珍姐海鮮火鍋飯店

營業中

休息中

聽左呢間珍姐咁耐，終於有機會食佢！晏就時間去到門口已經大排長龍，好彩佢入面坐到好多人，都係等10零分鐘就有位坐。唔使睇餐牌都決定食乜家啦，來到老蘭附近梗係食佢嗰個老蘭嫩牛葱油撈麵！落左單就望下個裝修，單啲待應，個牆放左好多空酒瓶，枝枝唔同，待應個個都好潮，配上餐廳音樂，加上佢哋得閒唱幾句，真係好有feel！個撈麵來到個哥仔千叮萬囑唔好倒啲豉油落麵到，個豉油淨係點嫩牛家咋，真體貼！啲牛真係啱啱好，唔會太熟，麵條彈牙，條條都上哂色，一啖牛一啖撈麵，真係多多都唔夠食！中環來講個價錢同質素真超哂班！

中環lunch最受歡迎既餐廳之一！ 每次經過都起碼廿幾人排隊 非常誇張🙊 .今日終於遇到條隊短啲 十幾人左右就黎試下🙌🏻 好彩大概等十分鐘就有位 都幾快～坐低之後落單 上菜速度亦好快.鮮茄免治牛肉煎蛋飯 $60煎雙蛋係太陽蛋燶邊 好正😆 鮮茄免治牛肉味道濃郁 撈飯一流～.老蘭嫩牛蔥油撈麵 $85牛肉好多 鋪滿係麵面 仲要好嫩 係高質素既封門柳牛肉❤️ 撈麵蔥油好夠味 撈得好勻.入座時聽到雞飯要等 仲有好多人叫雞飯 睇黎下次要黎試下先得😆

未經MM 介紹前都已經多人，經MM 介紹後更加癲咗🤣所以都係早試早享受啦。未到十二點去到已見到一條小隊，好在小妹一人就好快入座。一坐低唔洗諗就叫咗拔道腩雞飯，驚死食唔到咁🤣🤣飯同雞嘅份量都算多，雞件好嫩滑同軟腍，有少少似慢煮嘅感覺。雞皮好薄，零肥膏～～配上個醬汁，一啖飯一啖雞，簡直係絕配😋 仲有奶茶個茶膽好濃茶味～但同港式奶茶又有d 分別，不過都好飲嘅。係中環區呢個價位呢個質素呢個份量，真係算抵食之選😌👉🏻溫馨提示：想食呢道雞飯就真係要早d 去，因為見隔離枱想叫時話已經售罄，果陣係未夠12:30 㗎！聽聞一日會有兩轉，13:30 會再出一轉，但小妹唔確定。不過見佢嘅封門柳炒麵都好吸睛👍🏻 不妨一試

久違嘅珍姐🙌🏻夜晚book唔到邊爐 晏就又懶去排隊所以差唔多成年都無食嚕今日lunch一時興起就去咗12:30左右去到 都有條人龍仔 等咗大概20分鐘就有得食(人齊先可以入座lunch只賣幾款粉麵飯 排到我哋已經無雞飯嚕所以就試咗未試過嘅咖喱羊珍姐咖喱羊排飯 $85咖喱汁嘅椰香味好濃惹味得嚟唔算太辣 而且好多汁 好送飯每碟飯有2塊羊排 大大舊 炸得好酥脆仲要係一隻肥羊 帶少少肥膏 都幾好食嘅但覺得個咖喱汁出色啲 有驚喜啲

終於來到珍姐啦!—🍲 清潤椰子竹絲雞湯底•🐚 海鮮拼盤🐮 老蘭嫩牛四併🐮 牛胸爽🐟 即炸魚皮🐷 黑柏葉🍢 胡椒豬肚丸🥟 鳳城雲吞🥬 萵筍芯•🍯 桂花蒟蒻糖水🍹 伯爵凍檸茶—今次無叫到扇牯牛皇 但牛四併都好食!是集合左世界各地既靚牛 有封門柳 牛頸椎 匙柄 胸尖要Encore! 肉味香濃 口感軟嫩 好食😋海鮮拼盤好食! 特別係大大隻的新鮮北寄貝伯爵凍檸茶加料版好飲! 又吾甜!👍Overall雖然價錢吾算親民 但食材高質 最緊要是氣氛好 食得又飽又滿足!☺️🙌

三個月前二刷了珍姐火鍋 這次終於可以吃到珍姐的午餐啦😍不過剛好去的時候雞飯就已經賣完了🥲還好我第二選擇羊扒飯還有🥰珍姐的羊真的很好吃😋之前吃火鍋吃到那個魚羊滑已經很喜歡🥰那個羊羶味😍而且咖喱也很好吃 飯的份量也很多😆我真的吃不完🙈如果下次還有機會去吃的話一定要少飯😬還是不得不再說這裡的牛肉真的超好吃😬上次去吃火鍋的時候點了兩盤😆菜脯蝦醬豬肉滑也很不錯😆生面也好好吃🤤香酥腐竹超大😆高波也超濃很好喝😬周生啤也很不錯🍺

