皇室宴會廳

營業中

休息中

嚟到迪士尼揀下有乜食，原來有得鋸扒，其實同出面西餐廳比唔算好貴，另外兩次票係呢間餐廳食有小食優惠價可以食。雜扒 $180真係有牛扒+豬扒+雞扒牛扒都幾香，香牛味，唔鞋豬扒都唔鞋，juicy雞扒冇最驚嘅雪藏臭味，雞皮都煎得香脆配埋個蒜蓉汁好好味唔係好似出面有啲餐廳雞翼當雞扒仲有腸同煙肉，煙肉好脆，腸好juicy有配埋薯條，超香脆好食憑入園兩次張飛可以優惠價$28加日式餃子，好脆好食熱辣辣，都多餡烤雞烤雞唔鞋，幾juicy，好多肉menu

講真以迪士尼餐廳嘅質素，呢間算係令我最失望😞當晚比較多人排隊，但係職員完全不在意，慢條斯理咁準備食物，最後排隊排咗不少於一個鐘先至攞到嘢食。餐廳亦都比較大，分室內同室外嘅區域。室內有冷氣如果有位就最好坐室內，但當日我去嘅時候餐廳比較滿，等咗一陣得室外有位所以最後就坐咗室外。所有嘢食都凍冰冰，食完唔知自己食咗咩。薯條唔脆，配菜白烚，啲肉諧霎霎。以呢個價錢嚟講，冇預期個會仲差過一間普通茶餐廳嘅質素，10分失望。我諗最正常係杯汽水，因為唔係迪士尼餐廳自己整。

今個星期六見天氣好天，終於去咗迪士尼樂園。臨近傍晚餐廳非常之多人m要喺出邊排隊。餐廳入面一般半係冷氣座位，一半係室外座位，由於天氣好熱，我決定輪候室內嘅座位。入到去基本上係一個food court,有數間餐廳選擇，每間餐廳提供三款菜式，喺餐廳點好餐之後就去收銀處付款。今次幫襯呢一間屬於西餐，而我就叫咗燒春雞套餐，有半隻燒春雞配薯條，包一杯可樂，$150.另外同行嘅朋友叫咗雜扒餐，同樣係配薯條跟一杯可樂，$180.作為迪士尼入邊嘅餐廳來講，我覺得呢一間嘅性價比算高，燒春雞肉嫩滑多汁，薯條亦都係新鮮炸起，唔會好油亦都好香趣。雜扒餐提供左豬扒，牛扒，雞扒同埋一條司華力腸。牛扒上面有網格紋，睇得出係燒過，牛亦都有牛味同埋有燒烤嘅味道，總括嚟講下次會再幫襯。

玩到夜晚諗住食多一餐先走點知係咁多年嚟入迪士尼 最慘嘅回憶好難食。當日和風廚房冇開 揀咗個環球嘅磨菇汁意粉 諗住喺園入面意粉應該都會穩陣啲意粉發漲陣味好難食植物肉丸淋到唔想食磨菇汁乾到變咗粉狀唯一可以吞得落口 有正常口感+味道 係磨菇其他嘢難食到要食一啖同時飲一啖汽水先可以格硬吞最簡單直接嘅比喻係以前學校訂飯嘅味道唔知關唔關比咗$140事 仲難食過訂飯好多好多當時仲要係肚餓 不過差到完全食唔落 最後食咗一半都冇就走咗同行仲叫咗一個焗豬扒飯 豬扒咬唔開 啲飯勁濕勁淋 個茄汁一樣係難食成個飯得個甘荀係正常最後要走出去再食過第2餐好可惜 比錢買難受環境方面幾靚 燈光都有feel 但難食到享受唔到個環境😂 食完走都見到其他人都食剩唔少而且枱櫈都幾污糟 樓面都唔夠人手 我坐嗰邊只見得一個人執枱成餐飯覺得舒服嘅 只有員工服務態度好好

不是在高峰时段去的，都觉得人很满，以至于我们几个人，有两个人去占位置有两个人去买饭，而且买饭的我和另一个同学要去拿推车，否则取餐付款的时候，真的非常麻烦，还好餐品味道都算可，而且有银卡的话可以打个九折，相对来说能合适一些。

今日去迪士尼玩，朋友介紹呢間餐廳唔錯，就試吓啦。餐廳內好多人等位，等左成25分鐘終於等到位😅。去排隊買食物，又要再等成15分鐘😅😅所以大家如果去呢度食野要預鬆少少時間好d呀。烤雞套餐（半隻）$150見到好多客人order呢個餐，就試下啦，果然唔錯🤗。烤雞🐔金黃色，皮脆，雞肉好滑，好惹味，薯條🍟香脆。呢個價錢如果係一隻雞就更抵食喇🤭韓式炸雞便當 $150炸雞🍟有d硬，飯略嫌乾身，麵算ok。中左伏，整體黎講有失望😢

