皇室宴會廳

營業中

休息中

園區餐廳出名又貴又唔好食， 今日入嚟，為左令媽咪遊玩愉快，也不想走來走去，就都決定直接在區內食， 選了這家， 有幾個不同料理的餐區， 我們選了西式的， 選了一份Pizza, 一份焗豬扒飯， 這兩款相對來說最不容易出事。果不其然， 很貴，兩份餐花了三百多， 嚴格來就是連鎖快餐的質素。可能因為沒期望，所以覺得味道還可以。意式肉腸薄餅，米奇頭造型， ，料很多很足，腸仔，磨菇芝士， 薄餅底也很脆， 但因為輪候人太多，所以薄餅沒有焗到焦脆的樣子。焗豬扒飯就是一哥豬扒飯的質素，份量很多很足。算是不過不失吧。

🏰皇室宴會廳​📍大嶼山香港迪士尼樂園幻想世界區（經過城堡，旋轉木馬隔離）​Menu​圖1️⃣人參燉雞湯套餐配白飯及精選小食 $180​包括：- 湯年糕（似芝士卡邦尼）年糕唔會太淋，煙靭好咬，仲有煙肉蘑菇- 泡菜，開胃好食- 人參燉雞湯，原隻雞上😳裡面仲有糯米飯😳雞肉有少少鞋（但因為燉雞可接受），湯好飲（冇味精），糯米飯夠淋，唔錯- 汽水​呢個套餐超級豐富，如果胃口唔大，夠兩個人食（咁樣諗變得好抵食，入迪士尼幫襯餐廳，閒閒地每人都100 up）​（評分：5杯☕️最高分）食物：☕️☕️☕️☕️估佢唔到咁豐富，算有良心環境：☕️☕️☕☕️CP值：☕️☕️☕️☕️都有，出街呢個價錢未必食到服務：☕️☕️☕️️️️️️️️️️️️☕️​✨會再幫襯? 會，CP值算高，野食唔錯，仲好飽​

♡人參燉雞湯套餐♡｜📍皇室宴會廳 ｜💰$180套餐配白飯及精選小食（卡邦尼年糕+泡菜）①雞湯熱辣辣飲落無油溢感，飲落好舒服🫶🏻雞肉好嫩用筷子夾一下就輕易拆到肉出嚟❤️‍🔥雞嘅內部含有糯米但質感偏濕唔係煙韌type②年糕嘅卡邦尼汁好濃稠，年糕較粗身有嚼勁本身無味要靠汁去吊味③泡菜酸味偏重

#香港迪士尼 邊間餐廳值得一試呢？💘#皇室宴會廳 最受歡迎既餐廳？😳第一次試〰️之前每次都好多人排隊 今次雖然星期日 我哋11點半左右去都無乜人 正阿🥰入面係好似food court咁 有唔同種類美食 我哋分別揀咗Grill同International〰️🎠Grill 燒烤▪️尊貴雜扒套餐 $195雜扒包括：牛扒 雞扒 香腸 煙肉🥓炸蝦🍤配黑椒汁係迪士尼食野真係貴🤑味道正常🤣！扒唔算好大舊 但整體份量加埋薯條🍟 都幾夠飽〰️🎠International 環球▪️焗豬扒飯套餐 $150有驚喜豬扒飯😍豬扒有兩大舊🐷比起雜扒抵食好多〰️味道方面都好正 面層滿滿芝士 汁唔會太甜 炒飯都夠乾身 推介去迪士尼既朋友可以試一試❤️‍🔥🔅套餐包汽水飲品🥤🧃

