番茄師兄

營業中

休息中

番茄師兄 - 番茄湯底騸牯鮮滑牛滑蛋通粉 先講個番茄湯底，真係好濃郁，番茄味好足，飲落去好舒服。湯底用咗好多新鮮番茄同蔬菜熬製，味道層次好豐富。  至於騸牯鮮滑牛，牛肉入口好嫩滑。滑蛋亦都煮得剛剛好，同通粉一齊食，真係一流。仲有佢哋嘅麻辣汁，真係要讚下！呢個麻辣汁辣度啱啱好，有少少麻感，加落通粉同牛肉度，味道立即提升咗一個層次。麻辣汁同番茄湯底嘅結合，真係令人回味無窮。  整體嚟講，呢碗番茄湯底騸牯鮮滑牛滑蛋通粉真係值得一試，不論係湯底定係配料都不錯。

第一次幫襯蕃茄師兄，係喺深水埗嗰間舖，今日嚟到灣仔，同朋友想食清淡啲，就嚟到咗呢間位於灣仔嘅蕃茄師兄。裝修落咗心思，比較特別。🔖麻香瑞士汁雞中翼（烏冬 蘑菇）如果怕食辣嘅朋友可以放心揀呢款，發現原來蕃茄汁可以好好咁中和左辣味，反而嗌咗啲辣味會令成個湯底更加好味，而呢款雞中翼醃得入味，佢上個蕃茄湯底10分夾🧡🔖秘製豬扒 （日式拉麵，煎雙蛋）豬扒大大塊，亦唔會太肥，煎得香脆有肉味配上拉麵幾惹味☺️🔖桂圓紅棗桑寄生茶呢款好好飲，唔會太甜，不過容量比較少，飲幾啖就冇晒，咁唔晒都唔可以拎走，個玻璃樽要俾返職員回收再用如果係平日時間嚟食，就預咗要排隊，當日排咗15分鐘先有得入座，時間鬆動可以過嚟呢度食個午餐都係唔錯嘅選擇

就同個題目一樣，每個星期都會去一次蕃茄師兄等佢3:00嘅下午茶時段，因為真係好抵食，自選兩餸再加蛋仲有杯嘢飲，仲可以選湯底同埋粉麵，都只係$48又好食又大碗你話喺邊度搵啦！

番茄師兄嘅蕃茄湯絕對係全香港最好味！騸牯鮮滑牛雙太陽蛋蕃茄湯烏冬一上碗烏冬就要即刻飲番啖湯！蕃茄味濃，酸酸地又甜甜地，非常醒胃。個湯真材實料，唔似出面嗰啲蕃茄湯！睇埋配料，淨係個雙太陽蛋已經好有誠意！冇爆黃，好靚仔！個鮮滑牛真係好滑，唔會食出渣，又有牛味！個烏冬掛哂個濃濃嘅蕃茄湯！滿分！溫泉蛋豬頸肉焗飯個溫泉蛋動L動L，令人食指大動！個溫泉蛋嘅蛋汁撈落去個焗飯度，連埋啲汁同埋芝士一齊食，人間極品！豬頸肉又夠爽口彈牙！正！雞扒蕃茄湯通粉啲湯入晒去通粉裏面，食每粒通粉嘅時候都食到濃濃嘅蕃茄湯！真係絕配！雞扒都唔錯，如果份量再多啲就更好！黑豚肉糖心蛋蕃茄湯公仔麵個糖心蛋好有水準！個熟嘅程度拿捏得好好！黑豚肉都唔錯。公仔麵配個蕃茄湯真係冇得頂！應該咁講，個蕃茄湯襯咩麵都係一流！我哋都有叫奶茶同埋豆漿，用樽仔裝住雪凍，唔使加冰都凍冰冰，夏天真係一流！

