發記腸粉粥品

營業中

休息中

📍發記腸粉粥品大埔汀角路17號地下A舖今日星期日，入到大埔，想食粥和腸粉，經過汀角路見到發記腸粉粥品小店，決定入去試試，見到餐牌琳瑯滿目嘅粥品，腸粉、炒粉麵……..我簡簡單單點咗碎牛肉粥，叉燒腸粉，炒銀針粉 。☀️碎牛肉粥@一個砂鍋盛滿熱騰騰嘅碎牛粥，粥底軟軟綿綿 ，傳統牛肉味道鮮明 。☀️叉燒腸粉@一碟有兩條叉燒腸粉，腸粉皮韌性中帶有Q彈的口感，滿滿的餡料，配上店家自家製豉油特別提鮮.☀️椰菜銀芽炒銀針粉@特別一讚👍店家喺即點即炒，所以零舍好食😋，上枱時喺熱辣辣，有鑊氣。雖然即炒 ，但價錢非常親民 。

純粹路經此地，叫咗三樣嘢：一碗艇仔粥、一碟炸兩、一碟家鄉炒銀針粉，合共75蚊。艇仔粥係一個小砂鍋上，份量都算大兜，足夠兩個人食，入面已魷魚為主，當然有啲肉碎同埋少少豬皮啦。炸兩都幾大碟，難得油炸鬼仲有少少脆，甜醬麻醬辣醬就自己落。家鄉炒銀針粉份量正常，都炒得幾香，而且唔算太油，芽菜都幾多，豉油炒，味道ok。

國慶日竟然要加班，不過都係自己責任心太重，神咁早起身，搞掂✅之後先食早餐，啱啱正值午飯時間，超多人叫外賣🥡砂煲粥一定要試吓，可惜太熱出邊天氣太熱，舖頭裏面冷氣又唔夠，人又多，阿姐又唔多理客人。及弟粥，最正係有豬什豬潤，我同事話嘅，不過我就麻麻哋，我見佢落勁多胡椒粉話好惹味。30幾蚊-$50一碗粥，食晒都滿足。皮蛋碎牛肉，也不錯，粥底都幾棉。牛肉炒麵，30幾蚊好抵食。肉片份量都多。銀針粉唔係周圍都有得食，幾有鑊氣。鮮蝦腸粉，唔錯。最後食埋蝦米腸粉炸兩，最緊要係甜醬麻醬，混醬汁最好味。

夜晚十點幾十一點食宵夜嘅時間，四週漆黑一片，得呢間粥舖仍然營業，入去坐低係唯一解決肚餓嘅方法。佢嘅粥品同埋腸粉種類都算多，我哋一個叫咗皮蛋魚片粥，另一個就叫咗豬紅粥，然後再叫個蝦米腸share。佢嘅粥係用一個小型沙煲裝住，比起平時嘅大碗份量好似多一啲，啲粥都熱辣辣，豬紅ok，不過魚片就麻麻地，比較散同削，但係其實佢嘅粥品最致命嘅地方就係似乎有落味精，食完返屋企係咁飲水。佢個蝦米腸都ok嘅，腸粉都夠滑。

下午經過時看到有數人在等外賣，感覺應該不錯。進店時見職員一直在弄外賣沒停手，馬上叫了碗蠔仔粥，等了約廿分鐘左右上枱。粥比想像中大碗，碗內有十多隻蠔，也有鮮味，而且只是三十多元性價比高。看到旁邊幾枱客人都叫了炸兩，有點後悔沒叫到，但是午餐時間只有一小時，唯有下次再嘗試了。

今日去到大埔黎呢度食粥，上次食過佢吔嘅雞雜粥同牛肉腸粉，今次就叫新鮮蠔仔粥$36同埋猪什炒河$45蠔仔粥都幾大碗，有芫茜同葱配料，蠔仔幾鮮味夠大粒，粥都好綿，猪什炒河有猪膶，豬粉腸同肉片，河粉算乾身唔太油，不過點都比蠔仔粥遜色呢間粥店出品幾好，價錢算平實，下次再去可以試下其他品種！

次次都會去食皮蛋碎牛粥 ！ 份量好足 岩岩好滿晒成個碗對細食女仔嚟講 要搵多個share粥好綿 好夠熱 仲有滿滿嘅蔥 正！炸兩 大份得嚟又好食 店員們好有禮貌 就算店內好忙都維持禮貌嘅態度 讚👍🏼 性價比真係好高！

工作至深夜梗係要食宵夜，黎咗呢一間粥品店見佢都有好多唔同款式嘅粥，於是就叫咗外面比較少D機會食到的雞雜粥，小窩上，超勁多雞雜，令到粥嘅份量好似唔係好夠咁樣。D雞雜都算係幾新鮮，不過就滾得太熟Over咗。

📍發記腸粉粥品 （大埔）朋友收工時間太晏 附近都無乜野食🤭見佢基本上收夜都食呢間就一齊食🤣佢叫左乾炒牛河$32 佢話幾好食 黎親都係食呢個加辣醬😆我叫左蠔仔粥 $35 勁大碗 好足料 走左芫茜因為我唔好芫茜😂入面有啲薑絲 蠔仔都有十幾廿隻～粥都幾綿 好食😋本身其實想食碎牛粥但近排食太多牛就唔食住🤡佢呢到都有啲腸粉同炸兩 仲有飯可以食～價錢都好抵食！我見好多人都叫炸兩😆我朋友話佢之前食過好好食 但近排我地都減緊肥就唔叫咁多野

