甘味處鎌倉 (屯門市廣場1期)

營業中

休息中

日本甜品真係幾時都咁鍾意食😍每次經過見到呢間甘味處都好想試吓，呢日終於去咗😍原味蕨餅+浅川園抹茶套餐蕨餅每次去日本都係必食，呢度嘅蕨餅鬆軟得黎又有煙靭嘅口感，每一塊都沾滿黃豆粉，加上少少黑糖醬甜甜地好好味，食完又唔會覺得太濟，配埋杯抹茶🍵濃郁既香味就係Perfect match，感覺好似去咗日本咁😌黃豆粉刨冰另外仲嗌咗黃豆粉刨冰，簡直就係夏天恩物😍份量算多食晒好消暑，刨冰🍧質地做得綿密細微，黃豆粉味濃郁，每一啖入口即瀜，簡直係透心涼，爽呀！咖啡牛奶蕨餅咖啡質地細滑，入口唔會好甜！咖啡同牛奶比例恰到好處，仲有蕨餅喺底層好有咬口，煙煙韌韌好滿足分店📍甘味處鎌倉 (屯門)屯門屯順街1號屯門市廣場1期1樓1268號舖甘味處鎌倉 (銅鑼灣)銅鑼灣軒尼詩道500號希慎廣場URBANHOOD B1樓B101A號舖

抹茶檸檬蕨餅之前一直都冇試過，一飲入口啖啖蕨餅,第一次試檸檬配抹茶,原來兩者味道很夾，檸檬味令到成杯飲品很Fresh，再配上蕨餅好好味。飲品是全天然製成，沒有添加糖精，所以飲入口特別好飲。抹茶蕨餅要做得好吃，抹茶粉的質量好重要, 香氣濃郁，抹茶控必試, 蕨餅煙煙韌韌，散發清香嘅抹茶🍵味。配上熱手打抹茶，完全係唔會太甜同太膩，完美配搭。伯爵紅茶檸檬蕨餅呢個係期間限定，必需要試吓！賣相都好靚，入口有柑香味，上邊仲有個檸檬雪葩，酸酸甜甜咁幾fresh，好開胃好岩夏天飲！

身為日本迷今次黎到屯門, 梗係要試下呢間堅日本名店”甘味處鎌倉”既甜品啦!!之前去日本行程太急趕食唔到,依家係香港開左可以慢慢食啦!! 睇openrice仲有間係銅鑼灣今次試左2樣甜品, 見到店面環境好乾淨整潔, 相信係要跟日本standard 原味蕨餅+浅川園抹茶套餐名物蕨餅係一定要試!! 勁鐘意勁多黃豆粉係面, 食既時候要小心呀, 因為一心急好易咳咳咳, 但係黃豆粉真係好香, 加埋蕨餅又唔會好甜, 入口即溶, 罪惡感為0呀!!抹茶方面可能我比較貪心, 覺得份量唔多, 因為好香飲落好舒服, 唔夠喉~生番茄刨冰呢個因為實在太特別啦, 所以真係挑戰下 , 如果本身係蕃茄迷一定要試下~別有一番風味的 . 酸酸甜甜+冰既口感好岩夏天呢

甘味處鎌倉係屯門市廣場裡面一間專賣日式甜品的小店 環境清新 適合享受悠閒嘅下午茶時光 特別適合喜愛日式甜品嘅朋友仔～！.🐷 期間限定可爾必思紫陽花蕨餅呢個紫陽花蕨餅真係好特別！可爾必思的酸酸甜甜味道 配合蕨餅的軟滑口感 食落去有種清新的荔枝味 夏天食正好 令人一口接一口停不下來～.🐷 原味蕨餅 + 浅川園抹茶套餐呢個套餐搭配咗原味蕨餅同埋濃郁的抹茶 蕨餅柔軟Q彈 抹茶味道香濃 真係相得益彰 尤其是抹茶 唔會太苦 適合所有人 飲完心情都好好！.除咗屯門之外 佢哋銅鑼灣都有分店㗎 大家如果住港島區都可以食到呀～

