狎鷗亭居酒屋

營業中

休息中

而家香港越嚟越少開得夜嘅食肆，有時收工睇完套戲成街啲舖頭都 last order 咗，好灰。好彩今次發掘到呢間位於諾士佛台開到兩三點嘅韓國菜🇰🇷 玩夜少少都唔怕啦，跳起 yeah前菜有6款，好正宗好味道，食完仲可以 refill ~我哋一致最愛魚仔，香脆又鹹鮮涼拌豬仔腳 Naengchae Jokbal份量十足嘅一道菜！切成薄片嘅紅燒豬腳，下面有鹹海蜇，青瓜，青椒，蘿蔔等等唔同嘅蔬菜，淋上辣芥末醬拌勻，食落酸微微，又帶甜同埋有少少黃芥末嘅辣。鍾意蜜糖芥末醬嘅一定鍾意~海鮮湯麵 Hye Mool Jun Gol呢款係唔辣㗎~海鮮款式都幾多，有蝦、蜆、蟹同埋鮑魚~個湯底鮮甜温純，冬天飲完好舒服~入面仲有滑溜溜嘅烏冬，好夾~보해 복분자주 Black Raspberry Wine韓國最優質嘅覆盆子酒，以傳統方式精心釀製，採用恆溫發酵法入口順滑。甘甜帶酸，易入口~同埋係養生酒嚟㗎 ,美容養顏、改善血氣、抗衰老、增強活力！聽到都忍唔住飲多杯~呢度嘅阿豬媽會幫你處理好啲食材，連啲海鮮都幫你剪走曬啲殼同埋唔食得嘅內臟位再切成 bite size，好有 service 😂 同喺韓國旅行嗰時佢哋會衝埋嚟

狎鷗亭居酒屋（尖沙咀）一間係尖沙咀開業已超過30年的人氣韓式居酒屋,餐廳位於九龍尖沙咀諾士佛臺9號冠福中心1樓,餐廳以韓式風格裝修,燈光柔和,座位寬敞,餐廳主打韓國菜,廚師和服務員都係由韓國人主理,餐廳現時逢星期一全單有八折,服務員招呼友善有禮。韓式前菜韓式前菜有六小碟,有大荳芽菜,泡菜,麻油菠菜,魚仔乾,牛蒡和魚糕,食完仲可以添加。豬排骨薯仔湯一大煱豬排骨薯仔湯上桌,豬骨湯內配有芝麻籽,芝麻葉,芽菜和薯仔,豬排骨份量都不少,仲有個gas爐保溫好貼心,廚師用韓式配料烹調,湯底特別清甜,薯仔又粉嫩,豬排骨連肉特別滑又有肉香味,真的吃到傳統正宗地道韓國豬排骨薯仔湯。紅燒牛排紅燒排骨配料有紅蘿蔔,芝麻,香蔥和蘿蔔,有小爐保溫,大大件牛排食落即骨肉分離,鮮嫩多汁,帶有香濃的紅燒汁,有牛味又腍滑,佳餚美酒送覆盆子酒絕配。Bohae覆盆子酒酒樽外型精緻,酒精濃度不太高易入喉,甜甜地酸酸地有水果味的酒,有前菜魚仔乾送酒一流。

【尖沙咀•狎鷗亭居酒屋】@ππππππππππππππππππππππππππππππFondue Bul Dak/퐁듀불닭Dwae Ji Mok Sal/돼지목살Draft Rice Wine/생막걸리Fondue Bul Dak (퐁듀불닭)将腌制的辛辣鸡肉与浓郁的融化奶酪结合在一起。鸡肉浸泡在丰富的辣椒酱中，味道辛辣而香浓，配上热腾腾的奶酪，令人垂涎。非常适合聚会分享，既温暖又奢华。Dwae Ji Mok Sal (돼지목살)Dwae Ji Mok Sal，或称猪颈肉，是一种鲜嫩多汁的猪肉切块，通常经过精心调味后烤制而成。其肉质细腻，味道丰富，常搭配新鲜蔬菜和调味酱，适合喜欢烧烤的人享用。Draft Rice Wine (생막걸리)生막걸리是一种传统的韩国米酒，采用发酵米制作，口感 creamy，带有微甜和酸的风味。新鲜供应的生막就很清爽，适合与多种韩国菜肴搭配。低酒精含量和丰富的益生菌，使其成为社交聚会和休闲用餐的热门选择。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 630✨✨✨✨✨✨✨✨✨✨✨✨✨#尖沙咀美食 #狎鷗亭居酒屋 #

