發記腸粉粥品

營業中

休息中

今日放假但honey 腸胃炎仲未好，唯有食清d, 就黎左屋企附近既飯堂之一—發記。由於佢既「蝦米炸兩腸」非常之好食，所以我同honey 久唔久都會黎食下🤓 好可惜今日honey 話唔食得，所以冇叫到是日午餐：「皮蛋瘦肉粥」、「炒麵」、「香蔥蝦米腸」、「支裝黑芝麻豆漿」「皮蛋瘦肉粥」好大煲，一個人食晒都應該幾飽下😆 好欣賞發記用煲仔裝載d 粥, 煲仔可以更持久咁keep 住粥既溫度。煲粥是岩岩滾起的，食落軟綿綿，皮蛋同瘦肉既分量都好多，非常足料，好抵食，咁大煲粥先$25咋！最後honey 食剩d 瘦肉絲🙈「炒麵」+「支裝黑芝麻豆漿」炒麵比一般粥舖果d 較粗身，唔會太油，芽菜+雜菜既分量都唔少。食落口感唔錯黑芝麻豆漿係低糖+香港制造的，因為是低糖既關係，豆漿真係唔太甜，飲到芝麻味但唔算濃。「香蔥蝦米腸」蝦米好香好好咬口而且唔會食到渣，份量亦唔少，好大方，加埋蔥味就更加香了。腸粉皮是手拉的，同一般街市/酒樓食既明顯有差別，發記既腸粉口感同味道都更勝一籌。呢個腸粉冇左炸兩一樣好味 重點係...只係$15咋！平過買底雞蛋仔

放工後返大埔都好夜喇 搵間11點幾都仲開門而又好食既 都無乜可選 但有發記🤣👍🏻發記有粥粉麵飯 任君選擇 成晚未食過野 緊係叫個豐富既靚靚咸雞飯啦 估唔到甘大碟雞 仲有一邊雞脾架 飯都足夠兩個人食 雖然d雞肉熟左d有d鞋口 但d雞皮好滑 咸咸香香 加埋薑蓉 撈飯簡直一流 黎發記緊係要叫返碟腸粉啦 份量好似縮左水 以前大碟d ga 但仍然材料多 d牛肉滿滿的 無論d牛肉同腸粉皮 都好滑 d牛肉仲好新鮮 配埋「讚」過既熟油豉油 好香好食 所以叫多個豬潤腸粉 d豬潤新鮮唔腥 蒸得剛好 d豬潤好滑 一樣超正

囗淡淡，行經粥店，見價錢唔貴，就衝入去試下。二話不說即揀左碎牛粥，好鬼大碗，用個砵仔上無甘快凍，碎牛以呢個價錢份量算正常，仲要甘多蔥花，都係$25,食到好飽。想試其他野都食唔落，下次2人一碗粥share, 一碟腸粉就正了。

今日同老公一齊放假 ，一每一次經過呢間店都見到裏面坐滿人， 但每一次食飽先經過 終於今日 過嚟試一試。今日我哋嗌咗一個豬潤粥 ，另外一鍋豬潤雞粥一個炸兩 一杯凍奶茶。結果 到咗賣相唔錯 但係一食落粥同豬潤 都是一般般外面嘅粥舖都可以搵到 但係佢個粥底 啲味精好似唔使錢， 平時周圍食嘢都有味精但係食完出到去門口先至會 口渴， 佢係一路食一路已經覺得好口渴， 杯茶都是 普普通通都有一樣嘢值得讚嘅 個炸兩真係唔錯 個油炸鬼鬆脆。希望能輕手 運用味精

叫左1碗皮蛋瘦肉粥外賣，俾左錢，之後企門口等外賣，等左15分鐘，發現大部份都叫外賣既都已經拎得，我嘗試問一問職員，佢話幫我跟（面口有d衰），再過多15分鐘，又一個遲我叫外賣既同樣都係皮蛋瘦肉粥又拎得，我再問果位職員可唔可以幫我跟跟碗粥，佢面口極度難睇，係度話「入面整緊喇，等多陣啦，係度吹」，其實我都係買碗粥啫，點解你面口可以咁難睇，我講返呢件事俾朋友聽，朋友話半個鐘，元朗既粥都送到啦。建議如果大家唔等得又唔忍得既，就真係唔好去喇，唔係真係激親 x 10000!

