近期實在太忙，為左減減壓想飲啲酒趁着週末輕鬆吓。經好姊妹推介一間酒吧，佢話果度唔單止洒類好飲、又有好嘢食、同有嘢玩（掟飛鏢），見佢講到咁好就帶埋男朋友仔一齊去試下🥰 一坐低店員就將紙巾、花生放在枱面，一望埋去見到係麻辣味花生，係我最愛嘅口味😍。 眼前見到一台客響度掟飛鏢，氣氛非常好，未試過掟飛鏢嘅我哋都係睇人玩算啦😆 第一次見向酒吧有咁多嘢食叫，仲要好多係中式食物。最突出係正宗潮州打冷餐牌，我本人超鍾意食蠔，秒速下已㨂左蠔仔肉碎粥$59（細），同埋 必食潮州煎蠔餅$88、睇埋後面餐牌有枝竹斑腩飯$55（我男友最愛的）。跟住我地再叫個炸魷魚鬚$88。 望望下見到$78 Buy 1 Get 1 Free （Special For Girls）的Cocktails，覺得好抵飲，嗰日係星期六，我哋就叫咗當日特價嘅Cocktails 第一杯：Cape Colder (Vodka, Cranberry Juice) ，第二杯：Snowball (Advocaat, 7up)。叫完嘢食，我地繼續睇人掟飛鏢，佢哋都掟得好叻下，相信佢地係常客嚟又同店員有講有笑🤓 入正題先，首先黎嘅係兩杯Cocktails，對於一個唔係好點飲酒嘅人黎講，杯Snowball 真係幾好飲！同好𡃁𡃁，幾易入口，我可以用成人益力多去形容我熟悉嘅味道😁 另外果杯，雖然係我叫嘅，但我就推俾我男友飲，另一杯係蔓越莓味的酒，比較之下就大人口味一啲🤔 跟住送黎嘅係 蠔仔肉碎粥$59（細），我無諗到佢啲蠔仔係咁鮮甜😳🫢，粥水又唔會咸，最有驚喜係裡面有方魚塊，比起外面的茶樓出品好食得多🥰下次我唔叫細，我要叫碗大嘅😌 再來的係枝竹斑腩飯$55，熱辣辣送上，枝竹不會太硬太乾，班腩無怪魚味，係我男友的浪漫飽肚之選，佢只係俾左我試兩啖咋😖 然後，再來嘅係炸魷魚鬚$88，食落炸粉唔會太厚，炸得啱啱好！又唔會太乾，上碟又唔會太油，拎黎送酒真係正😋講到自己好似識飲酒咁😆我覺得原味就咁食唔點喼汁都好好食😋 最後上嘅就係，我地兩條友好耐冇食過既必食潮州煎蠔餅$88，煎得絕對唔會燶，賣相100分，底面都無燶，N年前向廟街食過煎蠔餅太燶了，所以今次令我覺得有驚喜🥰，蠔仔鮮甜肥美，一個字正😃👍 回顧返今日的美食比我有驚喜，估唔到可以响酒吧飲酒放鬆之餘仲可以一路嘆美食，裡面環境十足响K房唱K嘅環境一樣，絕對係週末的好節目。呢個商場人流唔多比較清靜，相信唔少人都唔會發現，我寫呢篇食評提下自己下次要帶屋企人一齊去食先得🥰亦都想分享俾其他朋友仔去品嘗🙃

