影片
有關獎賞計劃
優惠
我平時唔多寫食評，但係想分享下呢間餐廳！阿爸阿媽生日揀咗呢間餐廳，斧頭扒一定要試跟埋餐湯薯條嘢飲先至$六百幾，塊扒medium rare煎得啱啱好！我哋仲叫咗焗田螺同炸魷魚，送啤酒真係一流！份量夠，性價比高，仲有全日happy hour！職員超級友善，聽佢哋講佢哋已經有70年嘅歷史！呢度好啱一家大細，朋友聚會都正，環境非常舒適！食完飯之後，意猶未盡，阿爸阿媽返屋企先，我同我老婆去咗隔離嘅酒吧，試咗唔同嘅Cocktails！食飯或者飲嘢我都非常推薦呢個地方！假期去記得book位啊！大家有時間真係要去試吓！
繼續閱讀
畢打奧在粉嶺的分店，剛剛在雅仕餐廳對面，這可說是同類餐廳，也有同等歷史地位，在打對台。相比起上水的本店，這分店在新戲的樓宇地下，自然少了一種古典的英倫酒吧餐廳風格，裝修變得現代港式西餐廳，當然也希望可以突出畢打奧本身的獨有風格，所以圓形艦窗，也是其外面的常見設計，但還是那一句，沒有歷史洗滌的風華少了一點風味。餐廳主打就是港式西餐，焗飯，咖喱，牛扒，也處理得中規中矩，在雅仕餐廳要排隊的情況下，這裏也算是一個選擇。最重要是，一定吃得飽，份量相當夠。Better’ Ole branch in Fanling, opposite Arts Restaurant, creates direct competition between similar establishments. Unlike the original Sheung Shui store, this branch occupies a new building, lacking classical British pub ambiance. The modern Hong Kong-style Western decor attempts highlighting Bistro’s character through signature round porthole windows. However, without historical patina, it lacks charm. The restaurant specializes in Hong Kong-style Western cuisine—baked rice, curry, steaks—executed competently. When Arts Restaurant has queues, this serves as an alternative. Portions are generous and satisfying.
繼續閱讀
今日去咗北區老字號「畢打奧酒吧餐廳」，呢間1947年開業嘅英倫風酒吧餐廳已經有77年歷史，真係充滿懷舊味道！首先「法式焗田螺」，用家傳配方製作，蒜香牛油味濃郁，田螺肉彈牙又香口，食落好滿足！ 主菜「澳洲M5和牛西冷」，叫咗5成熟，牛扒外層煎得香脆，內裡肉質嫩滑多汁，牛味濃郁，真係高質！另外「是日魚柳」，魚肉鮮嫩，煎得啱啱好，配埋醬汁好開胃。 小食叫咗「煙三文魚、巴馬火腿拼盤」，三文魚同火腿鹹香得嚟唔會太膩，配啤酒一流！講到啤酒，一定要試佢哋嘅「Beck’s beers」，滿滿一大杯只係$36，飲落清爽解渴，抵飲！ 最後飲咗「酥皮龍蝦湯」，酥皮香脆，龍蝦湯濃郁鮮甜，為呢餐畫上完美句號！「畢打奧餐廳」食物質素高，環境懷舊，絕對值得再嚟！ 📍粉嶺和豐街22-26號地舖
繼續閱讀
畢打奧係一間以英式酒吧風格經營嘅餐廳，為顧客提供一個懷舊氛圍嘅用餐體驗。 畢打奧嘅歷史可以追溯到數十年前，詳情就唔講太多，總之就係老字號，搬過舖又開過分店。 今次無食牛，叫左法式焗田螺、農場豬扒配薯菜同埋焗白汁海鮮飯。 法式焗田螺：蒜蓉牛油再加埋薯蓉，都無得點輸 農場豬扒配薯菜：經典配搭之一，豬扒肉質鮮嫩juicy 焗白汁海鮮飯：不過不失，唔會太膩又唔會太淡 除左扒之外，焗飯都唔錯。另外仲會定期更換廚師推介，保持新鮮感，今次食完唔知下次幾時再有。
繼續閱讀
坐低用佢個QR code落左單，手機見到確認左 。之後等左好耐都未菜，想找侍應生，叫極冇人理，最後有人埋黎話我哋無落過單，我哋比個手機佢睇，佢都係堅持我哋冇落過單 。跟住我同佢講不如佢幫我落，要我重複三次先聽到我講啲乜嘢 。唔該請啲有質數既侍應或提供適當嘅培訓比佢哋 。本來想再落，但我哋想點既餐賣晒 。最後有去經理查詢，應該係QR code比錯隔離枱所以無效。嬲到最後冇食，大家如果唔介紹無服務可以幫襯，價錢已經唔係平，只靠係某T子電視台賣廣告，但又唔做好啲服務，好差差差差差差！
繼續閱讀