生昌潮州海鮮酒家

營業中

休息中

其實呢檔好野食左好多年囉,但都主要是和家人吃,因為姨媽姑爹都住在大圍,睇住佢一日爆過一日亦有其原因既!今次帶班朋友入來食,因為佢地住得遠(港島人)入到來顯徑要轉幾次車,又確實煩左少少,不過佢地都認為是好味的,無介紹錯1. 雞煲翅~一梳梳夠足料,六個人每人都有成兩碗半湯,仲有一梳大翅,湯底用上大量豬手,半隻雞去燉,湯成奶白色,個個讚一流.其實我以前同家人,四條人叫一煲翅加碟炒菜就一餐了,淨湯料d豬手同半隻雞都夠食了,哈哈2.盬焗鳥頭~傳統的潮菜魚飯,夠大條,入面黃油充足,一d都唔係覺得魚肉"鞋"口,永遠都要高速被各人消化的菜式3.滷水拼盆~係一款超齊的拼盆,豬耳,滷肉,鵝件,紅腸,生腸,鵝腸,豬大腸,豆腐,蛋,墨魚;大豆芽和花生墊底,真係食唔晒,其實可唔可以設計一個少份量d,因為呢個已經叫係"細"的,仲有個大的,我都唔敢大有多大了4.蠔仔粥~肉碎和蠔仔比例好好,加上香芹的清香,配上該店招牌的翅湯底,正! 不過我在今餐唔應該咁叫法,因為有雞煲翅的湯在先,搞到大家一肚水,食唔晒d野!5.石蛤~其中一位朋友是潮州妹,一來到就要叫,佢不斷解釋即係日本人所叫的赤貝,不過大家睇到好似血淋淋的,唔敢食

2009年10月1日國慶當然要出街食飯啦,去市區怕多人,不如去大圍,一行四人六時已到達生昌,室內枱還未滿座,點了: 鹽焗元朗烏頭 - $78, 真的不錯, 有黃油有肉汁, 四人不到十分鐘已清碟. 潮州煎蠔餅 - $53, 真係好大碟, 都ok. 豉椒炒蟶子 - $68, 又係好大碟, 新鮮, 不過有幾隻有少許沙. 潮式煮大魚頭 - $88, 原個魚頭切兩邊, 不是坊間切成一件件煮, 用豬面青同煮, 加了些芹菜, 蒜子, 很好味. 咸檸檬七喜 - $12, 要了兩杯, 很好味, 解喝.不收茶芥錢, 不用加一, 明碼實價,夠老實.埋單: $300

住沙田甘耐都未試過呢間頗有名既潮州店，今晚食完有點失望 …豉汁炒蟶子 ($68)：唔夠野味，唔知係咪遲左上枱，只係微暖。蠔仔粥 (一窩 $78)：鮮味，如果 “傑” 些 “棉” 些會更正。鹵水大拼盤 (例 $168)：咸味重，有一半係腸類配菜，太多腸了！潮州煎蠔餅 (例 $53)：香口，蠔仔鮮味，我地好快食晒。潮州糖醋麵 (例 $48)：好油膩又甜，雖然點左醋來食，但真係一件起兩件止。鹽焗元朗烏頭 ($78)：烏頭肉質有些 “鞋”，唔夠鮮美。腐乳炒通菜 ($38)：普通一碟菜。蒜茸蒸扇貝 ($68)：好味，扇貝鮮味，有好多蒜茸，正！今晚我地坐二樓，個侍應姐姐由頭黑面到尾，雖然黎呢度食野無唸過要有服務，但都唔係要受阿姐氣啊！