鍾意食正宗韓國菜嘅朋友真係唔可以錯過, 而家越來越少店舖開得夜。呢間一至日都開一至六仲要開到凌晨三點, 星期日都係早收一個鐘去到凌晨兩點🤗🤗🤗如果放工收得夜嘅朋友呢度就係你哋嘅朝聖飯堂😂而且佢哋嘅韓國🇰🇷菜相當正宗， 根本同我喺韓國😚食嘅時候一模一樣味道， 仲有佢哋嘅前菜一啲都唔馬虎樣樣都勁好食， 又有營養又養生🥰今次我哋就叫咗個牛肉🥩八爪魚🐙粉絲鍋🍲份量相當多而且好入味，牛肉配八爪魚都好夾👍🏻👍🏻👍🏻之後我哋再叫多個🔥🐷鐵板五花腩，再配埋🥬生菜辣椒醬🌶蒜蓉🧄簡直一絕🤪仲有餐廳經理💁🏻‍♀️推介嘅Black Raspberry Wine 🍷 超好飲好有果香味而且好容易入口, 相信女仔會特別鍾意, 我一個人都差唔多飲成樽😂😂😂食物同服務質素都好好👍🏻如果夜收工嘅朋友真係唔可以錯過, 今時今日開到凌晨嘅餐廳仲要係九龍區已經好少有，尤其是正宗韓國菜😉

尖沙咀出名多美食，今日就去咗位於諾士佛台嘅其中一間韓國餐廳餐廳都係仿照傳統嘅韓式裝潢，大廈入口處有一個招牌引領！鮑魚人蔘雞湯喺咁凍嘅天氣食人蔘雞湯，簡直就係一流熱辣辣嘅雞湯非常之暖胃，而且有新鮮嘅鮑魚！上枱嘅時候店員會幫你處理好鮑魚肉雞肉同埋鮑魚嘅鮮味都令湯昇華不少鐵板雞肉炒年糕雞肉鮮甜配上煙煙韌韌嘅炒年糕墊底嘅有椰菜同埋洋蔥絲韓式燉牛肋肉韓式牛肋肉咬落去軟腍腍，而且非常入味！上枱嘅時候仲連住一個小火爐，防止佢變凍！牛肋肉超級入味，伴有紅蘿蔔同埋白蘿蔔朔晒啲牛味嘅精華！Raspberry Wine除咗美食點少得韓式嘅莓酒！係一個唔錯嘅傾偈食飯既好地方

——— INTRO ———呢間韓式居酒屋係韓國人主理，老闆，員工都係韓國人，菜式都係地道韓國口味——— FOOD ———韓式小菜有泡菜、麻油菠菜、芽菜、西蘭花、魚乾、魚糕1️⃣ 鐵板燒LA牛肋骨 （HK$258）Fried LA Style ribs餐廳招牌菜之一，牛肋骨肉質鮮嫩，肥瘦適中，板醬汁調味適中。牛肋骨下面鋪滿洋蔥一起燒，洋蔥吸收了牛肋骨既牛肉汁，配上生菜包住嚟食，加埋蒜頭，辣椒醬和各式韓式小菜，十分美味😋，而且牛肋骨份量超多，CP值很高，推薦給喜歡食牛的朋友！2️⃣ 炒年糕+炸紫菜捲 （HK$168）Fried Ricecake with Seaweed roll炒年糕口感煙韌，另外還有魷魚和青口一起炒，增添鮮味。炒年糕既醬汁辣度可以自選，我點左微辣，呢個辣度好啱本地人口味，醬汁既香辣激活味蕾，十分惹味！炒年糕配的小食 - 炸紫菜捲也很特別，第一次試，好少係韓式餐廳見到。用紫菜包住粉絲炸成捲，外脆內軟，還帶點煙韌嚼勁，雖然係炸物但無油膩感，讓人一口接一口😋3️⃣ 韓式胸叉肉麵豉湯 （HK$138）Soybean Paste with Beef Brisket Stew麵豉湯用料十分豐富

