甜記餃子

營業中

休息中

╹ 甜記餃子 - 長沙灣 太子 旺角 Cheung Sha Wan Prince Edward Mong Kok ╹#tori旺角 #tori太子 #tori長沙灣ʅ🥟甜記餃子應該冇人唔識 其實自己都食過幾次😆今次去咗太子分店 裝修好新穎 走簡約木系風格 係幾好坐！但個人就覺得長沙灣店最好食😆ʅ🥟🥬雙拼湯餃 （椰菜冬菇雲耳豬肉、西洋菜豬肉） ($44) (7/10分)️餡料超多 味道適中唔會過鹹～配上淡淡嘅清湯仲可以突出餡料嘅鮮香😗🥟🌽雙拼煎餃 （粟米芝士雞肉、韭菜豬肉） ($48) (7/10分)外皮好薄 煎得好香脆 睇落脹卜卜好飽滿😋好耐之前食粟米芝士餃會爆芝🥹但係今次就冇🥺（p.s. 佢哋嘅辣菜脯好夠辣好開胃！鍾意食辣嘅一定要試吓😋）ʅvewdie回頭率：🐽🐽🐽🐽(4/5)ʅ📍甜記餃子長沙灣昌華街23號富華廣場19號地舖旺角通菜街2Q-2Z號鴻輝大廈地下2號舖太子砵蘭街450-454號HQ大廈地下C-D號舖ʅ#hkig #hkiger #hkigshop #hkigfood #hkfoodie #hkfood #hkfoodblogger #hkgirl #hkcafe #hkig

這小店位於太子，總店位於長沙灣。小店的門面是以黑色為主調，很容易認， 內部以木質素材作裝修和家俬，帶一點日系風格，加上枱與枱之間的距離大，給人一總舒服的感覺。 可惜我要趕返工，今次不能坐下來好好享受。傳統餸子是來自北方的，皮會比較厚。 這間的餃子為了迎合南方人口味和追求健康減少減少澱粉質，所以水餃皮做得幾薄，令到口感頗佳。雖然皮薄，但水餃皮不會容易爛開，做得幾好。南瓜忌廉雞肉湯餃---是同事所推介。有很香濃的南瓜味， 不過我就感受不到忌廉味，至於碎雞肉都幾好味，抵讚。京蔥羊肉湯餃---其實味道都ok的，不過羊肉味唔夠濃。 可能改叫煎餃，會更為好食。 不過一個餐只能選擇煎餃 或 湯餃 其中一種。Anyway, 整體都算唔錯，應該會有下次的惠顧。

之前堂食完一次，就間唔中都掛住佢哋的餃子😀😀因為真係幾好味😀😀個人最鍾意食西洋菜餃。。今次都試左佢ge 蕃茄湯底。。都唔錯😀🍅🍅👍🏻.椰菜雲耳冬菇豬肉餃+粟米芝士雞肉餃 $46蕃茄湯底🍅👍🏻好味度：⭐️⭐️⭐️⭐️個人覺得蕃茄湯底比雞湯好😁.西洋菜餃+白菜豬肉餃子$46蕃茄湯底～🍅🍅好味度：⭐️⭐️⭐️⭐️西洋菜餃子的味道無敵的🤣😀😁.口水雞 $50好味度：⭐️⭐️⭐️.

平時食cafe既意粉、意大利飯多，好想食吓中式暖笠笠既食物，呢間餃子店真係一間好好既選擇～👍🏻門口簡約裝修，木系玻璃趟門，室外室內用水泥牆，感覺似日式cafe，但其實係一間餃子店。餐枱間有適當距離，座得十分舒服。餃子選擇款式豐富，有12款選擇，另外有麵餐同小食揀～ 餃子可以選擇湯餃/煎餃，可以選擇一至兩款餃子口味。湯底選擇有雞湯或者蕃茄薯仔湯，好推介粟米芝士雞肉配蕃茄薯仔湯！！🍅🥔湯餃皮薄餡料多，粟米芝士雞肉口感豐富，粟米甜甜地加芝士雞肉既咸味，超級好食！🤩番茄薯仔湯真係好清甜，無味精感，仲有粒粒既蕃茄薯仔係入面～😋留意煎餃需時20分鐘，京蔥羊肉煎餃餃子煎得金黃香脆，同時入面保留肉汁！配醋食可以減去油膩感～枱面有醋同辣菜脯，可以配搭餃子食。如果想係屋企食，佢地有生餃子俾人買番屋企煮。🥟泊車：門口錶位

