番茄師兄

營業中

休息中

失望透頂🤥轉咗menu之後大失去原本嘅番茄特色好失望，轉左Menu之後得返蛋包飯同埋蕃茄烏冬可以揀。原本食蕃茄師兄最出名就係要食佢嘅蕃茄湯底+配搭唔同嘅餸+面底（米線/米粉/公仔麵等等）。而家如果想食蕃茄湯底，返烏冬或者椰菜花飯可以揀，個椰菜花飯好少同蕃茄湯底完全唔夾。真系唔明點解要轉menu, 一心係中環嚟到食lunch真係好失望💔轉左Menu之後價錢都貴咗一個餐要$96。 希望老闆可以出返之前個Menu等食客有多啲選擇🙏🏻🙏🏻

平時好多機會黎灣仔，原來係內街開左蕃茄師兄都唔知添。今日同個朋友黎食，睇下水準keep唔keep 到先。叫左個牛臉頰加滑蛋米粉，68再加5蚊，算係甘。牛臉頰有4大塊，食落非常腍，再加上少許牛根，口感一流。味道係比較清淡，主要食牛本身既肉味。但其實完全唔洗擔心唔夠味，因為湯底夠，加埋一齊吃剛剛好。滑蛋5蚊黎講好抵食，值得叫。最重要既係佢個湯底，非常濃郁既蕃茄味，質感比較厚實，似每一啖都吃緊蕃茄容甘樣，好正。另外都試左佢既豆漿，甜度唔高感覺好健康！整體黎講好好味，一定再黎。

——事情發生經過——2025年3月19號，禮拜三晚上8點38分打電話問「堂食幾點last order」電話回答「搭9，last痾」8點43到達，兩個職員即刻撲出嚟攔住我「先生先生過左last order 時間」我答「我幾分鐘之前打電話黎問幾點last order」職員答「呃，5分鐘已經截單」我答「你同事電話同我講搭9 last order喎」職員面面相覷，黑曬面，答「家陣得外賣」我答「你同事係電話同我講我堂食last order係8點45分，我先專門過來」3個職員面都燶晒，好似俾人犯法俾人斷正咁，答「咁你想食咩」此時，旁邊的廚房傳出一把聲「家陣44分，仲有一分鐘」3年後第二次幫襯，餐牌d字寫乜都未睇清楚，唯有非常匆忙地求其完成落單坐低兩分鐘，煮好擺係我面前，卻係一個外賣紙碗職員好似好唔好意思咁講「唔好意思，師傅用錯碗」——感受——其實我係銅鑼灣時代廣場個頭，有非常多選擇，專門過去，係有心支持都明白有last order 時間限制，所以專門打電話問清楚都係食個麵，點解職員要講大話，仲要反反覆覆其實咁唔想做/咁趕住收工，可以唔撈，或者直接d 一句，我唔做你生意兩分鐘煮好嘅米線，有十條係未完

番茄師兄主打番茄湯底配各式麵食，平時食開深水埗嗰間，原來灣仔都開咗！今次照舊嗌返「麻香瑞士汁雞中翼麵」，不過就加配炒滑蛋～🍜 麻香瑞士汁雞中翼麵（$54）雞中翼以瑞士汁做調味base，再加上佢哋嘅「麻の一滴」，嗰陣麻香食落好上癮。不過，對比起之前喺深水埗食開嗰陣香，呢度似乎落得輕手咗，個麻味唔係好出🤔 好彩每張枱都有一樽，可以畀你任落😂😂 但個人建議落幾滴就夠，落太多會搶晒蕃茄湯味！另外，個人覺得要掛湯，最正就係揀拉麵😝 雖然我係烏冬派，但嚟呢度都一定會嗌日式拉麵😍 至於炒滑蛋口感滑溜，同湯底好夾，建議連湯食～整體評價番茄師兄雖然以番茄湯見稱，但佢呢個「麻の一滴」都同樣吸引！每枱都有一樽，就算唔係嗌麻香雞中翼，都一樣試到㗎，食得辣嘅朋友記得要加😋 價錢上都算合理，不過lunch hour都幾多人，唔怕排隊都可以考慮嚟試吓～