入到迪士尼次次都係食火箭餐廳既炸雞🤣難得今次食第d野😆人蔘燉雞湯套餐 $180依個套餐有人蔘雞湯，有忌廉汁年糕配泡菜同白飯🍚雞湯有成隻雞，入面有少少糯米，紅棗同一條人蔘🤩湯有人蔘味，非常足料😋唔知係咪天氣凍，覺得個雞湯幾好飲幾暖胃😹食完都食唔落碗白飯🤣🤣鮑魚海鮮炒飯套餐 $150依款個樣有d似福建炒飯咁🤔有2粒罐頭鮑魚，都幾大粒😂d料都幾多，但無乜味，個飯有d乾🥺食淨左d炒飯😞

今次純粹想分享一件趣事🤪就係我每次入園八成都會食既午餐～其餘兩成係Plan住個日早走，先會買餐車小食頂下胃。有時都會覺得「不如試下其他啦」，但睇完一輪，揀完一輪，兜兜轉轉又會黎返相同地方，點選相同既餐，原因係性價比問題🙈當你見到普通炒個飯/麵/漢堡都要$100，不如俾多少少食塊扒。😬＊－。－。－。－。－。－。－。－。－。－＊皇室宴會廳係幻想世界個邊，小飛象對面，有室內及室外座位。🧚🏻‍♀️主力提供美式🇺🇸、日式🇯🇵和中式🇨🇳美食。個人認為以正餐黎計，食物選擇大大吸引過其他區既餐廳😆＊－。－。－。－。－。－。－。－。－。－＊🔸皇室烤牛扒套餐 $155配 四季豆、車厘茄、薯條、燒汁🔸炸大蝦魚柳套餐$149配 蕃茄、青瓜、薯條、他他醬＊－。－。－。－。－。－。－。－。－。－＊老實講食物質素咁多年都係咁上下，不過物價通漲近依十幾年應該加左$20-30左右(如果無記錯🙉)樂園用餐切忌用出面餐廳質素比較😂😂過得去唔錯就OK☺️好耐以前套餐係跟磨菇湯，但而加轉哂做汽水嚕。快快食飽飽繼續去玩😀😀😀😀＊－。－。－。－。－。－。－。－。－。－＊

係迪士尼玩到餓唯有去皇室宴會廳搵下俾人呃錢既套餐食下啦～ 壽司套餐用白金卡7折完都百幾….成個壽司套餐有唯有一件可以稱得上係叫壽司既三文魚壽司🍣米奇嘅蟹籽飯內有小小吞拿魚醬，但d 飯仲硬過7-11雪櫃入面既飯團🍙🥲冷麵都有小小😂西瓜3件….中伏程度：4（5分最伏）兒童套餐用白金卡7折完70幾真心折完70幾蚊都合理既～ 兒童可以食既係白飯👶🏻個雞胸咁硬..小朋友可以點咬？個蛋糕都合理算好味不過係大人食原隻蘋果係想點？切下都好呀…粟米同白飯係最合理比小朋友食..🥲中伏程度：3.5（5分最伏）

幫襯過迪士尼嘅咁多間餐廳，皇室宴會廳嘅環境算係舒服。今次去迪士尼再幫襯，但食物水準下降。日式照燒肥牛豬骨湯拉麵套餐麵過淋，似咬緊麵槳，要俾$145超唔抵唔值，豬骨湯淡味。精選雜扒套餐牛扒肉韌，無雞扒改雞髀，味淡，但肉鬆而撕。烤雞套餐半隻烤雞味道適中，不太乾身。

去迪士尼玩， 大多需要用上一整天的時間， 當然要周圍食下嘢啦， 經過迪士尼大街， 穿過公主城堡， 「皇室宴會廳」 就在旋轉木馬的對面。 餐廳中庭放着睡美人的雕像， 雕像會隨著上面的射燈而變色， 十分夢幻📸👍🏻。餐廳是自助快餐形式， 餐牌的食物由40-180元不等, 自己在櫃檯點食物， 然後於收銀處付款。 餐廳提供免費的冷丶熱水和抹手紙， 環境衛生😊。 至於食物方面， 就是普通快餐店的水準， 可以醫飽個肚， 但是不會帶給你任何驚喜。

