玩具屋

營業中

休息中

Having always wanted to check this place out, I was quite excited initially when I finally entered the place for a meal with my friend.What can I say? The service was mediocre. The staff were borderline friendly and the menu was difficult to read. I understand the dim lighting is a feature, but if that is indeed the case, the menu should be more reader-friendly. I told a male staff that there were two of us and he asked us whether we had booking. I said no and he immediately put us to the very e

睇到啲食評寫得唔錯所以決定生日飯去呢一間食試吓，我哋一行八人book咗一間房去到嘅時候全場得我地一枱客人，我心諗會唔會係會唔會係因為太早嘅關係未有客人點知差唔多等到八點半都只係見到一台兩位嘅客人實在百思不得其解，如果一間好味嘅餐廳點會成晚都冇客呢？我哋叫咗食評裏面所有評語都寫得唔錯嘅食物不能盡錄，但係我全部嘅朋友食完之後全部都係冇驚喜，咁嘅價錢其實一啲都唔值，總之中伏

係，我實在太掛住日本，實在太掛住係道頓堀法善寺橫丁裡面一間平價爐端燒店，所以見香港有類似的店，點都要試下。表面睇真係唔會知佢係咩鋪頭，唔知可能真係會誤會係玩具店，其實所有玩具同擺設都係店主收藏品，男仔應該會幾興奮，我就當然比較關心食物質素。佢有一般座席，但食爐端燒當然要坐bar枱位，因為一來所有材料鋪晒係你面前，可以直接指指點點，二來廚師燒完會用木槳遞畀你，所以記得訂位時特別講明。順帶一提，店方好貼心，訂左位的話，座位面前會有張紙仔，上面有你個名，仲有日文寫住多謝你惠顧，好有日本feel。呢排鍾意食枝豆，聽聞呢度的枝豆（$38）會浸過醬油燒一燒，咁特別更加要點。雖然只係個殼有陣陣醬油味，但都忍唔住要啜下先咬裡面的豆，燒過又香又暖暖地，一碟分量都唔少，作為前菜好值得點。原來呢度都有味噌燒蟹蓋，個名叫月見蟹味噌甲羅燒（$128），月見即係生蛋黃，燒蟹蓋唔係灰色一pat的蟹膏，而係蟹肉、蟹黃同蟹籽居多，加埋蛋黃拌勻一齊燒，味道比較鮮，冇蟹膏咁濃味。食法隨意，就咁食又得，放係多士上面食都得。我好鍾意食牛舌（$62），呢度做法同出面有d唔同，係整塊燒好後先切片，所以牛舌芯係有少少偏生，係冇切片串

之前來過一次，知道這裡有一間房，今次有兩位小朋友，所以坐房會舒服d，最抵消費三千大元，玩成晚這裡裝飾以日本動漫為主，不同年代的朋友也可以重拾屬於自己的童年回憶至於食物方面，食材新鮮，味道也好，但這裡食物種類和份量不夠多，個人認為比較適合2-4人來傾計談心另一方面，這裡除了生啤外，也有手工啤酒，更加有很多不同品牌的清酒，岩晒我哩D冇酒不歡的人下次來想試試坐吧枱

話說上次寫完食評之後再黎左一兩次，有次侍應同我講話佢地近排開Lunch，仲自動拎個Menu 俾我睇，醒目！睇左個Menu 都覺得幾合理，不過要睇下Keep唔Keep到質素，就打算搵日試下～今日約左朋友係銅鑼灣行街，就提議約係呢到等～！食飽先有力買嘢加麻！始終呢到燒物為主我就叫左個燒雞扒SET，朋友竟然話要食咖哩飯有驚喜！以為係Hea整，水汪汪的咖哩，點知料多過汁！抵食又好食燒雞扒SET，Keep 到水準～雞扒好滑燒汁又夠味！個Set 有湯有沙律又有前菜仲有甜品～幾十蚊係呢區算抵食～好過係銅鑼灣食～同樣價錢，質素反而冇咁好，推介呀！

有日經過天后橫街，俾個門口吸引咗。。間店在地牢，好神秘啊 有日放工再經過就試試啦。。食物方面都唔錯。。好多酒揀牛舌好好味，好juicy，燒得啱啱好！茄子中間茶咗啲醬，又ok夾喎。。海膽好味又多個新地方。。

是咁的，小女子就住天后嘅，平時同老公仔出出入入都係揸車，有日咁啱同佢拍拖落街行吓，竟然發現一間隱世小店 --玩具屋！ 門面好多玩具，見老公仔望到眼都唔眨，仲以為係賣玩具，點知門口擺住本menu，望一望，原來係食嘢嘅，成件事錯得嚟又幾特別 ！ 於是我地就決定落去睇吓呢間嘢係咩料！ 一入到去，燈光微暗，幾有格調，我地就坐低開始叫嘢食，最後有幾款菜都幾正，想推介畀大家！ 1) 粒貝壺燒 -- 啲螺肉幾有口感，最後仲可以飲埋湯，正呀！2) 燒牛橫隔膜 -- 口感特別，你試過橫隔膜未呀！？3) 蟹蓋甲羅燒 -- 荷包蛋連蟹肉一起連多士食，有咩理由唔好食！？嗚！終於食飽飽，返去同老公仔....^^總括而言，睇玩具，食嘢，環境好，一次滿足你三個願望有突，玩具屋簡直係天后嘅出奇蛋，呀唔係，係勁過出奇蛋呀！唯一美中不足係真係太難搵到，但唔難搵到，又點叫係隱世小店？

