甜記餃子

營業中

休息中

過海黎買花🌷，特登搵一間食餃子嘅舖頭，見到呢間設計咁就特色嘅舖頭，所以就入嚟試吓，雖然地方不算闊落，但乾淨👍🏻👍🏻坐低自己掃QR code落單，非常方便👍🏻食餃子，梗係要有醋啦，最抵讚嘅係呢間菜脯夠大粒，又夠香辣，送餃子，同埋配上麵食，非常好味😊😋我叫咗（10隻）煎餃子香葉豆角豬肉餃雖然好耐冇食豆角，但配上餃子食，我麻麻哋，我覺得都係配菜食嘅餃子比較好味😋好在穩陣起見我叫咗碗麵，配上菜心豬肉餃（5隻），皮唔會太厚， 料好多👍🏻配上凍嘅洛神花茶，開胃，涼爽🤪呢間我已經mark低咗，一定要encore 🥰🥰

一向好中意食餃子🥟因為可以好多口味 又可以同一時間食好多款🥟🥟🥟🥟openrice見到呢間裝修好靚而且有朋友介紹甜記好食就過嚟試下一見到餐牌，有十款餃子😱仲可以揀湯上🍲或者煎餃🍳內心已經非常泛濫🌊湯底都有兩款 雞湯 同 蕃茄薯仔湯結果揀咗湯：泰式豆角豬肉（雞湯）、西洋菜豬肉（雞湯）、南瓜忌廉雞肉（茄湯）、洋蔥薯仔牛肉（茄湯）、椰菜冬菇雲耳豬肉（雞湯）煎：粟米芝士雞肉🧀🐓另外仲要咗小食 麻辣青瓜牛𦟌絲😍餃子不論湯定煎，都係皮薄，而且餃子餡係小肥肉，食完唔會太膩太濟。無諗過薄皮煎出嚟更加香，十分推介👍🏼👍🏼加上裝修好日系，感覺好舒服，難怪一路食一路有人排隊！😋😋😋大推甜記餃子

長沙灣多咗好多新小店，走文青路線雖然舖頭細細，但裝潢特別、別樹一格Lunch time嚟甜記永遠都要排隊除咗因為座位小，最主要都係因為餃子好味😋餃子可以揀湯或者煎，8隻$40，10隻$44湯底可以揀雞湯或者蕃茄餃子味道超級多！朋友試咗椰菜花豬肉同洋蔥牛肉洋蔥一啲都無草青味同牛肉嘅味道夾埋一齊好fresh自己就揀咗粟米芝士雞肉同芫荽豬肉味芫荽味略嫌唔夠濃，好似普通菜餃咁粟米芝士雞肉超驚喜🤩粟米好甜但係有少少芝士嘅奶香氣連啲雞肉都好嫩，真係想食多幾舊！每張枱上面都有醋同辣菜蒲去點綴餃子🥟辣菜蒲真係好辣🤣啲味一直係口腔唔散不過好香，同餃子係絕配呀

由佢啱啱喺長沙灣第一店已經開始食餃子真係世一今日放假諗住去太子新店試吓，六點未夠到埗，店內大概少過10個客人。搵咗中間張長枱坐，行緊過去已經見到地板幾灘水，我最後都係比冷氣機水兜頭滴左一大滴😫收銀店員望住我見到成個過程，佢一啲反應都冇！呢下真係想講粗口🤬諗住算啦自己黑仔，叫嘢食去得餃子舖一定會攞佢個菜甫嚟食，佢個菜譜不嬲都係偏辣🌶食得辣嘅人應該會好鍾意點知食食吓發覺有好幾粒都係「叔」味😫個器皿亦都係關唔埋，擺條篤檸檬長鐵匙羹🥄真係一個乞嗤乜菌都飛入去希望佢哋老闆見到督促下啲店員成班都烏眉瞌睡咁，一係就老闆刻薄員工，攪到佢哋按章工作🙃

