甜姨姨 (耀華街)

營業中

休息中

芒果甜品一向係我嘅最愛，小時候曾經很喜歡去許留山，因為他們入貨的芒果總是很香芒果味的。但自從許留山沒心機做生意後就找不到好吃的芒果甜品。因為最近幫朋友搞《甜姨姨》的聯乘活動，我這個月去了《甜姨姨》十多次；試盡了他們的各款刨冰、糖水、甜吃，都很不錯，當中最得我歡心的是楊枝甘露。芒果汁濃，多果肉，酸甜適中（吃過兩次，水準都保持到一樣），西米也煮得剛剛好。如果堂食的可試「芒果大合奏」，加了一球芒果雪糕，還有芒果乾條，口感一流！想不到這次我去幫人做應援活動，結果自己變成了《甜姨姨》的小 fans 。

甜姨姨私房甜品🍧🤍……….🍑桃之戀 $148•桃之戀係今年9月至11月嘅限定嘅口味。甜姨姨嘅刨冰真係夠哂大份！刨冰面頭有希臘乳酪和鮮水蜜桃果肉，仲唧了蜜桃果蓉汁係刨冰面頭，另上了一小杯蜜桃果蓉汁，如食到中後段味道不夠，可自行倒汁，然後食到中間有烘乾水蜜桃脆脆和Haagen Dazs Peach & Honey味嘅雪糕一球，最尾就有椰果。一開始食嘅時候，味道係有啲甜，中後段嘅甜度開始減少啲。食到中間就有驚喜，水蜜桃脆脆，雪糕和椰果令到整體口感豐富，不用額外加水蜜桃果蓉汁都得，甜度適中，刨冰口感幼滑，無碎冰😛……….💰人均 $74/per person (2人)

#joyfood_銅鑼灣甜姨姨私房甜品 (耀華街) (銅鑼灣)📍銅鑼灣耀華街11號地舖━━━━━━━━━━━━━━━━━━━━━━━━━━━━天氣越來越熱 正需要冰冰涼涼嘅嘢嚟消暑 刨冰就係最好嘅選擇之一🥳 但係食太多甜嘢又會想食返啲鹹嘢 咁甜姨姨就啱啱好符合呢種需求🤩━━━━━━━━━━━━━━━━━━━━━━━━━━━━🍧醬爆 $98 ▶︎ 嗰陣做緊同海邊走走聯動 上面會有兩個白朱古力做嘅拖鞋👣同一塊花生餡嘅愛餡蛋捲 蛋捲皮非常酥脆 內餡好滿不過偏甜所以蓋過咗花生味🥜▶︎ 好啦講返嗰刨冰 刨冰size比想象當中細啲啲啲啲🤏🏻 上面淋咗花生醬 煉奶同豆腐味嘅cream 豆腐cream有驚喜 夠輕盈唔太甜 豆香好重🤤▶︎ 隔離有三塊一口多士 烘到酥脆加上煉奶 意料之中嘅好味😛▶︎ 刨冰比起另外一間名冰店就稍為粗糙 而且有啲地方冇咩味道 不過提供咗一小杯有花生同煉奶味嘅醬 可以食食吓再加👌🏻▶︎ 除咗刨冰 入面仲收埋咗一層花生碎加黑芝麻碎加糖嘅內餡 下面仲有餅乾碎 層次頗豐富🤤▶︎ 可能啲醬沉咗落低 所以食到最尾會越嚟越甜 加上冰都融得頗快 所以最尾會變咗飲好甜嘅糖水🥶 真係要盡快食❗好味指數:●●

見到餐牌上面的必食推介，真的冇推介錯～一個冰兩個人食很滿足～多士冰口感好豐富，食到好入都係好夠味，最尾唔夠味都可以淋d甜嘅好似奶茶咁嘅汁上去食～由於我是個花生醬迷，所以呢個真的是十分推介！了～！

一間我認為唔錯既食冰甜品店🍧有次假日既晏就經過，突然挑起條癮想去食刨冰，又見到直入就得唔洗排隊👍🏻於是就入左去試試左menu上寫住人氣No.2既黑極🍧@$98 即係黑芝麻豆腐味賣相，份量，味道都好好😳黑芝麻味好出，但又唔會好甜解決到我想食甜品又怕太甜既煩惱👍🏻店舖仲有好多款🍧同其他甜品，值得下次再試👍🏻

