王家沙．花樣年華 (太古城中心)

營業中

休息中

晚上八點到餐廳，人不多，但食吓食吓，不停的有多枱2人入坐。叫咗紅燒牛肉湯麵，睇住廚房（因為坐門口位置）師傅即時淥麵，送上來時熱辣辣，D牛肉好腍。另外，叫咗鱔糊加膜餅，個餅又係熱辣辣及好鬆軟，夾住嚟食，超正。大滿足的一餐。

We were looking for an oriental restaurant without a queue on Sunday, ending up seeing this restaurant with plenty of empty seats, we just went in.Staff were pretty laid back. Not much service was provided throughout the dining experience even when walking in. We ordered pan fried dumplings, shenjian mantou, xiao long bao and veggies and pork shreds stir fry rice cake. Pan fried dumplings were literally big pockets of soup. Even juicier than xiao long bao. Crispy bottom with meaty stuffing. Wrap

專登行過嚟諗住食哩間餐廳，20:15pm到達，眼見起碼有兩三張枱可入座，同侍應講要枱淨係回覆：「無架啦，無架啦⋯⋯無架啦」 明明OpenRice 寫開到22:00，啲呀姐20:15就趕收工！

因為有啲Gaia Group $50券，所以試下呢間嘢。7:30pm 先入座嗌嘢食，嗌咗碗擔擔麵、排骨菜飯、蟹粉小籠包、膳糊、葱爆羊肉配薄餅。除咗碗麵之外，完全唔明點解啲嘢嚟到會全部緊緊暖，已經坐得好近出餐位！啲人都開始走，證明亦都已經過晒最繁忙嘅時間就算唔講食物溫度，啲嘢食質素完全對唔住$200/位呢個價位。個膳糊勁多油，講真俾返煮嗰個佢都未必食葱爆羊肉配嗰碟薄餅包住保鮮紙上餐，嚟到待應先拆保鮮紙俾我哋。用微波爐翻熱翻到出晒面，有塊仲叮到硬硬哋。收呢個價錢但係咁嘅質素，呢間真係冇下次

同舊朋友中秋節前嚟一次聚會，三個人叫咗蟹粉小籠包、宮保蝦、熏魚、奶油津白、京蔥炒羊肉、馬拉盞炒通菜、鍋貼及招牌牛肉餅，上菜速度快，可能是晚餐廳人數唔算多，食物溫度及味道都OK。先講小籠包，一籠五隻，係正正常常，皮唔算太薄，但係入邊肉汁夠。宮保蝦夠惹味，肉質都可以，亦都冇過熟嘅情況出現。京蔥炒羊肉，泡饃得四片略為唔夠，羊肉亦都唔夠臊味。鍋貼一份三隻肉汁夠煎得夠好。招牌牛肉餅一份都係三隻。其餘嘅奶油津白、熏魚及馬拉盞通菜就冇影到相啦。最後，是次消費經OpenRice訂枱，所以全單堂食九折。

其實個brand都叫做係香港多年，但真係何唔到而家落左入Gaia group 會變到咁差。點心又硬又無味，小籠包唔好講有無汁，係連肉都好似無乜咁。其實收得咁的價錢，係咪可以有番少少良心。好多野食又話唔知無師傅，定個機壞左無得叫。侍應唔係唔夠人，但有兩個企係門口吹水，入面的就踢曬腳，但其實係講緊星期六午飯時間，加埋都無十張檯係度。小朋友收足茶錢，六個人硬食兩碟花生計錢….食左6舊水都係好似無食過野，食公仔點心無咁嬲啦真係一去無回頭啦，連埋同系的都要唸清楚避得就避了。

經手機訂咗周五晚7:30pm。入到去坐滿哂，但已預留枱。因果位冷氣出風位好強，要求換位，等咗一陣間就成功換位。食物ok，小籠包皮夠薄，醉雞份量也適中，雞肉有咬口， 似是走地雞，不是一般軟林林的感覺，只是鱔糊比較多油，但配年糕吃剛剛好。不時見到有人叫外賣，也有在等位的人們，可能是周五晚的關係。招呼一般，不太主動看看茶水是否飲晒需要加添。大概9:00pm就截單。我哋大概9:15pm走人，還有幾台客而已。

嚴重唔夠店員，所以十問十唔應見到都扮見你唔到，收加一但係完全無服務。收小食錢但係得花生，對花生過敏，仲要兩碟都係花生無其他野揀。冷氣大到全程食冷飯餸。上菜速度驚人，一時全部一次過上哂，食都食唔切又上第二轉，一時等佢架車仔行均全場仲要執埋枱先記得送漏左送返返黎。碟粉皮有異物，後尾店員話唔係頭髮係洗碗個刷，咁仲得人驚，真係食茶記都無咁嬲。個麵一放上枱已經凍哂硬到最後食唔哂放棄左…個話梅排骨幾好味不過凍哂硬到好有咬口

