狎鷗亭居酒屋

營業中

休息中

紅噹噹既海鮮鍋好豐富呀❣️ 有大蝦、鮑魚、魷魚、蟹、青口、蜆、豆腐、金菇……材料好多，食完呢個鍋都夠飽了😌 湯底有大量泡菜，飲落小小辣既惹味又開胃🤤食韓國菜每次都會嗌炒年糕同煎餅🥢 年糕口感煙煙韌韌、味道帶辣🌶️ 食炒年糕一定要加魚餅👍🏻 泡菜煎餅正常，無咩特別🤭仲飲左韓國米酒呀，小小甜幾易入口😀

因為朋友生日 陪左佢去食最愛嘅韓國餐廳係好地道嘅韓國菜 同埋佢地嘅豬手真係太正 我地已經去左三次 勢要去多幾次 直到吃曬佢地所有菜式客人坐低前會有6碟小菜 全部都唔錯 最愛係泡菜 真係酸辣 同埋好爽脆牛肉湯 入面好多蔬菜 泡菜 同埋牛肉 湯帶小小酸辣 而且味道好適中 唔敢吃辣嘅朋友都可以試下 牛肉嘅騷味好濃郁 跟湯會有一個飯 飯煮得啱啱好 同埋夠熱 將飯配湯 真係大滿足 辣海鮮年糕 配 炸紫菜卷年糕煙韌有彈性 海鮮包括 八爪魚 同青口 都夠曬新鮮 配上傳統韓式辣醬嘅獨特配方 真係甜辣嘅口感 會有小小辣 不過醬配乜嘢都好吃 另外我地都俾 炸紫菜卷嚇親 因為 起香港真係第一次吃 炸到表皮好脆 唔油 入面全部都係韓式粉絲 點上佢地嘅辣汁真係 好正 炒八爪魚 雖然都係辣醬 紅當當 不過佢醬同 年糕個醬就唔一樣 有大量嘅蔬菜炒八爪魚 新鮮 不過相對於其他嘢就無太大驚喜 勝在性價比高 魷魚就新鮮彈牙最後一個就係涼拌豬手豬手佢地會幫你切開曬一片片 而且完全唔肥膩 脂肪都比較少 薄薄一層 其他都係瘦 不過就好入味 然後被蔬菜包圍 佢會附上一個黃色甜芥末醬 我地撈好之後 感覺好新鮮 因為吃左太多辣

Had a happy hour drink with my colleague before dinner at Knutsford Terrace, so we looked for a place nearby and headed for this Korean restaurant.As we both want something hot and comfy, we ordered the spicy beef intestine and stomach hotpot. The portion was so generous that we can barely finish the big pot! The beef intestine was so evil and fatty but we just couldn’t resist!The veggies on side were also appetising too!

疫情關係～諾仕佛臺成條街都變到好靜～同以前大相徑庭～但其實佢樓上都好多餐廳～仲充滿特色！之前都試過d墨西哥🇲🇽彩印度菜泰國菜～今次發現原來有間地道的韓國菜～！由韓國人開！一於黎試下！去到有位韓國媽媽好熱情地招呼～佢d英文麻麻😂會夾雜d韓文～但又會聽得明少少廣東話～🤣環境都好開揚～夠私密度！～當日去其實得4-5檯客都隔好開所以都食得安心d～佢其實有好多菜式～但實在擺5到咁多上黎～🤣客觀黎講其實佢d價錢係貴～一d小食例如炸紫菜券都過百～上菜前佢會提供6道前菜！泡菜辣得來5會太咸！其他都不過不失～5會話非常好食但又5會難食～🌟生伴牛肉（$158）lee個幾抵相反～份量夠大～撈埋蛋同雪梨甜甜地～但就冇咩牛味！～個度d姐姐會幫你撈埋～～🤣🌟烤花肉（$248）佢有得選擇自己烤定店家幫你烤～我地當然自己烤啦～想食至烤～熟ge程度又可以自己決定！都幾好味！但如果包住d生菜食係冇咩牛味～但大致都okkk！🌟韓式魚肉炒年糕（$148）好味！5會死辣！應該係d source撈得好！但應該味精有d重⋯因為我地返到屋企都好口渴啊！要不停飲水至okkk～～而且價錢黎講性價比5高～🤢🌟🌟🌟🌟🌟🌟🌟🌟🌟🌟🌟🌟🌟🌟✨✨

