畢打奧餐廳

營業中

休息中

自從食完聯和墟雅士餐廳之後，就一直都想試埋喺北區同樣有歷史背景嘅上水畢打奧餐廳😃。雖然去上水唔遠，但又唔想特登去食個飯就走，所以遲遲未有實現😆。點知最近去聯和墟食飯，比我見到畢打奧居然喺度開左分店，仲要喺正雅士對面，有少少打對台Feel!!😏2月14號平日星期三，約埋爸爸一齊去鋸扒🤓 我地上午11點半到達，唔駛等位可以直入。下午1點門外已經好多人等位，再對比下對面雅士門外只有幾個人等位😆，估計過多幾個月就會見真章，到底大家係中意試新野抑或真心覺得畢打奧好味架啦。😏當日午市有兩款原價$119嘅套餐做特價，分別係鐵板美式什扒$99、新西蘭西冷牛扒$99另外叫左畢打奧焗豬扒飯$89同埋寓意橫財就手嘅燒德國豬手$129，每個套餐都包餐包、餐湯、同熱飲。餐包拎上手暖暖地，望落有黑芝麻，但食落無芝麻香。餐湯要左羅宋湯，同埋加左$29轉酥皮龍蝦湯，前者唔辣偏酸，每碗湯都有好多蔬菜；後者酥皮酥脆但唔係我中意嘅牛油酥皮，龍蝦湯蝦味濃但有少少澀，內裡有幾隻蝦仁。新西蘭西冷牛扒配薯蓉$99份量望落唔多，但牛扒比雅士厚身；雖然有筋，不過整體肉質唔錯，牛味一般但有肉香。薯蓉好有薯香，食唔太出牛油或忌廉味，感覺油

新裝修，環境舒服食物吾錯，性格比高，非常適合家庭聚餐，套餐比湯、包、主菜連飲品（冷熱同價），大概80 幾主百零蚊度👍🏻侍應服務不錯，見到有沙律餐，如果有時吾想食澱粉質，呢度係一個好選擇

八個人叫了2個四人套餐，焗酥皮湯太鹹，酥炸魷魚炸得過火，咬到咬唔入！肉醬意粉太鹹，又加上味精特重！斧頭扒肉質還算勉強合格，但係焗龍蝦就非常失望，焗得過火搞到啲肉乾哂！味道太鹹又味精重，從未食過如此難食碧西西式焗龍蝦！整體來講餐廳出品沒有什麼廚藝技術可言，就是什麼都用重味精，出品的菜式除了賣相好之外，味道是最重要，性價比很差，以後不會再去畢打澳相關的餐廳！環境過於嘈吵，餐廳侍應招呼尚可，就是食物出品非常失望。

食物 overall 都好好，個牛仔骨同西冷比變得普通，因為西冷性價比好高，牛味濃又juicy,呢度個黑椒汁好香好好味。跟餐我揀薯仔沙律，欣賞佢有落果仁落去合沙律到。最重要呢度好忙但啲侍應們都好有禮貌👍呢個真係100分。 因為朋友介紹，都話呢度人多要等耐少少，但今日好好彩唔多人，我哋好快有位，但門口都會同你講唔好意思要等咁耐。帶位都有好好介紹佢哋嘅廚師推介，咁忙下大家都不忙同你講聲新年快樂。隔離枱有個我諗頂多小二嘅小朋友，另一個女侍應都好有心機，落餐有特別幫佢哋問廚房可唔可以改一啲細節，食完仲埋去問小朋友，佢介紹嘅果茶佢鐘唔鐘意飲。雖然人多枱多，但都尚算坐得舒服，呢間會再嚟👍

年初三，赤口就唔去拜年，改為食下好西。知道北打奧開粉嶺新店就一直想幫襯下。等左一陣就安排入座，新店環境係舊店嘅升級版。好開心，安排左坐二人卡位，靜得黎，又很寛躺。是談天的好地方。尤其喜歡個酒吧枱，睇得出花個心思去佈置。年初三都冇特別加價，有午餐供應，點左牛排加大蝦套餐先黎個餐包同羅宋湯：能夠食番舊店嘅味道！感動！我點左三成熟牛排切開真係做到三成，唔會過熟，味道一流。仲點左杯Rosemary cocktail, 味道不錯！岩晒女仔飲！下次入粉嶺會再試埋個羊排。

之前見到歷史悠久嘅上水畢打奧餐廳一直都未有機會試，而家喺粉嶺聯和墟開多一間，周邊資料唔講太多，直入正題。 🌕🌕🌕🌕🌑餐湯：酥皮龍蝦湯🦞一般都係羅宋湯或者忌廉湯，但係可以加錢升級做酥皮龍蝦湯，咁當然要試下。酥皮好香，唔會太油膩。龍蝦湯嘅濃度嘅都恰到好處，鮮味十足。 🌕🌕🌕🌕🌕餐包🥖平時好少開一行寫餐包，但係呢個餐包唔簡單。麵包方面我唔係太熟，不過個包黎到嘅時候就暖暖地，係黑芝麻麵包，詳細就睇下有無其他高手寫食評講解下啦。 🌕🌕🌕🌕🌕澳洲龍蝦芝米多🦞其實睇相嗰陣以為係一般嘅原隻焗龍蝦，原來唔係咁簡單。新鮮游水龍蝦就基本啦，用干邑、忌廉、牛油煮一煮再加芝士焗。食嘅時候只需要輕鬆用叉或者匙羮大啖大啖送入口。 🌕🌕🌕🌕🌑美國肉眼扒🥩肉眼扒配薯菜都算係其中一種港式西餐經典配搭。肉眼扒外層有適量嘅焦香，切開肉質粉嫰，好味。 食物方面整體都唔錯，唔可以話平，但係絕對抵食。不過用餐空間略嫌有少少逼，因為全部都大大碟幾乎滿碟上枱。 裝修方面係懷舊英倫風，磚牆同霓虹燈嘅配搭，英式酒吧風味十足。

歷史悠久既西式餐廳係聯和墟重開，好多人幫襯當然又要食下啦😂😂之前去上水果間都食過2次知道佢係酒吧+西式餐廳聯和墟呢間係新裝修覺得整得唔錯👍🏻一邊係酒吧，一邊係大枱位比上水果間光猛d🤩可能岩岩開無耐，人手上都好似唔係好夠不過上菜速度都好快😌餐牌都係一樣價錢黎講都好優惠既食個豬手餐，有大大舊豬手仲有餐包+餐湯+野飲都係$99，唔錯焗豬扒飯係好傳統舊式焗法仲有燒焦左既邊邊😂😂😂D飯都焦焦的新鮮農場豬扒