再重申一次，你諗住去迪士尼唔食嘢，其實真係好難。夏天，出得汗多，應該都會容易肚餓；冬天，天氣寒冷，消耗了，亦是容易肚餓。這間宴會廳內裏好像哈利波特那種西式豪華大型宴會廳，不過其實入到去除咗裝修豪華以及餐桌華麗，其實都只是普通快餐店，自己去落單，取餐，霸位，食物食落都是吃快餐店般的食品。這盆所謂雜扒，在樂園賣的你就覺得正正常常，如果去哥登堡或是金鳳點的雜扒是這個模樣，相信心中會挺納悶，炸蝦都是粉偏多，內裏蝦非常細隻；腸算是味道較好的，外皮也不算太過韌；薯條咪冇通不算特別香脆，冇漢堡店那邊咁正、牛扒都質素普通，只是煮熟了的肉類，沒有什麼肉香或是質地特別滑溜。反而沙律有寫蕃茄有些芝士波波，味道比較好。

來到迪士尼食野就預佐唔會平。下午一點幾兩點鐘開始肚餓，但見門口人龍超長，大約60、70人排隊，真係唔知要等幾耐，唯有捱住肚餓玩多輪行多陣先返來食午飯。玩完返來看，還有15、20人排隊，決定跟隊排。大約15分鐘就入到去，入到去又要再揾位，好彩10分鐘內有位。由於太肚餓，下午三點鐘要食D野，所以叫了焗豬扒飯套餐。焗豬扒飯＋可樂$150 個焗豬扒飯係貴的，無辦法，因為係旅遊區。坦白講，塊豬扒係唔錯的，肉質幾好又不太乾硬。但是D飯就焗得唔夠香，飯面只有茄膏，伴菜又沒有什麼特式，micky mouse 紅蘿蔔又唔顯眼，整體只屬一般。可樂只有少冰又無溝水，Good！一連買4個餐，如果無拉部餐車，真係幾麻煩！

係迪士尼食飯就預左唔平架的，所以都冇比太多期望值😂😂😂係想玩到攰左有個地方坐低食個飯，休息下不過迪士尼係不論邊到都咁多人，所以淨係搵位都搵左十分鐘先有位，再等cm黎執枱又五分鐘，好在有兩個人，一個等cm執枱一個去買野，咁樣先冇浪費時間由於第一次黎呢間食野，原來係要排隊個陣會有cm問你食咩，然後比張紙仔你，埋到counter再比人地，拎到餐啦，再去比錢。（溫馨提示：排隊之前好搵定個餐車，一次過買個兩餐既我表示拎唔到丫😭）成個過程都算快既。。。個飯係大份既，我個人感覺可以兩個女仔share食明明係焗飯，但佢都冇一種辣嘴既熱喔個茄汁有點唔太番茄味喔，豬排係大塊既仲有兩塊添，但冇下次啦，下次我會去食番火箭餐廳😂😂😂

早排聖誕節正日，同女友去左迪士尼玩，當日唔算想像中咁多人。成個樂園都好多氣氛，我同女友瘋狂玩機動遊戲，玩到3點幾見有啲肚仔餓，然後就上網搵到呢個餐廳，話哂都票選第二名好味。座位方面，由於我係3點幾入場，大部分食客都離開左，但如果你要Lunch time入場，⚠️極力建議兩人分頭行事。⚠️皇室宴會廳 (大嶼山)大嶼山香港迪士尼樂園幻想世界區味道: ⭐️⭐️⭐️價錢: 💰💰💰💰💰抵食指數: ⭐️⭐️⭐️皇室焗豬扒飯🐷 $150炒飯底，蕃茄味🍅同芝士味🧀都有食到，豬扒都幾大塊，整體味道其實幾好味，但係可惜分量有啲細。可能難以滿足成年男性。韓式炸雞便當🐔 $150白飯上有芝麻碎撈飯，正常發揮，西瓜同炸雞都係平平無奇，無驚訝同失望🙈但係個韓式粉絲就幾失望，麵煮得唔夠耐，偏硬，芝麻油落得太重，口感油同得芝麻味。食落就只有硬同油嘅麵🤯

