發記腸粉粥品

營業中

休息中

佢間招牌腸粉好鬼過癮， 可以滿足曬你食叉燒，蝦仁，和蛋絲的願望。 基本上佢係好似普通嘅腸粉，但係入面有三種料一齊。 不過個粉皮就爛咗少少。美中不足。但另外嗰兩個粥嘅評價都係唔錯。我自己嗌咗蠔仔牛肉粥。 啲蠔仔好乾淨好鮮甜， 大細適中， 面頭仲有好多好多芫茜， 又有好多薑絲。正。 啲牛肉碎唔會太細粒， 所以有番啲口感。另外我個朋友嗌咗艇仔粥， 有魚片魷魚絲花生豬皮， 份量用材料都好充足， 每一個材料都新鮮， 個粥底係軟綿綿。環境寬闊， 個裝修係好簡潔， 服務態度良好， 最重要就係啲粥其實都好平， 廿幾三十蚊一碗算係咁。 如果想健康又唔使花咁多錢食個飯， 可以去試下

黎到發記最出名的係佢個招牌鹹雞粥，一大煲可以分2個人食，仲有好足份量的雞，不過今日外賣，買左其他嘢黎食，鹹雞粥太飽啦～叫下其他粥品試一下先。咁多款粥黎講，艇仔粥黎架選擇都唔錯,因為入邊黎咩料都有,發記的呢碗艇仔粥嘅料都幾豐富,有魷魚啦豬皮生菜絲鹹瘦肉。同埋好多時艇仔粥因為啲肉好少,就好容易冇乜味,味道好淡,不過今次哩個艇仔粥,都冇之前食其他粥店的艇仔粥，味道嘅好淡嘅感覺,反而覺得佢都算清清,但係用料理都好豐富嘅,食嫌左鹹雞粥嘅朋友可以試一下｡

堂場食係最好食! 之前食過外賣返屋企的粥，今日路過餓餓地又想食清啲，見有位就坐低食個滑牛肉粥同叉燒腸。即場真係好食得多，我講個粥底，雖然咪料係好重要，但個粥底都好影響口感，即場食的時候，更加食到粥底係綿滑，而粥底見到一粒粒煲到開哂花的米，粥底有米香，開心。牛肉就無乜太大期望，滑牛係滑唔起渣，但牛味就一般。 而叉燒腸，腸粉都係一樣，餸緊要，但腸粉皮仲緊要，做到皮薄滑溜帶少少煙韌彈性的就最正，發記呢隻略嫌淋同痴左少少，叉燒用料都十足，但食到呢種質素已經好唔錯。

成日經過元朗都見到呢間野今日終於食佢啦，叫咗碗蠔仔肉碎粥，成鍋上 超大碗，肉碎用左鮮牛，比較有咬口，但係我自己覺得呢度嘅蠔仔唔知道的份量太多啲咩比較腥，我就唔係好食得慣。

呢間粥鋪喺元朗已經好多年㗎喇，座位唔算多，但係成日都坐滿人㗎。餐廳嘅餐牌都係用人手寫嘅，感覺好有人情味。呢排少出街，所以買外賣。今次叫咗一碗皮蛋瘦肉粥、一碗新鮮牛肉粥同埋叉燒雞蛋腸。碗粥大大碗，煲到好綿。皮蛋切到大大粒，肉碎鹹鹹地，切絲嘅。勁多牛肉，牛肉好新鮮同埋唔會有筋。個腸粉好好味，拉到好薄又滑身，叉燒唔會肥，加埋雞蛋好特別😋

係元朗想吃雞粥，應該最多人推介這間老字號發記。今晚無乜胃口，又想吃返碗粥，所以又來幫親啦！未夠7點所以唔洗等位，不過搭檯是必然的，而且自己要醒目，預先想好吃咩，座低即刻落單。粉腸滑雞🐔粥，雞的份量好足，最like係佢每份雞都好平均，不過粉腸就有苦味，下次都係淨吃雞粥好d。

