狎鷗亭居酒屋

營業中

休息中

媽媽節感謝祭💐梗係媽媽發板🎬揀選媽媽愛吃的韓國餐🎎呢到職員都係真。韓國人🎏Book枱果陣已經知道所以講野對答阿公會慢D真係有部分係廣東話都唔識嫁知佢哋有幾正宗啦！🫵🏼阿公最睇細心位今次就係職員會幫手剪食物✂️比如個海鮮鍋全程職員剪細件、去殼同去D唔食得嘅位咁樣仲會擺返靚靚唔怕打卡影相唔靚📸然後阿公一家只係等食🥢一夾上嚟就食得喇🤭因為餐廳都多人嚟嫁8:40前都要限時1.5小時嘅8:40之後先無限時記得要Book位喇🤗

有日同朋友食飯，朋友話佢妹妹食過有間尖沙咀韓國菜好正宗🤔，禁我地就決定去試下。餐廳係韓國街附近既諾士佛臺既大廈入面，唔熟既話都要睇下地圖先搵到。餐廳入面韓國風十足，甚至有啲Tatami座位，幾有風情。韓式包豬肉：朋友妹妹大推既菜色！食法係用生菜包住豬五花肉同各種配料（韮菜、包飯醬、醃蘿白絲等），豬肉肥瘦相間，爽口唔un，加上靈魂生蒜頭、生菜同泡菜一齊食，完全唔會膩。底下有爐火熱住，最好襯熱食，因為凍左完全冇禁好食😂。呢個菜唔係間間韓國餐廳都有，值得一試！辣泡菜湯：因為好想食個韓式湯配飯，所以嗌左最basic既辣泡菜湯，夠辣！濃味！豆腐嫩！餸飯一流🔥。雖然佢冇乜肉，不過因為夠好味所以都推薦。海鮮蔥餅：唔會預佢好多海鮮，但冇一般出面餐廳禁油/禁重油益味，香口飽肚，會跟魚露俾你點，個人認為有驚喜（可能俾出面既韓國餐廳伏得太多）。性價比：我地嗌左3個菜加1個白飯，冇嗌野飲，人均約$250。份量算多但價錢偏貴💰(香港韓式餐廳既通病) 。兩個人黎食就食唔到好多款，建議多人聚餐會好啲，氣氛都適合👯‍♂️。另外，係Openrice見有人反映侍應態度唔好，但我地當日又冇遇到/冇呢種感覺，唔知係禁啱/好彩定

Apgujeong is run by korean and they are funny helping us taking pic, having good vibe eating here haa, such  a warm korean restaurant, but one concern is having time limit, and seem not having enough time for chatting sad sad, the food quality is quite nice yaya, long time no eat korean food haaBefore serving us the main dishes, we got some six small plates of appetizers, i think light green leaves is niceRolled up Egg and Cheese cake tastes yummy with many cheese insides yaya, my favorite food

一入餐廳門口就有韓國人接待，我地用英文溝通。餐廳環境猶如置身韓國，一行四人被安排坐類似居酒屋既枱，好有特色。首先有6款前菜俾我地，包括泡菜、豆芽、豆腐、魚仔同菜，每樣都好好味！跟著我地就點菜啦，Menu有好多菜式揀，實揀到岩食既😂正正常常，如果濃味D同脆口會更好有幾粒鮑魚，湯好入味，底有飯粒，雞肉又夠淋，推介👍🏻原本以為辣味雞惹味D，點知大家都覺得原味最好食🤤正正常常，朋友略嫌部份太生凍冰冰，幾好味同開胃杯飲品好好飲，可能因為酒底係apple cider，酒味亦唔重，份量好多，岩晒幾個朋友一齊share🤭

