琛記粉麵

營業中

休息中

土瓜灣越黎越小有早餐食既茶餐廳，為左唔使去連鎖快餐店，早上7点幾行左幾條街先見到有間野開左門，叫左個早餐b，個通粉湯好特別，好飲，唔同出面既，其他野就好正常，杯奶茶都唔係特別滑

很久沒有有在這𥚃吃下午茶，今天因為時間關係，便來到了。這裡的下午茶有多款，由由$29-37。炸醬拼雲吞撈麵$37，炸醬不會太酸，撈麵彈牙，雲吞是舊式的做法，有蝦有肉，值得一提的是這裡的湯，是魚熬成的湯，不會腥，因為落了很多白胡椒在湯內，喝得出胡椒味。

夜晚晚飯時間…經過呢間小店…係平日人少少既土瓜灣區黎講都算幾多人係裏面食野…就決定試吓舖頭可以坐到十幾人到…主要都係食麵為主叫左個全天候套餐A…湯底寫明係正宗蝦殼大地魚湯麵黎到都有一浸好香既大地魚味…湯底亦都非常清…飮一啖就感受到蝦既味道…配合埋大地魚…真係鮮上加鮮…雖然魚蛋同雲呑都係普通料…但係個湯為成碗麵加左唔少分餐飲加左杯唔係到到都叫得到既熱薏米水好足料…薏米都煲到爛晒…雖然色水望落麻麻…但是係飮落唔甜…係自家煲既感覺加十蚊既菜心抵食之選

店裏小哥戴副眼鏡，很內向，不大說話，但沒什麽溝通障礙，廚房師傅出菜比較快。 我點的是秘制沙爹牛根腩面，其實就是牛腩牛筋面，沙爹醬味道很好，非常合我口味，牛腩煮得很爛很糯，面是粉面

在土瓜灣有ㄧ間賣粉麫的小店,應該係家庭式經營, 主打各類魚湯米線,價錢廿十多至套餐三十多左右。魚湯好正兼清, 不會覺得鹹。魚旦,魚皮鮫等也有ㄧ定水準,可以ㄧ試。最正係飲品可揀意米水(燈芯花煲既),讚! 以為只主打魚湯米線,今晚去試晚餐有炸醬雲呑撈, 正! 難得價錢又非常貼地,加杯意米水都40蚊有找。 相比大X樂, 大快X等連鎖,或喺佢斜對面門口賣唒蔡san廣告嗰間粉麫, 琛記絕對係“真街坊”! 香港地寸金呎土,難得仍有有心仢小店為街坊提供服務,要珍貴啊!

琴日上完堂又係土瓜灣搵食, 見到這間粉麵店都幾多人食就同友人入去試下.每日都會有2款粉麵作午/晚餐優惠, 琴日係四寶米線($34)包一杯熱飲; 另外可以加錢換油菜.另外我就點左個冬蔭公魚蛋河($22)店舖就細細; 入面都只有十幾個座位啦...不過佢地就提供好多不同款式既粉麵.而佢亦標榜佢地既魚湯出色...講真試左友人個四寶米線個湯底只係一般有點偏淡; 而我既冬蔭公湯底就更加只係少少色無咩酸辣味道, 我D魚蛋亦麻麻; 友人就話只有魚皮餃比較好味之外, 其他都只係一般.這裡只係價錢取勝, 至於食物真係一般.地址:土瓜灣譚公道50號德勝大廈地下5號舖

我本來諗住呢間粉麵店，通常都係雲吞、牛腩粉麵，入到內𥚃才知道，除了雲吞、牛腩，仲有豬軟骨、菠菜餃、海蝦、牛丸、炸醬、魚旦、墨魚丸、炸魚皮。我之前比較喜歡吃牛肉丸，因為肉質鮮嫩，好有牛肉味，曾經試過𨍭了其他貨源，我都吃得出，老闆娘都話我利害，可惜現在我久不久先吃一次，因為已經冇之前咁好味😂云呑係傳統的比例，7成半肥瘦豬肉，3成蝦肉，味道都算可以。牛腩就係雪藏的，沒有太大牛肉味，不過因為有沙爹味，所以都過得去啦。另外有自家製的菠菜餃，這個就每日都新鮮包，所以都可一試😍忌廉咖啡都好香之於最好味，我就覺得係牛筋同海蝦。牛筋好淋好入味👍海蝦雖然係急凍，不過好爽好彈牙。魚皮－又脆又香👌之於最差就係冬陰公湯底，我覺得只係加了濃縮的味粉在魚湯內😱