是日一行4人黎到元朗搵食，朋友強烈推薦呢間粥店，話啲粥超好食，尤其雞粥，間鋪超旺場，坐滿哂人，去到都要排隊等左約15分鐘先有位，不過果然冇令人失望。睇左陣餐牌叫左兩個粥，一碟腸粉同一碟炸兩share。先講果炸兩，真係好普通，冇咩特色，但當然唔係難食啦！到果香菇雞絲腸，雖然話係雞絲，實際係雞件黎，啲料多到腸粉都包唔住，18蚊黎講完全超值夾抵食啦～到朋友極力推薦既靚靚鮮雞粥，粥底好鮮味，啲雞勁滑，仲要一碗粥勁多雞件，好似唔洗錢甘，超足料。相比起雞粥，我更中意呢個靚靚碎牛粥，因為果粥底仲正，仲鮮甜，配啖啖碎牛真係好好食，啲碎牛又係多到好似唔洗錢甘，勁足料，仲要都只係26蚊，性價比超高。整體黎講，真係好抵食，4個人先食左一百蚊多幾蚊，仲要樣樣都好足料，食到甘飽每人先要廿幾蚊。黎呢到都唔洗睇環境，唔洗睇服務，服務係快同快既服務，即係落單快上菜快收野快既傳統港式餐廳服務。

發記一直都好好口啤～又係傳統既粥店一直以黎都好受大家歡迎肉片炒河 少油版因為怕只係食粥會好快消化曬會好快肚餓所以要叫個炒河食下少左油都仲係好夠鑊氣一上枱就聞到好香～而且份量好多 肉片好軟冧冧 唔會炒過龍河粉都係～但好似有少少淡口可能今次調味料落得比較少但肉片就夠味既靚靚滑雞粥又係勁大碗 可以SHARE食一睇就知道D粥煲得好夠喉仲要係用砂煲裝住啲米係煲到爛曬 唔會太稀太稠食落口係超級軟棉棉 帶有濃濃米香蝦米蝦腸發記既腸粉同粥真係一絕佢啲豉油係甜豉油 我至愛而且比豉油係完全唔孤寒 浸住啲腸粉啲腸粉夠厚薄適中 而且係超級細滑放入口要SIR入喉嚨咁啲配料都係多得好誇張蝦仁同蝦都好大隻啲蔥都多都爆炸

琴晚係元朗講起食腸粉朋友極力推介發記去既時間係晚上10點幾仍然滿座 出面full哂幸好入面有少量位置叫左鮮蝦雞絲腸靚靚鮮雞腳(鹽水雞腳)同埋灼菜芯原來腸粉既選擇都幾多下第一次食鮮蝦雞絲腸蝦肉夠爽 雞絲好滑望住廚房入面一盤盤既雞肉唔知係咪都好滑既呢之後急不及待食雞腳雞腳呢樣野係屬於好食但係腳度食會覺得尷尬既野食呢間既雞腳係好實因為只係煮一煮就上菜請做好咬到天荒地老既準備最後係灼菜菜芯好嫩可以中和下咬雞腳既辛苦下次再食下其他腸先

琴日凍凍地好岩去食個粥暖下胃,呢間粥店做咗好多年, 係個轉角位,永遠都唔顯眼, 真係好容易畀人忽略咗， 今日入去一試發現我甘多年都唔識寶，忽略咗佢😂😂我哋叫咗鹹雞粥+豬雜炒河粉+齋腸👉 都係平民價錢88蚊两個人，係住對飽， 喺今時今日嘅香港真係好抵食👍👍👍首先同大家分享左個鹹雞粥先睇得出個粥底係用咗好多時間黎熬煮，唔係一粒米分一粒米，而係軟綿綿嘅，我粥鹹鹹地，而且雞件嘅數量亦有十幾塊，份量十分之多，由於佢葉咸左我就返唔出佢究竟係用新鮮雞還是冰鮮雞啦，不過我估應該係用冰鮮雞可以降低成本。最有特色嘅係佢堅持用砂鍋上，一嚟可以保持到粥嘅溫度，二來可以比多啲份量，一舉兩得另外個腸粉應該可以講係香港最好食嘅，佢晶凝通透又彈牙，唔會林pat pat，夾都夾唔到，或者太硬，軟硬適中至於個豬什炒河粉我覺得係兩個裏面做得比較遜色嘅，河粉好明顯冇大腸咁滑咁彈牙，應該係入貨返嚟嘅，粉明顯比較厚身同埋冇腸粉咁彈牙，而且豬什比較大件，炒得比較老，而且唔夠顏色同香味不過如果凍凍地又諗唔到食咩嘅話，可以入去一試