諾士佛臺出名多好嘢食，又係飲酒嘅好地方，不過今日就特別啲，去咗一間韓國餐廳，佢位於一個商業大廈1/F，餐廳名稱＜狎鷗亭＞🫶🏻餐廳裝修都多元化，除咗有四位用嘅餐桌之外，都有二人枱同埋特色嘅榻榻米，感覺幾舒服👍首先嚟咗六個前菜，樣樣都唔錯，個泡菜味道我好鍾意❤️🌟韓國有氣米酒試咗佢啲隻出名嘅米酒，大約有6％酒精，配埋佢專飲米酒嘅金屬器皿，有feel😎🌟炸八爪魚雞賣相好得意喎，首先有個one piece嘅公仔之餘，仲係一架船，蜂蜜味嘅炸雞同埋炸八爪魚雙拼，仲有專人幫你剪開八爪魚，香口嘅炸物配米酒一絕😃🌟大豆芽湯韓國菜好細心，好照顧飲酒嘅人，所以有唔同嘅湯品解下酒，有辣有唔辣，今次呢個大豆芽湯味道好清新，另外仲有份量唔少嘅魚乾，啖啖暖在心😎呢度其實有好多唔同種類嘅食物提供，有生嘢又有辣嘢，配埋唔同種類嘅韓國酒🥰 呢間韓國餐廳唔錯😌

呢間居酒屋開夜晚 有好多傳統韓食👏~鐵板燒LA牛肋骨牛肋骨肉質新鮮，鐵板燒醬汁調味剛好，用生菜包住嚟食👏可以加蒜頭，辣椒醬同韓式小菜👍好惹味，而且份量超多 性價比高！~炒年糕+炸紫菜捲炒年糕除左主角年糕外，仲有魷魚同青口等海鮮，增添鮮味，炒年糕既醬汁微辣，呢個辣度好啱本地人口味，少少香辣激活味蕾，幾惹味炸紫菜捲好特別 第一次試 好少係韓式餐廳見到。用紫菜包住粉絲炸成捲，外脆內軟，係一款唔錯嘅小食😋~韓式胸叉肉麵豉湯 麵豉湯用料好豐富，有牛胸叉肉、海鮮、豆腐和多種蔬菜，飲落酸酸地，搭配埋白飯，好開胃~黑覆盆子酒🍷味道酸酸甜甜，幾開胃，而且可以用來解辣🥳飲落似紅酒咁👏而且倒落杯度好有儀式感

由韓國人開既正宗韓國餐廳，店員都唔太識廣東話，周圍既食客有8成都係韓國人，真心好似去左韓國咁😆😆🩵燉豬骨鍋湯頭好好飲～ 好似返左韓國食緊鍋物咁！薯仔煮得好淋身，微微甜味，同主角豬骨一樣咁好食😍 仲有d酸菜配搭，索曬所有精華，超惹味～🩵辣炒魷魚炒魷魚個醬汁幾辣！魷魚新鮮，彈牙有咬口😛 份量唔少，CP值幾高～🩵柚子檸檬麗塔經典韓國沙冰，倒插樽裝飲品，一路飲一路支飲品會慢慢落曬去個沙冰到，食辣野最岩叫返杯黎解一解辣，一流！

呢間韓國餐廳好正宗，除了裝修好韓式之外，連侍應都係韓國人。菜式好正宗，環境好舒服，一班朋友聚餐就啱晒，值得推介👍我哋叫咗以下菜式：❤️芝士雞蛋卷係一道韓國人氣小食，外層金黃香脆，裡面包住滑溜嘅雞蛋同豐富芝士，咬一口即刻流出濃郁嘅奶香，真係好惹味。 ❤️板燒LA牛肋骨：牛肋骨肉質鮮嫩多汁，用生菜包住，配上獨特嘅醬汁，蒜頭, 味道一流，令人一試成主顧。 👍❤️鮑魚人蔘鷄湯養生之選，湯底清湯透亮，鮑魚鮮嫩，成隻雞内放咗人蔘、糯米一齊煮，湯底充滿雞湯及人蔘味，喝一口即刻感受到溫暖和滋補，對身體特別好。 😋韓國菜當然唔少得自家製前菜，有醃製嘅小菜、泡菜等，開胃又解膩😋米酒清甜可口，帶有淡淡嘅酒香，無論搭配任何菜式，都能增加整體風味，令用餐體驗更完美。呢幾道韓國菜式，真係讓人回味無窮！

第二次訂位6點半前去到，我和男友去再次幫襯，食物好美味員工對人親切細心叫左炒粉絲同牛五花肉及一杯科羅娜麗塔飲品埋單$565！布置好適合同朋友傾計食飯，情侶都好岩去幫襯。