星期五晚嚟食，book咗枱，都仲需要喺門口等一陣，算係多人食。韓式居酒屋設計，身邊兩枱都係韓國人好high咁隊緊酒。半半炸雞 - 即一半係原味、一半係酸甜辣味，原味味道好啖，可以點佢配埋嘅芝士粉調味；酸甜辣味，微辣，醒胃。烤花腩 - 明火小烤爐上枱，肥肉層次分明鐵板雞肉炒年糕 - 傳統韓味，但我唔食得辣，試咗2件就收手韓式炸醬麵 - 醬味濃，有好多洋蔥同香菇炸紫菜卷 - 鍾意食香口嘢嘅人會喜歡鮑魚人蔘雞湯 - 足料，有2隻鮑魚，但蔘味偏淡，鷄肉海鮮葱餅 - 脆卜卜，點埋個汁仲好味

是韓國菜 但不算好的韓國菜式雖然店的門面是韓國人，店內也有一兩個韓國食客。但餐牌上都是一些比較廉價的韓國菜式，當成是貴價菜賣。例如肉的菜式加年糕進去炒，連我最想吃的牛肋骨也沒有...衛生和環境不太好也不多說只有前菜的泡菜夠辣 不太咸食物很一般 味精很重 肉太咸 湯太淡 搞到我回家不停喝水有點失望 沒想到質量比尖咀另一邊韓國街的小店差呢 因為限時 會直接趕人，真沒見過一間食店可以桌上還有一半沒吃完，也直接叫人付款交枱⋯⋯而食物又上得慢...食出一肚氣那位年紀大的女員工態度極差 原本一餐好好的生日飯被搞到不歡而散 唉～這店吃一次就夠了

唔知大家有冇睇mukbang 我差唔多每日瞓之前都會睇啲韓國人食嘢..之前見我朋友喺度睇嘅時候覺得呢件事好變態 但當自己做緊呢啲事嘅時候 就覺得 我都要食啊！！！！ 最近睇啲韓國女成日喺食豬仔腳肉 加蒜頭加青辣椒加小小辣椒醬 再用生菜包住😍😍😍 每次見親都垂涎三尺..狎鷗亭呢間韓國餐廳係我食過覺得最正宗最地道嘅韓國餐廳！裝修好特別 係一對韓國夫妻開嘅 到凌晨三點都有得食 飲完酒過嚟就啱晒啦 所有我係mukbang video度見到嘅都有！辣八爪魚飯 豬仔腳 牛腸牛肚 冷麵 泡菜湯等等！只要你想食嘅韓國菜式 應有盡有🐷🐷 ...今次終於嗌咗豬仔腳 呢度嘅份量超級無敵大 其實依家差啲係俾人一邊飲酒一邊食既 咁嘅份量兩個人根本食唔晒 但係又想試多啲 所以如果多人聚會過嚟就最啱啦😅 豬仔腳肉好煙銀 好QQ 好彈牙 每啖咬落去都覺得好多骨膠原 一啲都唔肥膩嘅感覺！係一啲都冇！❤️❤️我係一個不嬲都鍾意食豬腳嘅人😄 之前喺韓國都食過呢個 念念不忘 今日再試一次 果然都係咁好味🤩🤩 ..本來想帶佢嘅炒辣牛肚牛腸 但係佢話而家呢個數冇咗因為冬天佢有辣牛肚牛

这餐厅是位於尖沙咀的，可能近日问题，所以星期六生意都好静而不用等位！这天有2男1女负责下單的，那女人態度差到不得了😒令人原本心情靓靓也变得差了😤好彩加單时那个韓國waiter 有些禮貌而心情好番D！- Salad 🥗無乜特別- 甜酸炸雞🍗好好味，份量也多- 鐡板牛脷👅太薄所以有點老- 韓式海鮮年糕🌶辣辣地好好味- 九菜海鮮煎餅🥞麻麻地不熱

服務態度極極極差落單：侍應極度不耐煩食物半半炸雞：第一次食炸雞會連同雞頸一齊上🤦‍♀️（可能係店鋪特色，但賣相，味道極不吸引）價錢：偏貴朋友拎左蛋糕，叫左幾次都吾上蛋糕，店舖仲張貼（慶祝生日，免切餅費），蛋糕上到黎，只提供1隻碟4隻匙羹，冇提供刀！！

朋友推介知道這間韓國居酒屋，位置不起眼，而且只開夜晚。店子裝修不錯，店員全部都是韓國人，坐附近的食客一半都是韓國人，未吃已加分，一早知道份量十足，所以兩個人只點了兩樣野，豬腳及韓式粉絲。尤其喜歡豬腳，很正宗！滿滿骨膠原，非常滿足！美中不足上餐有點慢，限時用餐有點太趕。。