我見12月26號係白金卡會員可以入而金卡銀卡入唔到，加上9點半車咗老公去機場，於是我決定入迪士尼獨自去遊玩，一早入到嚟一入場就梗係約同公主影相啦，行完鋪頭睇下有冇平貨賣，行行吓，肚仔餓。咁啱夠鐘同公主影相，一影完，就去最近既餐廳醫肚啦，食過幾次雜扒飯，食到悶悶地，見到到燒雞餐，正！隻雞仲係熱辣辣架，佢哋好似係賣一份整一份，仲有一碟仔出曬煙既汁呀，薯條都係夠熱又夠脆，我覺得食過咁多次，最好食既一次，所以都寫返個食評記錄下

【 🖤召喚黑松露控‼️】---💰價錢：$140～～～📍評分：9.5/10～～～⏩ 繼續聖誕Disney 系列篇🎄，Disney 既餐廳成日好多人排隊👀，所以特登揀4/5點下午茶時間去食野先，見呢間冇乜人就一於試下👻！呢間樂園餐廳有d似food court咁，有幾間唔同類型既菜式選擇☺️，而且地方都夠大，都幾推薦❣️！～～～一上枱見到份量咁誇張既黑松露😍😍，加埋滿到瀉既松露sauce🤩，我的心真係要爆炸🤣，身為松露控真係勁high！我只想說：黑松露既香濃濃到冇得再濃😈，食每一啖都係黑松露、黑松露同黑松露‼️仲要有咁滿咁滿勁濃厚creamy既松露sauce，真係jeng到爆🆘！肉丸係植物肉丸，雖然味道稍為遜色，但口感都唔差👌🏻，配埋蘑菇、洋蔥等等食都好豐富😙！意粉比較粗身，唔係好有意大利粉feel😂，反而有d中式粗麵既感覺🤔！不過點都好，黑松露贏灑🥰真！仲包埋飲品🥤，真心抵食wor！～～～性價比：4.5/5回頭度：5/5賣相：5/5環境衛生：4.5/5服務態度：4/5 ～～～

迪士尼入邊雖然幾多餐廳揀 但係見OpenRice好多評語都唔太好呢間算係好多選擇 同埋評語好啲啲有國際菜 韓國菜 日本菜 西餐鋸扒🍴▶️ 植物肉丸意粉套餐配黑松露蘑菇汁 ($140)賣相就麻麻哋 有啲似IKEA咁面頭大概有六粒肉丸🧆因為係植物肉丸 所以食落味道係豆腐嘅味 不過質感同真肉丸差唔多 仲可能冇咁韌添🌿意粉就麻麻哋 唔可以話難食 但係覺得有少少似飯盒啲意粉🍝好在未至於好易斷 或者有陣噏味蘑菇醬偏杰身🍄 有少少啫喱狀 入面仲有一啲真嘅蘑菇咬下味道都幾好嘅 唔會太過鹹👍🏻面頭有好多黑松露添 又真係有黑松露嗰陣香味架喎-味道上面還可以 份量好足好多嘅呢個場嘅環境幾好坐幾空曠 但係晚餐時間嚟到都要等吓位佢係排隊揀完餐之後先攞個餐去俾錢嘅價錢上面一定係偏貴 呢個意粉本身一定唔值$140 好在今次因為有coupon 所以唔使補錢😀如果唔係一定唔會俾咁嘅價錢去食 寧願去食吓啲小食仲抵啲

