畢打奧餐廳

營業中

休息中

每次去一定要食三成熟肉眼扒，肉質鮮嫩！極力推介德國豬手配英芥辣。仲要食懷舊田螺、蒜蓉包。餐廳Bartender Cocktail款式非常有創意！令人不禁興奮！好有氣氛成日好聽到有人生日唱歌及全體工作人員一齊都會送上祝福好有心意！

大個左都好少入聯和墟今日放假同屋企人去食叫左份煎魚柳 等左成20-30 分鐘（冇計時）我仲以為魚要耐D 屋企人叫我問我仲諗住耐心等候一問就出事問完先話冇晒貨叫我轉好 唔緊要 轉點知等緊新嘅時候突然間有份魚出現咗俾我？！完全成頭？？Staff 同我講唔新鮮 完全唔知可以俾咩反應幫我轉份新又等勁耐最後冇胃口 直接打包走咗 外買盒又收錢知今次可能係特別case 不過真心今次係十分失望嘅用餐經驗完全覺得今餐係浪費金錢同時間！

粉嶺聯和墟老字號西餐廳 三代經營歷史悠久 最近喺粉嶺重開 環境主打懷舊英式扒房酒吧風格 吸引去試試.晚市嚟到基本上都座無虛席 好熱鬧牆上面掛住餐廳歷史 創始人三代人合照1947開到而家 仲寫住如果有任何唔滿意可以隨時更換 服務態度勁好.今次試試⭐️安格斯斧頭肉眼扒 2人餐跟⭐️薯菜意粉 ⭐️羅宋湯 ⭐️忌廉湯 飲品超足料 做到港式懷舊味道仲可以升級⭐️酥皮龍蝦湯$36酥皮幾香 脆卜卜 唔油膩 幾特別但咁多款湯 我個人最鍾意紅湯🙈‼️特別一提 佢哋出爐麵包 暖笠笠好軟熟明顯同其他餐廳唔同 愛包人士實鐘意.⭐️斧頭肉眼扒上菜超豪華$649足32安士今次叫咗五成熟 充滿肉汁🥰肉汁眼見流到成碟都係嘅程度😋所以肉質好嫩 好juicy🥰最重要係牛扒好厚身 大滿足.⭐️龍蝦牛柳$349👍🏻用左新鮮遊水龍蝦 已經幫你起咗肉🥰大隻啖啖肉 表面加咗大量芝士.⭐️芝士焗海鮮意粉$129表面鋪滿唔同海鮮 焗到焦焦地亦都係用咗新鮮海鮮 值得一讚.仲有⭐️紅酒燴牛尾$139 係每日限量係煮到超入味超腍 冇牙婆都輕鬆食到程度.最後再叫多一個冰火甜品⭐️Flambé Alaska店員會喺你面前加火焰酒精中間夾住蛋糕 同軟滑雪糕 呢款好好食

係YouTube睇到介紹過黎搵食晚餐訂左18:00 已坐滿左1/3人 好多家庭客一家大細😬安排左坐酒吧果邊 環境氣氛唔錯掃Code落單 亦有唔同set 比大家share同選擇今晚兩個人 叫左兩份西冷set 各 $159 + 10%5 成 一個跟薯菜 一個跟意粉 Set已包餐湯同飲品羅宋湯正常發揮反而餐包有驚喜 熱辣辣 夠軟熟😋西冷黎到香噴噴，牛味重👍🏻表面煎至焦香但略嫌多筋 熟成度亦只有大概三成 🥲 食物以外，服務值得一提:店員上菜收碟都好快手 見到枱面紙巾用完 再細心奉上💚抵讚總結:價錢親民選擇亦好多我會想去埋上水總店度試下先😝👍🏻下回分解