那天在銅鑼灣吃過晚飯後，在附近閒逛，無意中看到這家甜品店 - 甜姨姨，之前也曾聽過朋友介紹，於是決定進去一嚐究竟。除了平常見到的水果刨冰，還有特別口味的奶醬脆多刨冰，是店舖人氣之選，我們也點了一份。當店員把刨冰呈上，光是看到這刨冰的外觀，已被驚艷到，堆成一座小山的刨冰，淋上滿滿奶醬，不自覺便想像到這碗刨冰，到底有多麼好吃！一份刨冰，兩種口感煉奶微微的甜蜜配上花生醬獨有的味道，刨冰裹上濃濃的奶油一口送進嘴裡，還有焦脆多士做搭配，這個組合一點也不違和，味道豐富但是各有特色。刮上一勺，入口立馬融化開來，散發濃濃的奶醬味，香濃的奶醬在齒間流淌，口感濃厚，不是輕飄飄的，水水的。“你覺得這個奶醬脆多刨冰怎麼樣？”“Emmm…等等，我嘗一口”“好吃嗎？等等，我再嘗一口”一口一口爭著吃，這個夏天，有甜蜜的刨冰，也有屬於我們的甜蜜回憶。甜姨姨私房甜品 (耀華街) (銅鑼灣)地址：銅鑼灣耀華街11號地舖

Chinese Sweet Soup Snow Dome 🍧This Tin Hau spot has been serving the famous tofu pudding with durian #榴槤豆腐花 and mango pomelo sago soup #芒果大合奏 for 15+ years @auntiesweet_tin_hau. They recently opened a new branch in CWB @auntiesweetcwb and served unique shaved ice desserts which originated from local sweet soup. It was a scorching summer afternoon 🥵💦🌞 and could not resist to have shaved ice ❄️ when passing by the restaurant. A perfection for this weather. Popo 黑極 🖤 $98(Crossover with 海邊走走 @hiwalk

甜姨姨 一早已經睇過好多人介紹 但成日覺得好多人懶得排所以未去試🫠今次朋友邀請下 決定排一排 最後好彩都只係排咗半個鐘啫🫣一場嚟到就一於試晒兩款推薦產品 係同好出名嘅台灣品牌蛋捲「海邊走走」聯承🥜• 醬爆 (HKD 98)份量 超！級！大！仲附有幾舊奶醬脆多添🍞花生醬味好香 仲有淋上煉奶個人覺得如果煉奶再多啲或者有得額外再加就好啦 因為食到一半就會覺得淡食到中間開始有啲花生碎同芝麻 有啲嘢咬吓 都係唔錯嘅😉• 黑極 (HKD 98)相比起醬爆 我更鍾意呢個黑芝麻味嘅刨冰😋超重嘅芝麻味 食到底竟然係有激滑溜嘅豆腐花🤩 味道超級夾呀！推薦 推薦🌟🌟🌟🌟仲不設加一添✨

又係甜姨姨啦，要捉住夏天的尾巴呀！400次髒髒冰 $138今次食呢個冰係勁濃朱古力味呀！ 黎到仲會有一包kitkat 一齊送黎， 有冰食又有朱古力食，正呀😍 朱古力冰入面會有好多朱古力粉，除左朱古力粉好似仲會有一啲碎左的kitkat，啖啖都係朱古力味，而且佢的朱古力味唔係化學果啲朱古力味黎，唔會食到好辛苦🤓 冰的份量都算大，對得起佢呢個價位呀，同朋友一齊share食岩岩好😋 甜姨姨的冰類甜品有好多唔同的款色， 而且款色都係比較特別，會吸引到我成日想去食同埋留意下佢有冇期間限定款色！☺️值得一試呀！甜姨姨私房甜品 (耀華街) (銅鑼灣)銅鑼灣耀華街11號地舖

初心 $98呢款名叫初心的刨冰🍧鋪頭話佢係人氣第三位的刨冰，士多啤梨乳酪味🍓 成個冰勁粉紅勁少女，面頭會有一粒士多啤梨乾同埋豆腐味的cream，個cream唔會甜的配埋一齊岩岩好😋 食到中間果陣會有餡料，仲有啲士多啤梨碎碎，唔會食黎食去都係得啲冰太單調😁 餐廳仲會配埋士多啤梨醬，鍾意濃味小小的朋友仲可以加埋啲醬落啲冰入面一齊食，酸酸甜甜，夠晒開胃，負擔都唔會好重，可以試下呀！😍佢地仲好出名花生味的刨冰🥜，當然仲有好多好吸引的口味，其實都想試晒佢呀🤤我係紅日六點幾左右去的，呢個鐘數唔會太多人，唔需要排隊，要果平時見太多人唔想排隊而又想食的朋友，不妨考慮下係啲非繁忙時段去試啦😜甜姨姨私房甜品 (耀華街) (銅鑼灣)銅鑼灣耀華街11號地舖