天氣濕濕熱熱想食啲酸嘢就諗起想去蕃茄師兄！灣仔店舖寬敞舒服 好耐都冇嚟食啦😬嚟蕃茄師兄當然要食佢嘅招牌蕃茄湯啦今次想試吓佢個騸牯鮮滑牛配烏冬$59當然唔少得滑蛋！！印象以前有得加芝士，但今日qrcode 落單嘅時候冇咗等咗一陣超快就上枱佢個蕃茄湯都真係好香濃，酸中偏甜甜好開胃，真係唔覺意會飲晒成碗滑蛋都依舊咁出色滑嘟嘟，煮得剛剛好又唔會過老！騸牯鮮滑牛牛味夠濃！見到有其他客人叫騸牯牛面頰，但因為貴少少今次想試咗佢個滑牛先！絕對冇令人失望😌鍾意佢哋呢度嘅烏冬比較扁身，配埋佢個湯食超正！我鍾意食到一半嘅時候再落埋佢個麻香辣汁，成碗麵再提升咗個鮮味又麻又香又辣！另外一碗都叫左騸牯鮮滑牛配雙太陽蛋通粉$59！個太陽蛋都煎得好高質！蛋白薄身又有燶邊！加$6就可以多杯嘢飲，我哋揀咗檸檬冬瓜茶同埋桂圓紅棗桑寄生茶，兩個都好足料大滿足！當然唔少得要佢嘅雞翼啦！每次嚟都必叫！麻香瑞士汁雞翼 $16 code上面顯示得兩隻，但係嚟到有三隻開心咗😂😂呢個又係必食推介超級入味，但係佢哋又唔會炆到過老，隻雞翼唔會淋晒，仲係可以好有口感！今次另外再試咗腐皮墨魚蝦條有兩條$18 掛住食，唔記得影相都幾好食，但係雞翼

作為一個雞子控，上次推出雞子小食，今次又有新搞作-雞子火鍋🍲趁住冬天梗係去試吓啦☃️半個火鍋已經有20幾粒雞子，所以兩個人建議可以選鴛鴦鍋👍🏻另一邊選咗傳統嘅蕃茄湯底，同平時食麵一樣咁濃郁，配埋個面就Perfect🍜麻油雞子拼蕃茄湯底火鍋 $268🔸本地騸牯手切肥牛 $128呢個要提早預訂，口感好嫩口，牛肉味香濃又唔會好油，記得10秒就好啦，個人覺得配麻油鍋再香啲🥢🔸無骨黑魚片 $48魚片好滑嫩，配埋蕃茄湯底好夾🔸本地新鮮墨魚滑 $48食落好新鮮，爽口彈牙🔸厚午餐肉 $28嘩真的好厚的，食落好有咬口，因為已炸左，所以皮脆肉厚🔸腐皮墨丸蝦條 $28食落有啲似南記春卷😂但好彈牙同吸哂湯底🔸炸雞皮卷 $48外層鬆脆香口，內裏既雞肉好嫩滑多汁，口感豐富

繼上次推出雞子小食後，今次又有新搞作就係雞子火鍋啦😂 火鍋可以揀全個雞子鍋或者鴛鴦鍋，都係同等價錢😀 除非真係熱愛雞子，如果唔係嘅話為左大家嘅膽固醇著想，兩個人去食嘅話我哋會建議揀鴛鴦鍋啦，因為半邊鍋已經有成廿幾粒雞子🤭 雞子本身上台嗰陣已經係熟嫁啦，所以如果想食到雞子嫩滑口感嘅話最理想就係水滾後就開始食啦，食落好香麻油味係正嘅🤤另一半鍋我哋揀咗蕃茄湯底，味道同平時一樣咁濃郁，配公仔麵最正😌火鍋配料方面我哋叫左：本地騸牯手切肥牛：要提早預訂，口感煙韌牛肉味幾香，不過唔好煮咁耐啱啱變色就好食啦牛脷：上台嗰陣已經係熟嫁啦，厚切爽口推介！牛餐肉：份量算幾多，又係超厚切新鮮炸起唔錯！腐皮墨魚蝦條：外皮脆卜卜肉質爽口幾好食另外貢丸同埋豬頸肉就正常水平啦如果鍾意食雞子或者未試過但心郁郁想試下嘅朋友仔就唔好錯過啦，想食嘅話記住要喺當日兩點前預訂啦