今日喺太子搵嘢食， 見到有好多人都推介呢間甜記餃子， 太子實在太多餃子店， D人話佢係最好食，所以我都試下😂😂老實講間嘢門面唔起眼， 可能係啡色灰色比較暗沉， 經過幾次多留意唔到🤭去前做足功課！叫咗粟米芝士雞肉餃同埋京蔥羊肉餃~粟米芝士雞肉餃我覺得未算出色， 芝士唔多， 唔算有太濃厚嘅芝士味， 芝士餃子我覺得豐信好食啲🤣 不過配雞肉都比較特別😏京蔥羊肉餃真係幾香羊肉味🤗 都算幾惹味，可以再encore ~~整體嘅餃子都算大粒，不過啲皮就有少少煮爛咗，但款式多，比較特別，可以一試🤗🤗🤗#餃 #餃子 #太子美食 #太子餃子店 #京蔥羊肉餃 #粟米芝士雞肉餃 #正 #食好d食平d #食好西 #食好d #食 #yum #yummy #黃怪獸 #黃怪獸覓食 #cafe

《木系文青打卡餃子店》米樂餃子癮發作加上留意到 甜記餃子🥟 係太子開左新分店可能新店無咩人知 假日去到竟然唔使排隊😂簡單木系設計 文青打卡📸仲有門口有位比人食野添 好有cafe feel✨粟米芝士雞肉餃 （煎）米樂最鐘意呢個煎餃 粟米嘅爽甜 同芝士比例岩岩好 而且煎得好香口 ☺️京蔥羊肉餃 （煎）羊肉味唔係好出京蔥好多 蓋過羊肉味不過不失西洋菜豬肉餃 （湯）呢個湯餃都好正 好足料 西洋菜夠新鮮 爽口😆南瓜忌廉雞肉餃 （湯）南瓜同雞肉絞碎左 少咗啲口感忌廉有啲多 食幾隻就開始有啲漏🙊湯餃湯底可以選 雞湯 或 番茄薯仔湯米樂選擇左 番茄薯仔湯 清清地冇咩味精 總結打卡 環境一流 餃子水準幾好 又唔係特別貴湯餃定係煎餃都可以雙拼甜記餃子 (太子)太子砵蘭街450-454號HQ大廈地下C-D號舖..#mailokeat #mailokeat太子

附近做完嘢搵到間靚靚餐廳文清風格 門口位置有打卡位今次分別試咗佢哋嘅牛展雞湯台灣麵&餃子雞湯米粉味道比較清淡如果鍾意濃味道嘅朋友仔可以加佢哋嘅菜脯辣到適中 加咗蝦米鮮提升🦐👍🏻建議加落麵同餃子入面一齊食令成個味道升華除咗太子之外 佢哋喺旺角同埋長沙灣都有分店 下次要去試埋其他嘢食先～～不過有個地方要特別值得留意就係佢嘅門口嗰度按鈕躺門如果小朋友入去要小心因為道門好快自動閂埋 見到好多人入去都俾佢夾親😣