⭐️甜記餃子🥟⭐️朋友推介去食環境好餃子足料😋果日經開太子即刻去試食當日11點半開，我早3個字到已經見到有人等緊。到開店好快已坐滿客同店員不停接外賣訂單當日堂食試左2個口味，兩個都好足料鮮甜😋😋😋好食到叫多個煎餃外賣價錢合理足料😋😋😋會再回頭👍🏻👍🏻👍🏻

對於出街食飯嘅各位，相信甜記餃子絕對唔會覺得陌生😀估唔到佢哋喺太子又開咗新嘅分店，門面、裝修比起長沙灣店/旺角店更加有風格！湯餃 (西洋菜豬肉餃、香芹芫荽豬肉餃)餃子做到皮薄餡靚，餡料好實淨豐滿，完全唔呃秤。蕃茄湯底都好好飲，建議大家揀！煎餃 (粟米芝士雞肉餃、香葉豆角豬肉餃)甜記完全做到晒煎餃應有嘅香脆金黃，乾身得嚟唔會覺得太熱氣。香葉豆角豬肉餃呢個配搭真係好新鮮，從來都未試過！值得一提，甜記嘅自家製菜脯都做得好出色👍每次嚟到都要食返夠本🤣🤣一份湯餃、一份煎餃，埋單唔使$100，以而家嘅物價嚟講，性價比算好好了！

📍 幾度再訪!🙋🏻‍♀️ 曾經有段時間因為餃子熱潮 不斷試唔同間餃子🙈甜記算係我心目中排行榜Top 3!最近係旺角同太子都開咗分店 裝修有别傳統街坊裝修木系簡約風格為主 行過既時候仲以為係新開Cafe! 🌀 粟米芝士雞肉餃 + 菜心豬肉餃 雙拼煎餃 $50/10Pcs芝士雞肉餃係我每次必點 亦係餐廳招牌芝士味好濃 食落比較重口味 仲食到粒粒粟米 成個感覺幾夾🙊好少見出面有菜心豬肉餃呢個配搭 滿滿嘅餡料〰️不過個人認為加入太多蔥花 完全遮蓋咗豬肉嘅鮮味😥

吃過好多好多次的甜記最喜歡太子分店 近地鐵站又比較寬敞每次都會點十隻煎餃最愛羊肉、韮菜豬肉、洋蔥薯仔牛肉、南瓜雞肉餃有時候太晚來有些口味都賣完了煎餃每邊都煎得又香又脆 雖然要等20mins 但是現煎現吃絕對值得！！另外口水雞麵也是每次必點口水雞好好吃 份量也不少 價錢好抵（如果想喝雞湯底點湯餃 選雞湯會比較濃比較好喝）還可以加麵 加麵都是一碗碗必試番茄魚湯底 都是新鮮煮的湯 好好喝餃子世一！！

Intro: 講到餃子大家一定諗起甜記餃子，依家已經開到有三間分店，而今次就去左太子嘅分店，店內裝修得好文青feel，佢地嘅價錢真係好實惠，埋單唔洗50蚊，而餃子嘅種類多不勝數，真係令人揀唔落手！___________________🍽 粟米芝士雞肉餃（5隻）+西洋菜豬肉餃（5隻）+蕃茄湯 💰 46 ⭐️8.5/10✍🏻 粟米芝士雞肉餃令人喜出望外，雖然做唔到拉絲效果，但粟米同芝士都偏甜又帶點芝士香，係好特別而又唔抗拒嘅新口味✍🏻 西洋菜豬肉餃又相比下比較普通，西洋菜味道比較淡味，但味道口感都算唔錯阿✍🏻 蕃茄湯好清甜，唔會飲到好酸嘅感覺✍🏻 菜圃係任加，大大粒帶點辣好夾餃子___________________🏠 甜記餃子📍 太子砵蘭街450-454號HQ大廈地下C-D號舖📍 長沙灣昌華街23號富華廣場19號地舖📍 旺角通菜街2Q-2Z號鴻輝大廈地下2號舖⭐️ 8.5/10 （餃子）___________________

太子出名食餃子的舖頭有好幾間，今次試下甜記餃子。以前有試過係外賣平台叫過都幾好食。🌽粟米芝士雞肉餃 +🥬西洋菜豬肉餃 -兩款都揀左湯餃-粟米芝士雞肉好食，濃郁芝士又好juicy-西洋菜豬肉食唔出特別配🍅番茄薯仔湯-好甜，無乜味精味，好似屋企湯-辣辣菜脯夠辣，惹味🌶甜記餃子有勁多款湯餃同煎餃，除左一般常見既白菜/韮菜餃，仲有d 特別款式 例如洋蔥薯仔牛肉餃/南瓜忌廉雞肉餃/香葉豆角豬肉餃。下次有機會都想同朋友share 試多幾款😋