去迪士尼樂園食嘢都預左貴，同小朋友去玩都無計。金咭入面有買一送一coupon，所以去食。諗住食好d，叫左個聖誕豪華雜扒$188✨已經6點前到餐廳，都超級多人，排勁耐隊，唔明點解要咁耐，一早煮定，去到都係就咁夾俾我，以為自己食緊canteen ，d嘢食係凍😓個雜扒差到一個點，值咩$188，豪華左去邊度，個牛扒又細又un，咬唔開咁😓份量少到不得了，d配菜根本唔係人食，又凍又生，好差，唔係買一送一，根本唔會食！個coupon 又無講清楚咩嘢唔用得，只可套餐，小食不能用，我仲買左兩籠豬仔叉燒包，最後要退錢正價買，但個收銀又無幫我做會員價，蝕到唔蝕😓😓但豬仔叉燒包係正常的，個樣都吸引，我個仔好鍾意食🐷

晩餐去咗皇室食。我一睇到半隻火烤雞餐只售$150。加支原味西瓜汁$15，合共$165。咁抵食就馬上買。用Klook二合一餐用卷，晚餐只限$130。所以要付$35差價。份火烤雞加薯條。我揀火烤雞原因係因為個名好應節。揀個座位係美女與野獸區，坐係火爐區。好重聖誕 Feel。火烤雞肉好嫩。加上醬汁就特別好食。薯條加埋亨氏蕃茄汁，絶配。好食。原味西瓜汁新鮮好飲。個人建議如想揾到聖誕 Feel。最好點選火烤雞餐。再坐係火爐區，一家大細或情侶都好易融入聖誕氣氛中。飲完個膠樽可以去洗手間前台飲水機位加水。

記得以前去主題樂園玩都會玩完先出去市區食晚餐，因為喺主題公園入面大部份嘅餐廳都係偏貴。但而家樂園遲咗閂門，都逼住要喺樂園食埋個晚餐先有力玩落去。如果想易啲拎位少啲人排隊嘅話，可以六點前去餐廳食咗晚餐先，因為六點過後好多時候一家大細都會沖去餐廳度充飢，到時就會好多人排隊㗎喇。Roasted Half Chicken Combo 烤雞套餐呢份烤雞套餐有半份雞，仲有炸薯條做配菜，仲包埋一杯飲品，飲品方面可以揀汽水或者普通水都得。最令我驚喜嘅係價錢原來都唔算貴，只係大約$150，同喺市區食個晚餐差唔多，大大令我對主題公園嘅餐廳一定係貴呢個印象改觀。重點係佢個份量係超夠，飽足成個夜晚，有力繼續玩機動遊戲喇😆

迪士尼食咩好 上次講完大冒險餐廳🍴其實城堡附近仲有間多國菜都好抵食‼️買年卡有買一送一就仲抵🤑.📌精選雜扒套餐 $180有牛扒同雞扒各一 兩塊都好薄身但都大塊😈雖然牛扒煎到好熟 但係出奇地濃牛味🐮仲配埋豬肉腸,煙肉,薯條 仲有啲豆同車厘茄 當然唔少得可愛嘅米奇紅蘿蔔🥕🐭份量都幾多 薯條係幼身嗰隻 炸得都幾脆🍟.📌人蔘燉雞湯套餐 $180估唔到迪士尼都有人蔘雞 仲要咁平🤣佢原隻雞上 好震撼 不過都食得幾唔方便🙈底真係有好多人蔘同藥材 好養生嘅感覺 食完成身暖晒😚雞入面仲釀滿咗糯米 隻雞好滑又好入味😍佢仲配白飯,芝士卡邦尼年糕同泡菜 男人都夠食🤫個年糕好好食 特別係個汁 好多煙肉同蘑菇 做到韓國餐廳嘅味道🇰🇷.📌韓式炸雞便當套餐 $150除咗白飯炸雞🍗仲有炒粉絲同西瓜🍉都幾豐富😌鍾意佢個白飯夠硬 唔會淋到一𝗽𝗮𝘁𝗽𝗮𝘁😎炸雞都炸得好脆 炸皮唔會好厚 雞肉又唔會話好乾 舊舊都好大粒🥰粉絲就油咗少少🤏🏻.📌日式吉列豬扒豬骨湯拉麵套餐 $145嗰日冇晒肥牛所以轉咗做吉列豬扒🐷呢款都炸得好脆 但係層炸皮同埋豬扒係可以完美分離嘅🤣豬扒應該有醃過 似係香茅味 我就麻麻地🥺拉麵都幾大碗 仲有好多配料喺面😛