甜甜屋

營業中

休息中

天氣開始轉涼，要搵啲熱嘅甜品食下，今晚去咗西灣河街嘅甜甜屋試咗兩款熱嘅甜品，分別係十大暢銷排行榜入邊嘅第一同第六，佢芋圓有幾種配搭方法，係熱食來講，芋圓2號真係幾好味，下次大家經過西灣河街記得黎試吓，鋪頭有兩層，座位足夠

每逢經過西灣河，都會黎甜甜屋食甜品，而 芒果千層蛋糕曾經係我嘅至愛，但有時又因為佢其他甜品而唔揀佢， 今日揀佢嘅原因係太耐冇食。 芒果千層蛋糕感覺差左， 芒果少咗，忌廉多咗，但忌廉亦都冇咁滑，冇咗以前嗰一種感覺，蛋糕亦都做唔到一層層嘅效果。 笑臉都唔可以增加我對佢嘅印象。 芒果雪糕芭菲望落去個樣會令人好開心， 但係塊餅唔脆，芒果唔夠新鮮， 忌廉都算滑， 雪糕都幾香。如果俾我再揀一次，我應該都唔會再揀以上呢兩款甜品啦!

在家食完晚飯，同朋友相約到西灣河的糖水舖聊天食甜品，在西灣河除了有出名的明記糖水外，來到這間除左有傳統的中式糖水賣外，還有一些特色糖水，例如綿花冰、窩夫、紅豆抺茶、千層蛋糕等等選擇，都是近年深受大眾的歡心。來到當然要食下特色甜品。芒果綿綿冰，可謂夏天一食透心涼的代表，我們選擇了蘆薈做配料，芒果綿綿冰的外表很豐富，帶出了不同層次的感覺，上面加上了七彩濱紛滿天星粹粒，添加了一份童真，綿綿冰的口感入口即溶帶點芒果汁的甜道，還有一粒粒的鮮芒果果肉，再加上一粒粒的蘆薈，食落感覺好冰涼。焦糖香蕉朱古力窩夫，這個賣相相當吸引，香蕉上舖上了一層薄薄的焦糖脆脆，朱古力窩夫焗得香脆熱辣辣，我地揀左朱古力曲奇雪糕，點上了曲奇雪糕或者蜜糖一齊食各有不同的食法，食完有少少飽肚感，可以當作宵夜食，而且價錢方面亦都是幾合理。

I finally found a perfect dessert shop in Sai Wan Ho! Recommended by my dearest friends, I tried it and never turn to other shops!We shared three deserts: green tea flavoured shaved ice, durian flavoured sweet soup and bean jelly with taros. I didnt try the durian one but it’s highly recommended by my friends. I guess durian fans should try it. And the other two are very cool! Many toppings and big serving! Taro fans may love its taro becoz its chewy and bigger than normal size!

以前食糖水都一定會去明記，但依家明記越來越偷工減料，所以宜家食糖水都必定會去甜甜屋食。榴蓮飄香除左雪花冰係榴蓮味之外，唔好以為右上角係雪糕啊！係超大舊榴蓮肉！配埋椰果，好鮮甜好好味。芒果西米露一黎到'哇'左一聲，好大碗，而且芒果肉唔洗解釋，睇圖就知有幾多！而且芒果好甜啊，一d都唔酸。呢個價錢有咁多真係好足料！

平日嘅晚上西灣河好多鋪頭都已經關哂啦 估唔到甜甜屋依然坐滿哂人 一入到去就俾甜甜屋嘅裝修吸引住 米白色嘅牆壁配上各款唔同嘅可愛嘅圖案 搞到我少女心爆發而且佢連洗手間都唔放過 洗手間嘅門外都有好靚嘅圖案 成間甜甜屋都好賞心悅目 令人坐得好舒服食完啲裝修之後就要試下啲甜品朋友嗌左紅黑(紅豆沙芝麻糊) 覺得味道唔錯我就嗌左一向都好鍾意食嘅椰汁紫米露 店員一拎上黎 我就俾佢迷倒啦 無諗過咁普通咁平嘅一碗甜品 佢地都咁花心思 竟然用椰汁同花奶去拉花 賣相100分 食嘅時候都好唔捨得 唔想破壞佢 暖暖嘅紫米露 同椰汁花奶真係絕配 三者嘅比例啱啱好 唔會太甜 又將紫米露嘅味道完完全全咁帶出黎 真係好正之後我地仲嗌左個北海道牛奶千層蛋糕 一黎就見到用焦糖醬畫嘅笑哈哈 未食都已經覺得好開心千層蛋糕嘅層次好分明 餅皮好香滑 成個蛋糕都充滿住濃郁嘅牛奶味 又唔會太甜 搞到我地食到停唔到因為我地嗌左手工蛋糕 所以就可以以$10加2杯椰皇水飲啦 椰皇水好清甜 同平時樽裝嘅好唔同 食完甜品飲就啱啱好啦

條街可以同時有3間甜品鋪存在,厲害!唔係你想食行過就有得食,好多次行過都冇開.之前為左芒果千層蛋糕而著迷,而家就為左佢D甜品著迷左上: 芋圓紫米紫米露唔會結撻撻,芋圓有兩種味(地瓜和芋頭),煙'un'有咬口,份量頗多飽肚右上:榴槤XXXX (忘記左名)第1次叫,喜出望外,榴槤夠香唔臭,丸子煙'un'有咬口,西米爽口,最緊要有一層椰皇,榴槤本身味道好濃,但同椰皇溝埋一齊,出奇好味,榴槤冇蓋過椰皇香味左下:芒果西米露 芒果甜唔酸,新鮮,西米爽口右下:喳咋豆多,煮得淋身,食得出豆有處理過,但芋頭太少