喝完酒最好不過就是食個宵夜，在諾士佛臺枱頭找到這個白色招牌，進去冠福中心按一字樓就到咯！留意片中說明營業時間，他們開到零晨的耶！！⭐覆盆子酒 $138是好處多多的覆盆子酒？聽說高抗氧化，明目，更補肝腎？反正最重要還是要味道😜甜甜的超易入口，完全不會覺得有14％！小心喝醉喔🤣❤ 鮑魚人參雞 $188冬天來一個熱呼呼的雞湯，整個人都暖起來～鮑魚和雞肉都軟熟入味，湯頭純粹而濃郁還帶點甘甜，一口接一口把整個人參雞清光光！⭐ 香煎黃花魚 $178煎香了的黃花魚，表皮脆口魚油邊咬邊滲出，油香充滿口腔，再吃上一口酒！開心😆❤ 辣雞腳 $178終於找到和我一起吃這道辣爆的菜的人啦 😘雞腳以鐵板上，保持熱度♨️一口吃下，原來腳趾的骨頭已經拔出來了，只剩一支腳掌的骨頭，很方便吃 😊味道非常惹味，很上頭耶！一邊吸著氣一邊吃，辣得真過癮！

餐廳似乎招待開韓國人甫進門我好直接用廣東話開場「Hello，兩位～～」迎來店員一串我聽唔明嘅韓文回答換返英文channel 先成功解圍朋友話餐廳係由韓國人主理的確店入幾枱顧客明顯都係韓國人Dinner 前來串門想飲杯米酒，再簡單點個輕食大豆芽菜鍋同韓式八爪魚雞牙帶魚同豆芽煮嘅湯清甜比起成日飲嘅大醬湯呢個就夠晒清冬天飲好暖笠笠八爪魚雞粉漿輕薄炸得好香脆但唔heavy 配呢個咁清嘅湯加杯韓國米酒淡淡然嘅酒精同米香舒服無違和

餐廳：狎鷗亭居酒屋地點：尖沙咀諾士佛臺菜式：韓國菜餐牌：前菜、一品料理、火鍋、湯類、炸煎炒類，燒烤類、飯麵類、飲品先上前菜6小碟，包括菠菜，芽菜，辣腐皮，魚仔，辣泡菜等，味道唔錯，好豐富。生拌牛肉 $258 另加一生拌牛肉係招牌菜式！有大大個生牛肉球，份量好多，面頭一隻蛋黃，仲有香辣蒜片同白芝麻粒，撈埋之後食，味道唔錯，好香麻油味，而口感冰凍，伴有爽甜梨絲，可以加添味道口感。伴有一片檸檬可以調味。薯仔湯 $398 另加一薯仔湯用個爐係你面前滾，冬日之選。材料包括八大件好淋豬骨，四大件薯仔，好多芽菜，大蔥，芝麻葉，好多野食。個湯呈淺啡色，主要係芝麻種子味，味道好味得黎唔會太濃，剛剛好，我覺得有少少似淡麵豉味，菜吸左個湯好好味。益力多沙冰 小 $148 另加一益力多沙冰一共有六杯左右，味道唔錯，食到粒粒冰粒，解渴開胃。今餐食物質素唔錯，服務員有地道韓國人，服務態度唔錯。餐廳裝修係居酒屋風格，感覺好有去左異地感覺。

充滿韓國文化氣息既餐廳，內裡裝修講究，掛有壁畫，亦有私隱度較高既席地而坐包廂，播放韓國hip pop歌曲，好似嚟咗韓國當地一樣，還原韓國味道。生拌牛肉魚生就食得多啦，但牛肉就未試過。據聞係韓國當地人好鍾意食嘅料理，於是我就即管嗌黎試吓。牛肉預先調味，以蛋黃、蒜片同梨絲拌為一體。牛肉新鮮、入口即溶，伴隨梨絲嘅甜味，完全唔覺得食緊牛肉，亦都估唔到咁夾，絕對推薦。牛腸牛肚鍋韓國人聚會飲酒必叫既一道菜！！湯底以新鮮牛骨煲制而成，香氣濃郁，仲可以當湯飲！牛腸牛肚鍋配料豐富，牛腸牛肚洗刷乾淨，另外配有米線、豆腐、年糕、金針菇等等，雖然有少少辣，但係呢個天氣寒冷嘅時候食，成個人都暖曬。額外加湯都係以牛骨煲制而成既上湯，實在令人驚喜。飲品都係由韓國運黎。因為我哋叫咗牛腸牛肚鍋，店員就推介韓國傳統水果酒—覆盆子酒，入口微甜，順滑柔厚，後勁回甘，令到牛腸牛肚鍋更加突出。