總會有人說,你我他也吃到的味道,值得拉大隊去吃嗎?始終每個群組的飯局風格不盡同,無錯,跟著劉某人去吃,可以品嘗到一些其他人未必吃到的菜式.但是價錢方面不算親民,三百幾銀吃個越南菜,非人人可負擔得來.而且並非次次也吃得滿意."為食入新界"群組的忠旨,基本上與窮鬼飯局的意念一樣,希望大家用比較便宜的價錢,來換取最大滿足,但飯局地點一定就會在新界.八月份的新界局,在大圍下徑口村,生昌潮洲海鮮酒家進行.是次終於走出風暴的陰影,在無風無雨之天氣下順利進行.是夜飯局搞手陳真兄一早安排好,雖然他工作繁忙,經常超時工作,但也抽空來安排飯局,令到大家可以聚首一堂大吃大喝,在此先行道謝.此菜館有個規矩,要點套餐才能訂位,我們人多,成差不多三十人,不能不提早訂位.你說吃套餐一定是沒有好東西吃?非也.但為保險之計,額外點多幾味菜式.兩圍人馬,被安排上村屋的二樓一角,環境比較逼,但大家也是"為吃而來",坐得親密一點也沒有所謂.搞手正在趕路途中,我們好不客氣地,先吃一碟豬紅,這個是另叫的.韭菜豬紅惹味,如果豬紅更滑一點會更好.元朗一向盛產烏頭,生昌的鹽燒元朗烏頭,打開魚皮,見到黃油正在流出,令人食指大動,鹽燒的烏

見到食評好,晚上和家人食飯,叫了豪仔粥,大量味精,豪仔幾大粒: 糖醋麵$48,炸麵餅+沙糖+紅醋窩雞燉魚翅$288,大量佛手味粉,半只冰雞被味精湯浸住,硬 !食完這一餐,晚上要飲用幾罐coke

舊同事推介，一於試試，驚冇位，於是先致電留座，後來看到食評說：留座的規定要吃套餐。心諗：o賴嘢！ 訂枱嗰時，個姐姐冇講喎？ 跟著立即再致電問清楚，原來平時唔駛 o既，只係假期先有此規定啫！好彩！它位於大圍差館對面村屋的地下，一連數間，有停車位，如果沒有私家車，也可在大圍火車站轉乘的士前往，$18不用跳錶。當然，如果你熟頭熟路的話，步行亦可，約10至15分鐘左右。沒有什麼美侖美奐的裝修，很平實，伙記大姐大哥們沒有大餐廳過於虛偽的招待，但亦很禮貌和熱誠。但如果你要吃裝修及服務的話，這裏不大適合你了。我們一行七人，一口氣點咗 13 道菜，分別係：1. 鹽焗烏頭（充滿黃油，超甘香，必食之選！）2. 韮菜豬紅（一般水準。）3. 豬油渣炒芥蘭（豬油渣香，芥蘭爽脆，不俗。）4. 炸花枝蟹棗（熱辣辣上桌，沒有過份彈牙，即真材實料無添加，只有花枝本身該有的彈性，加入蟹肉後更甘香，一般的炸花枝丸及炸蝦丸跟本不能比擬，不可不吃！）5. 煎蠔餅（份量大，很足的芫茜香味，但炸粉太厚，可以不吃！）6. 豉油皇吊筒仔（吊筒仔很新鮮，灼得一點也不老，要整隻連墨汁一起吃，更覺香口，食後滿口黑牙，

揸住架車四圍去搵食, 兜兜吓去到顯徑一帶村屋, 有好多間大排檔, 好不熱鬧去到生昌潮洲海鮮酒家門口, 見有得免費泊車, 就擺好架車入去食坐在露天的座位, 好處係可以食煙, 對我這個煙民來說是十分合適的 加上有電視睇, 這個環境啱哂好食飯!食物主要係潮州的打冷為主, 叫左煎蠔餅, 魚翅湯咸菜浸九肚魚, 花蟹三隻只賣一百, 於是就要一碟, 一碟鹵鵝, 兩碗白粥, 同太太兩人撐撐枱腳但食物普遍有個特點..... 勁多油 蠔餅多油, 雖然好大碟, 但多油得嚟仲幾燶魚翅湯咸菜浸九肚魚, 味道本來係幾好的, 但面頭有層好厚的油..花蟹無油 (如果有油真係唔知點算), 味道ok, 一百蚊三隻幾抵食, 仲有一碟浙醋點, 終於可以有無咁油的食物食吓鹵鵝其實都幾好味, 但又係唔知點解超級多油, 喂 呢度唔係油站呀如果唔係樣樣都多油, 呢餐都唔錯, 例如鹵水的味都ok, 但, 食到一半已經滯哂, 好失望