呢期天氣日日都35-36度，就快熱暑人了，仲要加上blue Monday，無心機煮飯，落街食啦。😤 於是同我附近的好姊妹Eva 去咗間生面口的餐廳，一入門口就感覺到強勁的冷氣，出唔返去了😌 😗由於熱到人都懶埋，見到2人餐就叫左一份 $338（閒日），食物有：前菜沙律兩份、小食拼盤（可揀3款口味）、主食（可㨂兩款）、甜品（㨂一款）及非酒精飲品2杯（鐘意飲酒可+$28）。 點餐後，一嚟就係呢個沙律，佢最特別之處係用上條狀的大樹菠蘿做點綴，平時不吃大樹菠蘿的我，估唔到因為呢個沙律令我完全改觀，果然係絕配！ 飲品方面，今次我地叫左 班蘭龍眼冰（如果散叫要$35）單憑肉眼睇都有成10粒龍眼咁多😳好飲又好食。另外仲叫左杯檳城焦糖咖啡（如果散叫要$35），我好姊妹話杯咖啡不會死甜，同咖啡融合左，洽到好處，還有淡淡的咖啡香味。聽住流行的英語音樂，望住餐廳仿如藍白色海洋的牆身，竟然有種渡假feel😳可能我真係熱到傻左了😌 跟住輪到小食拼盤 （如果散叫$98就有4款指定食物），但跟餐就有8款㨂3款的小食🤔，我地果陣叫左 馬拉盞魷魚圈（四件）、馬拉盞一口蝦多士（四件）及 鄰家手作蔬菜春卷（兩件各開一半），小食中我比較鍾意春卷>然後魷魚圈>最後蝦多士，因為春卷裡面有類似韓式炒粉絲响入面好正。魷魚圈都正，如果有多幾個就好了😋 主食方面，我叫左 濃香喇沙煙肉長通粉（如果散叫要$108），星馬湯喇沙就食得多了，變左長通粉咁有新意，無理由唔試！喇沙的醬汁走到長通粉裡，而且仲有濃厚既香茅味，辣度仲要啱啱好，野味可口，呢個通粉真係好睇又好食😋📸 另一個主食，我地叫左 馬來生炸雞髀 配椰漿飯 （呢個暫時睇Menu 又唔覺佢有散叫🤔）。一送上枱時，女侍應就貼心地同我地講雞髀深色是因為香料的顏色並不是燒濃的。我們吃雞髀時的確只吃到馬來香料的味道而不是濃味，呢度既侍應真係細心，椰漿飯有清淡的椰香去襯托雞味濃郁的層次感，如果鐘意食濃味重口味的朋友，要加埋椰漿飯旁邊的辣醬來吃了。雞髀係呢個飯的靈魂所在，口感鮮嫩不愧為生炸雞髀，做到外脆內嫩的口感。 响我地未知道飽既時候，貪得意散叫左個芝味咖喱海鮮焗飯$88，裡面有蜆肉、魷魚圈、蝦、菠蘿及白飯等等，由於佢既咖喱汁好野味，而且都係好重香茅味，即使個焗飯唔係用炒飯底，你都唔會覺得唔夠味。 最後，去到甜品了， 我地叫左 焦香榴槤芝士蛋糕（跟餐另加＄28。如果散叫要$68)，因為我同好姊妹都係榴連控，所以我地忍唔住想試。 一上枱就見到Happy Monday 字眼，有時一個小舉動，個人已經很滿意，這小店真是很窩心啊☺️呢個蛋糕真心好食，精粹是將榴槤蓉放在芝士蛋糕上，真係雙重濃味口感😋 以我婆仔性格一計就知，叫二人餐係抵食過散叫以上食物，食完美味的食物😋就係要行更遠的路，返屋企開OT先🥸

第5波疫情緩和，忍左咁耐終於可以出嚟食好西了👏🏻😁。 無晚市堂食的日子，真係悶死人了，所以希望再約姊妹去Chill 下，悠閑咁食下野。 所以今次帶左姊妹Ivy 試吓CBD的美食，encore 呢間餐廳🍴😋 我哋一黎就叫左兩杯嘢飲 涷的焦糖脆脆奶茶 $52，雖然我感受不到脆脆的口感，可能係我地啲港女性格掛住自拍，沒有即刻去品嚐😂 但我發現用飲管輕輕沾上cream 上的焦糖含在口裡，再啜一啖冰涷的奶茶，清淡的奶茶頓時把我口中甜蜜的焦糖沖走的感覺真係好正，有唔同口感。 涷的熱帶雨林（這杯飲品是由Grenadine, Cranberry, Orange, Pineapple, Soda 組成） $35 我姊妹話返我聽這杯飲品的水果味好平均，加埋soda的氣，令她的胃口提升，可以進入大吃大喝mode. 威靈頓三文魚配秘魯黃椒醬 $238, 呢個真係整得好好食，切開鬆化既酥皮，見到入面既鮮嫩既三文魚填滿好整個酥皮包，入面還有少量的菜真係fresh 上加fresh，我就覺得原味已經唔錯，所以我就乜去點黃椒醬去一齊食。 黑松露忌廉什菇意大利飯 $128，這個意大利飯不油膩，食完不會滯，黑松露味濃，飯的質感粒粒分明，喜歡吃軟飯的朋友或者老友記，建議同餐廳講叫煮淋啲，會比較合適佢地🤔 我下次帶兩老黎食都得😌 大廚很有心機意大利飯的大磨菇，真的好像一粒巨大帶子，真是色香味俱全😃👍🏼 大麻二酚小食拼盤 $148，見到呢個名感覺幾猛料咁，其實我是吃不到大麻二酚有什麼味道的，所以大家唔使怕唔好味道，拼盤有炸雞翼，炸洋蔥圈，同埋炸蝦餅，配置泰式甜辣醬及辣醬，我最鍾意就係佢個炸蝦餅好味彈牙。 整個晚飯都很Relax, 侍應哥哥很好推介我們星期一至四全日所有食物係都85折（15%off)，這裡地方很舒適闊落乾淨 ，真是一個好好的地方。

