田記魚蛋牛腩專門店 (塘尾道)

營業中

休息中

呢間之前已經喺油麻地度食過，崩沙腩食過返尋味，今次喺太子經過見到當然要再食啦。價錢真係相當之實惠，今時今日幾十蚊就落得樓真係比較少。淨雲吞($28)女士們唔想食咁多粉面，嗌淨雲吞都真係掂呀，雲吞粒粒大大粒，咬落有成幾粒蝦，肉汁鮮，好食！淨牛丸 ($32)上次食雙拼，得兩粒牛丸真係唔夠喉，今次嗌淨牛丸有成7粒，田記牛丸係好重牛味，大啖咬落去係有牛骨同牛肉汁味，係好juicy，又彈牙，真係超推介！碗度仲有好多生菜，唔會怕寡。崩沙腩拼牛肚麵 ($63)牛腩同牛肚份量唔少嫁，今次既牛腩係瘦啲，但一樣好味，崩沙腩就係入口酥化又重牛味，至於牛肚滷得入味，有咬口又唔會太硬。仲有好多白蘿蔔添，每一舊都好鮮甜好林。加菜 ($9)好抵呀，咁平加翻碟補充纖維都抵啦。田記果然真係一個平民得黎又好食嘅好選擇，今次試多咗佢嘅雲吞又係正呀，不過咁多樣我最最最鍾意嘅就係佢嘅牛丸！

今日去太子食左個lunch，平平地，街坊價，夠平民！✧٩(ˊωˋ*)و✧…崩沙牛腩河粉 $43啲崩沙牛腩夠淋，軟淋淋，一啲都唔韌！河粉都幾好食，唔錯！😋…鮮蝦吞麵+牛腩 $39雲吞有2舊，幾好食，涵料好足，舊蝦夠大。牛腩都好軟淋淋，肥肉都唔多。😍👍…生菜 $9正常啦，點都要加啲菜嘅不過~🤪🤪…野飲揀左可樂 $6 同冬檸茶 $6，正正常常🥰，ok嘅~🤩…整體評分食物：🤍🤍🤍🤍服務：🤍🤍🤍🤍🤍環境：🤍🤍🤍🤍價錢：🤍🤍🤍🤍🤍

我特別喜歡吃中式湯麵，熱辣辣非常暖胃，早幾日經過塘尾道，見到田記魚蛋牛腩專門店便入去午餐，整體感覺不錯，味道好之餘性價比高。餐牌種類多，價錢也親民，而且有抗疫優惠，加菜或蘿蔔也只是加$9。我點了其中一款招牌牛三寶河、炸魚片及菜芯。牛三寶河有牛腩、牛肚、牛筋，湯底香湯，牛腩味香濃，牛腩有咬口，牛肚入味、牛筋軟硬度剛好，三款都好味，河粉淋滑，香蔥夠多，口感豐富，配搭很美味。炸魚皮香脆大碟，而且厚身唔會「薄切切」，味道咸香脆口，淨食浸湯都好味。蠔油菜芯大碟淋甜。

呢間牛腩店係我同爸爸既飯堂，搬走左之後間唔中都會同爸爸返黎呢邊食佢地既牛腩同魚蛋或者買外賣返去孝敬下。🥢淨牛腩🥢 $90其實食個麵就已經好飽，佢個麵底份量十足，但係我地份點多份牛腩黎食。牛腩帶少少脂肪，完全唔覺得油膩，滿潟既腩汁都好正，充滿香料卻帶甘香，浸住蘿蔔，清甜無渣。🥢豬手河粉🥢 $33呢個係餐單上無出現，不過貼左牆上，咁岩比我見到就試下。外間豬手蚊到勁稔軟卻無左口感，呢到仲會留返膠質。🥢招牌魚旦河粉🥢 $28入面有魚蛋同魚片，魚蛋彈牙有魚味，不過魚申厚切就更好啦，

同朋友都好鍾意食粉麵☺️唔係間間粉面店都有崩沙腩食😭😭位於大角咀有一間鋪店面都好新淨嘅粉面店一於去試吓💕我哋叫咗一份魚蛋，魚蛋同魚片都勁彈牙，店員話佢哋嘅魚蛋都係自己製作！有少少胡椒粉味去辟去腥味，口感勁彈牙☺️🤎好滿意！另外點左一份鳳城水餃米粉，水餃好足料有鮮蝦、木耳同豬肉做主要餡料。雲吞皮都好薄又唔會太易爛！同事都點咗一份崩沙腩牛河，湯底清得來有濃郁嘅牛味！正✨very good牛腩每一舊都有肥有瘦！口感勁豐富又夠香🤎環境簡簡單單，亦夠乾淨企理，店內仲有一個大電視機📺可以邊食嘢邊睇電視🤣