想寫食評想咗好耐.... 2017年終於踏出第一步~這間良心好食店平日也是我的飯堂~ 一來價格相宜, 二來有健康的菜菜子~~說實的.... 平日出街食飯, 好少有機會食到菜, 好少搵到同時一碟有菜又有肉的飯 (三餸飯另計啦), 又或者平平地都叫到淨菜(而家普遍麵舖加碟油菜都要$12-18蚊喇~嗚~~)回歸正題, 今次我叫既係「全日特價餐」$21單叫無野飲, 菠菜餃魚片河, 再加$9 腐乳生菜~味道係正常好味既, 坦白俾街坊價錢, 想食到驚為天人既味道又貪心D~ 所以我個人覺得絕對對得起個價錢有餘添~蝦+魚片都是爽彈的~~菜不是最鮮嫩, 但$9價錢, 真係算足份量夠味了。因為是飯堂, 雖然今次無食其他野, 但有正野都想介紹埋~^^- 任何飯麵都可以+$9 跟油菜/魚皮 (好脆好食夠量)~ - 豬軟骨飯都推介, 肉冧入味, 豬軟骨下仲有菜托底~ 好啱愛菜之人~- 大大力推介1: 小甜薏米水, 雖然要加多$2, 真係幾好飲, 好有住家味~ 唔係度度有薏米水捒, 值得一試~-大大力推介2: 早餐係正常既蛋腸+肉面+多士+飲品, 最重要係提供時間去到中午12:00~ 正~ 瞓多個鐘仲得~^^**

今天下午又諗唔到食甚麼，結果又來了這裡吃下午茶，這裡由二點半至六點，都有八個下午茶餐，我揀了菠菜餃米缐+忌廉咖啡。菠菜餃是自家製，另配合魚湯，味道很好。而咖啡加忌廉也是不錯選擇👍

今晚好肚餓，又要趕住返公司做野，揀了這裡吃飯。好耐冇在這裡吃飯，因為有其他選擇，今晚點了牛腩飯，冇諗過筋多過腩，只有兩、叄件腩，其餘都是筋，平時我都會走筋，今天忘了，既來之則安之。估唔到D筋好入味，仲好腍。結果吃到一半先發現唔記得影相，只有影張單。如果下次再來要牛筋啦，仲有杯咖啡都好好。

首爾BB豬軟骨飯，從未食過炆到好林，入口即溶感覺。翻食之選。秘製沙爹牛筋腩飯，牛筋食落似花膠質感，是必食之選。大大杯走冰凍飲 多渣薏米水，少少甜，剛剛好，好少地方有得飲。

平時在土瓜灣工作，食厭了茶記，想清一下腸胃的，我會來這兒。之前每日有一個特價粉麵，都係廿多元。今次試下平時沒有試的，誰知令人有點失望。點了冬蔭功豬軟骨米粉，因為冬蔭功這三個字價錢也高了很多，差不多40元。本來也有期望的，一上枱見到不太對路，冬蔭功和湯是兩層分開的，而且吃得出只是在普通湯加了冬蔭功醬，而且味道偏酸，冬蔭功参味道很弱，只是一個比較酸的湯底。不過欣賞豬軟骨，很入味而且炆得很淋身，不會太咸，不愧是店最出名的食品。不過冬蔭功就不好再試了，會令人失望。

早幾年在土瓜灣開業，都唔係好起眼，本身對粉麵興趣唔太大，通常去粉麵店重點都係食餸。佢初開檔時某日經過見佢有豬軟骨同肥牛，幫襯左一次之後，覺得佢既豬軟骨真係好味，就幾個月都過黎幫襯一兩次。幾年黎都幫襯左十幾次，九成以上都係叫豬軟骨米粉，返唔到轉頭！湯底係魚湯，唔係好濃，但係比一般街既魚湯底好，包括荃灣某店同樣以魚湯招倈既舖頭。佢既漁湯聲稱以豬骨、雞、魚、胡椒粒等老火煲出黎，奶白色既湯，飲左8成，唔口渴，無咩味精。豬軟骨調味好濃，送飯送米粉一流，蚊得好淋好入味，豬軟骨比佢蚊到啫喱狀而肉唔散，讚 ！我通常都豬軟骨另上，如果唔係影響個湯既味道。

今日朋友帶我去琛記粉麵，要我試鮮魚湯首爾bb豬軟骨泡飯。食後感覺肉味鮮汁又香，肉味濃之餘，軟骨更是腍中有咬口，再配上鮮魚湯飯，好味。期間再叫一杯自家煲燈心花生熟薏米水， 清甜味道剛剛好。我會再去食多次。

今日得我同同事兩個人返工，個個放哂假，所以費事出去食，叫外賣。我知道呢間粉麵店係同事外賣之選，曾經親自幫襯過，覺得吾錯，所以都毫不猶豫決定今日再試。大約十五分鐘，已經到樓下，速度算快。可能物價上升，手頭上既餐單價錢都上升左三四蚊，不過係附近黎講，都仲係抵食。我叫左菠菜蝦餃米粉，一打開，湯既香味即刻湧出黎。米粉好多，一啲都吾孤寒。蝦菜餃大大隻，皮好薄，食落蝦既份量多，同落菜一齊食，有清甜既味道，蝦口感彈牙，算新鮮。調味方面，吾算太鹹，反而甘，對蝦菜餃既味道先食得更仔細。但係如果鐘意重口味既人，就可能嫌淡左啲。對個人黎講，幾岩胃口。至於話係最好食就未必喇。P.S.:本人係單點，如果跟餐就貴幾蚊；外賣加$1