灣仔lunch飯堂⭐️好食又經濟之選🙌位於灣仔嘅一條巷仔，位置上可能比較難搵，嚟親呢度通常都係叫蕃茄湯滑牛加炒滑蛋日式拉麵❣️今次就叫秘製雞扒雞扒煎得香而唔乾，大大件都好唔錯👍喜歡呢度份量夠，午餐食得飽湯底偏甜同濃稠，唔係好重蕃茄酸味拉麵質地其實冇特別，但同湯底又出奇哋好夾所以特別鍾意叫拉麵推介加埋粟米粒都好夾㗎嘢飲加咗檸檬冬瓜茶，就實在太甜啦叫返凍豆漿會穩陣好多另外加錢加咗兩粒牛油煎帶子，帶子都唔太細粒，另外都有其他小食。平時食開嘅滑牛同滑蛋依然係最愛🙌食極唔厭🙌缺點係午飯時間要排隊😂📍番茄師兄

星期五下午係灣仔要揾野食，路過門口(比較隱蔽)，終於可以來試下蕃茄師兄，叫左個麻香瑞士計雞亦烏冬蕃茄湯底，雞亦好入味，湯底很濃及香，成碗湯飲埋。再加桂園紅棗桑寄生茶，好飲又滋潤👍

聽朋友介紹個蕃茄師兄好多次，但係每次經過都見到勁多人🐟🐟🐟🐟同埋以為淨係得蕃茄相關嘅食物🍅🍅😅😅所以一直都未有機會試今日經過見到排隊嘅人數都還好，咁就即管試吓啦原來唔係剩係得蕃茄相關嘅食物嘅，仲有蛋包飯，食物都好多元化，有蕃茄湯底或者忌廉湯底仲可以揀通粉，烏冬，公仔麵，米粉等等今次就要左墨魚卷，幾彈牙好食 我平時食得比較清淡，呢個湯底對我嚟講係比較濃，適合追求濃烈口味嘅人士加$6有飲品有桑寄生紅棗茶，幾養生👍

當日我去番茄師兄食飯，試咗佢哋嘅秘製牛腩煎雙蛋公仔麪。首先當然要提一提佢哋嘅招牌番茄湯底，濃郁嘅蕃茄味道令人驚艷，飲落去好舒服，質地似日本濃湯拉麵咁滑順，令人回味無窮。湯底使用咗新鮮番茄同蔬菜熬製，味道層次豐富，絕對是湯底控唔可以錯過嘅選擇。而牛腩亦係呼之欲出，入口即化，味道層次豐富，肉質鮮嫩多汁，絕對是肉食愛好者嘅首選。番茄師兄作為專門店，專注於蕃茄湯底料理，價錢又親民，絕對係一個值得一試嘅美食去處。如果你係蕃茄愛好者，番茄師兄絕對係一個不能錯過嘅餐廳，必定能滿足你對美食嘅追求！

死角位，平時冇留意佢嘅存在。星期六2:30 ，路過被蕃茄湯吸引，內進食咗個煎牛脷滑蛋米線（當然要蕃茄湯底），好味值得再嚟幫襯。仲有秘製辣醬汁同埋百里香簡直係絕配！

好耐無黎灣仔，聽同事講蕃茄師兄係灣仔開左分店，作為蕃茄愛好者，當然要黎試下。麻香瑞士汁雞中翼，一碗有4隻都算好足料，加左5蚊要個炒滑蛋，份量好足！湯底好濃郁既蕃茄味，水準依然keep 到，唔錯！雞翼竟然係有少少辣既滷水味，估唔到又幾配搭到！吃落又香又點少辣，幾正！滑蛋就唔洗講啦，好大份又好滑，連埋個湯底吃真係好好味！但都要講下改善地方，D 鳥冬唔太好吃，有d 痴牙之餘仲好斷，如果係靚鳥冬加依個湯應該可以比到100分！埋單6x 黎講真係好平，一定再黎！