朋友有车，地方不容易找，但食物真的不错！朋友没有介绍错。这家店有parking，很方便有车人士。可以选择坐在外面，但天气太热了，我们选了坐里面。地方简单，空间还算是宽阔，有电视。三个人很多东西都想吃，想了半天之后就叫了：窩雞燉翅：挺大锅的，有半只鸡，猪骨，料很足，翅也很多，还有响螺肉，味道一般啦，可以不试。滷水鵝：肉不多，鹅太肥了，味道却一般，可以不试。糖醋麵：好食！麵好脆，甜味刚好，加上醋的酸味，一绝，一定要试！蠔仔餅：蚝很多但蛋太厚，酱油不够，味道也是一般，可以不食。蠔仔粥：不错，料很多，很多蚝仔，也有猪肉， 米的分量刚好，够三到四个人吃，味道不错，可以一试。猪油渣炒芥蘭：好食！味道很特别，猪油渣很好吃，芥蘭很新鲜，这样配合很好，一定要试！冰鎮菠蘿：用一块大大的冰放在菠蘿的旁边，很新鲜，可以一试。三个人叫得多了一点菜，吃得太饱，也吃不完。 =P

今晚同老爺食飯, 他家住附近, 於是就在這裡吧, 訂枱必需選套餐, 寧願早少少六點去到! 大熱天時梗坐室內啦, 地方絕對不企理, 要吃風味菜就要忍忍了!我們首先叫了前菜 : 鹹酸菜 + 菜脯 ($5@), 鹹酸菜帶酸甜味, 開胃可口, 菜脯帶點硬, 帶點辛辣!野生爬山雞, $68/半隻, 其實係咪走地雞呢? 雞本身不肥, 肉就不會太腍滑, 但也有雞味, 只是見仁見智, 要吃得健康, 就要接受吧!清蒸海什魚, $98/4小尾, 有桂花…其他不肯定了, 細細條, 很滑, 不是啖啖肉, 仲有條魚無打鱗, 兼且蒸魚豉油沒有鮮味, 不能跟幾百蚊既魚比較, 但普通蒸魚也不合格, 早知 Encore 烏頭啦!白灼菜心, $38, 好大好大碟, 要求灼久一點, 腍一點, 果然做到, 沒有流浮山出品既農田菜咁甜, 但質感已夠分!西芹炒帶子, $78, 又係大大碟, 西芹及帶子炒得幾油, 個人不太喜愛西芹, 印象麻麻, 帶子卻吃得到鮮味, 但質感又不太像, 有點混亂!白飯兩碗, unknown, 硬硬的!當店內坐滿客人後, 火爐油煙開始重, 冷氣開始不夠了, 面開始泛紅, 起面油, 然後是…等位客人開始板

作為潮州菜，「生昌」所標謗的是農家風味，相對於懷舊古法，烹調風格來得樸實，主要賣點是用料新鮮和就地取材。由於店家規定訂檯就要點其套餐，今次訂了兩圍之下，另加數樣東西，人數也由廿六人加到三十人餘人，到最後還是有餘的局面，總算吃得不亦樂乎。先來一點餐前小吃，酸菜花生勝在開胃，韭菜豬紅的醬汁也很惹味，可惜其豬紅口感較實，欠了二分爽滑，坊間已多用上鴨血代替豬血，因而找不到好來貨?! 原以為當晚會有數枝酒，計上自家帶來的白葡萄酒外，就只有攪手的一枝SHIRAZ，用來配菜的效果也不俗。 主吃上場，先來一點潮州的「魚飯」作打頭陣，有別於坊間造法，烹調上也加了一點變化，少許微溫，另有一番風味。取貨自元朗漁場的優質烏頭，沒有討厭的草味，剖開之下，滿肚也是黃油，採用鹽焗之法，肉質結實而略帶鹹香，難怪成為這裡的招牌貨。自來凍蟹也是貴價貨，這裡改為三隻手掌般的大少，雖和大紅蟹的品質有一段距離，肉質仍不失爽甜，幸運的話，還會吃得著黃膏。第一次吃的鹽燒墨魚，竟然是一道不錯的貨色，爽口而鮮味，伴上碟上的鮮墨汁伴吃，味道上更添多一分層次。每桌來了兩窩雞燉翅，看上去翅針不少，內有半隻雞、金華火腿外，底下還墊有大量豬手，