餃子包得剛剛好，唔實唔散，真係幾好食蕃茄湯底好味，菜脯好夠麻辣😋😋😋😋可以俾細狗狗🐶🐶入，環境好cafe嘅感覺，乾淨整潔整體來講，cp值高！值得食！💛

呢日陪朋友去太子買嘢，俾一間日系簡約風格門面嘅街舖吸引咗，望一望，原來係間餃子店，二話不說，即刻入去試試～Menu嘅餃子選擇都幾豐富，有12款，另外仲有麵餐同小食原本想試啲比較少見嘅餃子款式：菜芯豬肉餃、洋蔥薯仔牛肉餃、京蔥羊肉餃…… 只不過係六點幾咋喎，已經售罄 🤷🏻‍♀️結果Order 咗5隻菠菜豬肉湯餃+5隻西洋菜豬肉湯餃 、5隻粟米芝士雞肉煎餃+5隻韭菜豬肉煎餃. 另外再加多款小食🔸湯餃湯底選擇有雞湯或者蕃茄薯仔湯我哋揀咗後者蕃茄薯仔味同菠菜豬肉餃&西洋菜豬肉餃都幾夾個湯好有住家湯嘅風味，唔覺有落味精餃皮薄滑，餡料調味清淡兩款湯餃都好味，不過個人更鍾意西洋菜豬肉餃，因為西洋菜菜味濃郁，同埋西洋菜比菠菜更有口感🔸煎餃Menu 話煎餃需時20分鐘，有哂心理準備要等耐少少，不過食住小食同湯餃嚟等，轉眼就有得食喇～餃子煎得金黃香脆，內裡又保留肉汁韭菜豬肉不嬲都係鍾意濃味嘅朋友嘅首選，夠哂香口個人覺得少見啲嘅粟米芝士雞肉煎餃更出色、更有驚喜！餡料嘅組合有嚟自粟米嘅甜、芝士嘅鹹同雞嘅肉味，出嚟嘅效果係1+1+1 > 3 呢！🔸滷水牛𦟌牛𦟌下面有幾條菜心，補充下今日蔬菜嘅攝取量🤣牛𦟌軟

這間裝修簡潔乾淨，貌似文青咖啡店的餐廳原來是一間餃子店。一改舊式餃子店的佈置，檯同座位間隔闊落，唔怕坐得好迫。📍雙拼煎餃餃子煎到外層金黃脆卜卜，裏面仍然保持多汁飽滿。餃子皮唔厚，咬開已見到滿滿的韭菜豬肉餡，韭菜味唔算好重，對我來說岩岩好。📍粟米芝士雞肉餃湯麵揀左感覺健康的蕃茄薯仔湯，是家常靚湯的味道，清清地幾岩配餃子食。粟米芝士餃既芝士味濃郁，好足料見到有粒粒完整粟米，而台灣麵也是我喜歡的那種結實有口感的麵質。麵餐加4元可配一杯酸酸甜甜的洛神花茶，消暑開胃。📍醉雞餐廳除了賣餃子外，還有多款小食提供。我們點了一份醉雞試試，雞件肉質滑溜，酒味淡淡地唔算話好濃，涼菜好岩夏天食。餃子味道唔錯，價錢經濟實惠，會再來光顧啊！

煎餃麵餐（5隻餃子）煎餃可選 2口味（10隻）湯餃可選 2口味（10隻）餃子好大隻，一家四口中午食夠晒飽。有試到湯餃及煎餃個人覺得煎餃好食d😋外脆內多汁推介 👍🏼 粟米芝士雞肉餃兩個細路都好鐘意食芝士溶晒喺入面唔駛落醋好好食！韭黃雞肉餃 & 西洋菜豬肉餃 合格南瓜忌廉雞肉餃 就一般般當日京蔥羊肉售罄，下次要試吓湯餃：粟米芝士雞肉餃 4.5分南瓜忌廉雞肉餃 4分煎餃：粟米芝士雞肉餃 5分韭黃雞肉餃 4.5分西洋菜豬肉餃 4分

在繁忙的街頭很難會略過這家店本來以為是咖啡文青店　想不到是餃子店太子區本身就有很多餃子店　很多都是小店文青的店面　無印的感覺木色系的裝潢　好像去了台灣裡面很寬鬆　空間感很大店員都偏比較年輕的麻辣口水雞蒜蓉味挺重 麻辣味沒有太融入雞內雞肉挺鮮嫩 不會嚐到乾柴口感雞肉本身有腌制過 不會說一點味道也沒有菜芯豬肉餃在其他餃子店比較少看到這款餃菜芯和豬肉配合下菜芯味的內餡很甜　很鮮甜的菜味不會說把其他的味道搶走他們兩者配合的很好　韭菜豬肉餃基本款的餃子口味　只要韭菜夠新鮮就能很好吃韭菜味很香　帶有點辛香感皮薄嫩滑　把韭菜的顏色赤裸的透出店裡很有我平時看的台灣文青餃子店會吸引更多的年輕人去嚐　去推薦