平均一個月都會去兩三次甜記食，之前都係去開旺角不過見太子無咁多人坐得又舒服所以就轉左去太子食。一向去都無特別講有用餐時間，今日入座既時候都無聽到員工提醒有用餐時間限制，然後突然間有個姐姐走埋唻講用餐時間五十分鐘，你地巳經過左十幾分鐘。 响個一刻先知既情況下感覺好似比人怪責緊咁。而其實五十分鐘用餐時間真係幾趕，我當點餐加出餐時間要十五分鐘（煎餃隨時耐d），即係實質得三十五分鐘可以食。我兩個人叫左二十隻餃子，三個小食，重有兩支豆漿，你叫我响三十五分鐘入面食哂佢，不如我比你試吓要有幾趕先做得到？提議店家响入座時提醒客人，之後响到時間再提多一次，至少比人有心理準備快d食完走。繁忙時間用餐時限絕對值得體諒，不過合理既時限亦都有需要。

經過太子間甜記以為係間coffee shop，裝修好文青feel🤣四個人去食叫左三十隻餃一個小食一碟菜，都好夠好飽~~~~京蔥羊肉煎餃+粟米芝士雞肉煎餃($50/10隻)雖然本人係唔食羊肉的，但朋友大力推薦都食左一隻，唔係好騷可以接受，煎餃香口好食~椰菜冬菇雲耳豬肉餃+香葉豆角豬肉餃 雞湯底($46/10隻)冬菇雲耳餃普通，冇乜食到咩特別味道，但係香葉豆角餃好特別，有泰式既味道，香葉味濃，會encore🤞🏻韭菜豬肉餃+南瓜忌廉雞肉餃 蕃茄薯仔湯底 ($46/10隻)南瓜忌廉餃甜甜的，味道好夾，大愛！🫶🏻相比之下韭菜豬肉就普通啲。另外蕃茄薯仔湯底濃稠，健康既感覺，比雞湯更好~雖然本身想去豐信，但太多人等，甜記唔使等位都唔錯既選擇👍🏻

勁鍾意食既餃子店😋·除左京蔥羊肉同香葉豆角豬肉未試過之外，其他口味都食過哂～最鍾意係粟米芝士雞肉同埋椰菜冬菇雲耳豬肉！皮薄餡料多！🥟湯餃（$42/8）次次都配蕃茄薯仔湯🍅真材實料，見到蕃茄粒薯仔粒！🥟煎餃（$46/8）煎餃配南瓜忌廉雞肉，好油膩唔太鍾意.洋蔥薯仔牛肉都係一般般. 餃子黎講，我地都係鍾意偏清淡既口味我地有時唔想等位會買外賣番屋企食.湯麵都試過😆店員會分開湯/餃/麵，唔會發脹乾水！牛展份量勁多好抵食，仲要好軟腍.唔錯～洛神花茶就偏甜左少少·📍甜記餃子太子砵蘭街450-454號HQ大廈地下C-D號鋪

人氣餃子店，環境舒適，除粥粉麵飯外，好食之餘又食得飽既好地方👍🏻👍🏻混合1-2種味道👍🏻可以一次試多一種味道可自行另加秘製蝦米香辣菜莆😋好惹味✔️粟米芝士雞肉餃〔必試推介😋〕Corn and cheese chicken dumplings👍🏻juicy 👍🏻芝士汁無論煎/湯餃都好好食✔️椰菜冬菇雲耳豬肉餃〔推介😋〕Cabbage shiitake mushroom and black fungus pork dumplings👍🏻冬菇香👍🏻爽口😬傳統餃子既味道➕/➖ 西洋菜豬肉餃Watercress pork dumplings正常味道，沒有太大驚喜推薦蕃茄薯仔湯香甜👍🏻蕃茄薯仔粒👍🏻煎餃香脆，皮簿，保留餃子肉汁，juicy👍🏻

上幾次黎即使轉左QR code 落單都好，都有漏單問題，不過唔趕時間，所以無所謂啦。今次係第一次全部餃子都未售罄，6點幾去到簡直係從未試過咁爆滿客人，大家開始都識了。食住菜莆等朋友，好脆口。第一次咁快食物到，我同朋友都叫茄湯，入面有d薯仔咁，朋友話如果係老火湯就正。芝士雞餃5算好芝，有d干，食第二次，賣相似旦餃，味我俾有3星。羊蔥餃黎咁多次第一次成功叫到，上台已索到好香既味，無膻味，羊肉香，同大蔥好夾。朋友的南瓜雞餃話已食唔出同芝雞餃既分別，下次我會想食牛餃。