百匯酒家 (已結業)

今晚做節食中菜，黎左筲箕灣東大街嘅百好名宴。佢本身係百滙，啱啱裝修完改咗名。佢哋最近出左個阿拉斯加長腳蟹套餐，只係$238/斤，另外想食埋魚同雞嘅話，仲有個$168 套餐可選擇。阿拉斯加長腳蟹套餐 （$923 大約3斤半）酒樓魚缸入邊有好多長腳蟹，隻隻生猛任你揀，我哋6個人揀咗隻3斤幾4斤嘅長腳蟹，上枱時蟹身色澤鮮艷，蟹殼光滑，十分新鮮，金黃色嘅蟹膏多到好似瀑布咁滿瀉，撈飯食鮮味無窮。蟹腳肉質結實彈牙，原汁原味，汁多鮮甜。至尊燒鵝 （$138半隻）燒鵝肉質嫩滑，幾乎没有任何肥膏，每啖入口咬着燒得香脆嘅外皮，夾雜住香濃軟腍嘅鵝肉，加上甜酸醬，味道實在無可挑剔😋…查看更多

如果要求唔高既話樓下酒樓有時都會搵到啲抵野食。片皮鴨一食 ＄78👍（打包鴨殼+＄10）。上湯澳洲龍蝦＄218👍👍（伊麵+＄30）。魚肚浸莧菜＄98（可以唔食🙅‍♀️）原本對＄78既片皮鴨都無乜期望，但比想像中喜出望外，唔通係無期望就無失望？認真覺得龍蝦伊麵同片皮鴨真係好抵食， 自己煮都未必做到咁嘅價錢，而家仲要有人幫你煮埋洗埋不過魚肚莧菜真係大可不必🫠腥亨亨本身係想食斑馬瀨尿蝦所以先去， 但係去到想叫佢先話唔知幾時先再有貨😵唯有下次問左有無先去…查看更多

百𣾀酒家筲箕灣筲箕灣東大街108號地下至1樓 (港鐵筲箕灣站 C 出口, 步行約1分鐘)地方都方便的, 雖然,一樓, 有自動樓梯上酒家的, 人人都方便上落.  有些服務員有禮貌和笑容 🙂百福宴鴻運乳豬全體: 紅卜卜香趣入口有厚感鮮蟹肉燴珍寶蝦球: 味道不錯軟軟入口, 口內滿有蟹肉西蘭花炒玥瑚帶子: 西蘭花多味、玥瑚帶子肥美入口彈肉龍皇竹笙花膠攰: 夠熟加入酸甜酷滑滑的入口蟲草花烝鮮活龍躉斑: 夠新鮮入口鲜甜醬皇一品脆皮雞: 燒烤得合適, 肉質都軟滑招牌柱哥炒飯: 炒得好好食,每粒飯煙韌喜慶蟠桃: 细细個易入口養顏甜心熱糕: 第一次食比想像中好食…查看更多

同一班車友優閒地在港島踩單車, 由Shau Kei Wan 開始走左一個圈.返到筲箕灣本來散band, 點知有人冇飯食, 咁我o地就留低陪佢一齊晚飯埋先散啦.因為有單車, 又要附近, 所以去酒樓係最好, 地方通常夠大可以放到車.說實在, 食物質素就好麻麻啦, 不過為到百幾蚊一個人就算啦, 都唔會期望太高, 只係志在有地方聚o下.…查看更多