餐廳係諾士佛臺較入，有d唔容易搵到既樓上餐廳係韓國人主理，好有韓國氣氛前菜個泡菜好好味😋鐵板雞肉年糕 $158味道可以，辣，年糕好味炸八爪魚雞 $288份量好大，賣相吸引，但味道有點失望，炸雞唔脆，係全餐飯最唔得既一味紅燒牛排 $228呢個好味😋味道偏甜，但份量唔算多，價錢偏貴辣泡菜湯 $98好辣，味道正常整體價錢上相比尖沙咀韓國街既韓國餐廳偏貴，而味道亦唔算特別好食，炸雞就更加失望，所以整體性價比偏低

👨🏻‍🍳狎鷗亭居酒屋 (尖沙咀)📍尖沙咀諾士佛臺9號冠福中心1樓 第2次光顧🤤會encore既餐廳之一🫶🏻韓國人打理既餐廳，好正宗😙 6小碟前菜都好好味，泡菜味道岩岩好，吾會太酸太辣🤤仲有小魚干好野味，送酒一流😝 👍🏻🍽️石頭雜錦炒泡菜飯激推！！食到停吾到口🥹熱辣辣上，芝士滿滿，仲有飯焦🥹 🍽️石板烤牛肉提供生菜比你包🤤 👍🏻🍽️烤牛舌份量好多🥹好入味，加吾加檸檬都得🤤 👍🏻🍽️辣醬烤豬肉又系激推😆泡菜、整個辣道都岩岩好，份量超多！！以為夾到泡菜，夾極都系肉肉🤣 🍽️水冷麵so fresh fresh🤤湯 消濟一流🤤🤤🤤 🍽️韓式八爪魚雞如果吾多人食，不建議叫🙈好大份，好濟🥲不過打卡都幾正🤣 第一次光顧，31/12除夕夜，有tatami坐，好舒服🤤第二次爸爸生日，想帶佢去坐下tatami🤣不過當日booking好full，訂座時話無tatami🙈點知去到之後，老板娘話可以比我地坐tatami🥹最後take away，仲教我地點樣分開裝，又吾介意比多幾個盒同袋，好好人🥹佢地服務真系好好，好親切，有家的感覺🥹推👍🏻👍🏻👍🏻👍🏻👍🏻 #狎鴎亭 #韓國餐廳 #香港韓國餐廳 #韓國餐廳推介

朋友帶我黎食正宗韓國菜呢間阿豬媽啲服務感覺良好6款前菜小碟都好啱口味，特別 encore 咗三款： 芽菜/魚仔/泡菜我至愛~~~~~~ 辣炒魷魚+ 韓國啤酒一路傾偈一路食大快人心我地切蛋糕呢度仲無收切餅費架，讚！

今日我哋走韓風🌬️活於香港最幸福嘅係各地美食都可以隨時品嘗😏狎鷗亭，嚟過不止一次，每次同行既友人都有讚無彈。今次安排左4人tatami 位，私密度較高🤫♥️韓式包豬肉 $248韓國🇰🇷地道菜式，用生菜包住用熱鍋上嘅蒸五花肉，夾埋韓式配料同特製醬汁，生菜可以refill，唔係間間韓國店都有做呢款菜式，值得一試🥢♥️純豆腐辣湯 $98韓味十足，上菜時滾熱辣，入邊有海鮮同豆腐，配有一碗白飯，性價比高⬆️♥️海鮮蔥餅 $110除左海鮮之外，加入左洋蔥、紅椒同青椒，相比一般嘅韓式煎餅無咁油，食嘅時候記得要點埋醬汁，味道更佳。♥️牛肉炒年糕 牛肉肉質好淋，醬汁調味出色，配上煙煙韌韌嘅年糕，好快就清碟🍽️♥️芝士雞蛋卷 $148芝士覆蓋成個蛋卷，好邪惡呀，鍾意食芝士嘅你，一定唔可以錯過！🧀p.s. 見網上有人評價店員態度唔好，我哋反正係覺得佢哋真性情，雖然部分店員中文程度一般，不過整體來講招呼周到，仲有講有笑架😊🐷🛎️ 必試指數 : 8.5/10🌟📍狎鷗亭@尖沙咀諾士佛臺9號冠福中心1樓#韓式居酒屋🏮