今日落雨濕濕，跟同事在公司樓下食晏，免得外出麻煩。呢間菜館在綱上己好有名氣- 係態度差！果然我都中伏。🤣點了套餐：菠蘿生炒骨，陽春麵，老火湯老火湯夠火喉，不錯。陽春麵賣相ok, 麵質比較腍。居然陽春麵來了10分鐘都末有餸來，於是乎示意員工，眼神接觸了..誰知見到當睇唔到😰，最後送到。菠蘿生炒骨味道是ok，但生炒就不夠入味，有點硬。隨著來是結賬，示意兩位員工姐，又係眼神接觸了，同樣見到當睇唔到！用盡方法示意，最終能結賬。😰無奈！

本來滿心期待王家沙，但令人失望同憤怒。唔會再有下次，唔建議你黎食！食物午市套餐叫左四川回鍋肉，得2片薄肉，攝牙啦都唔夠。成碟菜好似比人食剩左。一個成年人食點會飽？又茶水又花生又加一，最後$154埋單。服務質素侍應輪流行埋黎問啲嘢食係咪我哋枱？佢哋唔識check返單？成個上菜流程好亂。最後埋單搞錯咗入座人數，收多咗兩位茶錢。服務質素麻麻。總結：價錢唔平，但比呢個食物質素同份量。又貴又唔抵食，唔會再幫襯。

叫了以下菜式：1. 生煎菜肉包2.燒牛仔骨撈麵3.雞煨湯麵4.煙燻魚其實已有一段時間冇食過王家沙了，今次叫咗以上每款菜式都不好吃，生煎包煎得太久，包底好靭，又無肉汁。牛仔骨撈麵，啲牛骨斬到碎晒，跟麵撈埋一齊，食牛時黐住啲碎骨一咬，驚隻牙都咬崩，痛死人。煙燻魚小食有5小塊，不過每塊魚都有起碼20至25條骨和碎魚骨。唔哽骨算偷笑啦😓. 價錢又唔算優惠，加上食物品質有跟價錢不成正比，好難會再幫襯。一定無吓次。

餐廳冷氣太凍，食物好快變凍。高力豆沙嘅餡係酸嘅，我走嘅時候同個職員講，佢只係講咗聲唔好意思。我用咗$100 voucher,手寫扣一百蚊，但碌卡無扣到，唔明白點解會咁大意。好失望！今晚點咗蟹粉生煎包、小籠包、嫩雞煨麵、紅燒牛肉湯麵、蕃茄炒青菜、四個羹、三絲粉皮、拼盤、話梅排骨，全部都普普通通。個甜品係我哋食完飯之後15分鐘都仲未上，到我哋買單嘅時候，職員亦都冇問我哋甜品上咗未，之後我話甜品冇嚟過，佢就話要我哋嗌佢上（但之前冇人提過我哋要咁樣做，我以為佢落留咗單。）總括而言，食物一般，服務仲有好大嘅進步空間，好失望嘅一餐晚飯。

本來今日打算幫襯一間，點知去到同一個4眼姐姐話2位，佢望咗我一陣，竟然行咗去，之後做其他野無再理過我地！我發現係太古城嘅餐廳服務態度真係好好好差！唔明係係咩？明係咪呢區文化問題！好好笑都未入去食已經要比負評🤭

近幾日都西餐或打邊爐，難得今日結婚周年慶祝，選擇了中餐---上海著名食店「黃家沙」(太古城)，因具有多年歷史一定唔會失望，仲選了8時入座心想會人少D靜D，結果真係估唔到咁差，我估係近日難請人吧!返工嘅伙計及厨師唔休做或多人請病假吧! 我坐近門口及厨師位，見部長或是伙計不時大大聲同厨房職員對罵或講嘢，吵耳非常。我選了醉雞，唔入味口感亦不佳，上海粗炒算過關，炒牛肉太咸太多汁算是有史以來我見最差的，酸辣湯細都冇所謂，但真太淡冇味，兩碗湯丸粗製而成似的，叫了杯豆漿比女兒，我未有試豆漿，仲9時許便催人走，服務態度極差劣。怪唔得知8時得咁少客人，似等執笠咁嘅工作態度又點會多客呢!

見佢好似靚靚地咁樣，之後又有啲一家大細都入去就試下啦，見佢唔使等位都啦，點知真係中咗伏！可能佢係上海菜，所以啲川菜真係做得麻麻地，完全唔辣了！又好似普通街買嘅醬料劈上去咁樣真係好尷尬。好幾樣餸都真係唔係幾好食，連上海粗炒都好麻麻真係冇下次啦，唔該曬！而且價錢都唔平，服務又唔係幾好