唔經唔覺, 呢餐已經係為食入新界既第5個event, 地點, 就選擇在大圍的生昌. 今次沒風沒雨, 一行32人. 潮食一番.我雖是搞手, 但因工作關係, 都遲了少少到. 餐前的豬紅及另一碟美食就沒有品嚐了. 而一開始便有三隻凍蟹. 不過, 本人懶, 而且亦有特別原因, 今次連醉煎蝦都沒有食.第一道, 是套餐以外的, 生昌的得意之作, 鹽燒元朗烏頭. 把皮一撕開, 甜美的魚肉, 夾出來, 在魚身底下, 滲出了黃油. 點不點豆醬都好食. 而且, (我沒留意到), 原來每條魚都有個牌子tag, 寫明是元朗某某魚場出品...Made in Hong Kong 冇花冇假.另外, 又是加食的吊筒, 基本上, 我們加食的東西全部先上, 吊筒少有的大隻, 咬落去, 仲墨汁滿口. 潮食的凍吊筒介非常爽甜. 再來是沙爹牛炒菜. 沙爹味道夠哂濃郁. 後來才從一位街坊朋友口中得知, 這裡的沙牛河, 是一流的水準.上菜次序亂了.食了幾道加餸之後, 套餐才開始出來,但先來的是翅, 濃湯響螺雞煲翅, 這個套餐包兩煲. 不過, 論精論美, 當然是樂口福的一流. 這個翅, 翅就比較少咬口, 但整個湯, 因為那雞, 那豬

跟多月不見的老友一是不見，一會面就是連續兩星期，而且吃飯的地方全是以吃潮菜為主的，都不可謂不巧妙了....這所街坊式潮菜館就正正開在另一老友記的家樓下，不過吃過的次數就只一次半次(依稀記得上次來是主力吃凍蟹的，但應是好久之前的事)，地點隔涉可能是最重要的原因之一吧。不過論食物水準，這裡卻可是比外面的名店不遑多讓....三號風球的掛起依然阻擋不了我倆來的決心。差不多到了吃晚飯的時間，可能是平日及打風的干係，店裡頭位置仍有。不過到了我們吃至中段時，卻已差不多全場滿座了，"真快手".看來現在有決心的人可是不少....來這裡的其一目的，便是一嘗那條來自指定元朗養殖漁場的正宗烏頭。店方用了鹽焗手法處理，令魚味更濃更鮮。光是看到那魚身泛着金黃的油份，便知是如何的肥美了魚肉質地蠻結實，而且泥味盡除，實是一等的烏頭貨色醮着些普寧豆醬吃啊吃，轉眼已跟老友兩人合力將之只吃剩一副骨頭了....不過遺憾的是，找來找去也看不到身上的魚扣，要扣點分了....聽說這兒蠔仔粥的粥底是用上翅湯的。老實說吃來又不覺是十分的特別，鮮甜度倒是頗足的，所以是翅湯與否，也不用太介懷吧蠔仔論肥美就有點及不上小弟認為最好的上環陳勤記