中環這家人氣打邊爐店絕對是美食愛好者的勝地！這裡的食材新鮮度無可挑剔，無論是多汁的肉類還是鮮美的海鮮，都能在每一口中感受到豐富的風味。這種對食材品質的堅持使得這家打邊爐店在競爭激烈的市場中脫穎而出。除了令人垂涎欲滴的食物，這家店的氣氛更是一流。裝潢香港懷舊特色，燈火通明，打造出舒適愉悅的用餐環境。無論是和朋友聚餐還是商務宴客，這裡都是一個極為合適的選擇。然而，值得注意的是，這家打邊爐店的價格相對略貴，可能略高於一般的打邊爐店水準。雖然在品質和氛圍方面絕對值得這個價格，但若追求經濟實惠，可能需要考慮預算。總體而言，這是一家以新鮮美味和高質感氛圍見稱的打邊爐店，絕對值得品味，雖然價錢略高，但這種用餐體驗絕對是物有所值。

今日飛起同事，單拖去傳聞中排隊排餐懵既珍姐開餐！因為網上話一個人唔駛等咁耐好快有位，所以好壞咁自私食😆12：32去到，已經見到長長人龍，估計大約四十人，我已有心理準備要等，結果等左7分鐘，靚女店員問有冇一位肯搭檯，唔理三七廿一，即刻彈出舉手！12：40坐低…滿心歡喜即刻落單…可惜係"雞飯賣晒"😵😵！ 心諗有冇搞錯，咁早就沽清😞靚仔哥哥…果種快、急、趕…我要即刻下決定改食乜，好彩我一早諗定 plan B😎我改食"老蘭嫩牛蔥油撈麵"，呢個名物絕對比得上雞飯！ 牛肉夠嫩夠淋，唔會鞋，而且真係有牛味 😋呢度除左食物水準有口碑之外，我見最多人講既就係一班好有性格既店員😆。個個店員都好 cool, 但個個行動如風，雖然會粗口橫飛，但都係有禮貌既！ 由於午市太多人排隊等候，人人都好識做咁食完就走，所以流量都好快！

🍲🥩🍥🦪🐟🍗餐廳名: 珍姐海鮮火鍋飯店地區: 中環評語:招牌豬骨蜆煲 HK$268 - 湯底唔錯 有蜆既鮮味 鹹度正常老蘭嫩牛四併(中) HK$328 - 四併係封門柳 牛頸脊 牛匙柄 牛胸簽 全部都好香牛味 建議睇自己接受程度碌大約5-10秒左右都應該食得 太耐就太熟哂左件肉鮮製三寶手打肉滑 HK$148 - 三寶係魚羊滑 菜脯蝦醬豬肉滑 墨魚滑 鮮係真係鮮 但味道唔係個個都岩 我就對魚羊同豬肉滑個味道唔大興趣蟶子皇 HK$88 - 好食 夠牙有質感又有鮮味即炸魚皮 HK$68 - 最好食係呢樣 感受到真即炸既效果 上枱係散發住熱氣 鹹度OK 好脆口 冇咩魚皮碎滑雞片 HK$78 - 雞片真係幾滑 冇咩肥膏 啖啖肉結論: 我地同另一對情侶朋友四位一齊食 要早一個半月訂位 個場唔係好大 四位枱好快就訂完 店員都幾好傾同埋做野好快 環境係懷舊茶餐廳樣 乾淨企理 如果一班人講野講得大聲既話就會全場都好嘈 可能呢個係打邊爐餐廳既特別? 價錢上抵唔抵就個個人唔同 如果係為食野既就有其他更好選擇 如果一班人想熱鬧食野都可以考慮環境衛生: 🌕🌕🌕🌕🌑食物味道: 🌕🌕🌕🌕🌑服務態度: 🌕🌕🌕🌕🌗

哇，終於食哂lunch menu上我最期待嘅餐喇！大眾所知，珍組比milkmilk介紹完之後，多咗幾多人去食⋯我都唔例外，lunch 平靚正，中環打工仔最愛！之前我都打左唔少珍姐食評，有興趣可以留意下我之前啲post….今次我叫咗個極品封門牛柳豬油撈麵，我仲叫咗個extra beef…結果食唔晒一上到嚟個份量比佢嚇親⋯無乜香味，咁試下佢個麵先，比較淡口，似粥舖果啲粉面咁，以為又豉油又豬油 一定好油膩，吖，又無喎，好乾身喎，但又唔算好香，牛肉先係主角，又淋又有牛味，點少少豉油令到啲牛肉味仲出！用嚟餸麵好夾，可能係唔想啲麵搶哂啲牛肉味，所以先整到啲麵咁淡口？唔知呢，我食哂最期待嘅餐，最好食都係咖喱羊架飯，超好食

