王家沙．花樣年華 (太古城中心)

營業中

休息中

《再度回味》😍😍今日再次黎 回憶滿滿 上次同朋友食 佢哋都話好食 所以今次同我女朋友黎♥️♥️**椒鹽小黃魚**魚肉口感非常好 做法很豐富美味 香噴噴 值得一試👍👍**黃金海中蝦**蝦炸得很脆 品嘗蝦肉爽甜 同時有一種鹹蛋黃既香😋😋**椒絲腐乳通菜**家常小菜 翠綠惹味 腐乳既香 令人難以抗拒🤭🤭**三鮮湯年糕**雞肉 火腿 蝦 青菜 年糕 年糕切片 高湯燜煮 非常好吃🥰🥰餐廳今次仲推出會員計畫 宜家先知原來佢哋咁大集團 分佈全港九新界 各種餐廳都有🧐🧐

我屋企人今晚以電話落單外賣自取，我本人去取餐。到場時我向一位員工說明我已電話下單取外賣，但她一開始沒有反應，和我對望3秒鐘。然後就問我外賣平台定咩？我便說：電話落單外賣自取。其後又呆了3秒，繼續問我order什麼。因為並不是我本人下單，所以我即場看枱上3袋外賣袋點餐收據，打算再問一問屋企人落左咩單。那名員工突然語氣不太友善問：乜你連order左咩都唔知咩？ 然後我告訴她原因，這刻心情已好差！到付款時，她突然間取出另一張有聯絡電話號碼之收據，向我確認單號。我便向她詢問為何一開始不用電話號碼確認？本身想開下落order回家享用，但變成受氣！

我和女同事去食午市套餐，點了一個咕嚕肉，一個宮保雞丁，一個配飯一個配陽春麵，包2個苦瓜湯，苦瓜湯幾好味飲完感覺很舒服，可能天氣太熱，之後來了咕嚕肉超細碟，數過得4粒，女士食都唔夠飽如果男士食要叫3個，宮保雞丁很小份量，味道可以但很辣同想像中唔同，其他飯店多數選用腰果同埋有甜酸甜味，但這間做法不一樣，都會用如同前菜一樣，白飯有香味，陽春麵來到同想像唔同，面身好林湯冇味，其實價錢都唔平，2百幾蚊食午餐食唔飽，唔會再去。

唔係第一次食所以各樣嘢平平都預咗。最估唔到嘅係，蟹粉小籠包有咖喱味。食過咁多蟹粉，我都可以幾肯定咁講呢個小籠包只有咖喱味，無蟹粉味。連啲有「蟹粉」嘅肉汁留係🥄上都有咖喱色，恕我以前未見過. 用咖喱扮蟹粉都係第一次見, 無言.

今次係第二次去王家沙食晚餐😂我同先生都覺得佢哋啲食物都幾好味所以再encore😆今次食物方面都保持水準👍沒有令到我哋失望👍必食🤤1）蟹粉小籠包👍 2）擔擔麵 👍3）乾煸四季豆 👍4）醉嘉美雞 👍5）芝麻豆沙餅 👍價錢合理😊

今日喺公司做嘢做到好晏，都唔知去邊度食嘢好囉，諗咗一陣去王家沙花樣年華食啦，呢度個下午茶又飽肚又抵食，我叫咗個嫩雞煨麵，倍兩隻鍋貼，加埋一杯豆漿，買單都係$77，喺太古城來講呢個價錢真係差唔多啦

不是一個專業的食評家，之前去食過兩次，中規中矩。今次帶屋企人去食，竟然令我無法再有下次。1）酸辣湯面：唔酸唔辣，重點竟然係無湯，好似撈面咁2）排骨菜飯：塊豬扒真心薄，同M記漢堡包塊漢堡一樣厚度，菜飯勁乾，本身諗住叫個菜飯比小朋友食，但d飯乾到大家都難咬3）胡椒餅：$55，比左三個小籠包size 的所謂胡椒餅我其他樟茶鴨、炸饅頭、炒年糕極度一般，完全不是王家沙的質素，埋單$800，每人$200 花樣年華價錢，食d 咁既野真心唔抵無下次，完！

Happy holiday+父親節提早今晚要食上海菜！揀左太古城中心嘅花樣年華.王家沙網上訂左枱 所以去到唔洗等入到餐廳環境舒適，座位闊落前菜叫左精選滬式涼菜拼盤，入面有皮蛋豆腐，醉嘉美雞，鎮江餚肉，蒜蓉青瓜同四喜烤麩，當中醉嘉美雞十分出色，雞肉唔肥，夠嫩滑，夠曬酒香味；鎮江餚肉，清涼爽口，夏日必食；四喜烤麩，鹹甜適中且夠入味食上海菜點少得小籠包，最後兩款都叫曬招牌蟹粉小籠包，一籠有5件，熱辣辣的小籠包咬落去有鮮甜的湯汁同蟹粉相當滋味蘇式鮮肉小籠包，湯汁鮮甜，肉餡鮮美；兩者對比蟹粉小籠包更勝一籌溫泉蛋賽螃蟹，雪白嘅蛋白炒得十分嫩滑，加埋元瑤柱絲同溫泉蛋，層次再昇華左京蔥爆牛肉，京蔥牛肉➕薄餅，食法新穎，猶如食緊片皮鴨的感覺咸肉津白，津白清甜配上薄薄嘅半肥瘦咸腩片，味道👍👍流沙奶皇包，唔知係賣我放耐左少少先食，感覺唔夠流沙，但蛋黃味夠香濃最後甜品高力豆沙球，表皮鬆軟有蛋香味，豆沙餡唔太甜，整體感覺甜而不膩😋😋滿足！滿足！滿足！