數年前來過他的前身：明星海鮮酒家，及後總是不解為何會忘記他，今日到訪不少地方可圈可點，不過尤其吃海鮮的，進門一下必被放滿海洋生物的缸缸惹得食指大動。所在地比很多地鐵站附近酒樓方便，不用走經商場的灣灣曲曲，只要在筲箕灣電車總站走半分鐘便到達，相信是不小回頭客的再訪理由。片皮鴨其實不足一隻份量，算按例牌計算。不過才78元，附近亦沒有酒樓能吃得到，所以當時內心沒有投訴過，我亦希望能點試更多菜色。只不過其他食客可以留意一下。味道和外皮香脆度也可，沒有雪藏味。只不過當時冷氣太大，裝入薄餅的蒸籠又沒有蓋子提供，溫度下降太快了，算是親民價格當中的美中不足，亦是值得改進。配搭來說則依照傳統配搭大蔥絲、甜麵醬和青瓜絲，尚算滿足。龍蝦伊麵選用西澳洲龍蝦，在炒製前經油炸封密肉汁。吃下去感覺特別香口，只是火候略過影響口感，算菜式唯一小失誤。伊麵火侯就恰到好處，所用伊麵較粗身飽脹，吃時口感特別好，軟硬適中。蒸帶子其實是被菜單吸引，標榜著自信標題：超大日本元貝！上台一刻其實是有失望的，哈哈。不過考慮到58元一隻也是可以吧。火侯理想新鮮度也好，吃海鮮就不用太強調複雜調味了，畢竟以鮮味為主。食店給我感覺是穩定度能有進步空間，新鮮度是理想的，口味方面就偏向老少咸宜。尤其要強調新鮮度的例如象拔蚌、活龍蝦，長腳蟹相對較值得一試。反正食店訂購很多，應該是銷量反映賣點吧？！…查看更多

純粹見佢地點鄰近紅van總站，臨入去石澳泳灘前飲個早午茶。正門去番東大街方向入。十點鬆啲仲係早餐時段，冇得嗌炒嘢，所以成枱得點心，頂多有盅飯。雙寶入面柴魚豬骨粥嚟到差啲以為白粥，𢳂咗四五下先搵到一粒仔豬骨，柴魚碎絲好似沒入咗碗粥，基本不多見，當白粥食嘅感受；煎釀茄子還可以，至少鯪魚肉唔會無啦啦食到有魚骨，茄子冇過生過老。紅油抄手想跟番大陸嗰啲做得的的骰骰細細粒，汁底預咗佢做唔到咩層次，但餡料毫無豬肉鮮味、餃子皮質感亦一般，埋尾堆疊出嚟嗰塊厚皮都忍唔住咬走唔要。少見仲有豬腳薑，蛋冇變鐵蛋尚且柔滑感，豬腳炆得幾夠腍除咗骨外全部咬到食到，醋底係預期內始終唔及自家煲嘅濃厚。…查看更多

我哋在昨晚食飯叫咗隻片鴨、該鴨又唔係畀足全隻鴨、可能係偷偷地攞咗放落其他人身上，另外摩摩皮係半件裝，其他酒樓都係完整一件、即係每件都經人手處理、另外椒鹽鮮魷賣$98一碟、不足十件、服務員態度差、要求加水須時起碼十分以上，呢間酒樓唔值得再幫襯、簡直當顧客係水魚。…查看更多

放假就係喜歡一盎兩件，屋企附近2間酒樓都唔多掂，幾分鐘車程落筲箕灣其實係一個好選擇。今次唔去屋邨酒樓改去東大街酒樓，有朋友食過晚飯話抵食就即管試吓飲個下午茶。一個炒粉麵加個小食同2個點心，百零蚊都算合理，2個點心都算係正常。小食五味脆豆腐，賣相真心覺得唔掂，咬一啖，豆腐都算滑，但個炸皮厚左啲囉。芝士海蝦伊麵，完全食唔出芝士味，碟麵碎到可以用匙羹(畢), 啲蝦霉的，重點係麵入邊好多蝦殼，要夾走晒啲蝦殼先可以安心俾細路食。單係呢碟麵，我唔敢再來食嘢。…查看更多

百匯酒家就是舊式的街坊茶樓格式，樓底高高，坐位闊落，廁所總是濕濕的那種酒家😆.中午時份，本來打算叫點心食，突然見到這個午市特惠🦞，$168一隻龍蝦好吸引，於是最後點了一份上湯焗波士頓龍蝦配伊麵底。.等左一陣，估唔到來到的龍蝦🦞🦞份量也不太細，呢隻龍蝦雖然未算全部啖啖肉，加上芝士味有點偏稀不夠濃，但整體來說，這個價錢可以食到一客龍蝦伊麵，真的抵食啦😁…查看更多

