甜牙牙

營業中

休息中

平時行過甜牙牙都好爆場，難得見到今晚有位，加上近排無乜食過甜嘢，一於唔好再諗減肥住，食咗先算🤪打開本Menu，見到各式各樣嘅甜品，有中、西、台式，好難選擇呀😩最終揀咗冰火燉蛋同朱古力鬆餅🥞！冰火燉蛋賣相非常吸引，燉蛋上面有啲芒果肉同埋藍莓，食得出係新鮮水果😍上面仲有啲火焰忌廉加上一層燒焦咗嘅脆糖，配上香滑柔軟嘅燉蛋，真係會溶化人嘅心！甜味適中，又唔會膩😋相比起傳統嘅法式焦糖燉蛋嚟講，唔會太單調！正👍🏻朱古力鬆餅極邪惡，有兩塊厚身嘅梳乎厘班㦸、一個朱古力雪糕球、一塊Oreo餅乾同埋三粒大棉花糖，真係好豐富嘅配搭！梳乎厘班㦸上面仲有啲燒焦咗嘅忌廉，軟熟嘅班㦸加香滑嘅忌廉，入口即溶嘅感覺，配合得天衣無縫🥰加上刺激嘅朱古力雪糕，真係完全滿足我對甜品嘅要求！唯一唔完美就係三粒棉花糖硬咗啲😅👇🏻👇🏻👇🏻👇🏻👇🏻👇🏻甜牙牙真係值得去食，圖片與實物相符，抵讚👍🏻👍🏻👍🏻👍🏻👍🏻

講到甜牙牙相信好多香港人都唔陌生，甜品都幾多選擇，而我對佢最大嘅印象係大胃王挑戰，超巨型班㦸🥞，食得哂就唔收錢。坐落於旺角嘅佢非常之受歡迎，happy friday night 8:30開始座無虛席，要食都要等位啊。🍨益力多綿綿冰（$55）呢一道甜品最欣賞佢配料足，由其芋圓，有紫色粉色綠色灰色，幾款口味，而且食得出每一隻顏色係完全唔同味道，味道突出香甜，口感煙韌Q彈；主角綿綿冰入口即溶，口感綿滑。🍨仙草芋圓芒果露（$46）芒果露嘅味道就好似芒果冰一樣，配搭仙草同芋圓都幾好味，不過食到後尾會感覺太甜，因為佢係冇配芒果肉，而且芒果露亦非純芒製作。

甜牙牙係一間好出名嘅甜品店，每次嚟都要排好長嘅隊，今次也是不例外，在門口排了大約10分鐘，便可以入去進食。呢度嘅甜品多數都比較有特色，我們首先點了一個比較中式的水晶仙草芋丸杯，中間有一顆好大塊很漂亮像水晶球一樣的啫喱，旁邊有滿滿的仙草還有其他一些雜豆，例如紅豆，小小的糯米糍，仲有一些卜卜趣的豆之類，真係可以一次過滿足晒幾種口感。而呢度嘅鬆餅也是很出名，我們點了一份朱古力鬆餅，厚厚的鬆餅軟林林，口感好柔軟，同朱古力雪糕一起食，真係好食到不得了。而家嘅甜品店，真係要好似做到甜牙牙咁樣，有多款嘅甜品設計同選擇，先至可以吸引到食客同滿足到食客嘅味蕾，今次就是食着咁多，下次嚟到再試吓其他款式先。

甜牙牙 Sweet Tooth+港式+ 甜品/糖水🏠overall/環境/ 服務:+ 夜少少 大家諗住食甜品嘅時間 多數要排隊+ 個人覺得甜牙牙係 煙廠街 當中最好食+ 舖頭唔算好大 所以都少少迫 不過可以接受‼️ 朱古力心太軟 $55好食指數：⭐️⭐️⭐️打卡指數：⭐️⭐️⭐️大份指數：⭐️⭐️⭐️抵食指數：⭐️⭐️⭐️✅ 有朱古力漿流心效果✅ 朱古力濃又唔會太甜 而心太軟外皮 鬆化 所謂外脆內軟✅ 要等十至十五分鐘 心急人就唔啱啦‼️ 經典焦糖燉蛋 $42好食指數：⭐️⭐️⭐️打卡指數：⭐️⭐️⭐️大份指數：⭐️⭐️⭐️抵食指數：⭐️⭐️⭐️✅ 焦糖皮脆 而燉蛋香甜 但係唔會過甜✅ 有生果係面 中和翻個甜味 ✅ 唔洗等好耐就有 啱哂心急人📍旺角廣華街3號百利達廣場地下4號舖Shop 4, G/F, Paradise Square, 3 Kwong Wah Street, Mong Kok⏰星期一至四14:00 - 01:00星期五至六14:00 - 01:30星期日14:00 - 01:00☎️ 電話號碼 📩喜歡我的文章，可以關注我及讚好以作鼓勵