今次黎比之前少人了唔洗排隊，同另外三個fd一齊食，人均250，唔算太貴，整體黎講都好食😋之前都黎過幾次！可惜今次無乜啊豬媽前菜有六款都好食，薯仔同魚乾係出面比較少見魚片辣炒年糕魚片好食，不過整體有d辣，越食越辣，要瘋狂飲水，年糕好有咬口👍海鮮煎餅就差d，完全食唔到海鮮，份量少而且餅皮偏厚身多麵粉，如果薄身脆皮會更好涼拌豬仔腳，次次黎味道都一樣好食撈埋其他野一齊食好正炸醬麵味道正宗，麵硬身有嚼勁👍

由韓國人主理，環境同味道都感覺幾正宗😛 不過佢嘅嘢食都偏向大份，所以我同朋友2個人食就只係叫咗1份炸雞同埋1個石鍋飯～一開始落完單好快上咗6款前菜，有泡菜、菠菜、魚糕、豆芽、魚乾同榨菜，份量都唔少，泡菜無乜酸味，口感都比較爽脆，應該唔係醃咗好耐嗰種，個人覺得呢款泡菜都幾好食~其他幾款都唔錯😋 •🥢 半半炸雞 $188一半係原味，一半係甜辣炸雞，加埋份量應該有1隻雞，炸皮唔厚，而且好脆，唔算太油膩，肉質按部位而決定嫩滑程度🙈 但原味就得啲鹹味，比較失色，相反甜辣加咗醬都仲脆，而且味道足夠，下次再叫會揀全甜辣🤪 或者試吓其他口味～ 食炸雞就一定要配醃蘿蔔，但佢醃蘿蔔比得幾粒，唔係幾夠，不過再問店員佢都肯比多一份嘅～•🥢 芝士石鍋泡菜炒飯 $128石鍋上嘅泡菜炒飯好夠熱！影完相之後，店員有主動提議幫我哋拌勻👍🏻 流心蛋加芝士泡菜係絕配，而且個石鍋可以整到脆卜卜但食落無乜燶味嘅飯焦，真係幾正🤩 不過個飯入面無乜其他配料，食到尾就覺得有少少單調～

尖沙咀依間韓國餐廳，店內職員基本上都係韓國人，連個溫度探測器都係講韓文，食物份量大大份，但價錢比較貴，尤其係個芝士蛋卷，而且味道一般，蛋唔滑，我覺得唔值$162，原味炸雞啲肉質係幾嫩，點埋個醬味道也ok，服務方面就一般啦，平日去食，book枱時無話限時，但催交枱，這點不太好，有進步空間.#韓國#尖沙咀#韓國菜#炸雞#蛋

朋友介紹我黎呢間地道韓國菜真係好耐無去旅行了!係香港食到既味道始終覺得同當地有差但呢家就幾做到韓國味道去到朋友講先知佢原來係韓國人主理的居酒屋帶位時聽老闆的口音 佢既廣東話都係有種韓國味道哈哈朋友食過一次 今次見到有醬油蟹要叫返隻食下 好掛住阿蜆洞的醬油蟹...唔算好大隻, 但兩個人夠晒二百幾一份, 加多幾十可以要個拌飯店員會用蟹膏幫你拌 (佢見我地掛住影相唔拌就主動過黎話幫手)好惹味~~拌飯有蟹膏加蛋真係一流, 不過多D蟹膏更正蟹肉都好好味, 不過生蟹真係唔敢食太多始終都要處理得好好先無菌仲叫左一碟泡菜豬腩肉都幾辣 但係係幾爽的辣感覺都係有配飯會更好食而佢地既餐前小菜係任添可以食完再叫店員refill波菜同埋小魚都幾好食 配埋米酒可以食到好多中意呢度既包廂位好有特色好似真係去左韓國咁~仲有人係度慶祝生日下次希望可以叫多人D坐卡位影多D相我地飲住酒食小菜, 發現去到夜晚宵夜時段打後, 基本上黎幫襯既都係韓國人黎, 個個都講韓文,原來香港都真係好多韓國人, 食野飲酒吹下水又一晚雖然佢單點每道菜價錢都偏貴~2xx但佢份量的確好多 都係想俾人飲住酒食好耐咁味道亦都唔錯 都會再回頭試多啲佢嘅