78蚊 一隻片皮鴨一食、再加$10拎走鴨身叫咗個套餐2 4 8燒雞半隻十薑蔥膏蟹十蜆仔 ((酒樓冇貨 轉咗 椒鹽蝦))結帳:差不多四百蚊兩個人食 開心嘅一個晚上 雖然要減肥戒口留返星期一至五先戒今次係為咗食片皮鴨而來 因為之前 喺愛東商場 酒家 食過一隻片皮鴨都要成 168蚊( 大約) 當然愛東隻片皮鴨 皮係靚過百匯、 但係以78蚊百匯食 到片皮鴨、 都算係唔錯 嘅選擇、 佢個椒鹽蝦新鮮、 唔會夾雜啲死蝦畀我、 蝦係好味合格 滿足 嘅、 佢嗰半隻燒雞好幼嫩滑、 只係味道鹹咗少少、 都算係合格。 佢e份餐蟹比較細、 但蟹蓋啲膏 都可以睇到食到。琴日嘅人流都唔少 下次都會去試多次…查看更多

今晚酒樓食飯 最近中秋多飯局 舊年無晚市見唔到面,今年環境好返D大家食個飯傾下計食物水準都唔差 晚市都幾多人開飯鹽焗雞半隻 上湯時蔬 勝瓜炒班片 煎魚腩 一肉2魚一菜加白飯鹽焗雞好入味,保留雞既鮮味,同時仍然都幾嫩滑 雞皮都幾滑上湯時蔬 食到有落魷魚乾同小堂菜 湯底係雞湯 清清地不過不失勝瓜班片 有芹菜 洋蔥紅椒木耳加蒜爆炒 班片大件香滑有油香,個魚皮帶點爽韌口感最後一道係蒸魚腩 夠肥夠魚油加蔥薑豉油蒸,食魚汁原汁鮮味,啖啖肉夠嫩又有油香消費$400評分7/10百匯酒家筲箕灣筲箕灣東大街108號地下至1樓…查看更多

嗰日啱啱同爸爸去東區醫院覆診，坐小巴就嚟到呢一間茶樓。因為疫情關係好耐都冇出街啦佢，於是乎我就帶佢嚟解一解佢日日飲西茶嘅相思之苦( ´▽` )ﾉ我哋大約一點鐘去到，裏面咁啱有一張枱，所以我哋唔使等位。坐低就嗌咗四個點心：鮮竹卷、鮮竹牛肉、燒賣同埋雞扎。完全冇留意到佢哋有特價點心，蝕抵晒🤣。等咗好耐，都有十五分鐘，佢哋先至有點心送到。奇奇怪怪咁鮮竹卷上面有啲葱，感覺唔係咁好，起碼我就好唔鍾意ಠ_ಠ 但係食落去又覺得幾讚，因為好足料，熱辣辣，明顯係啱啱蒸起嘅，枉我等咁耐都抵番晒。一如以往，我唔鍾意食牛肉，不過我爸爸喜歡，冇計。從外觀上，啲牛肉好細粒，同平時茶樓大大嚿唔同，味道就不過不失。而佢哋嘅燒賣就好有咬口，豬肉同蝦肉嘅份量都好平均。但係都係嗰句，我覺得佢哋嘅燒賣比普通茶樓細粒咗啲。雞扎反而我覺得有啲驚喜(不過係頂點嚟㗎)。當然啦，佢裏面嚿雞一定係雪藏雞肉，不過嚿雞肉好入味，唔係好敷衍我咁是但比嚿冇味嘅肉我就算。件芋頭亦蒸得好冧，勁愛。呢間酒樓唯一唔好處就係佢啲碗碟好油膩，要自己洗好多次先洗到。不過呢間係街坊茶樓，唔應該有太多嘅expectation ╮(╯▽╰)╭…查看更多