天氣寒冷，一早食完晚飯到了九點多又開始有d肚餓啦！心中的邪惡的小聲音又開始響起，叫我去買宵夜食啦！😂😂😂凍冰冰梗係要食d熱辣辣的食物啦！於是在立刻想去屋企附近的「發記腸粉粥品」啦！！由於母親都想食的關係，所以唯有買外賣啦！從落單到終於等到外賣足足等了最少20分鐘，在寒冷的天氣下在門外等咁耐，簡直是大懲罰！😑😑皮蛋廋肉粥～粥底煲到軟棉棉的，不會水汪汪！與皮蛋一起伴在一起增加不少咸香味又能下火！叉燒腸粉～從相片中已知十分皮薄！入面的叉燒包得滿滿的！腸粉皮也算夠滑！質素中上，但奈何等候時間較耐！大家要有心理準備啦！

在大埔時, 無意之中發現這家高質食店.因為她的店面平平無奇, 就像一般小食店.門外也沒有什麼搶眼的裝潢.外表感覺有點像茶餐廳.但為什麼會吸引到我?就是一群在門外排隊的市民.他們都在外面等外賣.於是我就走向店前看看.發現內裡也很多人.剛剛又見到有位置.所以就進去.這間食店, 主打腸粉粥面.但我就被她的腸粉吸引了.雖然當時還沒有吃, 不過我見到她的腸粉有不少選擇.而且見到很多人也點了腸粉.我就點了一份鮮蝦叉燒腸粉.(21元).等了8分鐘左右,就有得吃了.份量很足, 我覺得比一般酒樓和食店的份量更多.另一重點是便宜.所以已經覺得是抵食.之後再試試它的味道.對我來說, 是有驚喜的, 首先, 鮮蝦是大大的, 而且不是只有一個.好像有2個.另外叉燒也做得很好.肥瘦合適.如果是自由定價, 我覺得可以值40元以上.另外, 這裡還有別的選擇.下次我有空會再來試試其他.

不可思議是廣記的食物樣樣都好好味。生滾豬膶粉腸粥和生滾肉片牛肉粥，都是大大塊，淥得嫩滑鲜甜，配熱辣辣軟綿綿的粥吃，你會不知飽。吃得興起，又叫了豬什炒銀針粉和雞絲腸粉，銀針粉是即炒，鑊氣一流。 腸粉即蒸，滑溜，如果不是肚子頂不住，必會叫多份。不可思議是價廉物美，生滾粥大大煱才二十七元，双併三十七，炒粉二十八，腸粉是十七。不可思議是阿姐有特異功能，剛離火爐的煲仔粥竟可徒手送來，在狹小的人缝中穿來插，神乎奇技。

佢個雞飯又平又好食，只賣46元。仲送野飲。次次都有雞髀，雞又非常新鮮。加埋啲腸粉又滑又好味。實在太好味，食多幾多餐都唔會厭。除咗食粥，仲有好多炒粉之類，好多選擇。可能係大埔最好食嘅粥店，但我唔會食粥。太太就鍾意食佢啲粥，話蠔仔滑牛粥好正，不過排隊等位就有啲混亂，有時唔知邊個排先。仲會有時計錯錢，仲有涼瓜飯永遠冇得買，叫咗成年都未試過叫到，其實究竟有冇涼瓜飯食？飲品就都幾多款式 ，豆漿好似幾好飲，下次再來一定要試下！

早餐買粥品試下，但唔係堂食，係外賣，都好快手，等左5分鐘到，期間冇咩做，四圍望下，目測地方都都算乾淨，但可能早餐時段未係旺，人流少。等到外賣我即刻望下，好彩望一望，如唔係腸粉就乜醬都冇，所以外賣自己要留意一下。返到屋企食，粥品熱辣辣，所以食個牛脷蘇先，但一摸上手就覺得硬「骨骨」，再咬落去真係好唔掂，十分難食，一定係隔夜，咬落去成淡油即刻分離，好似飲左淡油，入面d肉係散拋拋咁，結成條掉左，一條都9蚊，好彩跟住食粥都幾好，材料新鮮，最好食係碟蝦米腸，料多，腸滑，好食。