今晚提前預祝父親節，係OpeRice book左太古城中心嘅花樣年華王家沙食上海菜入到去環境舒適，座位寬敞頭盤精選滬式涼菜拼盤（皮蛋豆腐，醉嘉美雞，鎮江餚肉，蒜蓉拍青瓜，四喜烤麩）最愛鎮江餚肉，不肥不膩，爽口開胃，配上姜絲同香醋一齊食，另有一翻滋味！醉嘉美雞，雞肉嫩滑，食落有啖啖酒香食上海菜當然唔可以少左小籠包，今次叫左蘇式鮮肉小籠包，皮唔會太厚，咬落去鮮甜爆汁😋😋老壇酸菜魚，魚塊嫩滑，入面還有我最中意嘅紅薯粉，酸辣滑爽，十分開胃👍👍招牌炒飯，炒到粒粒分明，加上菜粒，蝦仁，肉鬆，味道不錯最後甜品高力豆沙球，入口軟綿加上不太甜嘅豆沙，甜而不膩，為今日嘅晚餐畫上完美的句號下次黎要食埋其他菜式，總括黎講環境好味道好服務好

忽然想試上海野～小編就搵左依間王家沙一試·經朋友介紹有幾味餸菜唔錯～非常期待😋帶大家一齊去試試先😜精選滬式涼菜拼盤醉雞嫩滑酒味唔算好濃·啖啖肉加上微微酒香👍皮蛋豆腐食落好滑流·皮蛋粒好夠味加埋豆腐同肉鬆入口有多個層次唔會單調肴肉肥瘦平均唔會偏向一邊口感·不過味道唔算突出·正正常常咁😅青瓜入口好爽口好新鮮·啖啖咬落清新帶微微蒜香味·小編幾鐘意😍烤麩咬落好爽·小編第一次聽依個菜名🤣心諗咩黎🤣食落幾有咬口又入味～正—————————————————☻非專業食評·純個人口味☻**拼盤多字打返係度等大家好睇😊**

幫襯開小店，間唔中都幫襯下大集團名下。食物係中規中矩，服務質素調高下會比較完美。💎 四川麻辣水煮牛肉 $198有牛肉，幼薯粉，芽菜，雲耳，芫荽。份量比例正常。牛肉肉質尚算可以，唔會鞋口，幼薯粉偏軟，吸收辣湯後進食仍然可口。雲耳及芽菜爽口，整碗水煮牛肉不算辣。💎 脆皮素鵝 $78有腐皮，冬菇絲。素鵝餡料不多，有少量冬菇絲，腐皮包著冬菇煎炸後，外皮脆口。💎 紅油炒手 $68炒手皮薄多餡，醋味略淡，紅油不多。💎 乾煸四季豆 $98四季豆炒得香口，醬汁調味適中。人均消費💰 ： ＄ 263總結✍ ： 室內環境優美，食物中規中矩，服務質素仍需努力。

好耐無食上海菜，想食啖啖面就黎王家沙食個lunch。係得太古城食，價錢都唔平，牛腩啖啖面大約$108+1；煨雞湯麵$88+1。佢地會有小吃花生放係枱，唔食可以cancel係收據，所以埋單要睇清楚。茶水又$12 一位，食野又加一，花生又加好似$20🙄🙄 無奈，講緊閒日lunch time。晚市同假日可能仲收得多。叫左碗紅燒牛腩啖啖面同煨雞湯面。牛腩有埋牛根，牛都好林唔會痴牙，面份量都多但啖啖面個湯唔得，唔入味同d面煮得太熟太林，口感唔好。煨雞湯麵既麵分量足但好似完全見唔到雞咁，淨面😅。但見其他枱叫小菜，包類，炒飯賣相都幾靚好似幾好食咁。建議大家試下小菜同炒飯，唔建議點湯面或啖啖面。

初次係王家沙買外賣，意想不到就有失望既體驗……一打開外賣，見到既只有菜、湯同麵，咁d雞呢？我就心諗會唔會係王家沙既嫩雞煨麵本身係冇雞呢，咁我就google下睇係係點，睇完之後就發現係應該有好多雞。雖然我買既係一個特價下午茶，都唔會係連材料都特價掛，雞都可以俾返少少掛…公道d講，個湯都好味，麵都唔錯但叫嫩雞煨麵最後變左青菜煨麵真係有被俾人呃既感覺因為返工食飯關係，真係冇時間再返去講返有件咁既事，希望王家沙睇到，注意下出菜究竟係出緊d咩

疫情嚴重，想買下外賣煮少餐。冇想過食物水準可以差到咁。樟茶鴨，有骨又肥，醬又少。排骨菜飯啲飯好似係冷飯，硬到只可吃到1/3盒。鍋貼同胡椒餅個閰應該係同出一轍，味道一模一樣。蔥爆牛肉尚可，但跟餐的薄餅又乾又裂，好似紙面膜咁，眼界大開。冇下次，貼錢買難受。

從電話叫外賣取餐，備注了湯年糕要分湯。到餐廳取餐時，阿姨態度已經有點不友善，一來就問你’幾號’，遞上了外賣後他說我們沒有分湯服務，熱湯不會浸軟年糕。我詢問如果不能分湯的話，為什麼做食物前不打電話告知客人一聲。由於距離回家的路程還有一個多小時，如果先前得知的話，我可能可以選擇一些比較適合的食物。阿姨不停堅持說我們就是沒有分湯服務。最後走時謝謝也沒說。真的蠻像茶餐廳的服務，不過食物是可以的。