🐻Lunch time 黎左珍姐，12點3左右到都已經長龍到不得了，準備轉買外賣原來一個人去即刻就有位，所以唔洗等就入左去👍🏽入面個格局都好特別，感覺係到扮舊式茶記實在太難影呢個嫩牛撈面，好好食，牛肉聽講係用夜晚火鍋既牛整，因為佢地晚市係做火鍋既，牛既質素好好，平時茶記食唔到！ 個面充滿蔥油香，撈得好夠！軟硬適中，平時食完呢啲面會覺得頂胃，呢個唔會，大推🐻ps 入面播既廣東歌好好聽，待應仲唱得好大聲，好有feel

喧鬧中的一點慰籍今日12點半時段來到，一如既往咁多人排隊，身水身汗，都係想食個靚飯，填飽個肚仔，今次我就叫咗個頭抽豬扒煎蛋飯。賣相唔錯，啲豉油幾正，啲豬扒炸過嚟，但唔會話炸到好乾，食落去都有肉汁，唔錯唔錯！而且側邊，仲有少少脆香，咬落去卜卜聲，啲豬油渣到出晒嚟，勁香口，撈埋少少豉油，用嚟送飯，真係一流，個煎蛋係太陽蛋，一搞開個蛋黃，流晒出嚟，再加少少豉油，太陽蛋加豉油好好撈飯打工仔咁又一餐，有時候打工仔最緊要係快靚正一餐！

一個人原來都可以盡興！中環的午飯時間，每家餐廳都人頭涌涌，一個人反而比較快能獲得位置~ 今天同事們要不放了假，要不約了友人吃飯，我想了想就走到人氣爆燈的珍姐海鮮火鍋飯店，碰一碰運氣，看看是否需要排隊。一去到就看見長長的人龍，本想放棄的時候，店員突然走出來問有沒有一人在等候，我便馬上舉手，然後跳過長長的人龍進店了老蘭嫩牛葱油撈麵（$85）之前有試過它的火鍋，鮮嫩的扇牯牛令人一試難忘。這次來到吃午飯，也點了我最愛的老蘭嫩牛配葱油撈麵~ 這家牛肉的品質一直都很穩定，新鮮充滿牛肉香，煮的時間剛剛好，帶微微的粉嫩顔色，咬下去肉嫩又juicy，完全沒有筋或特別大塊的肥肉，所以說是一分錢、一分貨~ 沾上微辣的甜醬油，更加能提鮮！撈麵是全蛋幼麵，麵質爽口彈牙，碟底有同款甜醬油，可以盡情撈起，裏面有一些豬油渣碎和幾條芫茜，非常惹味~ 麵的分量很多，男生作爲午飯完全ok！覺得太重口味的話可以加點湯（反正我喜歡重口味哈哈哈）~

眼見中環珍姐日日大排長龍，所以今日特登早啲出去食Lunch，我哋12時正去到已經排緊隊。珍姐既午市主打係碟頭飯，午市時間由11:00至14:45，午餐有7款口味，今日我哋一行4人全部叫佢既招牌菜拔道腩雞飯。聽閒呢款好快賣晒，好好彩我哋入座後仲有。★拔道腩雞飯 $55雞肉去左晒骨同非常嫩滑，配上秘製新鮮辣椒豉油，好鬼野味，正。$55 嚟講呢個質素係中環真係打工仔恩物。★凍奶茶 $10佢哋個茶底幾好，啱我口味，好飲，值得叫。✪總括食物質素𝐨𝐤 ，至於服務質素，大家唔好抱大期望，因超級多人排隊，會令你有壓力要食快啲，下次想試埋珍姐咖喱羊排飯。

「珍姐」火鍋店以港式大排檔格局設計，營造出地道的用餐環境。這種擺設讓人聯想到香港街頭的小吃攤位，給人一種熱鬧、忙碌的感覺。食物質素在「珍姐」火鍋店是一流的，特別是他們的牛肉。他們提供多種不同牛的部位供客人選擇，而且每一塊牛肉都非常嫩滑，讓您品嚐到優質的口感和風味。這種高品質的牛肉讓整個火鍋體驗更上一層樓。此外，員工非常熱情友好，並提供「陪飲」服務，讓客人享受到暢飲的體驗。還有，背景音樂播放著八九十年代的中文廣東歌，為用餐環境帶來一份懷舊和歡樂的氛圍。這些經典的歌曲能夠喚起人們對過去時光的回憶，讓用餐體驗更具情感共鳴。