榴槤公主同及心太軟係限定區，只可一人叫其中一客

因為附近只有一間坐得好的皇室甜品， 有時都會嚟食，但今次叫左個綠豆沙。。未食過咁難食的綠豆沙！睇個樣都已經不得了， 白白地唔係平時綠色， 完全係雪到壞晒！ 傑過糊仔。唔只食落無味 極難食   其他食物如 冰都係非常一般。 唔會再嚟

今日同女朋友去買外賣，雖然裏面既甜品味道都係一般，但間中都會食買外賣。經過今次之後，相信唔會再去買。我地就叫左兩樣野，其中一樣就係香蕉奶昔。拎外賣果時都無留意有異樣，番到屋企一飲就發現問題！！飲落去係一杯只有極少蕉味既暖水無分別。第一，我從未飲過暖既奶昔，淡而無味，連m記奶昔仲好飲同平過佢。第二，我打番去問佢地賣既奶昔係唔係凍既，聽電話位小姐就答係。咁我就追問點解我買番黎果杯係暖既？佢仲好無禮貌咁話用晒雪櫃既凍奶，所以就咁就拎室溫既奶去整(經過我翻譯佢意思，佢講既時候態度非常差)。講真無凍既奶仲好意思整出黎俾客人？？邊間店既奶昔係暖既？？總結黎講，佢求求其其整左杯暖水俾我，就收左二十幾蚊，加上店員態度惡劣差。一個普普通通既奶昔就可以試得出間店有幾高既質素。我已經唔會再去。

本來係最常去的甜品店，好食又抵食，但經過今日一役，從此無下次！團購任食，和平日比份量和用料不減，以食物質素黎講係有驚喜。不過衛生環境驚多過喜，店鋪竟然出現大量曱甴，衛生情況有待大力改善!!!

天寒地凍, 7:00這些時段真是有點包場Feel.一開始食熱既，桑寄生蓮子蛋茶， 薑汁芝麻湯丸， 南北杏木瓜雪耳, 酒釀桂花丸子， 核桃糊北海道3.6牛奶燉蛋白, 腐竹蓮子薏米蛋; 跟住食凍既芒果撈河，芒果水晶粉，天使之戀(芒果拿破侖)，白雪黃金卷(好似腸粉，但甜河粉皮包芒果），宇治金時, 日本紅豆豆腐花; 最後一round榴槤公主, 再黎熱既糖不甩, 柿貝燉蘋果，雪耳杏仁茶。。。天使之戀同白雪黃金卷真係好好食, 宇治金時都very good, 天使之戀既牛油味香到不得之了, 行出門口仲係聞到都流口水. 蓮子蛋茶的烚蛋也出奇地軟滑, 芝麻湯丸煮得適中, 雪耳杏仁茶側太杰身了. 這裡很多美食, 本人覺得即使正價也值得來一嚐.$78團購, 不過限制多了些少.1) 只有1.5小時2) 每次每人最多叫兩樣，食完先可以再叫3) 7:15入座, 8:15已last order我地三個人無食晚飯都只係叫到３ round, 不過都好飽了. 叫咗16樣嘢, 照餐牌計起碼$480, 真係超值.待應姐姐很友善, 是水吧的太太嫌我們有人一早入座, 差點連最後一次也不能落單. 團購優惠難做是可以理解的.值得一提

差不多9點到,不用等...人很少...但食到9點半左右超多人...舖外多開很多張枱都有人在等位..我們真旺鋪呢~~~ 宇治金時 $35大大的一杯,配料比別的甜品店都多,綠茶味雪糕,試了一口,不錯,濃濃的綠茶味.薄荷金時 $35 大大的一杯, COOKIES雪糕,我的至愛,跟DRYER'S的差不多芒果棉棉冰$42大大的一碟,芒果不酸,只是棉棉冰不夠正宗,不夠棉,食到中間就好像食芒果雪糕一樣榴槤忘返$48一送來已聞到很濃的榴槤味,當然入味就不用說了,喜歡榴槤的朋友必定要點黑馬王子$29朋友點的,沒有試,材料都很多,看賣相不錯

用過晚膳，一行人吃甜品去。當時約晚上十一時三十分，夜幕低垂之時，那幾間甜品店顯得格外燈火通明。門外看著，人氣最旺的是於九龍城城南道及佐敦均有分店的皇室甜品，大家便湊熱鬧的往店內鑽，居然不用輪候便有座位，也就決定在這店子吃甜點。(圖片擷取自Google Maps)冰掀著餐牌，發現芒果甜點的選擇特別豐富，琳琅滿目。看著看著，冰被腸粉外形的甜點吸引著：實物如圖：「腸粉片」由蒟蒻及椰肉所造，含豐富纖維，是非常健康的配搭。兩者混合所做的製成品很是香滑，搭配芒果一同進食，甜中帶著微淡咸味，味道豐富可口。有機會再次幫襯的話，冰還是會再吃一回的哦。

After watching a movie, walked over from Element mall to grab some chinese dessert. Decided on this steamed egg white with coconut. I loved the presentation and it smelled just like coconut when it was brought to the table. The steamed egg white was super smooth and it just had the right amount of sweetness. The coconut also really helped balance out the sweetness as well. The coconut is actually really small, so there arent a lot of steamed egg in there. Overall, lots of yummy dessert choices h

這夜與朋友在附近食了餐頗重味道的燒烤晚飯後來到皇室甜品清清味蕾。很有趣這裡有供應甜品buffet，一個價錢可以在所限時段內可任點任吃。不過我們只想淺嚐一點甜，還是單點較適合。這裡有提供傳統港式糖水，但看來主打的，是各式各樣的新派港式甜品。我們從menu中選了一客榴蓮忘返和黑芝麻棉花冰share。榴蓮忘返有軟滑香甜的榴蓮肉和榴蓮雪葩配著煙韌有咬口的黑珍珠和水晶珠，整體食感不錯。黑芝麻棉花冰的黑芝麻味道頗濃，但冰的質感做得不夠鬆軟和棉。配料有紅豆和椰果等，度是現成貨色吧，味道不過不失。就如一般港式小店，座位有點逼，而且這夜幾乎全店坐滿，環境很困聲，頗嘈。可能本來自己都不算很喜歡港式甜品，所以覺得這裡一試無妨，但又不至於很有興趣再來訪。