Melo喺日本每次都會買蕨餅黎食！上次發現甘味處鎌倉原來喺屯門市廣場開咗分店，之前喺銅鑼灣食過覺得勁好食！呢間日本甜品店嘅招牌蕨餅真係冇得輸！💜可爾必思紫陽花蕨餅 呢個紫陽花蕨餅係飲品嚟，賣相靚到爆！飲落去似荔枝味益力多，清新消暑！💚抹茶蕨餅軟綿綿嘅蕨餅配上香濃嘅抹茶粉，一啖咬落去，抹茶香氣四溢，甜而不膩！🍵熱手打抹茶 香濃順滑，冇咗平時抹茶嘅苦澀味，配埋蕨餅簡直係絕配！🍅生蕃茄刨冰天氣太熱，叫個刨冰試吓，酸甜清新，都值得一試 ！餐廳環境舒適，充滿日式風情，食住甜品飲住抹茶chill吓都幾好！

週末同朋友遊車河，遊遊下去左大西北有牛既屯門🤣。咁難得黎到呢個地方，緊係要食盡佢👍🏻。所以我地食完晚餐之後，就黎左呢間位於屯門市廣場既甜品店，佢既位置唔算好大，但係因為風格好簡潔，冇好多多餘野，所以都坐得好舒服。我地一共叫左3樣野，食完真係大滿足☺️。宇治金時刨冰佢既刨冰有非常濃厚既綠茶味，唔會過甜，甜度岩岩好。雖然冇好多其他既配料，但係味道都唔會好單一，因為本身既茶味已經夠哂濃同香。天空焙茶蕨餅焙茶向來係我既最愛，而有焙茶既甜品就更加要試一試。呢杯飲品焙茶味十足，配上蕨餅層次好豐富，面頭cream又唔會過多。咖啡牛奶蕨餅咖啡既味道都不錯，配埋甜甜既蕨餅呢個組合都好夾，鐘意飲咖啡既朋友應該會好鐘意。

最近天氣咁熱，我地留係商場行下街，發現希慎開左e間日本出名嘅抺茶蕨餅店😍，平時去日本都會去飲下，今次就嚟試下香港嘅分店😋食品嘅種類都同日本嘅差唔多，當中仲有期間限定嘅甜品😏餐廳設有座位可以慢慢坐底食，仲有涼透心嘅刨冰系列😍🌸抺茶檸檬蕨餅～抺茶同檸檬蕨餅嘅組合都幾特別🥰蕨餅唔會太甜👍🏻🌸宇治金時刨冰～天氣熱辣辣緊係要食返一個涼透心嘅刨冰喇😋抺茶醬好香同刨冰超夾👍🏻🌼期間限定🤩可爾必思紫陽花蕨餅～飲品嘅顏色好靚😆可爾必思係類似益力多咁，酸酸甜甜，紫陽花蕨餅食落竟然係荔枝味😋夠清新🤩

來自日本的茶飲店，開業至今已有32年歷史，強勢登陸香港。 店內風格充滿日式和風味，同時提供堂食及外賣。 主打人氣鎌倉蕨餅、刨冰及淺川園抹茶，還有一系列特色飲品可供選擇，最適合在悶熱的夏天享用。 草莓牛奶設有大杯及小杯兩種選擇，以大量新鮮草莓製成草莓醬汁，再配上濃郁牛奶，味道香甜可口。 黑芝麻刨冰刨冰包裹著濃厚的黑芝麻雪糕及日式蕨餅，刨冰充滿黑芝麻醬，食到內層再配黑芝麻雪糕一起吃，味道更濃郁！刨冰底層還有日式蕨餅，甜品控必試。 甘味處鎌倉屯門屯順街1號屯門市廣場1期1樓1268號舖營業時間：星期一至日12:00 - 22:00

