百匯軒

營業中

休息中

本身諗住係隔離百佳買嘢咋，但行過見到佢有78蚊片皮鴨，忍唔住直接入去食埋晚餐！78蚊片皮鴨（唔包兩食唔連殼）其實我食片皮鴨嘅經驗都唔太多，食親都係一般街坊酒樓，所以我都講唔出佢正唔正宗，但味道都OK嘅。呢度應該半隻鴨左右啦，片得都幾好，薄薄一層肉連皮脆卜卜面皮都做得唔錯，層層分明，厚薄適中。柚子大蝦球本身上枱見到得5件，有少少失望，但一食落原來佢每一個蝦球都好扎實啖啖鮮蝦肉，加埋個汁有啲驚喜嘅！另外仲叫咗花膠浸時菜正正常常，有啲碎碎嘅花膠。成餐飯就係正正常常，一般街坊酒樓，叫餸食飯，落街想食片皮鴨都會考慮Encore的。

在週一用餐，點佐個《三五知己 套餐》，售價168，加點1份紅燒乳鴿，售價48，另外3位茶，每位8蚊，全單收加一服務費。✨用餐環境比較寬鬆整潔，而且餐具不油膩，出品也不會太多油，味道真係ok。✨$168的套餐，包含3份點心+1份小吃+1份主食，飽腹度100%以上，三個成人都吃不完，性價比高👍✨後續仲有同屋企人過來慶祝生日，酒樓d海鮮質量都好好，清蒸龍蝦，肉質好爽甜；椒鹽頭腳又非常惹味😋✨而且就係太和站內，食完飯坐東鐵翻屋企都好方便🤭

自從開了晚市後，29/4終於與朋友去食了第一餐，揀了太和百匯軒酒樓（太和商場百佳/fusion對面）真心好食、抵食又新鮮長腳蟹4斤多重，4個人食完已半飽，啖啖肉，朋友早一日去過沙田某酒樓食長腳蟹，新鮮程度好大對比下大讚特讚。冬瓜盅（例）$128:非常清甜，每人足足飲了3碗（要預早訂就穩陣d）再叫了168元孖寶:海班(新鮮及煮得剛巧熟)及石榴一字骨，因已飽了，石榴帶出的酸味剛好消滯，一字骨肉不多但巧妙的是炸粉做得好出色其實我地一心仲想食龍蝦伊麵$188、片皮鴨$78，但因為這餐已非常滿足，故已訂了下星期會再嚟食龍蝦…最正係太和商場做緊食肆200元消費，可享4小時免費泊車優惠*服務態度一流:3位職員不論是主任級、傳菜的阿姐等，都態度親切及有禮，今時今日邊到搵#長腳蟹#冬瓜盅

今天來位於太和這家食肆吃飯的目的是為了慶祝媽媽生日，是哥哥挑選的。看過一道套餐，各人對裡面的菜餚種類都感興趣所以就選了這個，當中有包括：龍蝦伊麵、片皮鴨、吉品鮑拌鵝掌、一字骨、花膠燴肚翅、蒸海星斑、竹笙泡菜苗、脆皮雞、炒飯、薑汁糕，還加了一個羊腩煲，想不到大家對大部分餸菜的味道都挺滿意，雖然沒有點壽包，但也有買了生日蛋糕慶祝，祝媽媽永遠身體健康！侍應的態度正面，上菜速度也不慢，價錢方面也不貴，是可以一再考慮光顧的因素。

有日行過太和同大埔墟附近， 突然想去飲茶，太和火車站原來都有間茶樓，星期日Brunch時間都好多人排，但意想唔到都好快排到2人位(唔洗搭枱)。原來依間餐廳都算幾大，不過排枱就有少少迫，枱之間幾近。一坐低就睇下特價紙，發現有張Menu係好抵，$198套餐有6款食物，唔同類型咁樣揀都好夠飽。1. 海鮮雜菌炆伊麵2. 椒鹽酥炸多春魚3. 海蜇手撕雞4. 牛肉腸5. 燒賣6. 咸水角計埋茶錢都係$240，仲要打包埋少少野走，依個餐真係抵食。

一入到嚟，無人招呼，無人理，上茶好慢，餐具好污糟，唔夠人手又唔叫多啲人返工，張枱又細人又多又隔攝，啲員工又無禮貌，我唔明點解可以咁，以一間食肆嚟講真係唔合格，佢真係大集團？