番茄18 (SAVANNAH Place)

營業中

休息中

新開試吓先，叫左胡椒豬肚米線！一上枱見唔到雞，即刻問下黑衫職員，佢話煮咗入裏面！我一直食完只食到雞扒碎+豬肚絲+一隻雞奕中間開邊我再叫同一個職員，話俾佢知我食都完啦都得一隻雞翼嘅雞骨，我係咪被照騙隔離枱兩個食客，都即時表示佢哋都係只食到一隻雞翼，職員係咁話係咩係咩就走咗原來係咩係咩就處理咗

朋友介紹依間好味～本身想食米試，見到叉燒滑蛋飯好吸引，最後我食哂成個飯，真係好味，叉燒有少少肥同焦香，蛋夠滑！米線湯底ok, 不過米線就略為硬身，唔岩個人口味。瑞士雞脾好味，入味又夠滑。

🍅番茄18🍅麻辣番茄湯米線配牛乳炒滑蛋 $55加招牌瑞士雞髀🍗凍椰汁冰 +$10個麻辣番茄湯底非常濃郁👀唔會話太辣但係麻香味十足🥳個番茄湯酸酸甜甜10分開胃 而隻瑞士招牌雞髀超入味 瑞士雞髀來算數一數二🤤雞肉唔會柴杯凍椰汁冰普普通通🥥仲有啲太甜———📍將軍澳澳南海岸至善街3號SAVANNAH Place 地下G05號舖#food #foodie #foodiehk #foodiehkig #hkfoodie #hkfood #hkfoodblogger #hkfoodshare #goodfoodhk #foodieinternationalchat #lol_將軍澳 #lol_番茄18

［難以抗拒的瑞士汁雞髀］瑞士雞髀蕃茄上海麵配牛乳炒蛋$55雞髀好滑,醃得非常入味,亦都夠醬汁,滿足到我食一啖,沾一啖瑞士汁😋滑蛋夠滑. 蕃茄湯不會太稠糊或太稀身,有唔少蕃茄不過上海麵好似有啲唔夾,下次都係食返通粉總括🍅蕃茄湯底來講真係幾好食,食落唔似只用茄膏/唔係主要用茄膏. 瑞士汁雞髀🍗出色味道：8/10服務：7/10環境：7.5/10 特色懷舊裝修, 一般茶餐廳座位,算多卡位,唔算太迫嘅性價比：8/10

今日去朋友屋企整東西，開工前先覓食，被一間叫蕃茄18吸引住..因為裝修很特別，以香港舊式店鋪為主，別有一番風味！本來想試蕃茄湯但吸花膠雞湯米線吸引了😍😍M花膠雞湯米線， 頂大碗到吖🙈雞是雞髀，肉質夠滑！花膠不是一般打邊爐的花膠，又大塊又厚身，口感一流！$69 超低！胡椒雞湯米線，湯底好濃郁，胡椒很香！豬肚爽口！西多士，厚身，炸得剛剛好，不會太油，加入花生粒，增加口感👍🏻瑞士雞翼，雞全翼，大隻，瑞士汁好濃又入味！麻辣雙色餃，餡料足，夠惹味！

嚟到將軍澳一間番茄湯專門店食午餐同朋友每人叫咗一碗米線～ 加埋嘢飲每人大約$60 左右麻辣手撕雞米線🐣 $52麻辣嘅味道唔會太麻或者太辣，但係鐘意食辣嘅朋友應該會鐘意。手撕雞係用店內招牌嘅瑞士汁醃製，甜味與麻辣嘅味道中和，恰到好處。米線裏面嘅酸菜好開胃，酸酸哋嘅味道更加令米線嘅味道層次升華。米線幾彈牙，份量好足，當午餐食啱啱好。番茄湯米線配牛乳炒蛋🐥🍅 $55（配瑞士雞翼，加+8追加午餐肉）如果唔食辣嘅朋友都可以試吓佢嘅招牌蕃茄湯米線。今次揀咗瑞士雞翼嘅米線，再加午餐肉。最滿意係牛乳炒蛋，非常滑，食落有蛋漿流出嚟，炒得剛剛好！份量亦非常足，啖啖都食到番茄粒！午餐肉亦唔太鹹，咬落係有口感嘅，唔會好似平低質時罐頭一patpat噉樣。跟餐加嘢飲可以半價～店員嘅招待很熱情，不時留意我哋嘅需要。舖面乾淨企理，店內嘅裝修都好有格調，有一種懷舊嘅感覺，不過會稍為覺得裝修凌亂，睇得耐有少少眼花🤣 不過整體都係坐得舒服嘅！