畢打奧絕對是跟朋友們中學年代的回憶餐廳 咁多年都係食上水分店 知道粉嶺開了分店一段時間 今晚終於有時間跟朋友來食下 大家記得一定要訂位 如果唔係都未必食到✨法式焗田螺 - 這裏的田螺是必點之選！由以前食到現在 難得是味道依然 我們的食法是把田螺取出 然後把螺殼中的精華倒落墊底的薯蓉 然後一起吃 非常好味😋晚餐有set/ 2人餐/4人餐等 最欣賞他的是 牛扒上枱時會有牌插着熟度 因為我們一行多人 叫了幾份不同熟度 那便不會混亂了朋友訂位時還預先訂了火焰雪山 開心打卡之選 而且味道都不錯 為晚飯劃上愉快的句號

10點放工？周圍都無野食，諗起畢打奧有宵夜餐，2個人拿拿林沖過去食🥰門口侍應帶位非常有禮，帶我們到餐廳區用餐，界紹餐牌😊最終我地叫左個是日魚柳（ 盲曹）配檸檬牛油汁，同個吉烈豬扒。超過份！份量非常有大份😂食到好飽有個bartender 過黎界紹cocktail. 就叫佢話事整左2杯。味道ok, 賣相ok 合格！這個場服務不錯，裝修靚靚，打卡一流，重點係收3點！！！可以慢慢食野飲野打卡。收工諗唔到去邊食大家可以一試🥰

3:35pm 到達餐廳打算食下午茶，店員係無出示餐單情況下要求即時order, 我已經R哂頭😅 要我企係門口就即刻落單….Menu 都未睇，櫈都未坐 仲要帶住小朋友們😅😅😅其實係想我點樣？坐低發現4點完下午茶時段😅會唔會早左少, 但無問題 即刻叫 方便你做野👌🏼點知落完單又走黎話收左爐，呢樣無嗰樣無😅 呢個情況循環咗三次😅😅😅 一個下午茶餐 超話一半食物無得賣…食物係ok 但體驗真係好差呀！😅……..

畢打奧，一間由細個已經係大埔同北區好出名既西餐廳，搬左之後好多年冇食過，估唔到咁多年之後再食番，都可以keep到一貫嘅好味道，好難得！呢個價錢有呢個質素好抵！牛扒就唔洗講，一定要食，keep到個質素！最想講係個蒜蓉焗田螺！咁多年係其他地方都食唔番呢個味道！除左個田螺，佢個薯蓉都好鬼正，永遠都有少少燶燶地嘅脆邊，再將田螺既蒜蓉汁倒埋落去一齊食😋仲叫左個海鮮焗飯，太肚餓冇影到相😂，好足料，下次會再叫！

作為區內既扒王真係唔過份，假日同屋企人一齊黎死，冇捻到隱藏著咁既好味道，侍應服務態度好好，好熱情。我地嗌左好多，每樣都係水準之上，走之前播生日歌，原來有人過生日！下次可以試下黎呢度過生日

一家大細過黎北區,當下決定黎呢間裝修得好靚的餐廳試下.熱辣辣的夏天,一入餐廳,飲杯涼浸浸的特飲,好感度倍增再叫正餐,深度十足既餐湯,火候啱啱好既牛扒同鵝肝,十分滿足另外要特別贊下樓面各個靚仔靚女的細心服務

聯和墟歷史悠久的西餐廳，今日終於過嚟試啦！😊🥩斧頭牛扒煎得啱啱好，入邊仲好juicy，配返套餐入邊嘅醬汁，good choice。😋餐廳佈置好有feel，好啱放鬆同拍拖仔。🍖脆皮豬手，外皮脆卜卜，入邊嘅肉又嫩，最適合飲啤送菜👩🏻‍🍳服務員態度又好，非常熱情！落單之後好快送到！

聯和墟歷史悠久西餐廳，今日終於過嚟試啦！😊🥩斧頭牛扒煎得啱啱好，入邊仲好juicy，配返套餐入邊嘅醬汁，good choice。😋餐廳佈置好有feel，好啱放鬆同拍拖仔。🍖脆皮豬手，外皮脆卜卜，入邊嘅肉又嫩，最適合飲啤送菜👩🏻‍🍳服務態度又好，非常熱情。落單之後好快送 到！