連續兩個颱風來襲，中間個空檔緊係要約個姊妹出嚟食餐好架啦🥰 我個姊妹Rudy 問我有無興趣試啲新嘢，原來係大麻二酚CBD，之前都有睇過電視節目介紹過不會令人上癮及依賴而且會令人有放鬆的感受，所以我就放心去試少少，因為都係第一次試，所以只在飲品裡加CBD，等下次大膽啲再响主食裡加CBD🤓 ，因為餐廳可以讓客人選擇CBD的份量，第一次食可以少少地感受下🙃 我地因為鐘意食咖哩，所以叫左份 鐵板青咖哩安吉拉雞卷HK$118 佢個青咖哩好香好正，辣度對我地呢啲想食少少辣但未到中辣既人黎講 簡直係啱啱好，雞卷皮一端軟身，另一端鬆脆，一次過食到兩個口感😃正！！ 接住黎嘅係 薩他羊架配楓香乳酪醬伴蘋果玉桂藜麥沙律 HK$248 ，我其實因為見有藜麥兩隻字覺得好健康而叫😆，入返正題個主角 羊架用香草醃得非常入味，而且羊肉一啲都唔酥，怕酥的朋友仔就唔怕了，至於藜麥就配上淡忌廉、沙律菜絲及羊架的甜醬用黎親托返個羊架，又真係幾夾喎😃 最後，嚟埋個 夏威夷柚子漬三文魚珍珠飯 HK$148， 呢個飯真係超好食😋，我好鐘意佢入面嘅 椰菜仔 好好咬口，椰菜仔係超級蔬菜類，有5個健康好處 包括1）含豐富維他命2）抗炎3）控制血糖 4）含豐富抗氧化物 5）也是天然解毒劑 。 除咗有椰菜仔仲有蘆筍。 主角三文魚很新鮮，整體黎講又好味又容易入口。 下次再黎我一定要叫返呢個飯，同加啲CBD 試下先☺️ 這餐飯我叫左杯野飲 蜜桃乳酪沙冰 HK$58，杯野個賣相好靚，好有秋天的感覺😃 一路食飯一路啜，杯野唔會太甜感覺清新，而且我仲加左CBD🙃 都唔知係個餐廳既氣氛燈光舒適 定係 我飲左CBD 飲品後個人特別relax 呢？！🤔 個人真係好輕鬆 咩工作壓力都放低哂，睇嚟我下次要再黎感受下先得😌 臨走前，發現門的旁邊有CBD給人客選購，可能啲人食過覺得正會買返屋企自己煮CBD美食😃

早幾日同個姊妹傾電話，話想去打邊爐，但又擔心兩個人一個火鍋會唔衞生，於是我好姊妹Betty 就帶我去左 北角滙入面既 牛牛日式火鍋放題 shabu shabu 下☺️日式打邊爐一人一鍋 我真係食得好安心又開心🤤♥️ 未入店前，職員先幫我們探熱，然後俾我地裝口罩既紙袋，店裡坐位唔迫，客人可以坐得好舒服咁打邊爐，而且圍板都高，所以唔怕隔離既飛沬走埋黎，衛生程度相當高，怕死既我真係十分安心😌 講返啲食物，Betty 同我都貪食又貪靚，所以我地分別叫左 美人豆乳鍋 同埋 骨膠原豬骨鍋 ，未食之前 我地互相試飲湯底，湯底健康不味精 香濃既豆乳湯底令我好想飲哂成個湯底😆 個湯底咁正，聰明既我 緊係嗱嗱聲6啲牛、豬、羊肉享受下啦😛 我地叫果個係 HK$238 每位既澳洲產長期穀詞牛放題，牛肉既脂肪比例啱啱好！ 返工揾錢咁辛苦，真係要食好少少奬勵下自己，先可以行更遠既路。💪🏻 跟住就緊係要試埋放題裡既丹麥直送 皇冠豚梅肉，豬肉就一定要6熟，佢地切到簿簿地話咁快就6熟 可以即刻入口☺️ 特級羊肩肉都係佢地既推介，羊肉既香味在口中停留真心覺得正😋 試完肉類，我就緊係要出去行下自助區睇下有咩正野食啦，食材方面有很多選擇 而且雪櫃好夠涷，日日新鮮既食材就可以保持新鮮，食得很安心！ 前菜有糖心蛋同鹵水野，糖水蛋真係不能不試😋 提提大家記得留肚食佢地啲 牛肉、豬肉 同 羊肉😛 打邊爐最緊要係解口渴，睇下店內幾多飲品揀😀 最特別係佢嘅自家調製既羅漢果雪梨茶，健康又好飲☺️ 最後食埋Movenpick 雪糕 同 埋脆皮雪條 吹多陣水，真係完美😌♥️