收工同朋友行過 見到有間鋪頭啲玩具好齊 完全係我兒時回憶 已經俾佢吸引住行落去睇下先發現係餐廳就膽粗粗試下啦 問店員先知係爐端燒 都幾特別而且酒櫃又大 酒款都幾多四周圍都有好多海報 係我細個睇開嘅卡通仲有間private room可以開下party 真係幾盞鬼打開menu見到嘢食唔多 但勝在夠新鮮 咁就叫咗啲試下一開波梗係叫啲小食先啦 個枝豆有豉油浸過再燒 相當入味 而且份量唔少 兩個人啱啱好 芝士魚餅外面好彈牙 入面包住流心芝士幾得意 再嚟多個燒鱈棒 脆脆哋 鱈魚味又有 追加咗多一客見周圍枱枱都有叫牛脷就叫個嚟試下 生生哋但係唔會好難咬 不過有啲雪味 粟米牛油好重 好食 另外仲叫咗個甲羅燒同燒金線鯛 不過掛住食都唔記得影相經店員介紹叫咗枝720ml嘅sake 幾好 淡淡哋唔會好dry 女朋友都話正整體嚟講嘢食好食 但係份量偏少 價錢都略高 不過間唔中食豪啲完全無問題 可以接受 環境完全係驚喜好特別 相信有返咁上下年紀嘅你哋會好有共鳴 店員都幾殷勤 介紹嘢食同飲品都幾中我心水 今晚食昨大約每人500蚊 有酒飲有好嘢食 p.s 店員話星期五六 記得訂位 好full

係日本都食過爐端燒，但係香港食真好貴有一次同朋友食飯就提起先知原來香港都有平靚正爐端燒去到門口已經有定心理準備，因為叫得玩具屋應該有大量玩具仲以為係後生仔玩具，竟然係星矢，銀河鐵道999 ⋯⋯仲播埋動漫歌，真係不得了！！爐端燒小知識：爐端燒的整個過程為廚師先蹲在一個方形爐前，其周圍會被擺滿不同的食材的枱包圍。當顧客指定要燒某種食材時，廚師會在完成每一道菜的烹調過程後都先高聲喊出菜式的名稱。然後再以木槳送上食物到顧客面前。<維基百科>唔多講即刻去相脆卜卜，送酒一流！夠哂味！仲以為係內臟，食落係肉拉絲芝士蠃哂燒枝豆，又幾特別！得兩個食得唔多～～唯有下次再食 

C朗英勇贏波....小弟執咗少少一行四人本着踢館心態試試日本爐端燒平時食開三四百放題坐低望到份Menu好似奶奶地野咁個侍應又笑笑口咁望住我地同兩個Fd打一打眼色...諗住食少少就閃四個人嗌左個我最愛嘅枝豆但係燒嘅真係未試過..幾香同個五款刺身開波係個個笑笑口侍應積極推薦之下開咗支大炮Sake聽極個名都唔識讀Yoiyoinoyoi你可以試吓之後開始燒嘢食蟹蓋我覺得幾抵食....男人之寶-燒蠔利申唔食生蠔嫌腥呢個牛舌係極力推介...不過女朋友嫌生免治雞肉棒個個都讚好秋葵第一次食比想像中好番薯係好食既...跟個綠茶cream...幾特別影相嗰時食咗一兩塊...但係本身分量都真係好小最後就醉就食埋個烏冬返去打Fifa今次淆底冇嗌燒魚，其實同樓下街邊宵夜檔差唔多....下次再試五百零蚊個頭同放題差唔多唔平....但係偶爾gathering都ok...成功踢館

除了懷舊。不值一提。 生日蛋糕居然未拎出黎。係廚房切件拎出黎 。食物質素。燒烤超咸。刺身 唔凍。埋單。滙豐九折。但伙記原價拎入黎。問才話打錯 浪費時間 味精重 侍應態度非常差 