今日放假就要食D甜品開心下啦!! 嚟到MK甜品店個個都識的甜牙牙, 價錢都冇點加過, 仲要水準keep到!! 所以真係好多人食~.我地就叫左個tiramisu pancake($68). 鬆餅好soft, 但唔會去到食左好似冇食咁, 依然係好有蛋香, 配的soft cream好夠輕盈, 加上vanilla ice cream, match埋好正. 同時都上左條真tiramisu, coffee味出, 食落濕度剛好^^.另外都叫左個芋圓西米露~ 甜度啱啱好, 仲有幾香的椰子味! 芋圓好夠煙韌, 仲要有芋頭香!! 值得叫ar~~

今日好好mood，所以夜晚食完飯同男朋友揸車出去食糖水，去到好多人排隊，其實呢間位於旺角，都算出名，成日行過都見到好多人排隊。今日真係要去排下隊，其實實際排左都哈算好耐，不過鋪頭入面就迫左少少。抹茶窩夫 (雲呢拿雪糕) $56窩夫雖然等咗耐少少，但係熱辣辣真係好正，而且又好鬆軟，美中不足就係太多人落單所以冇晒綠茶味雪糕。不過一啖雪糕加忌廉再加埋窩夫真係好滋味。水晶仙草芋圓杯 $48雖然份量唔係太多，不過作為甜品其實都好夠，芋圓又煮得岩岩好，唔會好硬又唔會煮得太over。Overall黎講都好唔錯，地理位置都幾好，都比較方便，唯一就係要比較多人去食要排耐少少隊，但係下次再約多d朋友去試下個大窩夫先，打下卡都好嘛。

係旺角食完飯 最近就係去廣華街個邊食個甜品😍 今次我地就去左甜牙牙 貪佢地甜品選擇夠多 有我好鍾意食既芋圓 疏乎厘pancake 心太軟 窩夫等等 睇到花多眼亂🤤今晚我地就揀左仙草芋圓西米露同Tiramisu pancake🥞 仙草芋圓西米露入面起碼有成10粒芋圓😋 重點係好煙韌 而且味道好出 蕃薯 芋頭 抹茶味都食得出 好出色👅 西米露係椰汁底 都好濃味好好食👍🏻Tiramisu pancake即叫即整 都唔係等左好耐 泥到見到個樣都好吸引丫🥰 pancake厚厚的 好鬆軟 仲配左雪糕 特別要讚下佢哋既cream 唔會好甜 好岩配pancake 🤤 仲有旁邊既手指餅 真係tiramisu 做法 浸過咖啡 香濃好味☕️ 整體唔錯🌟

一間未到9點已經人山人海既甜品鋪。menu有好多waffle, 由於岩岩食完dinner就來, 太飽食唔落。仲有心太軟都好吸引, 下次要試下。最後叫左芒果綿花冰同榴槤小丸子西米露。芒果綿花冰比想像中大碗, 綿花冰甜度適中, 芒果果肉如果多d就更好la, 而d爆珠都幾爽口, 又唔會太甜。旁邊既jelly 就真係純粹裝飾, 冇乜特別。榴槤小丸子西米露小丸子唔會太un, 口感幾好,仲有幾個D 爆珠 有幾重口感如果椰汁入味d就更好。椰汁西米露就合格以上。最後舊榴槤係非常正, 好濃味, 口感軟熟。

喺旺角站行10分鐘左右就到嘅甜品店 🤤個陣去8點左右 所以唔使等位 😌入到去店員好熱情咁招呼我哋 頌介紹招牌甜品 ☺️☺️☺️地方好乾淨 雖然空間唔算大 但都算多位 🙈十分推介窩夫 🧇大大份好好食😋 超級推介六層窩夫有綠茶🙆🏻‍♀️紅豆 🙆🏻‍♀️ 香蕉🙆🏻‍♀️朱古力 🙆🏻‍♀️ Oreo 🙆🏻‍♀️士多啤梨🙆🏻‍♀️層層都有唔同驚喜🤤🤤🤤記得要最少每人一份甜品🙈如果大份嘅甜品 就計兩份😚