之前試過佢嘅刨冰味道尚算不錯 今次再特別試吓佢嘅港式特色刨冰同之前一樣冰感唔算好細好幼滑 冰粒都係比日式刨冰粗 今次嘅奶醬多味道好有特色口感偏Creamy 花生醬味道唔算太濃郁 半碟嘅奶醬多雖然酥脆但係比較硬 食到一半中間都好多餅碎 整體來講味道係濃郁嘅 但係個人都係比較喜歡食日式刨冰 味道同埋質感比較細緻 題外話就喺呢度嘅座位十分擠迫 食糖水都係想吹吓水但係感覺實在太迫都係想你快快食完就走差唔多價錢會有更加好嘅選擇。

天氣涼左更加想食冰🤣🤣前排同朋友黎到「甜姨姨」食刨冰🍧，佢地既刨冰同中式糖水都好出名～～而家仲有bagel可以食添🥯，好多選擇❤️❤️-🍑桃之戀 $148✨呢個係期間限定既新口味！！望落白雪雪好靚，上枱後即刻要打卡先📸📸面頭有水蜜桃果肉同希臘乳酪，中間有蜜桃脆脆～～食到底仲有Haagen-Dazs桃味雪糕🍨同椰果，口感超豐富🤤🤤刨冰入口即溶，啖啖桃香！2個人share啱啱好🙌🏻🙌🏻🍹Oreo豆腐奶蓋紅茶 $40✨估唔到除左甜品，佢地仲有提供茶飲～～豆腐奶蓋又幾特別，入口綿密之餘好重豆香😋😋另外可以揀要珍珠/仙草，我就揀左要仙草～口感滑捋捋，好Q彈！！仲飲到啲oreo碎碎，十分抵飲👍🏻👍🏻

邊個話天氣熱先可以食冰，食冰真正嘅精粹係一年四季都食得😤天氣涼涼地食起嚟更加爽🧊！佢哋又出咗新口味，我哋梗係要試吓🤘🏻.📍桃之戀($148)呢個桃味嘅新口味只係做到11月頂層有希臘乳酪同新鮮水蜜桃果肉🍑刨冰用上日本製成❄️口感細膩，蜜桃味香甜食到中間有大量烘乾水蜜桃脆脆最底仲有Haagen Dazs 🅿🅴🅰🅲🅷& 🅷🅾🅽🅴🆈雪糕同椰果🍨加埋令口感同味道都會豐富啲，喺嗰幾清新嘅選擇不過個人嚟講都係鍾意食啲邪惡嘅口味多啲😆.📍榴槤豆腐花($59)頂層有一球味道香甜嘅新鮮榴槤果蓉💛配上香滑濃郁嘅榴槤醬汁同滑溜嘅豆腐花成個口感都好夾又有榴槤香，榴槤控一定會鍾意食！.📍港式奶醬Bagel ($48)/莓莓Bagel ($78)2款Beagle賣相都好邪惡，睇到已經好吸引好想食😍奶醬嗰款雖然落咗花生醬同煉奶，但味道唔會好甜花生醬食落唔夠香🥜，冇咗最重要嘅精髓🥹士多啤梨個款中間係草莓乳酪，旁邊配有草莓乾🍓口感軟滑，酸酸地就好似食緊Yogurt咁唔會膩但層次又未夠豐富，都係上次食嘅朱古力味最好食！

有一日真係真係真係好想冰，本身我係想帶男朋友食附近另一間都好岀名嘅日式刨冰，但去到勁多人排隊，於是就行返過嚟甜姨姨呢邊試吓😛前面有4,5個人排隊，但都好快入得！其實好懊惱到底要花生醬味定楊枝甘露，最後都係揀咗楊枝甘露！即叫即整都等咗一陣～嚟到份量好大，兩個人一定夠喉 冰都算幼身，乳酸味，整體酸甜比例唔錯，芒果沙田柚都足料入面仲有啲脆脆，整體都好食，不過我個人都係鐘意真芒果個種香甜多過呢種乳酸芒果嘅組合。如果下次再食，應該會試花生醬味了。

點樣食推介✨💛銅鑼灣人氣甜品鋪💛💛銅鑼灣黃店💛甜姨姨私房甜品地址：銅鑼灣耀華街11號地舖🍖桃之戀 $148 (7.2/10)甜姨姨耀華街分店最出名就係佢地各式各樣嘅刨冰，今次嗌依個桃之戀外型夠曬可愛，成個刨冰都係呼應返Haagen-Dazs最新嘅蜜糖桃味雪糕，外層滿滿淋左乳酪汁，頂層有比較濃稠嘅乳酪醬同埋蜜桃冰粒，味道清新唔會膩，刨冰內有蜜桃乾增加口感，食到最底就會有一球蜜糖桃味雪糕同椰果，成個冰由頭到尾都有唔同配料，超滿足～🍖榴槤豆腐花$59 (7.3/10)除左刨冰之外仲有好多款港式糖水同小食，佢地依個豆腐花口感超級順滑，同榴槤軟綿綿嘅口感相映成趣，咕一聲就可以滑入喉嚨🙌🏻，值得一試回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)