今次約左同事食飯 成件事好即興所以冇book枱就咁亂入好采唔係係正晚餐時間黎 所以可以walkin本身以為啲嘢食唔係好大份 太高估大家既食量 三個人嗌左三樣野 海鮮炒年糕 泡菜餅 同辣味豬腳點知黎到 盤盤都好大份 海鮮炒年糕 啲料好足 泡菜餅少少辣好開胃最鍾意係辣味豬腳 啲辣味中和咗豬腳嘅油膩 好似減低左食肥膩野既罪惡感再嗌多左杯波蘿馬格利 本身馬格利已經係甜甜地 再加埋菠蘿 更加fresh 不知不覺會係咁飲 最後飽到要捧住個肚走 仲要多到要打包返屋企😂

上星期嚟食完，對生拌牛肉念念不忘，同事要我陪佢哋嚟食，我梗係同意啦😋今次又係3個女仔但食咗兩碟生拌牛肉🤣🤣仲叫左炸紫菜卷，韓式豬仔腳，辣海鮮湯麵，辣泡菜湯😋碗麵食左一半都無😂已經飽到食唔晒，同事最後要打包大半碟豬仔腳😎因為今次我地自己request要坐榻榻米，所以有最低消費$1000先要叫咁多嘢食🤣🤣

好朋友就快生日，佢話之前食過呢度嘅生牛肉好好食，決定生日飯嚟呢度食😊嚟到見到現場都已經差不多滿座，好彩預早打電話嚟約咗時間，仲安排左我地3個坐榻榻米 👍🏻前菜:食哂可以refill🤗生拌牛肉($158):唔單止有梨嘅甜味仲有蒜香，牛肉新鮮嫩滑，成件事好夾，真係好好食❤❤酸甜辣味香脆雞($188):醬汁味道ok但炸雞粉漿太厚唔夠脆，雞肉好嚡👎🏻烤鰻魚($138):放工前同事推介我食，但我地一致認為無特別🤣🤣辣鮑魚海鮮鍋($398):超多海鮮，有鮑魚，蝦，蟹，魷魚，青口，蜆，魚肉。份量大到食唔晒，我地食淨左一半😂😂IG/FB打卡有飲品送👍🏻3個女仔埋單$970，我覺得價錢可以接受，為左生牛肉一定有下次🤣🤣

第二次食狎鷗亭，菜式好地道韓國feel,今晚見到雖然得3個待應，但都服務好好（今日係平日）。有點投訴就係今日冷氣唔太夠，食到有啲熱個海鮮鍋老闆娘有幫忙剪開鮑魚，亦中段時間有加湯，前菜可以任添，個泡菜好好食，加左一次我地3個人有 book位 7:30，去到唔駛等直接有位。間食店好似有做緊add佢fb,跟著唔知做多個咩步驟就送杯啤酒，我有個朋友有做，但最後個待應埋黎check完唔知講左堆咩韓文，意思應該過要post 啲唔知咩嘅，咁就行開左，無送朋友啤酒🤣🤣 Final 總結係好食。可以再食嘅鋪。三人食三樣野加一Jar野飲 埋單$1000

聽朋友講呢間餐廳味道幾正宗，環境同氣氛都好，所以去試試餐廳位處商業中心，喺酒吧街嘅中段會見到呢個門牌，入去坐電梯上1樓我哋好早就到，所以未坐滿人，三個人被安排坐包廂，仲好，方便傾計。一坐低就畀個筷子托吸引住，係一隻可愛嘅臘腸狗小菜有6款:泡菜、魚乾、牛蒡(？)、芽菜、魚餅、菠菜，味道幾好，食完可以再添飲品叫咗PEACH COCKTAIL MAKEGEOLLI，半JAR都唔少，每飲一啖米酒都食到裡面嘅桃粒，口感好特別，味道唔會調得太甜，易入口辣鮑魚海鮮鍋 – 店員會幫手剪細啲食材方便進食。海鮮種類好豐富，份量最多係魚同青口，重頭戲嘅鮑魚有3隻，另外有帶子、魷魚、大蝦、蟹、蜆…食曬啲海鮮已經好滿足，最後唔好嘥咗啲湯! 辣湯吸收曬海鮮嘅精華變得好鮮甜，個肚仲有位嘅話用嚟送飯一流豬仔腳 – 用鐵板一直熱住咁上菜相當細心，慢慢邊傾邊食都唔怕放到凍曬。用生菜包住豬蹄再加啲配料同醬汁，就唔怕膩啦一於下次拉大隊再去，試多啲唔同嘅菜式