王林記潮州魚蛋粉麵

營業中

休息中

旁邊的薩莉亞和王林記，我哋選擇咗王林記。始終薩莉亞周圍都有，我哋揀咗從未試過的王林記一試。我哋叫咗兩碗粉，一杯奶茶，一個菜心。魚蛋河湯底有味唔淡，魚蛋彈牙。我男朋友幾欣賞。水餃麵水餃一般般，麵質就剛剛好是彈牙的，所以我哋很快趣便消滅咗佢。奶茶，正正常常冇咩特別。最後個菜心冇影相，但灼得唔夠熟，我同男朋友都有呢個感覺，同埋菜心有啲硬。可能菜心太老吧😅

切腩係用清湯牛腩出品，雖然賣相佢黏附一些肥膏，但食落肥瘦比例合宜，口感軟腍，所以建議唔好飛走佢，就算連肥膏一拼進食，都唔會有肥膩感，的確令人有驚喜👍🏻另外，佢哋出品時已經將粗麵同蠔油撈得均勻，食到底都唔會好油膩，加埋個清湯夠濃及唔會太咸，整體都可以值得清哂😋進食期間，我見都有唔少食客都有叫切腩撈粗，所以應該都算係招牌菜之一，期待下次試埋佢啲小食同其他菜色

好耐冇食過，水準依然保持到。香蔥魚蛋麵 $40 加紫菜 $5王林記嘅魚蛋一向都好出名。喺一間有啲名氣乾乾淨淨嘅餐廳食碗麵，以而家嘅香港嚟講，價錢絕對ok。魚蛋唔算大粒，但贏在質素好。入口彈牙，咬一啖有好香嘅魚味同埋潮式魚蛋特色嘅胡椒香氣。令人意外嘅係佢嘅香蔥唔係gimmick嘢，食落的確係有香蔥味，係食台式蔥油餅嗰種香蔥味。 湯底唔錯，食完唔會口渴。幼麵都彈牙恰到好處。 嫌就咁食麵太寡，加啲紫菜，就完美還原到潮式粉麵嘅鹹鮮。同埋聽講紫菜好有營養，可以多食😆。占醬厚多 $20凍檸茶 跟餐加$15占醬多係呢餐嘅最大驚喜🤩🤩首先，好難得咁夜都仲有得食。落單嗰陣，侍應會問你要厚多定薄多。喺香港呢個成日俾人話要改善服務質素嘅社會，算係好難得！上餐嘅時候，賣相完全令我驚艷。果占同花生醬都好大方，搽到滿哂咁俾你。咬落去烘得脆口，又因為厚多嘅關係，麵包有足夠嘅厚度，喺烘完之後保持鬆軟。可以話係完美嘅飯後甜品💛凍檸茶就同茶餐廳一樣。其實新鮮檸檬沖，基本都會清新好飲。純粹係有少少貴。其實呢啲街坊小店就好少有人寫，除非好劣。所以一般都係會喺OpenRice見到質素麻麻/唔好嘅評價。但筆者希望to be fa

好久沒來過柴灣，事情辦好後已經過了晚餐高峰時間，就在環翠商場附近想找吃的然後回程。看到這一間王林記好像不錯，就找個位子坐下。以前在麵店都是點四川炸醬麵多，今天看餐牌撈粗也很久沒嘗過了，就點了豬手撈粗。豬手撈粗，附上湯撈粗比想像大份，品質出乎預期的好，豬手軟糯入味，一咬就脫骨了，滷水咸淡適中。粗麵雖然是醬油撈麵，但仍然爽口彈牙，沒有濕作一團夾不開的情況，以為份量太多會吃不完，最後加了點紅醋解膩，竟然全吃完了。

第一次幫襯中午餐,明明叫凍檸茶小冰,轉頭比咗杯凍奶茶小冰,立刻同返四眼女待應講比錯,點知個位待應話客人叫錯,爭拗好耐都話客人叫凍奶茶,態度惡劣,我哋第一次幫襯,未見過咁嘅服務態度.叫沙薑雞又冇,待應態度又差,真心冇下次.早執早著啦.

早幾個月去了柴灣的王林記叫切腩河，牛腩質地真係有d差，質地好硬又冇咩牛肉味，同筲箕灣個間差好遠，筲箕灣分店切腩係好好食的。然後尋日再去柴灣分店試多一次，午餐叫了一碗切腩河 $48 不包飲品，再次叫切腩河，d牛腩又係硬柴柴咁☹️

湯有怪味，好似抹布味。職員都麻麻地。剛下單不久，1秒左右想轉飲品，竟話落左單，落左單又未整，已立即拒絕你。當時星期六中午12點幾多，完全唔多人，總之你要佢做額外事就唔想