早排去將軍澳行下街，行街前去左番茄18食個lunch先，環境方面好乾淨又衛生，吾知食物如何呢？招牌番茄湯底配牛乳炒蛋配吉列魚柳扒：番茄湯底充滿濃郁既番茄味，味道又吾太酸，但食落幾開胃。當中既牛乳炒蛋比平時食到既更滑口，蛋味香口，米線幾滑口。吉列魚柳扒炸得幾香脆，魚柳幾滑。招牌番茄湯底配牛乳炒蛋配吉列豬扒：豬扒吾鞋口，同樣地香脆，食落吾覺油膩啊。西多士：多士好夠厚，炸得岩岩好，金黃色的。口感鬆軟，配合牛油同糖漿食，味道一流！烘底多士：多士夠晒脆口，再配合埋香口花生醬同煉奶，又香又甜又脆！紅豆冰：紅豆粒吾會太硬口，整杯飲品甜度岩岩好。華田脆脆：華田甜度岩岩好，更有脆脆令整個口感會有卜卜脆既口感，很特別的飲品。

餐廳喺商場地鋪，都幾易揾。裡面樓底高，用左好多60-70年代香港鋪面同招牌做背景，充滿舊時代情懷，令人想坐低一一細看，而且每個佈景都好適合影相打卡。下午3點幾來食，可以選全日餐同下午茶餐，好多款食物都好吸引，價錢亦都好親民，望落去有選擇困難症。最後決定試下餐廳招牌嘅番茄湯同瑞士汁系列。鮮牛肉番茄湯公仔面番茄湯底好濃郁，有大量新鮮番茄粒，同一般用茄膏撈成嘅湯底好唔一樣，酸酸甜甜咁好開胃。而公仔麵絕對係番茄濃湯嘅好朋友，十分掛湯，麵嘅硬度啱啱好，好正。鮮牛肉好軟熟，唔多筋，牛乳炒蛋亦都炒得嫩滑，中間仲有少少流心嘅感覺。特級墨魚丸番茄湯米粉同樣係番茄濃湯，墨魚丸都幾彈牙，而且入面有少少墨魚粒增加口感。米粉比較健康冇咁heavy,但個人都係鐘意邪惡公仔麵多d。瑞士雞翼甜甜地嘅瑞士汁完全滲入整隻雞翼裡面，雞肉好嫩滑同入味，而且雞翼邊皮冇油膩感，真係好好食。招牌瑞士雞髀呢個係我最推介嘅一樣食物。雞皮上色均勻、有韌度，雞髀新鮮肉厚，有肉汁。可以用刀叉切成細塊，每一塊再蘸上碟上面嘅瑞士汁食，每一口都好滿足。又可以成隻揸住咬，口感豐富好治愈。招牌木碎花生多士多士又厚又鬆脆，咬落係有聲嘅。花生碎磨得好幼細

成日幫襯佢，今次黎寫反個食評😌😌佢永遠d野都好大份，暫時都冇食到一樣唔好食既野😂😂成日黎食早餐同下午茶☺️帶過好多朋友黎食，次次都好評👍🏻👍🏻👍🏻

星期五晚上要出席亞仔個家長晚會， 7:00開始，所以要早啲食晚飯，費事九點幾再食，太難消化。要快靚正嘅一定係呢一間，呢間上次食過，但是一向都只是幫襯早餐，甚少幫襯下午茶時段。不過無論是早餐還是下午茶時段，我都一定會叫瑞士雞翼。瑞士雞翼真的很入味，雞肉嫩滑，不會太甜，又不會太漏。原來下午茶是可以瑞士雞翼斤薯角，樹國可能因為我們攤凍了，所以不太熱氣，份量十足。最近天氣涼了，飲番杯熱檸蜜，暖哂！由於瑞士雞翼太好味，所以我們一共叫了四隻。另外一個餐就叫凍奶茶。主角來了，這個蕃茄牛肉米線十分香濃，粒粒蕃茄肉，牛奶般的炒蛋。最鍾意下午茶時段有得叫西多士，原來他的西多士是有粗粒花生醬在中間的。最後這個必叫的凍飲是華田脆脆，凍華田加上早餐脆脆，甜甜地得來又有口感。

雖然個位置係澳南五算特別方便但覺得以味道黎講係將軍澳數一數二幾出色ge茶記！裝修幾有特色之餘味道都好好！次次都full曬兼好多人排隊~試過兩三次都依然覺得好美味出色~Recommend 蕃茄湯米線配牛乳炒蛋 再加自選配料番茄湯底真係好出色，五會好稀，味道好濃，都再會有d 一粒粒的蕃茄肉，而米綫都好挂湯，好好味😋😋😋而面頭會加埋幾香滑的牛乳炒蛋，D配料都正正常常👍🏻藥膳鷄湯米綫都幾不錯湯底好多藥材鷄塊都幾多幾大舊瑞士鷄比好上色味道甜甜地不會太鹹好食！人均50幾60就可以食得好滿足~!正