因為颱風摩羯襲港，變了多了兩天假期，原本想相約媽媽去希慎廣場逛街和一嚐甘味處鎌倉蕨餅，不過媽媽說天氣惡劣不去銅鑼灣了，若在屯門的話她倒願意陪我去甘味處鎌倉飽嚐日本最強的蕨餅，吃完回家多方便。伯爵紅茶檸檬蕨餅特飲是款獨特的茶飲，呈現橙黃色，清澈透明，味道圓潤滑順，芳香的伯爵紅茶混合酸美的檸檬雪葩，透出馨香，入喉後回味無窮，還有咬感十足的蕨餅，使人感到舒適和愉悅，餘韻不絕，值得品嚐及享受。草莓乳酪蕨餅的夢幻肯定是所有女生的最愛，令人變得夢幻起來，草莓乳酪蕨餅非常講究，草莓鮮紅欲滴如紅寶石一般，搭配濃郁的乳酪，整體喝起來酸酸甜甜，蕨餅軟滑，三種豐富的滋味在口中激盪，一喝就有幸福的氛圍。宇治金時刨冰使用日本直送的抹茶醬製作，深得我心，宇治金時刨冰微甘不過甜的風味吃起來清涼又消暑。深綠色的刨冰小山下有著紅豆和白玉配料，是抹茶的最佳拍檔，紅豆大顆飽滿，而且粒粒分明挺香甜，白玉相當渾圓，口感彈牙。灑滿細細黃豆粉的鎌倉蕨餅(10個裝)好不誘人，小叉夾起會發現蕨餅超級軟糯，如果沒快點吃蕨餅又會慢慢滑回盒子裡。鎌倉蕨餅淋上黑糖，入口交織著黃豆粉香和濃濃的黑糖甜美，真的涮嘴，讓人一口接一口。

🇯🇵日本名物「鎌倉蕨餅」終於可以在香港吃到啦。🏯「甘味處鎌倉」位於屯門市廣場，🎏店舖裝潢日系風格，簡約精緻，一口一份鎌倉蕨餅彷彿回到日本旅行。除了大西北有得吃外，港島區銅鑼灣希慎廣場亦新開另一分店，地理位置超方便。🪻紫陽花可爾必思荔枝蕨餅香港期間限定口味「紫陽花可爾必思荔枝蕨餅」是類似乳酸菌飲品，像香港版的益力多，酸酸甜甜。鮮豔的紫陽花顏色跟蝶豆花相似，冰藍色外表下食落去味道似荔枝，口感清新。☕️咖啡牛奶蕨餅咖啡牛奶蕨餅融合了咖啡的苦澀與牛奶的香甜味。煙靭的蕨餅吸收了咖啡的濃郁口感，配上牛奶更為圓潤順滑。📍甘味處鎌倉🏠屯門屯順街1號屯門市廣場1期1樓1268號舖⏰12:00 - 22:00🚙港鐵屯門站B出口#職人#職人手作V ＃甘味處鎌倉 ＃甘味處鎌倉香港#甘味處鎌倉 #鎌倉蕨餅 ＃蕨餅 ＃甜品 #hkdessert #屯門甜品 #期間限定

《甘味處鎌倉 - 屯門》如果去東京旅行，我每次點都會安排一日遊走去鎌倉，呢個地方係我其中一個情意結💙嗰度除咗風景靚之外，其實都出名多特色小食😋好多人都會講嗰一間有多個濃度選擇嘅抹茶雪糕，但係我就私心推介食傳統蕨餅嗰一間Cafe啦😎估唔到佢而家開到嚟香港，喺銅鑼灣開咗首間分店😉前排行開屯門巿廣場，竟然都比我見到佢嘅身影😝今次我就同朋友揀咗兩杯飲品試吓，唔好淨係飲抹茶😉有時都可以試吓其他嘢嘅朋友就試咗期間限定嘅伯爵紅茶檸檬蕨餅，好適合夏天熱辣辣飲用，下面嘅伯爵紅茶微甜，而上面有一個檸檬雪葩，酸酸甜甜開胃，仲非常解暑添，下面嘅蕨餅都好有咬口，可以拎住杯飲品先行邊飲，當係甜品或者下午茶都不錯我就揀咗呢一杯比較傳統嘅咖啡牛奶蕨餅，咖啡味唔會太重，有牛奶嘅creamy同埋濃郁，配埋蕨餅就有啲似食緊咖啡麻糬咁，嗰日真係太熱啦，飲完之後我哋都覺得透心涼好消暑，不過食完都幾飽㗎哈哈😂