吃過臭臭鍋到旺角吃甜品，廣華醫院有多間甜品舖都吃過，是夜一於嘗試甜牙牙。 L 選榴槤小丸子西米露，一上桌就香氣四溢。大大個榴槤球真是檔不住的誘惑。西米露又不會太甜搶了榴槤的味道。外表有點像雪糕球！有爆珠，西米及小丸子，咀嚼時口感更多元化。口感複雜的水晶仙草芋圓杯，椰汁底中間是彈彈的寒天水晶，口感比大菜糕Q彈，而且味道較清，每一啖配合仙草及椰汁吃剛剛好。這裡的芋圓軟硬度合適，味道有紫薯、蕃薯 芋頭等。而脆脆的爆珠及軟軟的西米相映成趣。

食完晚餐，又要開動第二個胃-甜品胃，9點多見到旺角呢間店都幾多人等位，就去試下先，叫左一杯水晶仙草芋圓杯($48)，份量超級少，未食已經望到碟底，涼粉兩舊、芋圓8-10粒、一粒寒天水晶，椰汁分量3-4啖都飲完，味道係正常，但收48蚊呢個價錢、呢個分量係好難接受，坊間好多呢個價錢已經係一大碗仙草芋圓，唔會再光顧

食完飯想同朋友繼續吹水去邊度好？咁就梗係去食甜品啦，旺角出晒名多糖水舖，今次就同朋友去咗之前都已經嚟過好多次嘅甜牙牙，味道都唔錯，今次就試咗兩款甜品✨_朱古力心太軟 $55除咗朱古力仲有抹茶味選擇，朱古力心太軟又做到流心效果，食落去唔會太甜，配上雲呢拿雪糕非常滿足☺️之前見到有人話佢哋嘅窩夫都好食下次有機會試吓先😋_經典焦糖燉蛋 $42有冇人同小編一樣好鍾意食焦糖燉蛋？呢間嘅燉蛋上面會有少許生果🍎食落去會更加fresh不甜膩，呢間嘅味道唔錯，焦糖皮做到外脆，小編同朋友都好滿意💜

旺角受歡迎既甜品店🐷呢間甜品店開左好多年，佢既裝修係小清新風格，有唔少掛牆畫同裝飾品，好多年青人都鐘意去~益力多綿綿冰$55👶🏻益力多味綿綿冰，賣相好靚，一層層好似雪花咁，食落入口即融，帶d酸甜既味道。而且佢配料都唔少，有七彩繽紛既椰果同芋圓。芋圓好值得一讚，佢除左煙煙韌韌之餘真係食得出唔同味道，芝麻同紫薯好突出，有驚喜❤️❤️❤️椰汁紫米露$32 😇暖暖地既椰汁紫米露都煲得好綿好滑，秋冬食會暖笠笠。椰汁好香濃，連埋黑糯米食夠曬飽～

放假同朋友去旺角shopping完食完飯，總係覺得爭緊啲嘢，個晚餐又唔係食得好飽，於是我哋就走去搵間甜品店盡興一下··我哋見到甜牙牙門口有好多人排隊，餐廳又高朋滿座，應該食物質素會不俗吧⋯⋯於是我哋就選咗這一間食埋個甜品😚😚··我哋一坐低二話不說即刻order有啲份量嘅甜品.《 朱古力窩夫派對》 這個窩夫賣相精緻，一睇個樣已經覺得好好味，有雲呢拿同朱古力雪糕，朱古力脆球、曲奇餅碎同杏仁⋯⋯食落好有層次感又yummy😋😋作為飯後甜品認真不錯！

和朋友在旺角吃完飯後想多聊一陣天，所以就來到甜牙牙吃甜品！見到menu的選擇都不少！抹茶心太軟：這個甜品有抹茶雪糕、忌廉、紅豆、曲奇餅碎、杏仁、士多啤梨和藍莓。一切開心太軟十分驚喜，見到心太軟很流心，打卡一流。不僅心太軟的抹茶味道突出，旁邊的雪糕也有濃濃的抹茶味道，有少少抹茶的苦味，和旁邊甜甜的紅豆很搭，而且有點水果解膩。水晶紅豆芋圓杯：不要看這個甜品小小杯，材料是很豐富的，有寒天水晶、芋圓、小丸子、紅豆、西米、脆珠和椰汁。芋圓有驚喜，不是只有顏色的不同，吃的出有抹茶、芋頭還有地瓜的味道。