星期日要食得豐富啲先，平時食開lunch，第一次試食早餐，水準依舊保持到🤩👉🏻招牌番茄叉燒湯米線$40食左半個鐘都仲出緊煙，份量勁足🥳 成碗都係番茄粒粒，濃濃鮮味✨👉🏻經典沙嗲牛肉麵$38不過不失，味道正常😀. 配炒蛋同厚多士（加$4轉丹麥多士）送熱飲 炒蛋岩岩好，唔會過份生、熟，丹麥多係必食😍錢自私評分：🟡🟡🟡🟡⚪️自私評論：Lunch time轉丹麥多係唔洗加錢，記得轉埋先落單😂原上個份係普通厚多士係好乾架

黎到呢間主打番茄湯嘅餐廳一定要點番茄米黎試，見到有得揀麻辣番茄湯即時點左😍 叫左個鮮牛肉麻辣番茄湯米粉一食落去果然係好出色嘅番茄湯，番茄味好濃，食得出唔係開出黎嘅番茄湯，重點係好個麻辣味勁夾，好好味🤤 跟餐有埋炒蛋同野飲，炒蛋都算滑同好香牛油味。飲品叫左菠蘿冰，用新鮮菠蘿唔係罐頭菠蘿，有誠意👍🏼 呢間暫時係我食過最好食嘅番茄湯米除左番茄之外呢到仲有其他小食，我就叫左瑞士雞髀，麻辣口水手撕雞同埋例牌蔥油雞。瑞士雞髀好大隻，瑞士汁好好味，不過略嫌唔夠入味，如果可以入味d 就更加出色。麻辣手撕雞就比我想像中甜左d, 唔係好夠麻辣味，可能要就返大眾口味，所以整得冇咁辣。蔥油雞一上就見到鋪滿曬蔥，好吸精，雞食落都夠滑，但係就唔夠香蔥油味喇。食左咁多肉最後都有點一個上湯娃娃菜，清清地而且份量都好多。👍🏼 總結呢到主打嘅番茄湯係做得最出色，見到餐牌都仲有好多唔同嘅米線，例如胡椒豬肚雞米線同埋花膠雞米線，睇落都好吸引，有機會會再黎試。

宜加tko愈開愈多餐廳，今次同屋企人去左番茄18。其實之前都經過下，望入去見到裝修幾特别，不過一直冇去試。一入到去，哇，好似返番去70-80年代既香港咁，用左吾同懷式港式小店門面作裝修，好特别亦都好新鮮感，因為宜加都少麵店禁比心機整裝修。哩度主要都係賣港式小食，價錢經濟實惠：我地兩個人嗌左1. 蕃茄麻辣手撕雞米線米線好快就上到，個蕃茄湯真係比10個like, 吾同快餐店個d蕃茄通粉既湯，哩度既蕃茄湯味好濃郁，吾係好稀個d，飲得出個湯底真係調較過黎。麻辣味就小小麻辣咁，可能因為蕃茄既中和，辣味就吾算話好辣。麵好彈牙，所有野都岩岩岩好👍😊2. 下午茶餐瑞士雞翼＋粟米什果沙律哇！個瑞士雞翼簡直係my favorite. 佢個汁好好味，醃得好入味，望落以為好咸，但完全吾會。仲有個沙律，正正常常既什果沙律，哩個分量既配搭幾岩下午茶👍✅3. 招牌木碎花生多士哩個多士真係如其名，睇下佢幾多料，無論係花生醬定係木碎都好足料，個多士好鬆脆，吾係硬到好難咬個d, 中意花生既朋友一定要嗌， 啖啖都滿滿嘅花生味！只係食完會有d口乾，所以我嗌左菠蘿冰(忘記影相，大家可參考下其他人既相）。杯菠蘿冰入邊好多粒菠蘿果

早咗起身落番茄18食早餐，叫左個火腿湯通粉，多士煎蛋，凍檸茶。通粉湯冇特別，多士香脆，麵包皮邊唔會太厚，煎蛋略嫌少少燶所以我食唔曬全部煎蛋。凍檸茶茶底夠香濃，檸檬新鮮。番茄18環境企理乾淨，侍應反應快又有禮貌，早餐味道唔錯值得一提係呢間茶餐廳用上懷舊裝修，特登將唔同舖頭招牌整上牆，又會扮返舊式戲院，將電影海報貼曬出嚟，屬於有心思裝修嘅茶餐廳。而且因為環境同食物企理乾淨，我諗我嚟緊會比較多落嚟幫襯。