店舖隱藏係後街, 但經過公園紅色顯眼招牌必定容易睇到🤩店內坐位寬闊, 裝修用左主題紅色🛑簡單時尚, 亦有一些霓虹燈字句做裝飾💡好有香港味道。Menu「自由配」好香港車仔麵感覺, 鍾意咩配料、麵底可以自己話事👍🏼配料揀左腐皮墨魚蝦條$48、麵底揀烏冬、追加煎雙熟蛋+$5、最後湯底揀招牌番茄湯。腐皮墨魚蝦條有3大條🦑🦐外面腐皮炸得香脆, 咬落墨魚同蝦既味道好出, 調味亦剛好唔會太咸。份量好大, 而且彈牙唔同軟淋淋。烏冬應該係急凍烏冬黎, 食落好煙靭🍜番茄湯底掛到係烏冬上面。追加左煎雙蛋係因為覺得好抵🍳而且可以轉熟蛋。最後招牌番茄湯係比較濃稠, 湯底有好香番茄味🍅同有少少香草味, 好似西湯咁好好飲。

番茄師兄除咗🍅仲有其他嘢食❗️食過茄湯/打邊爐♨️今次食㊙️灣仔限定🌽忌廉湯&下午茶先🈶嘅🍔🍽️食物方面：🌽豬排日式拉麵粟米芝士忌廉湯好大塊🐷飽肚抵食 但湯底唔夠濃味 唔食茄湯但想食麵揀呢個🆗🍔豬頸肉漢堡包為咗食呢樣等到🕒先落單 個樣有啲頹😮‍💨嘉頓包➕雞蛋➕芝士➕豬頸肉➕零碎生菜🥬想弱弱問句可唔可以用齊柏林嘅包👉🏻👈🏻份量啱啱好唔太飽 整體正常 食麵感覺抵啲🤷🏻‍♀️下午茶送嘢飲🥛fd話豆漿甜但我覺得正常🤡之前食過焗飯都係灣仔限定🍛好食啲但份量太多 🔖結論: 欣賞佢會出限定嘢 但以後都係食返茄湯🥫📷打卡方面：嗰碟崩咗好礙眼 嗰啲生菜碎唔知想點hea到🤦🏻‍♀️🔈環境方面：地點格攝難搵🤔多位坐🪑遲啲開荔枝角🎊💬其他資訊：番茄師兄📍安樂里1號利昌大廈地下低層B號舖(球場隔離樓梯)⏰1130-930 (下午茶係3pm)💰人均$48‼️書展限定聯乘優惠-拎界限書店嘅收據去灣仔番茄師兄食嘢全單八折

鍾意食蕃茄嘅你，必定要去試吓番茄師兄，全講有幾間分店，不過試過最好食既都係灣仔呢一間分店，呢間蕃茄湯底特別濃，佢d牛肉OK，隻蛋係又大好滑，好味，份量十足！唔鍾意食麪，也可試吓蕃茄焗飯，同樣美味😀

隔左幾年，再戰蕃茄師兄，咁岩係附近，心思思想encore。仲見到有菜底，好開心，雖然我覺得拉麵同蕃茄好夾🥺但我！忍！今次叫咗雞扒加滑蛋，生菜底，招牌蕃茄湯，$54。一飲個蕃茄湯，勁感動，好飲到癲！！！♥️由於叫外賣，幫我分開裝左生菜同滑蛋，個滑蛋一見到都覺得靚。個蕃茄湯真係想一飲再飲，我比左啲男朋友，佢都讚好👍🏻😊下次要堂食先得😁跟住等緊外賣果陣，店員又勁好咁安排個位比我坐，等左十分鐘就拎得，快靚正。

