影片
港鐵元朗站 H 出口, 步行約11分鐘
繼續閱讀
營業時間
星期一
07:00 - 23:30
星期二
全日休息
星期三至日
07:00 - 23:30
以上資料只供參考, 請與餐廳確認詳情
相關文章
都幾多客 叫左兩碗粥 粥底好綿好滑 唔會淨係得水咁 肉嘅份量都夠 出餐好快手 叫完好快就有得食炒麵比粥略為遜色 冇乜特別 食落偏鹹 不過配搭粥呢個最佳拍檔一齊食都唔錯幾好食 份量方面都幾大份
繼續閱讀
平時是堂食的，這天晚上不想煮便買外賣。份量會比堂食少一點，畢竟堂食用砂鍋上。自小家人習慣買住家附近另一家粥店，直到第一次吃到這家，簡直一鳴驚人！明明同樣是粥和腸粉，竟可如此不一樣！皮蛋瘦肉粥是我至愛以往吃別家的瘦肉粥，瘦肉用肉片煮至既乾且靭，有比較之下才發現差很多。瘦肉有先調味，將肉塊切成肉條。就算是換成瘦肉肉片粥也不會把肉片煮得很乾皮蛋分量很多，大概是一整隻切角放進去。豬潤粥家人至愛，豬潤沒有煮至完全粉狀感覺，仍帶點爽脆，口感很好。雙蝦腸（鮮蝦蝦米腸）皮薄餡靚猶記得第一次食這裡的腸粉，毫不誇張，腸粉皮是真的晶瑩通透，從外面可以看清楚包在裡面那鮮蝦粉嫩的透燈色。腸粉皮與鮮蝦都爽口彈牙，再加大大隻帶咸香的蝦米。非常好吃～到底為何兒時那家老舊的粥店都把腸粉皮煮得很爛，雪白外皮厚得像冬天的被鋪。蘿蔔糕倒是比較軟爛，有幾粒臘腸、蘿蔔絲但餡料不多，比較喜歡一般酒家做得較結實那種。順帶一提，雖然味美，但吃得出有味精的味道。縱使如此，仍是本人喜歡的粥品店。
繼續閱讀
食lunch想食啲平野就去咗間好耐歷史又出名同埋都幾平嘅發記食粥，對上一次食都已經好耐之前嘅事。今次叫咗個荔灣艇仔粥、皮蛋碎牛粥，同埋一份雞蛋叉燒腸。首先講下個粥，非常大碗！味道都足夠（唔肯定有冇落到味精，食完都幾口渴），而且配料都好豐富，有好多條魷魚條、豬肉碎，係一個好懷念嘅味道，碗粥大到好似食極都仲有，好滿足！之後碗碎牛粥個粥完全唔同艇仔粥味，牛肉嘅香味完全入哂個粥到，好好味！不過成餐飯，最正嘅係份雞蛋叉燒腸，一黎唔係週圍都食到，二黎都幾大份，腸粉好滑，好食！👍🏼👍🏼同埋最重要係咩？係超平！3樣野加埋都係$70，邊到搵🤣
繼續閱讀
粥多數自己煲比較少買，所以通常都係買蘿蔔糕，腸粉同油炸鬼，油炸鬼佢係可以買半條嘅，呢個非常之好，咁就可以食少少同試多啲其他嘢。食物質素，蘿蔔糕不嬲都好食，價錢平大碟又厚身，腸粉皮唔算厚幾好味，油炸鬼就未必夠熱，不過返嚟自己再焗熱都唔錯。元朗有幾間分店質素大家都差唔多，但唔知點解呢間啲服務態度好差，已經唔係一次，係多次，以前都唔係咁，近呢大半年就係咁，每次打去叫外賣，通常我都會重複一次叫嘅嘢，因為驚有錯，佢就大大聲好惡，之後唔講嘢就收你線，唔知係咪我叫啲嘢少佢唔鍾意，佢咁嘅態度真係想趕客。
繼續閱讀
發記腸粉粥品 Fat Kee Congee📍 元朗鳳攸南3號好順利大廈1座地下16號舖朋友知道我戴咗牙套食唔到硬嘢，於是想過嚟元朗陪我食啲淋啲嘅嘢食。放工後，我帶咗佢去我由細到大都好鍾意食嘅發記嘅其中一間分店食晚餐。呢間粥店最出名就係用砂鍋裝住啲粥，比較傳統。💰$17香蔥蝦米腸 🦐呢款腸粉超滑同超足料，每一舊都有勁多蔥花同蝦米，蝦米size偏細，口感較硬但好香。腸粉厚得嚟無粉嘅口感，好滑溜，唔洗點太多豉油同醬汁都好夠味。💰$21靚靚蘿蔔糕 🥕呢款蘿蔔糕有好多料，有肉、冬菇，蝦米等等，口感偏淋但唔會淋到爛，仲食到有一條條嘅蘿蔔絲，絕對唔係啲得粉嘅蘿蔔糕，而且咁平就可以食到飽一飽，推！💰$28新鮮鯇腩粥 🍲我叫咗呢款鯇腩粥，佢有大概6至7舊鯇魚腩，件件都好鮮甜嫩滑，尤其係魚皮，一啲腥味都無，辛苦哂朋友幫我拆骨拆肉，令我食到魚肉，唔洗淨食白粥。💰$47碎牛鮮雞粥 🍲呢款粥係朋友叫嘅，見到粥底顏色比較黃，鮮雞嘅油份令粥底唔係白雪雪，食落好香雞油味。因為我唔食牛肉，所以無試到碎牛，但見到佢同其他粥店嘅碎牛唔同，佢無啲米粉粒粒痴住，只係好多粒細細嘅鮮牛肉碎，份量都好多，每一啖都食到好足料嘅粥。而鮮雞係原件雞件上，連皮連骨，肉好嫩滑但食嘅時候要小心呀。💰$11黑芝麻鮮豆漿 🥛呢枝有機黑芝麻豆漿飲落好滑，有淡淡嘅黑芝麻味，亦有豆嘅香甜味，感覺清清地好健康！💰$124有時食下好嘢，有時食下貼地啲嘅嘢食，平平哋嘅一餐晚飯都食得好滿足，咁嘅生活都幾好，多謝朋友肯陪我去唔到地方，食唔同嘅嘢，體驗生活！
繼續閱讀