以前睇日劇時經常看到日式女僕cafe的畫面，去日本旅行時都想試一試體驗，但是因為語言不通怕尷尬而唔會去幫襯，知道銅鑼灣新開了女僕cafe，帶住期待又新奇的心情去試下這餐廳。到左餐廳門口，裝修似遊戲世界的入口，搖下門口的響鈴，有位女僕很有禮貌出嚟招待，先為我們量度體溫及消毒，確保食客安全衛生。

坐低後，先睇睇餐廳的守則，然後女僕會介紹自己，每張枱旁邊都有個搖鈴，我哋兩個人就叫了開掛人生，這是包一杯飲品、主菜（蛋包飯）同埋一客自選甜品。

飲品是凍鮮奶朱古力和百利甜酒朱古力，飲品唔會覺得好甜，甜酒朱古力的味道幾特別，少少似食緊酒心朱古力，係飲用之前，先跟女僕施法術，女僕比人感覺好甜美親切，施完魔法有總心情愉快的感覺。

主食是蛋包飯，蛋包飯送上後，女僕會問客人喜歡什麼公仔，之後女僕就即場用茄汁繪畫了小新、同小貓咪再加上女僕專用魔法，令到平凡的蛋包飯變得更吸睛、賣萌，真係有少少唔捨得食呢！至於味道方面，蛋包飯的蛋好滑、飯底用了茄汁、粟米、火腿，整體味道都唔錯。

是日的限定女僕Diy蛋糕是紅莓芝士蛋糕，紅莓味好香，芝士蛋糕好滑，伴碟的兔仔畫得好萌。另一份是曲奇雪芭，窩夫部分焗得好脆，整體又有賣相又好味，女僕又好有心思。

最後仲可以同女僕影張即影即有，初次體驗女僕cafe估不到有點喜出望外呢！

自從新型肺炎出現後，貪食專員都減少了出外用膳的活動，但好想念韓國食物的味道，就來到了尖沙咀的韓屋，這店的食物相對較為傳統，沒有平日食開的炸雞，以傳統的韓式石頭鍋飯、人參雞湯作為主打，如果想食石頭鍋飯來到韓屋來不失為一個好的選擇。

海鮮特大餃子煎餅（$68），兩塊長長的特大餃子，邊邊位煎到好脆，入面有海鮮肉碎，而且有一絲絲綠色帶點辣辣地的青椒，味道都相當過隱。

牛排骨湯（$138），清清的牛排骨湯飲一口已經覺得好重的牛味，相當清甜，相信湯底已經煲了唔少的時間，很夠火候，除了牛肉牛骨還有粉絲的伴隨，湯還可以配紅米飯或配麵，我地揀左配紅米飯，建議可先飲了湯，品嘗了原有的味道，再加入飯當是泡飯食，另有一番風味呢！

醬炒牛肉石鍋芝士拌飯（$128），這是我很期待的石鍋飯，係超級多料，有韓式牛肉、蘿蔔絲、豆芽菜、翠肉瓜、肉絲、菜、菇同芝士等等配料，用辣醬炒香了石頭飯，令味道更香濃、惹味，炒香之後，會發現非常多芝士絲，感覺超好食。

有時想食韓國餐廳便會黎到尖沙咀的韓國街，當中大部分餐廳都由真真正正的韓國人主理，新式舊式的韓國料理同樣食到最正宗的味道。Oppa Coffee bar Restaurant 係主打芝士料理，超愛芝士嘅貪食專員聖誕來會一會Oppa先。 雞肉蛋漿熔岩炒飯（$168），oppa拎左個已經炒好嘅泡菜雞肉炒飯，加入d蛋漿圍住個飯，再加入一大碗芝士，之後再開火熗圍圈燒，有燒到似熔岩火辣辣的感覺出了來，令到飯好有熔岩的感覺。燒完之後係超香，芝士的味道好出，芝士已經融入哂炒飯裡，一拉開個飯已經見到不斷的芝士絲，味道方面泡菜飯有d微辣，但好惹味，加入蛋漿芝士會食到每一口飯都好充滿蛋汁包住飯的口感。 芝士排骨（$275），這是另一款令我期待的菜式，同時也是芝味十足的排骨卷，Oppa同樣也是用火熗燒融d芝士，之後圈住排骨，排骨的肉質鬆軟而且醃到甜味香濃，雖然是非常芝味邪惡，但十分好味呢！