📍#迪士尼 皇室宴會廳#羊羊在大嶼山#羊羊在離島之前去咗迪士尼，張卷包咗$140 dining credit，要係指定餐廳用🍴有中菜西餐，但全部都係快餐😂於是揀咗係旋轉木馬附近嘅餐廳，呢間似food court🎠咩國家都有，韓式日式都有🤣落單類似ikea咁，係餐廳落好單，就會即刻有人整（其實一早整好，係組合返俾你）再放係餐車，自己推去俾錢同揾位坐😗突然覺得自己係落難公主，咩都要人家親力親為（誤）🥲🍲人參燉雞湯套餐 $180呢個餐可能係全個樂園性價比最高，大份到兩人share都可以👯套餐包咗一大碗原隻人參雞湯、一碗卡邦尼年糕、一大碗白飯、一小碗泡菜同一杯汽水，所有嘢都可以share，甚至乎一個食年糕一個食飯都仲得🤗味道方面唔期望同專門店睇齊，但足料，真係有人參仲成碗湯好重人參味🤩🍗烤雞套餐（半隻）$160套餐包咗薯條同餐飲🍟可惜薯條係凍，寒風中仲要食冷飯菜汁🥶唔通我係賣火柴的小女孩先真🥺（誤）烤雞又真係幾好食，係滑同暖的，同埋幾入味😋

其實入得樂園都知道食物唔好要求咁高，今次兩個人嗌咗兩個成個餐廳最貴嘅雜扒餐，建議大家如果好似我咁星期日去嘅話就要兩人分頭行事，一個人去攞位，令一個人就要搵嗰啲美食車，美食車可以將兩個餐放上去，攞完之後可以直接推返去座位。開餐入邊有煙肉、腸仔、牛扒、豬扒、雞扒、薯條，仲有燒汁，其實就麻麻哋好食，但係係樂園嘅食物都係咁上下，佢仲要排隊係新開餐廳牌嘅。如果食西式就一條隊，中式就另外一條隊，日式就另外一條隊，所以最後都係買同一間餐廳嘅食物，如果要買就要排幾次。

黎到充滿奇幻感覺嘅迪士尼，奇幻得來都好現實😅 因為大部份餐廳都係8:00閂，6:00入餐廳已經全院滿座，但門口既職員只會掃完你個安心出行就全部人放入，一行八人想搵一張枱都要企喺其他食客面前企住咁等好耐⋯食客有壓力，小編都好有壓力😅😅最後搵到個戶外位坐左1分鐘諗緊食乜嘢嘅時候，職員就突然衝黎同我地戶外既客講話陣間要放煙花呢度7:00要閂，叫你到時入返去室內。what?!但放煙花八點喎⋯anyway, 小編食嘢通常30分鐘內完成，所以應該唔受影響。 但惡夢開始啦，出去排隊買一個餐都要搞成半粒鐘，最後得返<20分鐘settle down 食嘢。因為要趕住交個場俾返佢哋，戶外冇乜燈光所以影唔到所有嘅食物⋯ 【 尊貴雜扒套餐】 $195當然大家都已經有心理準備主題樂園嘅食物質素唔會話去到好好，平心而論個賣相係靚嘅（太趕無影相🥲）有牛扒，雞扒，香腸，煙肉及炸蝦，但作為一個尊貴嘅雜扒餐，排咗30分鐘先至領取到嘅呢個餐，竟然食落去係凍㗎⋯⋯呢下扣好多分⋯【 鮑魚海鮮炒飯套餐 】 $160好似福建炒飯，飯是淋pat pat的⋯【 兒童套餐 】 $105內容其實係香煎雞扒飯配蘑菇汁配粟米，低脂芝

《皇室宴會廳》‣ Pizza set🍕 (~$140)米奇外型既pizza 外表幾得意，中間臉部幾好食，餅底唔會好乾好硬，而且材料勁多令pizza好高身，口感食落幾豐富；可惜耳仔部分材料唔算多，餅底反而就好硬🥺‣ 黑松露素肉丸意粉🍝 (~$140) 黑松露份量勁多，令意粉都幾香口，素肉丸雖然大大粒，不過冇咩味道，整體呢份都係普普通通～💭C͟o͟n͟c͟l͟u͟s͟i͟o͟n͟整體感覺食物賣相唔錯，用黎打卡真係幾吸睛👍🏻但味道屬於普普通通，未搵到啲好值得推介既食物😛