平時一經過呢間野，見到個粥字都唔開胃，個日竟然發現佢有炒銀針粉，就試下佢啦原來果然除左粥之外，仲有好多好野食，有腸粉有炸兩，炒粉麵都有好多種當然要試我最想食既銀針粉啦，即叫即炒，好夠鑊氣，肉片嫩，銀針粉都好彈牙男友就叫左最普通既乾炒牛河，河粉都算炒得散，唔會一pat pat再嗌左個炸兩同叉燒腸，腸粉好滑，但略嫌有少少厚皮（係因為包左好多層）叉燒好足料，唔會話頭同尾就無叉燒。炸兩就油炸鬼唔夠脆，不過而家都好少可食到脆既炸兩了。兩個食咁多都唔使100蚊，抵啦

係大埔夜晚晚有個地方食宵夜係幾好既。入面樓面收銀只有一位姐姐做哂，落單比較忙係正常既，小鋪經營，有得理解。佢玻璃窗同餐牌都有好大個《豬雜炒銀針粉》既相係到應該係招牌菜喇掛。咁就叫左呢個喇。感覺係真心覺得冇乜特別，但可能豉油煮焦左啦，食果陣有一陣苦味，係有小小失望既。蝦米炸両都係一般，唔會話難食，但好食又冇佢份，因為唔夠滑，漿厚。依家香港地廿幾蚊一份餐，夜晚晚有地方比你坐又有電視睇、又有冷氣、又有野比你食。我覺得好抵架喇，所以還可接受啦

這間粥店之前已經食過，覺得幾好所以再幫襯，今次叫了雞粥，雞雜粥，豬雜炒河，油炸鬼。但油炸鬼是淋的，不是新鮮炸的。而豬雜炒河好好食，粉腸有粉及唔苦的，豬肝又滑，碟河粉亦不油。而最後叫多碗雞雜粥，內有好多雞雜(有雞心，雞肝，雞腎)，但可惜無雞腸。

尋日去食日本野，經過見到呢間粥店好多人應該都唔錯所以今日夜晚就同男朋友試吓呢度啦佢有雞雜好少見喎～～就叫個招牌鮮雞粥加雞雜啦男朋友就叫咗個艇仔粥另外我哋叫咗叉燒腸同埋豬什銀針粉share~最先嚟嘅係男朋友個艇仔粥粥底真係好靚喎，啲米開晒花，入口夠棉而且唔會太咸，食完都冇話口渴，應該冇乜味精之後嚟嘅就係我個鮮雞雞雜粥好對板！啲黃油浮晒喺面啊！正呀多咗雞油個粥香左好多！雞肉完全冇雪味，連雞胸都好嫩雞肉應該係醃咸過，所以個粥相對艇仔粥會咸小小雞腎爽口，雞潤甘香好正呀啲碗粥再嚟就係叉燒腸好大一卷，原來有上下兩卷我覺得ok，不過男朋友就話佢鍾意平時咁細細卷易食d,而且腸粉糊口左，冇佢想像中咁好食。唔知點解好似真係越來越少地方有銀針粉所以今次一見到即刻叫師傅真係炒得超有鑊氣！香口到呢而且只要鑊氣夠就唔會食到成口油，而且火候控制得好，豬膶爽脆唔粉粉腸爽滑冇話死實實！銀針粉煙煙靱靱，正下次試佢嗰乾炒牛河先

聽朋友講話發記嘅腸粉好好食，食過翻尋味咁啱今晚冇咩胃口，就黎試吓啲粥品啦～唔算太多人，反而多人外賣自取佢嘅粥同腸粉都好多選擇，仲有炒河粉、蒸飯、炒銀針粉之類但怕太油膩，就叫咗碗皮蛋瘦肉粥、炸兩同埋蝦米腸粉皮蛋瘦肉粥好足料，粥夠綿，味道正常不過朋友嗰碗唔好彩有條眼睫毛炸兩麻麻地，入面好冧唔夠脆蝦米腸粉，都夠滑嘅食完之後非常口渴，另外啲腸粉冇想像中咁好食，見倒條眼睫毛大打折扣，附近可以有其他粥品店可以選擇