這件餃子店在長沙灣的時候人頭湧湧，最近在太子開了分店，新店的裝潢和本店截然不同，有種日式的恬靜，加上有很多座位，有足夠的空間感。🔹椰菜冬菇雲耳豬肉餃 菠菜豬肉餃 $42湯底我們選擇蕃茄薯仔湯，不過味道上覺得還好，蕃茄湯比較似蕃茄水，幸好餃子自身味道已經很足，前者有爽口感覺，豬肉醃得咸淡適中，咬開還會爆出肉汁！不過說到深刻的話就是菠菜豬肉餃，裡面滿滿綿綿的菠菜中有豐富肉汁的豬肉，就算湯底普通，餃子都很美味😋🔹粟米芝士雞肉餃 南瓜忌廉雞肉餃 $46很多人都說芝士雞肉餃很好吃，所以我們叫了這個煎餃，還有我最愛的南瓜餃，其實這兩款都是幾危險的選擇，因為伏的時候真的可以很伏😂煎餃需要等一段時間，上桌的時侯可以看到它被煎到金黃色，脆口度不算很高，不過裡面的芝士做到嘅剛好溶化的狀態，和雞肉混在一起，加上甜甜粟米粒，味道比較複雜，反而南瓜忌廉充滿驚喜，一開始以為會很heavy，但吃下去發現味道相當柔和，微微的鹹味和有咬口的雞肉，整體恰到好處，唯獨我自己喜歡傳統有冰花的煎餃🤭

這間餃子店，一路都好想去食，可是幾次想去長沙灣總店食都係遇著佢星期六休息。我唯有轉目的地，去佢哋太子新開的分店。估唔到太子分店以淺灰水泥x木系簡約風設計，不看餐牌一定會以為係日式咖啡店😂煎餃 (HK$50/10隻)．我揀咗2款餃子口味 — 洋蔥薯仔牛肉餃 & 南瓜忌廉雞肉餃．等咗10分鐘左右就食得啦，整體真係皮薄、脆口、爆汁多餡．洋蔥薯仔牛肉餃 — 呢個煎得好香脆，牛肉比較淺色 (可能是半肥瘦牛肉吧)，多薯仔粒，洋蔥粒好甜呀．南瓜忌廉雞肉餃 — 呢款嗰餃子皮好似不一様，煎得比較軟身啲，好軟滑的南瓜忌廉，雞肉也好滑呀醉雞 (HK$50)．好有份量的一份醉雞，多件雞髀肉😍．酒香，不過食落個酒味不太濃，可以食到雞的鮮甜原味道．我覺得雞肉比較結實、多骨一啲

Geo條👅評分：⭐️⭐️⭐️⭐️⭐️(5⭐️最高）香芹芫荽豬肉餃子湯麵 $44+ 豆腐1枝 $6甜記嘅餃子真心世一，見喺太子開咗新舖即刻入去食😂新舖裝修好闊落，好舒服，有文青feel 😛 叫咗芫荽餃子湯麵，番茄薯仔🍅🥔湯底🤤呢個湯底真係冇得輸，好香甜嘅番茄薯仔湯，真係可以湯咁飲晒🎂芫荽餃子喺旺角舖成日賣晒，今次可以食到喇😛淡淡芫荽味配上啖啖肉嘅豬肉，仲有餃子絕對唔細粒，一啖咬落去滿足晒！再加上個麵真係飽到上心口😂大家一定要配麻個辣蘿蔔配菜食，好爽口加上個辣味，會上癮！唔知有冇得買呢😂🤣