呢一日嚟咗食蕃茄師兄，聽過好多次個名，不過嚟食都係第一次🤣 入到去見到好多學生，我諗呢度係好多學生嘅飯堂。店面唔細，我哋諗都坐到30-40個客。用手機掃code落單，選擇都唔算少，大致分為：湯麵、焗飯、蛋包飯三類。除咗蕃茄湯仲可以揀粟米忌廉湯。而我就揀咗龍脷柳蕃茄烏冬，沒加配飲品。湯底偏甜，只有小小酸，濃稠度中等，有少量蕃茄皮；烏冬雖然唔算好彈牙，但口感不差；龍脷柳嘅話就炸得有啲太Over，比較油膩🧐 整體上菜超級快，蕃茄湯底都幾開胃嘅，12:20到店唔洗等位。😙另外佢地係只收現金的，想去試既朋友仔就得帶定現金。😆

蕃茄師兄係出曬名既蕃茄濃湯專門店，但價錢又唔會好高，係名符其實既平民美食！今日本人甘岩行過灣仔188拿game，一於食番夠本！佢個位置好隱蔽，係球場對面既卷仔入面，正常行過都唔會特別兜入去睇。甘當然好食既話無論你係邊，食客都會搵到你！甘我就叫左佢個招牌蕃茄湯配鳥冬，topping 就揀左秘製雞扒同埋太陽蛋。先講湯底，蕃茄味好濃，佢個質地似日本既濃湯拉面，係見得到既蕃茄蓉，好正！但鳥冬就有d 失色，首先唔太彈牙，而係偏軟，會痴牙個隻，可惜！而雞扒應該係岩岩出爐，出曬煙熱辣辣，入面唔柴唔乾，做得好好，而味道黎講係只有少少既咸味，配上蕃茄湯食好爽！另外加左太陽蛋，蛋黃可以撈埋佢個湯汁一齊食，更加香濃！整體黎講60蚊有甘既質素無可挑剔，行過黎既時候一定會再食😉👍

第一次黎食，平時據聞lunch time要等位。今日星期六下午2pm黎就毋須等位，大概6成座位滿。自助QR code落單好方便，可以自選湯麵，自由配搭，最like嘅係唔想要麵可以揀菜底。選了腐皮墨魚蝦條，加炒滑蛋，菜底。飲品選了桂圓紅棗桑寄生茶。5分鐘後就送到，湯底感覺真係好濃，同出面嘅蕃茄湯底真係唔同，炒滑蛋都真係好滑，菜底亦都好多生菜。腐皮墨魚蝦條食到有蝦味，好適合不喜歡吃肉嘅朋友。食到一半放了幾滴佢地嘅麻辣油，即刻好似升左個層次，好夾。最後飲晒成碗湯，雖然叫菜底但食完都好夠飽。桑寄生茶亦值得一讚，感覺無另加糖，好好飲。會再黎的。

大鄉里出城過海去左灣仔上堂，放晏係附近搵野食，諗住試下d 特別野，行到附近見到呢間蕃茄師兄，出名蕃茄湯麵。諗起酸酸甜甜嘅蕃茄湯，即刻口水直流🤤因為當日係星期六，lunch 時間都唔係好多人。坐低之後用QR code點餐。見到舖頭都有推出學生優惠，可能平日用嚟吸引附近學生幫襯。見到蕃茄湯麵嘅定價唔算平，普通一個餸加麵都可能要50幾蚊，未計野飲。但灣仔區黎講，算係平食選擇。我揀咗豬扒蕃茄湯米線，糾結咗好耐加唔加炒蛋。但上網睇返原來炒蛋係出名，真係好後悔冇加到🥺 蕃茄湯香濃，唔會油，有加入真蕃茄粒。豬扒軟熟唔會硬，大大塊。不過如果唔加其他餸，食落會覺得有啲寡。但都要讚一讚個湯底，好飲到飲晒成碗。總括而言，可以一試👍🏻

如果你在門口排隊等過位，一定得閒看看老闆怎麼樣辭職、創業的故事，跟住就好高期待，比如採訪中提到一定要飲檸檬雪梨露，但是入進去menu卻沒有…諸如此類同事專登帶我來，注意cash only。三人都極有默契叫咗滑牛（54），烏冬（老闆又說上海麵最掛湯，但是沒有上海麵揀呢？？採訪中介紹是「平平啲」咁，+滑蛋（+5），我還加了冬瓜飲（+6），一共65。個人覺得滑蛋和牛肉很配，番茄湯底確實有兩把刷子，因為不是平日見到的那種鮮紅，另外一定要加旁邊的辣油！裝修都幾特別。下次會來試試別的