呢間甜品店終於喺屯門開分店，裝修跟銅鑼灣店風格一樣，離遠見到就認得黃豆粉刨冰刨冰好大杯，有兩隻手掌咁大杯，刨冰軟綿綿，上面灑滿金黃色的黃豆粉，黃豆粉多到差不多見唔到刨冰嘅真身，真係好正，每一啖刨冰都會食到黃豆粉，刨冰同黃豆嘅味道完美地結合😋😋😋抹茶檸檬蕨餅食日本甜品一定要試抹茶味，個人覺得這是日本的特色味道，甘甘地嘅抹茶配上檸檬味，融入QQ的蕨餅，令人見到已經好想食，就算怕肥都食完先算啦😛😛

好耐冇入嚟屯門啦，今日朋友帶左我黎呢間人氣抹茶甜品店。我哋點咗幾款抹茶嘅甜品都好正。抹茶蕨餅+熱手打抹茶喺日式甜品之中，我最鍾意嘅就係抹茶蕨餅，同平時食開一舊舊嗰啲有啲唔同，佢係比較腍，份量都幾多，而且面頭有超多抹茶粉😍。再加杯手打抹茶同蕨餅一齊食，滿足晒。期間限定可爾必思紫陽花蕨餅重點咗個期間限定嘅蕨餅，味道酸酸甜甜，似係荔枝味的益力多，幾特別可以試試。宇治金時刨冰🍧天氣熱辣辣又點少得叫個刨冰降下溫呢！刨冰份量都幾多，濃郁嘅抹茶牛奶味，旁邊仲有啲紅豆同白玉。食完真係消暑又解渴。

今日去屯門市廣場逛街🥳天氣真的好熱呀，非常口渴的時候好正看到甘味處鎌倉的刨冰😳之前在銅鑼灣希慎也試過一次～原來屯門也有分店了😍二話不說馬上來解暑啦！！！🛎 抹茶檸檬蕨餅平時很少看到抹茶和檸檬的組合意外地其實很合得來喔😳抹茶🍵的香濃配上檸檬🍋的清新，令到我越吃越開胃蕨餅口感柔軟彈牙！跟我在日本吃的差不多😳👍🏻🛎 草莓牛奶草莓酸酸甜甜的味道，一直令我很着迷🥳攪勻後新鮮草莓與牛奶融合👍🏻有清新果香之外，亦喝得出奶香濃郁～幸福感🆙🆙🆙🛎 生牛奶刨冰刨冰口感很綿滑加上生牛奶，整個都白白的很可愛🤣吃到最後也有牛奶味！！！很香濃，而且甜度適中呢👍🏻

去完旅行，竟然愛上咗食刨冰😃唯有上網睇吓邊一度有得食，發現喺屯門市廣場有一間專食蕨餅和刨冰的日本過江龍甜品屋，即刻約埋朋友一齊去享用。我哋嗌咗檸檬蕨餅抹茶特飲、草莓牛奶，同埋生草莓刨冰⏺️檸檬蕨餅抹茶特飲呢杯係夏季限定，佢用左日本梅爾檸檬嚟整，比平時飲嘅檸檬冇咁酸，和軟糯蕨餅和抹茶出奇地搭配。⏺️草莓牛奶蕨餅朋友點了草莓牛奶蕨餅，牛奶香濃，啖啖的草莓肉和煙靭的蕨餅又係好有嚼勁。⏺️生草莓刨冰刨冰上面淋上大量嘅草莓醬，非常sweet，而且仲有草莓果肉，可以加錢追加牛奶或者蕨餅。～港島區銅鑼灣原來都有得食，下次約埋港島區朋友一齊食好西😃