好耐無入元朗嚕，雖然附近好多好好味既小店，但始終行到去之前一直都有光顧既發記❤️無論係價錢抵食定味道，一樣稱心！就算要排隊等位，20分鐘我都會等既店😛罕有我會花時間排隊既店😆😆😆今次食唔到太多，叫左個蠔仔碎牛粥！生滾粥係好唔同，粥較一般既店多米，粥底吸收左碎牛同蠔仔既精華，就咁食粥已經有食材既味道🤤材料一直非常足料就已經唔洗講，蠔仔中size有成十幾粒，碎牛野味👍🏼🤤 鮮蝦腸每條都有三粒蝦，非常足料😆d熱醬油都唔會浸到條腸粉好咸，甜甜地😚腸粉滑溜唔痴牙，正呀！💦💦💦💦👅

今朝起個大早，好想食碗粥同腸粉，好在屋企附近有間《發記腸粉粥品》，咁就落去歎番個中式早餐。店舖面積不大，亦沒有甚麽裝修可言，一副街坊街里地道小店格局。呢度主打腸粉粥品，當然有林林總總嘅粥品、腸粉、炒麵、油器等可供選擇。我叫咗碗茘灣艇仔粥$26同蝦米炸兩腸$20。蝦米炸两先上，大大碟好吸睛，腸粉夠滑嫩，大大粒蝦米夠香口，雖然油炸鬼唔夠脆，不過味道都相當不俗。等咗一陣，艇仔粥熱辣辣上枱，大大碗份量好足，粥底夠綿膩，有魷魚、豬皮、瘦肉、生菜等材料。雖然連鎖快餐店都有呢類中式早餐提供，但在味道及風味上絕對唔可以相比。

點了碎牛粥，炸両同埋蝦腸，碎牛粥牛肉有苦味，咬唔爛，粥底偏咸，唔夠綿，味道還可以，炸両皮薄，油炸鬼脆，有芝麻提供會更香，蝦腸皮太過厚，蝦大隻冇味，硼沙重手咗，只係食豉油味道。山長水遠入去食可以係失望，街坊醫肚大大份就好抵食。

食粥就唔一定要係病同唔舒服嗰陣食嘅，正常當一餐正餐咁食都可以㗎。今次就去咗依間粥舖食，大約夜晚7點都有10幾個人排緊隊等堂食，亦都有唔少人等外賣。門口都有餐牌可以比大家去睇定食乜。等咗15分鐘就入到去啦。舖面唔大，但如果2-4個人一齊食都可以好快等都位。今次食咗豬膶粥豬膶腸同鮮蝦腸由於本人都好鍾意食豬潤，所以叫晒兩款食啲豬塊塊都好大舊，而且處理得好好，如果同我一樣鍾意食豬潤，一定要叫！而鮮蝦腸都唔差，腸粉拉都好滑，蝦又彈牙個粥就煮到好綿，仲要成個沙煲上，啲粥都唔會咁快比冷氣吹到凍晒雖然今次個腸粉唔知點解落咗勁多豉油，但我見其他人叫都無事，我估係手快落多咗，但整體黎講係好好食嘅，全部加埋都係$66，下次去開元朗不妨去試下

一個人，唔知食乜好，經過發記腸粉粥品，想起他的豬潤腸粉，但係又想食我最愛的鮮蝦腸粉，咁就叫左一份雙拼腸粉鮮蝦豬膶腸粉23元鮮蝦大隻爽脆，豬潤嫰滑，腸粉厚滑！下次我不會再叫雙拼，我要叫一碟鮮蝦腸粉，一碟豬潤腸粉😋