一個星期總會有一天去粉嶺工作 🌇, 所以最鍾意就係嗰度搵食! 🍽️ 這間餐廳都算好新,開咗幾個月,這個應該四月寫,不過一直都食唔到第二次,所以一直都放埋一邊。😕 有時候寫食評,總會去食最少兩次才會寫,因為自己一個食,只能食一樣,去兩次就食兩樣,試多些食物,才會了解多一點餐廳的食物,這樣寫會比較持平。👍不過這一間我一直都去唔到食第二次,原因是⋯⋯一個人去,總是要求必須要坐在吧枱,如果唔係就無位了。我都明白一個人去食,應該只可以安排一個座位,但我真的不太喜歡坐高枱和高椅子,特別是自己一個坐的時候,所以總是無緣去⋯ 試了無數次去,所以我放棄了。😣除非有朋友一起,否則我應該都不會再去了。今次食咗午餐,叫了煎豬扒配薯蓉,午餐包括餐湯和餐包,仲有餐飲,價格大概$6x。我覺得成份餐最吸引即係有懷舊的忌廉湯,餐包用上黑麥包,忌廉湯味道就像以前懷舊西餐廳的味道,至於煎豬扒,打正旗號說用上新鮮豬扒,味道也不錯,雖然偏瘦,但肉質也算juicy ，另外我選擇了配薯蓉,沒有太大特別。如果去到享受一個煎豬扒午餐也不錯,性價比都OK! 😊

1. 五成肉眼扒:肉質紮實彈牙,入口即化。煎製得宜,外層帶有適度焦香,內裡保持粉嫩多汁。搭配烤焗蒜蓉及烤薯塊,口感層次豐富,十分適合肉食愛好者。價格合理,物有所值。2. 五成西冷牛扒: 牛肉質地嫩滑,咀嚼間散發濃郁牛肉香氣。五成熟度恰到好處,肉汁流溢,搭配燒烤蔬菜,清新宜人。分量十足,適合與朋友分享。價格略高,但整體用餐體驗尚稱美滿。3. 芝士焗肉醬意粉:意粉煮至al dente,入口有咬勁。肉醬醬汁濃郁,配搭香濃的芝士,口感層次豐富。份量大enough,適合作為主餐享用。價格合理,性價比頗高。4. 芝士焗蠔:新鮮肥美的生蠔,配搭芝士白醬烤製,奶味濃郁而不膩。蠔肉細嫩多汁,與芝士完美融合。作為開胃菜或小食,口感豐富,值得一試。價格略高,但整體口感很滿意。 5. 煙肉焗蠔:肥美多汁的生蠔,配搭煙肉提味,增添了層次感。烤製恰當,蠔肉保持鮮甜彈牙的口感。作為小食分享,也頗有特色。價格適中,性價比尚可。總的來說,這些菜式均有亮點,整體用餐體驗良好。不同菜式均能滿足不同的口味偏好,值得一試。期待下次再次光臨!

## 🇭🇰 北區名牌餐廳體驗 - Better Ole⭐⭐⭐⭐⭐終於嚟到粉嶺新開嘅Better Ole，餐廳大過上水好多裝修同上水一樣嘅風格。 今日嗌咗個斧頭扒、龍蝦湯、一份青口，野食一貫始終咁好食😋😋但餐廳嘅服務就真係surprise到我，服務員態度好好，亦都非常細心 (有換到啲碟同主動俾濕紙巾我地)。另外今日生日仲好好咁準備咗驚喜俾我地，完全無諗過。唯一少少不足係冷氣有啲大，坐坐下覺得好凍，後來餐廳有幫我地較細啲個冷氣就好好多。絕對推薦大家嚟試下，北區好少餐廳可以做到食物、服務同價錢都高水準。