話說今日經開大角咀交收，交收完之後就準備食嘢。喺附近搭巴士嘅時候見到呢間田記。門口寫住食牛腩專門店。而且望入去陸陸續續都見到有食客，於是就嚟一碗試吓啦。餐廳面積都算大。睇咗一輪之後決定食佢個牛三寶米線，見到每台食客都會追加菜。原來只要幫襯佢粉麵加$9就可以多一個菜。對比起出面，加一個菜都要10幾廿蚊。可以話非常抵食。最後我都決定追加一碟生菜。飲品方面我就叫咗杯凍啡。唔使一陣，碗米線已經上枱啦。牛三寶米線，入面分別有牛肚，牛腩同埋牛筋。先講個湯底。味道非常之濃郁。情不自禁咁飲咗幾啖。呢點值得一讚，因為我之後都冇覺得頸渴。咁即係證明湯底入面冇加到味精。講返三位牛主角。牛筋一啲都唔靭，湯底亦都索晒入去。牛腩一啲都唔騷。好有咬口。牛肚亦都係好好食。生菜雖然只係加$9，但係份量都唔算少。而且亦都好爽口。食得多肉之餘亦都要食返啲菜平衡吓。另外值得一讚嘅係，我覺得呢度嘅辣椒油好好食，佢唔係話得一味死辣，而佢係有辣椒油嘅香。喺臨走嘅時候，因為覺得牛腩真係好好食。所以我決定外賣一個淨牛腩同屋企人分享

呢間粉麵店經濟實惠，粉麵大大碗，而且味道都幾好，平民美食之選。崩沙牛腩河粉$43呢度啲牛腩真係必食，崩沙腩超鬆化，牛味濃郁，好入味。河粉大大碗，滑溜溜。配料仲有清甜蘿蔔。鳳城水餃麵$28水餃大大隻，咬開有原隻爽口鮮蝦，爽口木耳、荀絲。我好鍾意食生麵，呢個好爽，食到尾碗麵都keep到彈牙。淨魚三寶$32有齊魚蛋、魚片頭、魚皮餃，魚蛋幾有魚味，質感係柔軟果種；魚片頭比較爽彈；魚皮餃都幾好味，大隻。炸魚皮$18魚皮脆卜卜，好香口，完全冇油益味，而且大大碟，過足口癮。腐乳通菜$15食咁多嘢梗係要食返啲蔬菜，通菜夠晒爽脆，配腐乳好惹味。嘢飲方面，我哋就要咗凍豆漿、凍檸茶，我哋兩個叫咗成枱嘢食，咁豐富都係$150有找，好抵食。

今日起身睇到電視介紹牛腩麵，就好想食！上網搜尋邊間牛腩麵好食我就過咗嚟試吓！因為之前出名嗰啲我都試過想今次試吓小店.今次呢間質素確係不錯地點就冇咁就腳，我揸車來講就方便！不過就食好嘢係要捐窿捐罅先有風味.不過如果想食崩沙牛腩的話記得要早嚟，我12點嚟到已經就嚟冇晒！崩沙牛腩麵： 湯底清甜，面亦都夠爽，主角崩沙牛腩好好味。真係牛有牛味，濃郁之餘口感也很好崩沙牛腩飯：香濃嘅牛腩汁配飯唔使多講梗係想爬多幾啖，牛腩質素都係一樣正淨墨魚丸，其實一人食一碗嘅已經夠飽，不過一場嚟到，見到隔離枱墨魚丸又幾好味又試吓.爽口彈牙！值得一試整體質素高，埋單都係$140唔使！食到咁嘅質素，值得嚟試吓

好久冇去食牛腩粉，今日路過太子塘尾道，發現呢邊都有間田記魚蛋牛腩面分店。晚餐就決定食佢啦！😆首先嗌左份牛三寶河粉：三寶有牛腩，牛肚和牛筋，牛腩燜得好淋，好入味。牛肚好爽口，牛筋軟硬適中，煙煙韌韌。湯底有好香濃啲牛肉味。性價比好高，好抵食。加$8元可嗌份腐乳通菜。通菜新嫩爽口，冇有渣！還嗌左淨金牌牛腩：牛腩份量好多，疊成一層層，底層係蘿蔔。牛腩肥瘦適中，燜得好軟腍，肉香味一樣好正。蘿蔔都好淋有好濃郁嘅牛肉味。

朋友問我太子附近邊間崩砂腩好食…搵完諗住帶佢去食 等我哋去試食先😂零負皮嘅牛腩魚蛋專門店 應該唔會伏得去邊我哋叫咗牛腩魚蛋河$39 同牛腩河$33凍飲+$6 炸魚皮散叫$18魚皮係有骨魚皮，通常有骨魚皮都會特別濃味嘅，同埋佢呢度嘅魚皮浸湯係唔會聽到「沙喇沙喇」嘅魚皮收縮聲，一般脆得嚟係偏硬嘅，浸左湯都唔稔果種！但係好食！平時想食有骨魚皮都係去九龍城買/去上水食…第一次食先叫牛腩同魚蛋兩個招牌因為我冇特別喜好食崩砂腩 佢雖然貴啲$44但有蘿蔔跟，我哋叫咗魚皮驚食唔哂就另一碗要牛腩算喇！牛腩炆得好稔而且好厚身 魚蛋因為雙拼得2粒一人試咗一粒 一啲腥味都冇嘅 平時好多人買返去打邊爐 係真材實料 不過我自己平時比較鍾意食棉花糖魚蛋 呢間未至於好軟綿綿 但彈牙我又食慣林昌記白魚蛋🤣喂 下次我要再叫一碗魚蛋粉試真啲先🤣第二次同第三次去：就係要試哂先心息！今次試崩砂腩、蘿蔔、魚蛋 、魚片、片頭😆崩砂腩比牛腩炆得再稔啲 明明見網上面啲人叫崩砂腩河係有好多蘿蔔跟 但我就得兩嚿😢於是加購一碗蘿蔔清甜但有渣🙁$8 湯底依然係比較清 本人重口味只好叫佢另上一碗腩汁 魚肉真材實料軟綿彈牙 魚片頭係鍾意外皮炸左香