選擇勁多，椰子系列試過哂，好食又特別，其他糖水鋪冇既佳選。榴連愛好者勿錯過榴大爺，同榴連乜香。。好食到陣😂😂次次都舉家泥食芋圓都好好食夠彈牙，又吾粉。不過都係中二椰子系列多d

一場來到西灣河除了食米就係食，晚飯後三家大細興高采烈要去食糖水，本來想回味明記，但友人說明記已經大不如前，介紹了隔壁的甜甜屋，果然沒介紹錯大人小朋友都啱食，有傳統糖水如豆腐花、涼粉、湯圓......等等。也有新派糖水如：沙冰、窩夫、蛋糕.......等等。因為一圍枱叫的和試的當然可以不同，本人就愛吃榴槤所以就點了個價值$44，算是舖內貴價糖水之一，足料好味内裡還有一個好似係蘆薈大菜糕既野，因為榴槤太重味所以不肯定是怎麼，但點都好係有口感既食物，再讚的就是香蕉船$38有任選兩球雪糕（有綠茶、豆腐...等）又有芒果、哈密瓜做配料水果，小朋友們十分愛吃，有機再到西灣河一定會再幫襯其他榴槤食品

有住呢面既朋友大讚呢間甜品店出名所以經開呢頭就試一試份menu 唔算話好多野食揀店內坐位都唔算多大約坐十個人左右叫左個芒果千層糕食 啲cream略為有啲甜 芒果唔太酸但似放左一段時間唔太新鮮整體來講都普普通通帶大定講到既甘好食…

好細個就已食過佢隔離的明記（細個時質素不錯，但最近食返已大不如前，大退步仲貴左好多...），講返呢間甜甜屋，初時心諗開係度係咪想執明記死雞？（sorry我諗多左）由於當時咁諗，就冇食佢喇！終於有一日又心血來潮想試下，因為太安樓間芋圓我成日都夾唔岩時間食，咁試下呢間啦。冇任何期望之下，竟然係好食，覺得西灣河真係臥虎藏龍！我叫嘅係紅豆芋圓，佢d紅豆沙甜度適中，我好怕太甜嘅，料又足，有好多蓮子同紅豆，再食芋圓，煙靱有咬口，仲要真係有芋頭同蕃薯味，仲要好似只係20幾蚊，真係又美味又滿足！根據我嘅習慣，一好食又停唔到，連食左三日，肥左勁多，但真係好味，好似會上癮咁！另外如想清清地都推介椰皇凍，好清香，寒天黎感覺上又冇咁肥！

老豆成日買呢度甜品，但我愈來愈發覺呢間舖頭俾埋啲垃圾食物，價錢收市價，用料求其而且難食。比如呢个千層蛋糕，以前食有芒果，依家食落，只有cream and pancake, what’s the point of eating it if it is tasteless! 丟左去就浪費，食左去就侮辱自己个胃。我已經唔再講無芋頭俾嘅芋頭西米露。人之所以外賣，前提係覺得食物水準同堂食一樣，可是外賣走嘅野食，係呢間垃圾甜品舖，外賣係無保證！

太開心啦。 西灣河終於有個好味既甜品鋪！試過2-3次，好多野都好好食。 誠意推薦！ the best dessert place in sai wan ho, a lot of their desserts are v good.

已經係第二次嚟食上次係到食完個芋圓之後就對佢地嘅芋圓好念念不忘佢個芋圓2號真係好好食！熱食嘅芋圓更加腍同紫米露好夾即係我平時都周圍去食糖水，都覺得佢地嘅芋圓好正，彈牙同時又大粒。都不特指，佢芋圓又多糖水又大碗，唔似其他糖水舖咁又少又唔抵食！椰皇水10蚊一大杯又平又好飲過枝裝椰子水如果叫呢啲甜品仲可以十蚊兩杯椰皇水真係好抵除咗糖水好食之外，裝修都好光猛，地方都好乾淨～絕對喺飯後糖水嘅好去處！下次都會再嚟！

每次嚟到甜甜屋， 第一件事唔係睇餐牌先， (其實都已經知道自己想叫 d咩食喇) , 就係要睇呢個十大暢銷排行榜， 雖然唔知 up唔 update, 因為呢幾款甜品真係長期係個榜內。 從例上都會睇睇餐牌嘅， 其實我地都有一段時間無嚟， 所以都睇吓有無 d新嘅甜品推出。 不過最後都係叫返我地平時食嗰2款甜品我叫嘅當然你我至愛嘅芒果啦， 雪糕芒果小 丸子 $40, 太耐無食喇， 粒小丸子變大咗, 芒果肉大大粒， 仲好甜甜㖭， 濃濃嘅芒果汁食得出係無加糖水嘅， 所以係我嘅至愛囉。 老公叫咗排行榜第二位嘅黃金水晶 $38, 裡面有芒果肉， 蘆薈同芒果沙冰底。 冰凍唔太甜， 係呢個夏天嘅最好選擇