每一次到大圍都是因為踩單車...通常一租完單車就開始踩到沙田...所以沒有印象在大圍吃過什麼東西...只是沒想到原來大圍有不少美食...在莫拉菲走掉了...所有風球都除下的週日...來到只有聽過而沒有去過的顯俓邨尋找美食...(其實我之前根本不知這條邨在那裡...) 邨前的大街有不少食店...三心兩意之下走到幾乎走到邨的盡頭...看到一家人頭湧湧...燈火通明的潮州菜館...友人深信...如此多人光顧的食店...難吃極也有個譜的...所以我們就膽粗粗撞進去了...這裡有室外和室內的位置...外面大多數都是中大檯...而且我還看到有人帶狗來吃晚飯呢...在等位置的時候看到每一碟菜都大大碟的...卥水併盤好像十分吸引...大大鍋的蠔仔粥等等...還未坐下已經急不及待想定到底要吃些什麼了...~兩個人吃不了太多...牛刀小試...叫了一碗翅湯蠔仔粥...沙茶韮菜豬紅...還有炒蟶子...~蠔仔粥和韮菜豬紅轉眼就上場...翅湯蠔仔粥非常美味...蠔仔粥的精髓在於湯底...店家雖說是翅湯...可是我和友人都喝不出翅味...只是湯底很鮮甜...米煲得粒粒分明而且軟熟....有大量蠔仔,肉碎和方魚.

父親節到了，本來冇安排什麼特定節目的，媽媽卻心血來潮就決定去食父親大人最愛的潮州菜。聽說田心村生昌又平又幾好食，不如去試試吧。父親節一定好多人，所以就六點就去到，當時天都未黑就已經爆晒，入到去先知如快餐店般要自己搵位的，所以難免食緊的時候會有人一直睥住你，而等緊既人又要同時避開繁忙既「交通」，其實都係一門藝術。家中每人分工合作，分散到唔同既枱度等。可能父親節的關係，爸爸大發神威唔知點解好快咁就搵到張枱，仲要係室內的-_-。坐底無幾耐就叫得野了，但係著住超級老土鮮艷花裇衫（但勝在夠晒搶眼）的伙計門太忙的關係，好耐先得閒招呼我地。一口氣叫左六個餸...伙計冇停我地不特止仲話我地冇菜，叫我地加多個...問下佢佢先話D餸都會好大碟。六個都多啦，四個人七個餸，咁都得？冇理佢，落住先。頭四個餸砰砰聲好快咁來晒。花枝蟹棗︰墨魚味好香，未算係好彈牙，但小弟覺得啱啱好。蟹肉味反而唔係好出，但煎得唔油，又香墨魚味，點埋個辣醬已心滿意足。蠔仔粥︰蠔仔粥係依度的名物，當然要叫來試試。來到既時候真係嚇左一跳，大到可以夠八個人食，但伙計又冇同我地講可以叫細碗D...。蠔仔粥除左賣相核突之外，真係冇野可以再彈。足料

與友人提起，原來他也喜歡到生昌吃飯，於是再到該地了。諗起上黎都幾大食下，因為兩個人叫左四樣野: 蠔仔粥: 小妹食開蠔餅，但友人說蠔仔粥都好好食。嘩﹗原來佢真係好足料.. 蠔仔雖然係細細粒，但好多，基本上係可以食到啖啖蠔。除左蠔的鮮味，肉碎亦能調味，再加上少少胡椒粉，好正﹗(一碗已足夠兩個人食的了) 椒絲腐乳通菜: 有鍋氣，火喉唔錯，只不過每餐都希望有點菜吧﹗佢都幾大碟下，但唔知點解，食到味既時候唔夠味。 盬燒烏頭: 幾時都係咁鍾意呢道菜。佢基本上係每日都整定 N 咁多條烏頭，難怪既，因為真係好多人叫﹗鹽燒既味道滲入了魚肉中，唔會蓋過烏頭魚本身的鮮味...同時亦都去埋佢本身既泥味﹗ 再點埋大豆醬，真係別有一番風味。 豆椒炒蟶子: 又係好大碟，今次個殼比上次的細了?! 不過唔緊要，蟶子肉的 SIZE 沒變便行了 ~~ 好新鮮，只不過係間唔中有 D 沙，略為美中不足。豉椒汁好惹味，但洋蔥炒得太生了，可以炒耐少少會好 D 。總括黎講，真係幾好食，會再幫襯。