去九龍灣國際展貿中心睇演唱會，在入場前，先到附近的餐廳醫醫肚子先，來到一間泰國 Fusion 東南亞國家的店舖，而且菜式都好創新，環境寧靜舒適，燈光柔和、很有情調，就來到這店享用晚餐。 刺身帶子西瓜黑醋沙律（$78），見到這款夏日炎炎消暑西瓜代表，感覺已經好涼心涼了，以半個西瓜殼作為碗，造型精緻，西瓜冰冰凍凍，又甜、又多汁，刺身帶子切成一粒粒，好鮮甜，加上了黑醋的味道，酸酸甜甜，味道很好。旁邊還有沙律菜伴隨，感覺食得很健康。 香煎紐西蘭肉眼扒（$178）,肉眼扒好大塊、厚身，煎得硬度剛剛，七成熟切落去會有少少紅肉，切開都好Juicy，燒汁帶點甜味，很好食。旁邊的配菜薯蓉帶有好香的牛油味，味道香濃，口感很滑，同樣出色。 燒魷魚汁意粉（$128），污黑黑的墨魚汁意粉，意粉彈牙，炒了洋蔥、蒜蓉、墨魚圈、串燒墨魚，墨魚圈口感煙煙煙韌韌，好夠味，整體不俗。 焦糖朱古力奶昔（$46），朱古力奶昔奶味濃滑，在cream 上面加上了焦糖，很好飲。

今天工作上遇到唔開心既事，所以就約媽子去食餐好既減減壓

收左工，我就去銅鑼灣Sogo找媽子, 媽子話已經shopping 行到攰，問我有咩好野食，但又要唔好去咁遠，腳好攰了。

咁我就諗起有間餐廳未試過，於是我同媽子就坐升降機上去Sogo 11樓既 Sogo Club 的 La Serene Caffe 試下先。

起初以為要 Sogo Club 會員先可以入去食飯，問左職員 她們禮貌地同我們講解 然後就帶我們入坐

地方寧靜舒適還有銅鑼灣既夜市美景，未食飯已先餵飽眼睛👀，下次黎吃飽都想book 返哩張枱

個肚仔開始打鼓了，叫野食先.....

首先黎左兩客湯：
1） 波椒蟹肉忌廉湯HK$68 呢個湯真心正，我以前飲既通常都係一絲絲的蟹肉，但哩個直頭係好多蟹腳肉，一條條既蟹腳肉配埋香滑既忌廉湯，幼滑之餘又有實在既口感😋

2）另一個湯係忌廉磨菇湯（Main Course +HK$45 轉套餐配的）哩個湯當然無 波椒蟹肉忌廉湯咁正啦！ 講返哩個湯先，呢個湯雖然跟餐但都係好足料，好多磨菇碎粒
配上香滑既忌廉湯 同樣好有口感，e肚仔一流😆

3）Appetizers我同媽子叫左 芒果蟹肉沙律配芝麻醬汁HK$128, 又係蟹肉 ，無錯！ 唔洗自己拆蟹殻就有蟹食🤤 食落去 新鮮既蟹肉配上鮮甜既香芒拌上和式既芝麻汁真係特別醒胃😌

4）Main course 我地就食 煎澳洲黑安格斯牛肉眼配燒汁 HK$258 我地叫左7成熟 牛扒，哩度既7成熟牛扒真係煎得啱啱好，起初諗緊定係叫5成熟好呢，因為出面吃牛扒好多時都煎過龍，好彩哩度既師傅功力夠😀👍🏼 而且牛扒既肉質都是很好很嫩

5）另一個Main course 我地就食 忌廉汁帶子墨魚汁意粉HK$168，帶子大大粒 好爽口，意粉質地都很彈牙 很有口感，唔會太琳身。 女士們如果想吃墨魚汁意粉哩個一定唔會食到變污咀狗😄

6）最後媽子餐飲飲涷檸水。 而我就因為食完餐飯又要返去屋企開OT工作，所以+HK$20 叫杯熱咖啡☕️，諗起工作頭都痕....

埋單消費一共：HK$749

不過無諗到哩間日式西餐，食物用料都幾豐富高質，我感覺以哩個價錢去食，性價比的確算是高的，下次再黎幫襯先😌