真心gd真是唔錯。這間位於太子附近的牛雜牛腩店,是很多女士的心水。首先佢哋嘅註明牛四寶真係集齊牛腩牛筋唔同嘅牛部位。絕對一定食得飽。最主要係無論做到色香味俱全而且侍應生服務一流。首先講牛筋佢哋嗰啲牛筋非常鬆軟入味。其實佢哋牛腩真係比起其他大酒樓更好食。再其次有嗰啲超級凍飲凍檸茶凍奶茶真係好過茶餐廳。我自己女仔都要最愛係佢哋嘅炸魚皮唔油膩。加上美味嘅油菜真係唔錯。i.love its amazing taste

諗唔到食咩好就去左食雲吞河，叫左碗魚蛋雲吞河，雲吞好大粒，咬一半都見到入面隻蝦肉，好鮮甜。河粉唔會好粉又唔會痴埋，抵讚。呢到個湯底好清，好健康，唔似D味精湯食到好口乾，想重口味D可以加佢個辣椒油，都幾辣架，可以慢慢試下先加，食落好香。另外，加左個淨鳳城水餃，水餃好大隻又足料，肉餡食落好夠味。之後都叫左個腐乳通菜，不過不失! 炸魚皮份量好多，而且好脆，想食淋D就建議浸多陣湯。呢到既性價比都幾高，又抵食又好味，大家不坊一試!

朋友住係太子附近，成日推薦呢間魚蛋粉麵俾我，今次終於來左太子附近試下，價錢好貼地，味道都有驚喜😂👉 鮮蝦雲吞🦐魚皮餃炸醬撈麵🍜($44)炸醬撈麵🍜甜甜辣辣仲帶少少🤏🏻麵豉醬味好特別😍，特別一提鮮蝦雲吞🦐同魚皮餃係分開用胡椒湯上架，夠曬貼心♥️ 蝦肉同豬肉比例適中，食到啖啖蝦肉☺️不過魚皮餃皮就偏厚身😔👉 牛三寶🐮紫菜魚蛋河粉($58)本來想試餐廳招牌的崩沙牛腩河🥢，但太受歡迎已經賣曬😢唯有試下牛三寶：牛腩、牛肚、牛筋🐮，牛腩牛筋冇渣得來又軟淋入味👍🏻，手打魚蛋🐟彈牙有鮮味👉 香脆炸魚皮🐟（$18）餐廳手打魚蛋的深海魚門鱔皮仲會將炸成魚皮，口感同坊間食薄身的魚皮好唔同，除左鮮味D，魚皮亦厚D油脂豐富D架🤤👉 蠔油芥蘭🥬（$15）最後一份的芥蘭，味道正正常常😂

太子近深水埗呢個位置比較多舊式食店今日叫左牛三寶河加魚蛋牛腩夠淋夠香牛腩嘅脂肪分佈大約係八二比例所以食完唔會太油膩太有罪惡感😂牛筋好正夠淋夠香夠膠就係食完嗰種黐嘴唇嘅feel正正正👍🏻👍🏻👍🏻湯底就未到好濃腩汁味但都好香我就點都會落辣椒油嘅有冇人都係一樣？另外加左碟菜芯全走菜都算嫩滑最後唔少得一定係可樂咁先夠爽另外夏天真係要坐入面始終三十幾度太多人出出入入近門口食熱湯粉麵真係好熱好在有罐可樂頂住🤤🤤🤤🤤🤤

牛三寶河粉(牛腩、牛肚、牛筋) [$43]呢度嘅粉面全部性價比都十分高!三個餸都只不過係43蚊咋!首先上菜十分快而且賣相都好吸引😋河粉完全沒有油膩感而且爽口唔易斷,牛筋好軟滑而牛肚就十分爽口😍牛腩半肥半瘦層次十分豐富.十分值得一試!平平地食到個餐但係又唔會虧待自己嘅味蕾😝鮮蝦雲吞拼牛腩河粉 [$39]雲吞無論肉定蝦都十分足料,蝦食落去好新鮮及帶有點點的海鮮味,雲吞皮又薄又嫩👍🏻另外值得一提嘅係個湯底飲落清甜,而且牛腩十分濃郁,令你食慾大增而且好有衝動將d湯都飲埋呀😆