考完試 咁緊張 梗係要輕鬆下啦⋯⋯。同好朋友相聚 大家又中意韓國野 多謝朋友介紹 黎呢間好韓風嘅地方chill 下🫶🫰🏻🫰🏻入到去幾個阿豬媽好友善咁 我地用緊緊學識幾句韓文 打個招呼 嘩當堂自己人咁 好好招呼。地方都算試正 周圍木做環境 好暖和嘅感覺。一坐低 就有幾款餐前小碟最中意魚仔…好 開始點野食。無去韓國🇰🇷咁耐，樣樣都想食。 有朋友吾食得辣 無問題。叫左人參雞湯👍🏻。當然仲有吾少得嘅 炸雞🍗好味😋 海鮮蔥餅炒年糕+紫菜卷🤤 吾少得血腸（研究🧐緊係咪有血架🤣）等等。食完都吾記得左🤣🤣🤣最正就係朋友介紹嘅馬哥利酒。一拃上 望落去好似芒果🥭西米露 飲落去完全吾覺係有酒精….咁先出事。飲完第三碗（用韓國人飲米酒嘅碗）真係有少少🤏雲雲地😹👾🤖好開心嘅聚餐 👍🏻👏🏻🫶💜🫰🏻🤤 下次一定再黎

諾士佛台附近有幢商業大廈有間好有韓國氣氛嘅居酒屋🇰🇷上次食過質素都唔錯而且份量都好大2個人都試唔到好多款式今次已經係第二次光臨😙再發掘其他好菜式坐低唔夠5分鐘服務員就送上前菜6小碟😚全都都好好味,有泡菜,大豆芽,小魚乾,魚片…等特別欣賞✨泡菜,調味適當,辣得嚟唔會太鹹對比出面超市嘅泡菜👍🏻有過之而無不及可能係正宗阿豬媽做法,味道特別有韓國風味而且前菜亦可以無限加添我地都加添咗3轉🤭🔸炸雞併魷魚($288)份量好大.魷魚香口唔會好靭但炸雞就唔太嫩口，炸粉比較多🔸鐵板雞肉炒年糕($158)鐵板熱辣辣，酸酸甜甜送酒一流🍺🔸煎餃子($78/6pcs)脆卜卜😙就算擺咗過20分鐘仍然脆口唔油膩🔸 石頭什錦炒泡菜飯($118)服務員會先幫手撈勻而且細心地分開辣醬自行調配辣味，方便唔食辣嘅朋友去韓國居酒屋點可能唔叫酒飲除咗叫啤酒🍻仲叫咗Pineapple Coconut Rita($88)打卡一流👍🏻大杯抵飲之前見食評好多都話服務質素差然而光顧咗兩次都無發生呢個問題服務員都會主動加添配菜而且會主動收拾枱面就算食左過1.5小時亦無催趕情況希望佢哋可以繼續保持😊👍🏻

依然印象深刻係佢嘅炸魷魚香脆厚肉，做得幾出色，炸雞反而比較普通。另外，海鮮湯好足料，味道亦都好濃郁，豆腐湯亦都唔似平時食開好稀好水嘅湯底，好啱送飯。配上餐廳氣氛感覺熱鬧，另外佢亦都可以預訂榻榻米座位，啱晒聚餐。記得之前係慶祝朋友生日打電話預約嘅時候，仲好貼心話唔收切餅費，仲會熱情咁恭喜你，有一點小可惜，當中一位侍應比較態度不友善，有點掃興。。但整體食物也是不錯，尤其海鮮類。