今晚同埋老豆去食飯，見到有個$600有找嘅海鮮餐，有些三樣海鮮+3樣餸，本身都有啲心動。但老竇好想食羊腩煲，又怕食唔晒會嘥嘢，所以都係散叫。叫咗一個羊腩煲， $178算好抵食，味道都唔差，但稍為嫌啲羊唔夠羊味，不過一分錢一分貨啦。由於我突然好想食鮑魚，就叫咗幾隻南非鮑魚，蒸得好好，但我個人覺得果皮味唔夠，如果有多少少就果皮香就正啦！仲有叫咗兩隻乳鴿，就普普通通啦，唔係新鮮炸好始終差啲！下次如果再嚟食，就真係要試吓個好抵嘅海鮮餐。中規中矩嘅味道，坦白講唔值得專登入嚟食。但如果你住附近又唔想同人迫，呢度都係一個選擇。…查看更多

📍筲箕灣 Shau Kei Wan📍...我一定係中意中餐多過西餐🥳🥳🥳🥳我好煩同一句野講十次好似個阿婆咁🌞🌞🌞最近忙緊自己一個小小既project, 真係維持左一個月晚晚56點先訓🙈🙈我琴晚直頭訓唔到所以6點鐘出左去飲茶😅😅我真係毒毒之餘又怪到飛起😆😆😆😆酒樓廣東人傳統， 一籠幾舊， 成家人一人一舊咁分， why not 🥳🥳🥳🥳而且酒樓開好早， 照顧到失眠人既需要😆...📍牛肉球💰HKD 15.00📌7.2 /10分角度既重要性， 你睇下我張masterpiece 🥳🥳🥳🥳由於牛肉一直升價既關係， 牛肉球入邊你唔好expect會有好多牛肉係入邊咁harsh 😉😉😌一舊熱辣辣既肉球， 同行黎計size屬大舊， 一籠3舊， 舊舊大大舊， , 無一口粉， 15蚊， 連埋入哂湯汁味既支竹， 我已經好滿足了 🥺🥺🥺🥺...📍燒賣💰HKD 15.00📌7.2/ 10分一籠4舊， 相比於同行黎比較唔算大舊😯😯😯入邊無蝦， 皮唔厚， 典形市場水平✔️✔️nom nom nom nom nom🙆🏻‍♀️🙆🏻‍♀️🙆🏻‍♀️暫時真係飲茶未食過難食既燒賣😌😌😌I love Siu Mai✔️✔️✔️✔️...📍西生菜💰HKD 15.00📌7 / 10分西生菜唔會過淋， 超爽口， 完整大大舊✔️✔️✔️✔️連埋甜豉油， 熱辣辣， 出哂煙， 我又係覺得好good good🙆🏻‍♀️🙆🏻‍♀️🙆🏻‍♀️🙆🏻‍♀️...📍環境：5/10分 📍Outdoor area is not available📌不可帶寵物黎餐廳🐶📌要加1..————————————————————.- 高水平- 中上水平- 正常和中上水平之間✔️ （茶樓都好好食）- 正常水平， 路過可試- 我好爭扎 LOL- 唔使試.————————————————————..📍Belle’s approval ✔️..————————————————————…查看更多

一名員工確診武漢肺炎，為何繼續營業，不用消毒嗎？曾去飲茶不適請盡快求診19人打邊爐，2名親戚已返廣東已有10名確診（今日新增1名確診），1名出現症狀，住沙田區另外3個家庭住灣仔鴻福大廈，中匯大廈，銅鑼灣禮智大廈家庭成員工作地點：北角華懋交易廣場2期25樓一辦公室及6樓一倉庫旺角新世紀北京樓點心部中環北京樓Megabox IKEA時代廣場Fendi利舞臺無印良品cafe筲箕灣百匯酒家…查看更多