元朗同大埔分店都食過好幾次但始終都係大埔呢間好食好~~多呢間粥麵店平時堂食已經多人外賣單一樣多 食咁耐外賣keep住有🐖 豬潤腸我無從入手😳以為啲豬膶會切細細舊包入面，點知都係大大舊又厚切成塊包🤎豬潤爽口得黎有少少粉，好新鮮重點係無臭豬味👍🏻腸粉真係好好食🤤皮薄煙靭又香滑，配埋甜甜豉油好想再叫多碟食，淨食腸粉都好滿足🤣🐖 酸菜炆豬手飯一上枱。。「我食唔哂😧」個飯真係超大碟‼️係我平時嘅幾倍，我只係食咗5分1左右就投降要人幫我執手尾🤣酸菜味道唔錯，本以為只係酸但食落有微微辣味而且後勁幾辣下🌶️淨食酸菜會覺得偏咸，但配上飯食就好開胃👍🏻豬手都煮得幾腍好有骨膠原🤤雖然唔太入味但咸淡度適中本人覺得都ok，可惜豬毛有點多😅——————💁🏻‍♀️總結大熱天時加上平日，堂食外賣一樣多人，依家無幾可lunch連飲品50有找又攬住個肚走🤰🏻🫃🥢食物/性價比食物質素唔錯，勝在大大碗夠抵食，性價比高又係街坊平民價🔔服務員工們貫徹自己工作作風，抱住「你唔食都有大把人食」，「等唔切唔好等/唔好催」🫠🌿環境店舖小位置唔多且比較狹窄，雖然有餐牌貼係窗邊遮擋大部份玻璃位，但大熱天時坐近窗邊位都會覺得熱

當個人唔想食咁多重口味嘅嘢嘅時候就會諗起發記呢間粥店😼但係我最鍾意食嘅唔係呢度嘅粥！而係呢到嘅雞飯🐣大大份，啖啖肉！次次都飽到上心口😂☘️雞飯 呢個飯仲會包埋枝豆漿添！就算係黃豆豆漿定係黑豆豆漿都得咖🥰份量大到兩個女仔share食都未必食得哂🥹成日食都係比雞髀🍗添咖！雞都幾滑，唔會太乾爭爭🔥飯量多到滿，成日飯盒都係😂其實野食就覺得麻麻，正正常常，但樣樣好大碗😂粥就真係比較咸😅食完飲左好多水🤣好食：❤️❤️❤️🖤🖤抵食：❤️❤️❤️❤️🖤

宵夜時段點了雞粥和蝦米腸，味道及質素只屬普通，但已經比很多地方吃到的好。今天在香港好吃的粥店買少見少，始終租金太高賣粥很難圍皮，粥又不能賣得太貴，所以粥店真的很難生存。蝦米腸夠滑，蝦米亦香。雞粥的粥底稀杰適中，雞肉當然不是新鮮雞，還可以啦。

話說冇啦啦入左大埔，個胃口又麻麻，唔知食乜好。住附近嘅朋友成日幫襯呢間粥店，所以佢推介我去呢間。位置唔難搵既，但黎到見好多人，本來都想打退堂鼓，不過又唔知食乜好，所以照排隊排咗大概20分鐘。叫左「豬膶粉腸粥」，粥都綿，成碗都好足料，豬膶唔會韌，又夠多！😊粉腸洗得夠乾淨既，冇臭味，容易咬得開，口感非常ok!不過因為繁忙時間，碗粥等左15-20分鐘左右同埋d檯都比較迫，如果自問有要求的話就再考慮一下！

一食得豐富左就會去發記食粥😋今日食蠔仔粥一如既往粥底好綿 每啖食落都好滿足35蚊咁大煲 仲要用料足 每粒蠔都大大隻 食極都食唔完而且鮮味足 絕對唔係煲咗好耐搞到d蠔都熟哂 係即叫即煲而最欣賞係洗得好乾淨 唔會食到蠔殼或黑孖孖既蠔屎👍👍另外叫左鮮蝦腸腸粉一定要堂食 叫外賣送或自取都唔建議送到黎或返到去都會痴住一舊同乾哂強烈建議堂食腸粉即叫即包所以好滑加埋每隻蝦都大隻又爽口好好味仲要配合埋佢個甜豉油 真係一流另外仲有雞粥同魚腩粥都好好味😋

今日想食粥做早餐，揀咗呢一間。兩個人原本想叫一碗腰膶粥share，再要一個炸兩同埋一碟蒸蝦米腸。點知又無豬腰，咁就改要豬膶粥啦，而侍應姐姐話油炸鬼因為啱啱開舖所以d貨未運到，原來係交黎嘅，咁好食極有限啦，於是轉左做豬什炒銀針粉，實行黎個膽固醇超標的早上。個蝦米腸又真係幾好食，蝦米同d蔥都好香，腸粉粉漿都唔錯，食落去熱辣辣感覺好新鮮可惜另外嗰兩樣都係麻麻地，豬膶粥d豬膶唔係好新鮮，食落去好似無乜味。至於個豬什炒銀針粉都幾搞笑，得好少豬什，反而有一舊好大嘅肉片，有少少被搵笨的感覺。