附近做野所以久唔久都食個收銀成日自己聽錯落錯單都算,仲要出左餐會屈你要食左佢.唔食仲會閙你屈你話係你叫錯我會話廚房出錯你唔想浪費照問個客食唔食都好合理但唔係屈人一定要食人地真係唔食你都要整番比人架啦 憑咩我黎比錢食飯仲要比人鬧上次同事叫凍奶茶少甜 黎到另一個話杯野係正常凍奶茶我地就親眼睇住佢拎走左杯凍奶茶放係佢收銀枱放完一陣就完杯拎黎話係少甜,杯面啲水珠都已經話左比你知係放左一段時間今日講番佢仲可以理直氣壯咁答話啲冰融就係少甜評心而論,食物就正常茶記質素同價錢.某位侍應態度就真係不了我就真係嬲到特登開個AC出黎話比大家知有幾惡劣信不信由你啦,我諗街坊都知係邊個人

第一，店內wifi五得，信號📶又五好！第二，有一次去發現食物內有不明物體，告知店員，一口就否認不是污糟野！幫我換左一次，我發現又有五知咩黎，我又同區問返區咩黎，d態度大變，你自己同老闆講啦！仲串嘴話如果甘介意咪出街食！餵，我帶住小朋友食，我謹慎d有問題？利申我五係第一次食果碗野！！！第三！上西多士叉都五俾，叫客人用筷子食？我五五係第一次去幫襯，食物質素係點早以知，不過今次件事真係令我很憤怒😡！再都五會去幫襯！！！

放工自己去食晚飯，侍應送錯嘢食，因為我好專心咁填緊medical嘅問卷，冇為意就食咗。餐廳侍應當時好大聲咁討論緊送錯嘢食，一開始冇留意講咩直到有其中一個侍應過嚟望一望我張單，我先發覺自己食錯咗。本身面皮薄，叫嘢食都唔敢大聲叫侍應過嚟，真心如果係想再confirm,要我道歉，或者補差額（睇食評貌似仲平過我叫嗰個少少,定係加咗價🥺），可以直接同我講。但佢哋嘅做法係不斷大聲咁話24號個女人已經食咗，覺得非常尷尬，更加唔敢出聲，驚成為全餐廳焦點。連中途有水滴落我個頭度都唔敢出聲，淨係自己移過少少坐就算。如果我嘅錯誤令到其他客人受到困擾，我只能夠喺呢度道歉，對唔住！因為好尷尬，如果冇乜必要唔想再去😖

提起王林記當然會諗起魚蛋粉但其實唔少人會叫焗豬飯柴灣分店第一次黎舖頭好大即刻有位叫左個香蔥魚蛋撈粗 $47魚蛋成日見香蔥魚蛋真係唔係度度有魚蛋爽口撈麵就一定會揀粗麵成個組合無得輸啦焗豬扒飯 $51睇賣相 未食都加哂分焗到芝士金黃色 拉哂絲豬扒唔會死淋最重要個蕃茄汁又唔錯估唔到魚蛋粉麵店做焗豬都唔錯👍🏼—————————————————-—————————————————-—————————————————

王林記食左10幾廿年，想當年自己搬出嚟住東大街，從來唔煮飯，王林記同安利就係我的飯堂。早幾年王林記係柴灣開了分店，間中都幫襯，今次第一次寫食評。與太太放假落街食午餐，佢建議去王林記。因為佢好鍾意食佢嘅豉油王撈幼面。太太叫了魚蛋魚片豉油王撈幼面，保持一貫水準。幼面乾身爽口帶微甜。加上大量芽菜增加口感。碗魚蛋魚片更加唔使講，夠魚味，永無失手。我多數叫切腩撈粗，今日試下炆腩飯，又幾好，炆得入味，牛腩有筋有肉。保持一定水準👍👍

高質切腩撈麵😛王林記必點除咗手打魚蛋之外，切腩係必須的😎切腩份量多且牛味重，平時最怕係好韌食唔到，但佢做到好多肉汁，配埋粗麵同佢獨特甜豉油，粗麵彈牙，太乾的話仲有一碗清湯加配，加上爽脆的芽菜可以解膩😎環境尚算不錯，有懷舊風格，店員服務態度好，港島朋友一定知道仲有筲箕灣總店，同樣出色！🚩王林記潮州魚蛋粉麵 (柴灣)柴灣華廈街2號環翠商場地下G03號舖總店王林記潮州魚蛋粉麵 (筲箕灣)筲箕灣筲箕灣東大街10號東寶大廈地下A號舖#addifoodie #addifoodie柴灣 #addifoodie筲箕灣#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

收工搵野食好多時都來呢間食切腩麵，今日突然間想食下雲吞。小朋友先做選擇，拼埋一齊就ok啦仲轉下食下米粉。雲吞就唔係好大隻但真係成隻蝦來既，彈口又爽。切腩一樣咁好食，肉質鬆化加少少脂肪痴住好鬼香！以後都咁拼來食

行過環翠商場見到經過大翻新後多左不小餐廳·亦係各有特色·落去搵食易好多選擇·柴灣居民有口福😋今日去一間係鄰近筲箕灣有總店既粉麵餐廳一試😎—————————————————☻非專業食評·純個人口味☻味道真係唔錯·以筲箕灣店之前都去過不過太多人放棄左🤣環翠商場內雖然仲有唔同選擇俾大家·不過王林記依然值得推介👍同時係度再請觀眾們有咩推介可以下面留言～幫下小編可以周圍搵好野食～再可以分享俾大家～多謝先😊