灣仔｜瘋狂Encore!! 超香濃蕃茄湯專門店｛番茄師兄｝   @tomato_c_hing.真材實料的「番茄湯底」🍅湯的質感必然是濃郁 有番茄粒 而鮮甜的～能喝出番茄師兄的蕃茄湯 就是這麼REAL!肉料配料同樣出色～ 推薦黑豚肉！除了有招牌湯麵，還有焗飯意粉等想不到吃什麼，就去番茄師兄吧(•᎑<๑)و✧除了灣仔，元朗和深水埗也有分店～𝘿𝙞𝙨𝙘𝙤𝙫𝙚𝙧 𝙢𝙤𝙧𝙚 𓄼 𝘐𝘯𝘴𝘵𝘢𝘨𝘳𝘢𝘮:  @𝘳𝘢𝘷𝘦𝘯.𝘥𝘪𝘢𝘳𝘺 𓄹—✎  「自由配」黑豚肉滑蛋番茄湯公仔麵 $58大大碗的湯麵  真是良心價格～ 番茄湯底香甜濃郁 可以把湯喝光光(*´∇｀*)真。黑豚肉 有獨特的豬香味 肉質爽彈～✽好味指數：★★★★/5.✎  「自由配」豬頸肉滑蛋番茄湯公仔麵 $58✎ 白灼唐生菜 $24—｜ 𝘼𝘽𝙊𝙐𝙏 ｜⚐ 番茄師兄 @tomato_c_hing地址：   灣仔安樂里1號利昌大廈地下低層B號舖人均消費：HK$65 (ppl)回訪指數：🤤🤤🤤🤤/5環境舒適：🪑🪑🪑/5

店名: 番茄師兄地址: 灣仔安樂里1號利昌大廈地下低層B號舖會展站A1出口，行9分鐘環境: 3/5價錢:4.5/5味道: 4/5今次係二刷番茄師兄，今次試左番茄湯飯🍅另設元朗同深水埗分店~美國黑豚肉湯飯底+炒滑蛋❤️❤️❤️❤️$58+$5黑豚肉都成5,6片，每片都唔細塊，肉質偏軟腍，唔會話太鞋🥰炒蛋好滑好有蛋味🥚同之前質素一樣啲飯索哂湯底嘅蕃茄味好正，不過就好飽肚🙈腐皮墨魚蝦條日式拉麵❤️❤️❤️❤️❤️$48蝦條有成3大舊，入面質地好似墨丸咁，不過因為加左粟米🌽嘅緣故，食落更有口感拉面係幼身偏硬，但掛湯能力就比較差，都係推介翻湯飯/烏冬🙈#stitchfoodie灣仔#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

終於嚟到番茄師兄，之前聽過佢好好食，終於黎左試，見到menu 上除咗湯類之外，仲有飯食，選擇都幾多，除咗返其他可以揀之外，仲有粟米芝士忌廉湯，下次都可以試吓😍😍我哋叫咗鮮牛肉蕃茄湯烏冬（$48），免治牛肉蕃茄湯米粉（$48），炸豬扒蕃茄湯通粉（$48），飲品就叫咗桂圓紅棗桑寄生（$8），檸檬雪梨露（$18），信陽毛尖蜂蜜冷泡茶（$6），果然蕃茄湯十分之濃郁，而且酸酸甜甜，鍾意蕃茄嘅你一定要黎試吓！！牛肉都幾鮮，份量都有幾多下，切得薄但係唔韌，免治牛肉都唔錯，反而仲有驚喜係秘製豬扒，豬扒醃製完之後再煎，就咁食都已經好入味！成大塊甘食好滿足😍食完之後仲可以落埋佢嘅秘製辣醬，又麻又辣，正！！！飲品都好有特色，三款都好好飲，紅棗桂圓飲落去清甜，檸檬雪梨有口感又好清爽🥰元朗同埋深水埗都有佢哋嘅分店㗎💛💛好值得去支持一下，而且價錢唔貴！

已經唔係第一次幫襯嘅番茄師兄，照舊都係揀番茄湯底配烏冬，每次唔同嘅只有配料🫣🫣🍅騸牯鮮牛面頰番茄湯底配烏冬🍜騸牯鮮牛面頰有成七八塊🤭🤭食落好淋 淋到好似炆左好耐咁 而且唔會痴牙😌😌陣味又好香下為食小編忍唔住加炒滑蛋🤤🤤因為真係好滑架😂😂個番茄湯底好出色 好似食緊成個番茄咁 忍唔住要飲哂個湯底🥹🥹