天后最近開了間【玩具屋】，門口的飾櫃放滿日本模型，有黃金戰士（一套6個齊全）、IQ博士、鹹蛋超人、各款超合金（抑或超合金魂？）、聖鬥士星矢（整套12個黄金聖鬥士聖衣）、叮噹、小露寶......等等，十分搶眼；門面似日本玩具、figure店多一點！老公話，估計單是放在門口的玩具已經最少價值五位數字； 如果那些是第一代的 popy 超合金，而非 bandai 再版的超合金魂，價值甚至可能超過六位數字。沿着木樓梯走進地庫，兩邊的牆上貼滿70、80年代日本動畫、特攝超人電視劇的海報，店舖內甚至有一個真人大小的鹹蛋超人公仔……非常明顯老闆是位七十後的男人，小時候沒機會擁有，長大後有能力就買玩具彌補兒時遺憾的一群。筆者的老公見到這些玩具兩眼發光，但是家中沒有位置給他擺放，唯有帶他到【玩具屋】餵飽他。甫入居酒屋，店內一個大型開放式爐端燒（炉ばた焼き）也是賣點之一，放滿新鮮的蔬菜及海鮮；又掛上了日式木牌介紹食材、以及紅燈罩營造出日本居酒屋味道，很有「深宵食堂」的感覺。可惜當晚吧枱沒有吉位，沒有機會享受這個氣氛及欣賞師傅按照爐端燒傳統，用木槳把燒好的菜式遞給客人的情況。店中每個角落都放滿玩具或海報，這

看這餐廳的門面和裝修其實我是興趣不大的因爲我從來不愛看卡通 也沒有鍾愛的玩具不過這家店有食神朋友介紹過 那就當然要試一試店内環境沒有想象中美好 可能我真的不fancy玩具卡通乜乜乜 不過昏暗的燈光令人放鬆 吃得舒服甫進店就送上熱湯 湯夠熱夠咸 不錯不過若你需要喝茶 就要另外跟店員說才有他們不會給水或茶鮑魚 $88鮑魚燒得很好吃 肉質嫩又彈牙 沒半點腥點調味畫龍點睛 但又不搶鮑魚的鮮味大蝦 x2 $136蝦很大條 肉質飽滿但調味略淡 因爲調味全在蝦殼上面 蝦肉非常淡味手羽先x2 $66正常 沒有驚喜牛胸骨 $168肉質不錯 但我比較喜歡熟一點的肉 太生的我不太喜歡炸豆腐 $32炸得香噴噴 豆腐很滑 上面還鋪滿蔥花 好好吃露筍 $45咬下去爽脆還帶著滿滿的水分 燒得夠功夫舞茸菇 $46不熱 而且調味的醋有點過酸 好酸番薯 $54這個番薯和我想象中的番薯差很遠 我所期待的是暖烘烘 軟綿綿的甜番薯 而這個是用乾身的番薯點忌廉 有點像薯片 當然這種做法也不錯 不過分量實在太少了 有點不值甜栗米 $28這個好好吃 栗米超甜 粒粒都燒得好香 整個調味非常惹味香口 讚一個芝士年糕 $42裏面的年糕很黏

經過門口寫著玩具店又話有sake,high ball,知道事有蹊蹺 落到去原來係爐端燒 八個女子坐低試下先大大既open kitchen, 海鲜既display 咁似大板D炉端焼。我哋一行八人 店員比咗一間曡曡米房我哋 勁興奮有漫畫書可以除鞋睇 少少空間不亦樂乎呢度有刺身亦都有燒物 店員推介我地出去海鮮檔揀時令海鮮 今晚想食乜就自己指 除海鮮之外 亦有日本嚟嘅野菜 例如有茄子啦大冬菇啦青椒仔啦等等等等 好似city super 但有師傅即叫即燒 坐吧頭嘅客人 師傅會用木槳把食物送到你面前我地點左一啲海鮮 如池魚 燒蠔 $100蚊起  亦都有大眾化嘅燒物 例如牛脷、和牛、雞翼等等 燒得恰到好處 絕對冇過火 賣相亦相當吸引飲品方面 酒我不太熟悉 店長話清酒係自家入口嘅。如果唔飲酒嘅話亦有不同嘅日本汽水 例如柚子梳打或者綠茶可樂總括嚟講 空間雖小 但一個平民爐端燒 價錢係非常吸引 食物質素良好 大量日本進口嘅食材 如果多人嘅話 可以定一間小房間 餐廳播放着70 80年代的日本流行音樂 可以過一個輕鬆愉快嘅晚餐

聖矢，龍珠，IQ博士，這都是我的童年。有一天無聊在行街，經過天后見到有一間店名為"玩具屋"。本來以為是賣玩具的地方，點知原來是一間主題日式餐廳。因為時間尚早，我再晚一點去，反正約了朋友又想不到晚餐著落。入到去，感覺像日劇中舊時的裝修，到處貼滿兒時卡通的海報。超人BB應該是店內最搶眼的主角海鮮放在冰上供人選，有點像鯉魚門食海鮮以我的經驗，通常主題餐廳，外觀靚，食物就麻麻。不過一場來到，試試再算。點了刺身，燒物，海鮮及清酒。一飲，一食，眼前一亮，邊個話"外觀靚，食物就麻麻"，不論食材，手工，技術都是上上等，佢不用用主題都可以吸引到食客。最想說是那個西柚魚生，意想不到地夾，魚生的鮮+西柚的甘，正！另外仲有一碟刺身併盤，我忘了拍照 T.T ，可惜可惜，當中是有三文魚，海膽帶子，toro 等等，賣相一流，不次去食先影再保番。之後在店內到處拍照。劃上完美句號。其實有很多不同款的清酒可以試試，有些更是這裡先可以飲到。